茶煲

營業中

休息中

✨茶煲：传统与创新的完美结合🍵 茶煲，一个充满传统韵味的名字，位于宝琳北路。走进店内，仿佛走到怀旧的时代，处处都是历史的痕迹。🥢 这次我们点了：1. 原笼马拉糕：口感细腻，甜而不腻，充满蛋香；超级绵密的口感，完美呈现了马拉糕的精髓！2. 鹌鹑蛋烧卖：皮薄馅足，每一口都是幸福。鹌鹑蛋口感细腻，味道香醇。3. 传统糯米鸡：鸡肉与糯米的完美结合，香气四溢。糯米口感软糯，搭配鸡肉和香料，味道超级好！4. 茶煲虾饺皇：4只大虾饺，饱满的馅料让人满足。皮薄馅大，虾肉口感Q弹，配上茶煲的清香，简直是味蕾的盛宴！5. 午市超值孖宝：性价比超高，包含煎酿茄子和香煎虾米肠。6. 煎酿茄子：茄子与肉的完美搭配，口感层次丰富。茄子里夹着肉馅，外皮煎得酥脆，咬一口下去，口感丰富，味道层次分明，真的太香了！7. 香煎虾米肠：外酥里嫩，香气四溢。每一口都能吃到鲜嫩的虾肉，肠粉皮软糯，口感绝佳，味道咸香可口，真的让人欲罢不能！8. 脆奶卷3件：奶香浓郁，口感脆爽。外皮炸得酥脆，里面的奶馅软滑，甜而不腻，非常好吃！🚇 地址：宝琳宝琳北路18号宝林商场3楼1C号铺。🌟如果来香港，一定要来尝尝这份传统的美味。#香港探店 #

今日朋友拉我去寶琳茶煲試打邊爐，心諗吖喂，會唔會又係鋪頭咁嘅泛泛之輩？坐低先，見到隻menu真係幾豐富嘎啦👍📜。講起啲嘢食，我地揀咗個「極品牛肉」，每塊牛肉咬落去咁滑咁嫩，真係令人回味🐄。海鮮方面，啲蜆好鮮甜，仲有啲咬口爽滑嘅花膠，實在算係海中之珍。湯底係選咗沙嗲，嗜辣嘅我覺得啱晒口味！頭盤嗰陣，同朋友嗌晒生菜、豆腐同各種丸子，自己貼心拣嘅配料🥬🧆真係夠晒新鮮，加上其他啲食客都不停讚好，嗰份興奮感染晒我。最正嘅，係到咗飲品部分。話你知，佢哋有嘅涼茶同汽水多得嚟，都喺免費任飲範圍內，嗌餐飽嘅你我可以飲到爽💦！依家嚟講講氣氛，坐嗰梳化位仲真係舒服過屋企沙發⚡️。決定下次聚會，一於又嚟呢度享受下，飽腹之餘仲可以慢慢傾計。簡單講，想飽肚又想舒服，茶煲打邊爐真係個唔錯選擇！

今次去咗間「茶煲」食飯，記住，係食飯唔係飲茶喎！哩度既環境開揚，座位都夠舒服，話說返個餸喇。首先點咗盤蝦餃，個蝦餃啖啖蝦肉，食落去彈牙得嚟，個皮又係幾透明嗰種，一啖咬落想唱「彈起我心愛的蝦餃」！桂花糕和芒果布甸都係必點，尤其係芒果布甸，食落去滿口芒果香，口感順滑到冇朋友。😉同爸爸一齊過嚟，我哋倆大老爺唔好意思，直插主題，點咗牛魔王海鮮花膠，湯底揀咗椰子雞湯，真心唔錯，雞湯甜度啱啱好，而家食餐湯都要湯底好味，呢間做得到。花膠腍滑中帶Q，雪花牛肉同極品牛肉，一個注重口感，一個突出牛味，簡直係擒貨，食完之後覺得自己都升呢個牛魔王。👑🐂虎蝦和海蜆呢啲海鮮都新鮮爽脆，花膠有補又可以清熱氣，痛快淋漓！至於鮮蝦滑同鯪魚滑瞓身，軟綿中又得到鮮味，食呀食都係嗌得滾燙滾燙，真係夠晒開心。😍收尾嗰陣，朱古力雪糕入口即化，真係錫住小朋友心口。下一次要試下早茶，睇吓點心係咪都咁正！总之，「茶煲」值得一試，好味到讓人忍唔住多嚟幾轉！🥟✨

以寶林站附近來說最便宜的莫過是茶煲點心，期價錢十分便宜，甚至有大量孖寶配搭，令人視覺上混亂竟如何選取想食的食品。基本上不用排隊入座，一推門就可以進內，肉眼所見全是長者，較少有年輕一代。是次點心店只開上晝及中午時段，下午茶後會關閉。食物質素上各有差異，但慶幸時每款點心即叫即蒸需要等候，約一人進食要兩款孖寶四款點心連埋加一只需要80元，價錢十分令人吸引。筆者去過多次因方便就腳，菜苗餃及蝦餃，是最好食的。還有臘味飯，牛肉味道一般。

叫了鯇魚蒸飯，上枱時來了鲩魚頭，几乎找不到半點可吃的魚肉；隔離枱同時叫了一樣的餐，上枱時是鲩魚身，全碟啖啖肉，不同客人不同待遇，感到極之失望，以後都不會光顧此店

呢間茶煲之前冇開、跟住又好似變咗麻雀館。今日經過開明查暗訪，夜市嘅火鍋已經冇做、佢有做早茶之後午市最後下午茶就閂門。同埋好似仲有打麻雀飯局！⬇️出面有廣告牌$30兩個外賣點心，橫掂想食炸春卷就叫咗春卷+皮蛋瘦肉粥一份試下。⬇️如果係堂食，好似得一兩個員工所以開茶要等下啦。不過裡面好多枱冷氣凍環境都唔差、人流就一半都唔夠（中午12點半）！⬇️講返個外賣，比完錢唔使5分鐘就出現因為我叫嗰啲唔使即蒸！返到屋企春卷仲係熱有三大條一般般、皮蛋瘦肉粥酒樓水準唔差而且夠熱有下次。⬇️😃 我相信我會再幫襯呢間街坊茶樓 👍🏻

質素一般般的火鍋今日一班朋友去打邊爐朋友介紹呢一間位於寶琳商場既火鍋店 我哋今次去到大概八點半開始食 但係失望嘅係呢個時間去到好多配料都已經冇晒 侍應上菜亦都唔算快 去到地方都幾大 但係食物睇落去就唔算新鮮 款式亦都非常有限 牛肉嚟到嘅時候賣相唔錯 但係食落去就非常硬身 最後每人食咗$152 但係呢個價錢雖然算平但係食嘅嘢並5高質 所以下次應該唔會想回頭最後我哋食甜品嘅時候拎咗雪糕 雪糕賣相好似泥膠 食落去味道都麻麻 伏味幾濃！呢度比較適合想喺附近聚一聚嘅朋友但係就唔建議大家突登黎打邊爐

星期日想飲茶，但又懶起身難搵位都幾麻煩，所以今日就到這家酒樓買幾款點心帶返屋企食，這裏有個特價點心逢一至六25蚊兩款，今天星期日價錢就要30蚊揀兩款，我前後揀咗六款即合共90蚊，有排骨飯，有肉餅飯，鳳爪，煎腸粉，叉燒包同春卷。春卷味道不錯帶返家食仍然是香脆，點些喼汁更加美味，鳳爪醬汁也撈得很入味，另外煎腸粉亦很香口配上甜醬不錯。這樣九十蚊便可以食到兩盅四件，再喺家中自己沖壼靚茶飲確是一個不錯的早餐選擇。

天氣涼涼地最岩打邊爐，茶煲係寶琳邨離地鐵站都有一段距離，唔係街坊既話，好少人會特登入去，08：30pm 去到完全唔洗等就入座，入到去都仲有半個場係空既滑牛，望到都知唔新鮮，食落仲有異味雞件，完全無雞味所以呢兩樣都唔建議叫8半後入座，食個$138優惠價，比出面好多菜類都無晒，問過職員話冇就有無就無，唔會refill，所以比8半前入座平左$20海鮮＋$38，唔建議大家加，因為種類好少，而且睇落唔新鮮，蜆仲可能有沙tin肉類就值得一讚1）極上牛，脂肪分佈均勻，唔油2）肥牛，有多d脂肪好味3）豚肉，有肉味唔差4）腩肉，太肥，一碟起兩碟止沙嗲湯底，無乜沙嗲味，唔建議叫

有次經過見無乜人，所以無入到後黎應該係新假期見到有宣傳，又近自己，一於去試下間茶樓位置吾難搵，不過因為開係最篤篤，而且始終鄰近就係大型商場，加上晚市專做火鍋，所以人流真係好少，我個晚去，得五枱人，但咁吾等於食物吾掂佢既火鍋分三set,分別係特選牛肉,牛肉加海鮮及牛肉加豚肉，我就選擇左牛肉加海鮮，其實海鮮類吾多，有蝦，蠔，花膠，個人覺得蝦同蠔係好食，蠔係鮮味既😂而呢set放題牛肉類有三至四款，講到有安格斯牛肉咁勁，食落囗又真係吾錯噃！有牛味！你知啦，有時未必有牛味架😂而且啲牛肉薄切得好整齊，碌下就熟，所以食得好滋味放題選擇個度擺設整齊又企理，最like有小龍包同水餃，呢兩款我encore左好多粒但甜品就麻麻地，豆腐味雪糕好似無乜味咁，埋單要個人$370，老實講，食物質素同選擇對得住呢個價錢有

午餐時間又到喇 ，將軍澳寶林邨茶煲 ，入到嚟係咁依叫咗兩個 飯餸加幾籠點心，一個炒飯加個 ，一個炒麵 。呢度人流唔多，生客都小有多是街坊，地方就唔係好就腳 ，寶林邨重要上三樓， 行到最篤篤， 真係有陣時唔係喺附近出入嘅街坊，都唔知道有間咁嘅嘢， 以前就係一 間大嘅酒樓，而家劏開咗，都仲有一兩間食肆嘅，第日先再睇下其他有啲咩食。叉燒腸粉 必食佳品 次次嚟親啲冇走雞蘿蔔糕唔食唔會高 ，食咗快高又長大個肚腩。炒飯 邊一間都有炒飯，呢間啲炒飯，一定有啲唔同，因為好快搶曬。好味!炒麵 面面俱圓。

將軍澳左行右行， 左閃右閃一閃，到去以前間乜乜酒樓既地方，原來改咗開一間 意大利餐廳，一間茶煲既中菜館，另外就開咗一間社會服務嘅機構喺嗰度，咁我哋就走咗入去茶煲嘆一嘆茶，啦係咁少咗幾個點心，食落又幾好喎 ，啲蘿蔔糕一條條蘿蔔，都唔錯喎話正就正得幾新淨。門口幾新幾大。炸茄子唔燶，脆爽。鮮竹卷剛出爐，點都無得唔入口。鳳爪睇落得番件，好唔好食唔使講，呢件咪我包尾殺。黑糖糕唔係咁多地方有得食，食完再加追一籠。菜芯就朋友喜愛硬骨頭，我就軟林林好的，咁又入咗我既戶口囉。總體都唔錯有下次。

係將軍澳住了那麼耐通常要去一些大的酒樓飲茶🙁依家有了茶煲就不同了，他們的裝修設計跟一般酒樓有不同的.....他們的裝條偏向簡單，有些似茶記一開始食覺得o唔ok架😌但食耐又發現不錯喎有其他大集團的水準👍🏽個日我同家人去食大家都覺得又平有好食😋本人本身都小吃蝦餃，因為出面有d食落個皮好厚但茶煲d蝦餃皮薄👍🏽食完點心又可以叫埋糖水😋😋依到有好耐之前食既有把☂️係啫喱面上既啫喱杯，但個日賣哂🤦🏽‍♀️桂花糕芒果布甸打多數人都主要黎食火鍋，其實都可以不訪試一試依到點心👍🏽

一直都有留意佢地嘅火鍋～～但真係一直都無試～～早兩日好想食點心～但已經三點廿十分～～諗起寶琳商場～茶煲～就衝去買～～因為三點半就無得叫外賣點心～～外賣點心有驚喜～～唔錯～我無影相～只有影點心紙～～收銀姐姐同傳菜姨姨都幾好～蝦餃～唔錯嘅～得2粒～有啲貴～燒賣～我唔鍾意食都覺得好味金錢肚～夠晒入味又夠淋～正鮮蝦菜餃～雞扎～～都可以嘅～芋春卷同咸水角～都好味～外賣～點心～絕對會有下一次～～

自從寶林邨以前間酒樓執咗之後，嗰個鋪位都曾經轉手咗好多次，而家就分別畀翠河， 薩莉亞，同埋呢一間茶煲， 承接咗舊時嘅舖位。茶煲除咗有任食火鍋之外，亦都有午市賣點心或者粉麵，都幾多選擇。不過我今次試嘅係晚市幾任食火鍋 。成個格局就比較似牛涮鍋或者日牛嗰類任食火鍋，客人可以出去選擇食物，夾完自己嘅返埋位 ，但係牛肉就可以要求侍應拎畀客人。啲肥牛嘅肉質都算粉紅色， 唔會話擺咗好耐咁，不過都幾肥下， 同埋切得都算薄。蔬菜都算新鮮，幾乾淨。我哋都食得幾多牛肉。自家包嘅水餃，有木耳同豬肉，不過就冇蝦。 仲有好特別嘅灌湯包。