茶煲

營業中

休息中

幫助友人做人肉速遽送文件往寶林，索性來個即興打邊爐，原來住宅區的商場內也有火鍋放題店。朋友習慣了早食，我們約於晚上約六點四十五分到達，初時只得四台食客， 但越夜越多人，再次証明了香港人的工時很長！我們點了椰子雞湯底，有很多雞，真材實料。朋友請客，堅持要選$398一位的澳洲穀飼和牛任食，主要有牛肉、虎蝦、一口牛、極品牛肉、雪花肥牛等等，店員把一盤盤的肉類送到。而其他種類的火鍋食材就以自助形式自取：有響鈴、菜、大量丸類、腸仔，菇類、蓮藕等！勁多選擇。還有雪糕 ，糯米糍。最好味的是虎蝦，新鮮爽彈 ，另外又有蜆， 鮮甜味濃郁 ，而熟食的花膠冬菇也很好，菇厚身，花膠的調味也好。原則上，火鍋食材的種類實在多，基本上每款食一輪已飽。值得一提的是：如在生日前十日內光顧，可享四人同行、一人免費，等如是七五折，會抵很多！

今日去寶琳個friend屋企打完機，因為佢贏左馬仔，同佢行過去馬會收錢。佢話要食餐好啲來慶祝，佢係地膽，當然佢發板。我地行過對面屋邨，到一間街坊茶樓叫茶煲，竟然有火鍋放題。因為屋邨環境，我對啲食物質數無乜特別期望。可能係做開街坊生意，部長同服務員服務態度都好好。放題有幾級，因為馬會請，我地選最好果種，澳洲和牛， 海鮮，花膠放題。我先出去行個圈，一般蔬菜，丸類，汽水，咖啡茶都齊，不過甜品比較少選擇。   部長介紹完幫我地落單，澳洲和牛，丹麥豚肉，極上，極品，雪花牛肉，豚腩片，大蝦，蝦滑，帶子，當然仲有花膠。湯底我地選左椰子雞湯。最驚喜係原來order呢個放題，會加送花膠燜冬菇一客，好正，好好味。湯底好清甜，椰子同雞都夠味。啲牛肉都算稱職，不過我首推澳洲和牛同丹麥豚肉，肉質好鮮甜。豚腩片太肥，有啲膩，一口牛柳太大粒，好難全熟透。蝦滑無比匙羹，搞我要用雪糕羹嗶蝦滑，哈哈。整體食物及服務都比我預期好。

朋友生咗個BB,今日拉大隊去探BB。之後當然齊齊食晚飯啦！朋友住寶琳村，所以係寶琳商場搵食。經過見到有間 “茶煲”火鍋專門店。裝修唔錯，又大又光猛。一行4人決定入去試試。我地揀咗$248~牛魔王▪海鮮▪花膠放題頭盤有蠔油炆花膠冬菇。花膠都幾大件，夠淋，但冬菇就炆得唔夠時間，有d實先揀鍋底~麻辣湯底，比一般的麻辣湯底唔同，只有大豆芽菜及指天椒，而且唔夠麻辣味，我地要加2次辣先夠滿足。套餐包括有3款牛~雪花牛肉▪極品牛肉▪極上牛肉雪花肥牛~雪花分部平均，入口即溶，牛味香極品牛肉~色澤紅潤，牛味濃郁，肉質淋極上牛肉~普普通通，冇咩特別以上三款牛，我自己最鐘意雪花肥牛丹麥豚肉~薄薄一片，肉質軟金錢~呢個金錢牛味特別香，跟我之前食嘅唔同。好味虎蝦~size適中，烚完攞上嚟已經聞到好香蝦味，食落蝦肉彈牙，好新鮮蜆~雖然size唔大，但夠新鮮除以上食物之外，係食物柜有好多蔬菜，響鈴，豆腐，山根，魚蛋，芝士丸，雲吞，水餃，魚皮餃……等等飲品都有好多選擇，而且啤酒都係任飲的。食完之後仲有亞菠蘿雪糕任食。係屋村有呢個質素唔錯。下次等朋友坐完月可以一齊去食過。

Hong Kong is a tiny place, there is no space for anything let alone wheelchairs, strollers and children.I was impressed that this place was wheelchair friendly as well as humane.Most restaurants in HK dislike the elderly as well as children, but the sad fact is that HK is a place where age, gender and looks are important.The scary thing is that you rarely see any people over 50 being employed whereas age is not a factor in other countries.Air hostesses are considered old when they are over 35 in

今日同朋友去左寶林食飯見到有間餐廳叫茶煲 個名幾特別即刻就打算試下餐廳格局似茶餐廳 可能未做打邊爐之前係茶餐廳黎一入座服務員就同我地介紹唔同價錢既肉有咩分別非常細心最後我地擇左極品牛肉 海鮮 花膠放題 每人只係198湯底款式多 適合唔同人既口味今次選左沙嗲湯夠濃 我覺得唔錯極上牛肉 肉質嫩口 肥瘦適中極品牛肉 肥肉較少 我唔太鐘意呢個海鮮 蜆非常鮮甜 花膠爽口 唯獨蝦我有少少失望自助夾野食區比起同類鋪選擇較多 加分 蔬菜 丸各樣加埋超級40~50款飲品亦都好充足 汽水,啤酒,涼茶 基本上講得出既都有用餐環境舒服 有梳化位非常推薦朋友黎試下

雖然地點偏側邊，在寶林商場最尾，工作人員服務可以，食品可以，夠新鮮，出品熱！ 早，午，飯，絕對可以，值得一嘗 。星期一 至 星期五 （假日除外），下午茶餐超平，環境優閒，燈光夠光。

中伏野，以98蚊吸引客，食物全部都係丸，絕不會有下次，打得邊爐都吾會自己一個，如果全部都係丸，係屋企打好過，一係就加一倍價錢，但都係多過兩三樣食物，不如過新都城稻香打好過，加多幾十蚊食物多啲選擇

到寶琳覓食一般只會想起新都城經介紹之下今天來到與新都城只有一街之隔的寶琳商場雖然寶琳商場易找但是要找到此餐廳卻不是易事要上到商場的三樓再走到盡頭細心地留意薩莉亞旁邊的一個角落才能發現若不是有人介紹相信很難很難才會找到一場來到當然是吃$98的牛肉+配料任食套餐餐廳雖然位於屋村商場但是裝潢卻相當企理乾淨比一般的屋村茶樓高了不止一個檔次任食牛肉自然就是標準的貨色脂肪比例不算太多不是最極端的那種白多於紅的貨色已經算是不錯相比之下任食配料更令人覺得驚喜一般任食較少提供的魚腐、響鈴這裡也有供應而且蔬菜種類也不少更有沙津吧提供相比起連鎖的牛X系列在配菜選擇方面這裡更勝數籌以$98加一的價錢而言這裡的性價比可謂相當高每樣食物都中規中距之餘最大的賣點是選擇較多住得遠的話當然未至於要專程入到寶琳一試但若是住在將軍澳區又火鍋癮起這裡會是一個不錯的選擇

香港人，就好鐘意打邊爐，一路刷一路傾。今日介紹間食材唔錯，位於寶林村商場的火煱店，雖然好少海鮮，但啲肉類，都幾高質下。98元任食: 要有3人才可開爐，主力係牛肉任食，但就唔可以叫其它肉類。128元任食: 只有豬肉，雞肉，魚肉，但就無牛肉。158元任食: 就係可以食到以上4種肉。以我個人來講，一定食牛，所以就儲定3個朋友，一齊會一會佢。其實呢間嘢，非肉類的邊爐料都幾齊，由其是豆品類，重要幾好食，午餐肉都唔錯。甜品~雪糕，就唔係禁得，啲味重有啲假，但有維記雪米糍，都幾好食。飲品~感覺係偏少，建議入多幾種，另外要飲啤酒，要加18元，唔太化算。飯~鹹肉飯來，偏鹹的肉碎，同用唔好食的米。如果用珍珠米，肉碎減鹹。用個心煮啲肉碎啦，唔係，就好浪費食物。總結，我建議係食128元任食，除非你，一定要食牛，那就叫齊3人，去食個98元任食，由於呢間嘢係收加一，所以要注意。另外湯底~除豬骨，芫茜唔加錢，其它都要。完

聽聞新開張，因此姊妹二人想黎飲茶。 一路上可謂「長途跋涉」，兜兜轉轉，被「3樓」這字眼擾亂。指引非常不清晰呀！間野搵左10分鐘，最後發現係盡頭。(P. S. 無內置廁所，需要拎鎖匙去商場廁所，廁所的衛生情況中下。)但D阿姐的態度非常好呀！人數都足夠，可以招呼到你。唔似稻X, D姐姐少到要我 自助式 針茶遞水。叉燒腸 的腸粉皮偏厚，非常飽肚，叉燒都算大粒。一共6小塊/碟，二人分量。流沙包有流沙，但味道似吉士………無乜蛋味。素菜鮮蝦餃咬完一啖後，好食到不得了，即刻咬第二啖！餃皮彈牙、鬆軟，餡料十分足。

價錢好平，吸引到好多年輕學生食客加 $20 叫左椰子雞湯底但個煲煲極都滾唔起湯底完全冇味，同白烚一樣打到最後加拉面都係淡到要靠撈豉油叫魚好伏，臭，冰鮮味好重不過我中意呢度多料，又多餃子最好食，最有味道就係滷肉飯唔知其他湯底有冇味不過男友已表示唔會再黎

聽朋友講呢個屋邨商場新開咗一間裝修優雅嘅酒樓，價錢唔貴，而且都幾好味。我哋大概兩點到，可能新開無咩人知亦無咩宣傳，客人並唔多。酒樓牆身，天花，櫈都用粉色，感覺清新別緻，食物方面的確唔錯，職員亦有禮，特別係收銀小姐，有禮亦有笑容，價錢唔貴，兩個人叫咗五個點心一個炒河，埋單$160有找。新鮮炸好嘅安蝦鹹水角外面脆裏面煙韌。流沙奶皇包，熱辣辣有流沙㗎，如果有埋鹹蛋黃就更好味喇。鮮竹牛肉球感覺無咁某啲酒樓重鹼水味，有多少少牛肉質感。金剛米網腸，裏面脆卜卜，腸粉皮夠滑，好味。呢款泰式炒河味道可以，但真係太多油喇，我食完碗剩好多油喺底。香脆蛋散，我好鐘意呢款甜品，呢間係我食過第二間有呢款甜品嘅酒樓，做得唔錯，全件都鬆化，唔會某啲厚嘅地方食落口係特別硬。

十二月三十一日，除夕，和家人飲茶去。新都城的酒樓多人實在是毋庸置疑，故和家人去了寶林新開的這家點心火鍋專門店飲茶。十二點半左右到達酒樓，我們三人等大約十五分鐘。門面有許多餐牌之類介紹，當中的火鍋放題也相當吸引。酒樓logo、點心紙以至裝潢都以不同的粉色為主色調，感覺簡單得來又清雅亮麗和年輕。食物方面，味道也很不錯。牛肉腸粉的皮拉得很薄，配上蒸魚豉油很香。鮮蝦菜苗餃和蝦餃也是皮薄餡靚大大粒，內裏的蝦肉十分彈牙。蒜香蝦春卷跟粟米煎鯪魚餅也同樣熱辣辣香噴噴。特別是後者，外層香脆可口，內裏的魚肉彈牙。乾炒牛河除了美觀之外，更是滿有鑊氣。牛肉不會炒得過老過韌，入口夠稔身而入味。整體而言，這酒樓絕對可以再encore，除了是因為較少人排隊外，更是因為食物質素高，價錢亦非常便宜。

今天去寶琳新開的茶煲試試好不好吃茶煲下午茶以為很平，剛剛叫左一碟蒸鳳爪都要一碟$16.8一碟鳳爪得四隻食物一般 價錢好貴 聽家人說試一次就足夠茶煲晚上有火煱最平和最貴$98-$288

睇pnd介紹，一嘗中伏滋味網上介意的$98位是誤導人的要3位起才有$98的選擇，2人惠顧最普通肥牛每位$158起預約時職員表示4人才可預約，結果到鋪後職員表示預約才可安排卡位，跟職員解釋一番後職員特意安排了一張在鋪頭角落的卡位