茶王冰室 (洗衣街) (已結業)

我好鍾意飲奶茶，見到呢間茶餐廳出名奶茶，仲有一杯$88｢茶王之王｣，於是同朋友黎呢度食個下午茶。我叫咗冰鎮奶茶(樽仔)，賣相可愛，茶味濃郁，甜度適中😚另外仲有一杯熱咖啡，即磨咖啡黎，高質！我發現呢度除咗飲品好飲之外，食物都好有驚喜😋叫左麻辣雞翼拼沙律🥗，表面睇落去似係滷水或者瑞士汁雞翼，原來佢煮嗰時又落咗啲花椒，辣得好過癮，同埋雞翼肉質幾嫩滑☺️當然一定要叫蛋包包，外型十分討好，有叉燒/沙嗲牛肉/黑松露雜菌三款揀，我揀左黑松露雜菌。上菜嘅時候真係嚇咗一跳，因為呢道菜好似一座蛋山🤤我懷疑一共用咗五隻大雞蛋🥚雞蛋裏面係多士，中間仲係蘑菇夾心嘅，將啲黑松露醬撈勻d蛋，味道幾好，食完真心飽！呢一餐都食得好滿足，睇得出餐廳好有心做飲食，有誠意！｢茶王之王｣奶茶只限1600前供應，下次希望試到！黎呢度食個下午茶，嘆杯/樽靚奶茶，唔錯😚

在旺角無意中，飲到杯靚茶～滑蛋叉燒飯：蛋夠滑、叉燒肥瘦均衡，由於蛋好滑，所以想份量多啲，做到流心感，仲正（好偷心哦！）焗豬扒意粉：即叫即焗，所以等左一陣子，豬扒份量夠，又夠淋，芝士和茄汁味都夠味，只係意粉淋左少少。西多士：邪惡既牛油配在一件西多上，再加埋糖漿，哩個係必食之選，即叫即整，熱辣辣之餘，內裡有滿滿既花生醬，真係一食難忘。奶茶：Mr Wong話杯奶茶有料到，奶味十足，但又唔會蓋左茶味，又夠細滑（佢飲完夜晚瞓唔著，就知有幾堅）西柚茶：茶膽正～澀得起，仲有淡淡西柚味，係新鮮西柚哦！

今次有遠方既親友來探訪，帶他們遊覽完香港有特式既地方後順道去埋懷舊風情既茶餐廳嘗試一下！到場時沒有排隊人潮出現，但已晚上七時多⋯可能過了食飯時間啦！我們叫左沙嗲牛肉撈丁、黑松露蛋包包、叉燒蛋飯以及奶茶☕️⋯首先我覺得杯奶茶幾好既、好有茶味幾香喔！值得一試～食物味道方面覺得個沙嗲牛肉撈丁既牛肉不錯👍黑松露蛋包包就只有黑松露香味但味道無咩特別吧⋯叉燒蛋飯都是一般茶餐廳既味道！還有留意到餐廳既環景格局不錯👌但見不到茶王坐陣有點失望⋯

#茶王之王 $88依到嘅招牌係奶茶 冇理由唔叫返杯試下㗎🤣如果你係第一次叫茶王之王嘅話 會有店員嚟介紹佢會比2杯奶茶你 一大一細細杯嗰個係普通奶茶 用咗4種茶葉嚟沖而大嗰杯就係茶王之王 由金茶王親自去斯里蘭卡揀選咗6種茶葉嚟沖口感比一般奶茶滑 而且有回甘👍🏻隨茶王之王仲會有曲奇餅伴送 而塊曲奇都有好香牛油味 同埋都幾鬆脆🤤茶王之王只限16:00前供應 大家記得要早啲去呀-#蜜汁叉燒蛋包包 $48依樣放咗喺menu第一頁嘅最上 肯定係推薦 所以要試試先🤣蛋多到遮住曬個包 而且仲有好多蛋汁 好滑🤤麵包做到好鬆軟 叉燒份量都幾多-#沙嗲牛肉煎蛋撈出前一丁 $54 (凍飲+$3)出前一丁唔會煮到淋就基本野啦😂而牛肉就好淋 沙嗲味都好夠如果沙嗲汁再多啲嘅話就仲正😆-

知道最近旺角開左間茶王，仲要係出名的港式奶茶，加上得獎師傅秘方，就要試伏！點了個常餐，沙嗲牛麵好唔得，牛肉勁少，沙嗲汁做得差，沒有沙嗲牛的惹味件牛油多士 ， 真心懷疑是多士嗎？沒有烘過一樣，牛油仲要塗得一撻撻，唉！想點啊。。這個叫牛油多士凍奶茶有分兩種，普通冰塊或者雪凍無冰 ，後者要成$30 都貴奶茶本身唔差，飲得出有層次，但加了大量冰塊後即時淡晒，變相要飲原味既就要俾貴d叫冰震因為無冰，我個人覺得咁樣就有d 奇怪lor. 西柚紅茶，放個西柚已經冇左一半茶，但係用闣普通熱飲茶杯，建議口渴就別點吧常餐B $51 伏伏地！

｢茶王之王｣奶茶，由2016金茶王冠軍陳子平師傅主理。單憑這兩句吸引了我去試一試，點知⋯⋯原來茶王不在就沒有真正「茶王奶茶」。大熱天時特登排隊，喺鋪頭外面等左15分鐘，入到去點都要飲啲嘢嘅，試左佢哋預先沖定嘅樽仔奶茶$30雖則在大熱天時一啲也吾消暑，但奶茶甜中帶苦，保留真正港式茶餐廳嘅原味。另外叫咗一份瑞士雞翼撈公仔麵，雞蛋出來是半山熟，吉爆個雞蛋用啲雞蛋撈公仔麵配合瑞士汁 惹味雞翼隻隻都好大隻！不過咬落冇乜味道，應該係煮啲時間唔夠耐，入吾到味。

之前看到網上的介紹，這天來到旺角就趁著晚餐時間去試試茶王的樽仔奶茶！ 冰室內的特色牆有著可愛的霓虹招牌，設計很時髦，而且環境很乾淨。樽仔奶茶外表很像古代的酒樽，拿上手才知道是玻璃樽呢，好特別又富有懷舊特色！ 整樽奶茶茶色金黃，而且十分冰涼。細味之下，奶茶質地滑溜又掛杯，而茶味亦極之濃郁香醇啊！ 果然是茶王的優質出品！而男友就點了店員推存的茶王西柚茶。看到幾片又厚身又新鮮的西柚就驚喜了一下下 哈哈。平時常喝的檸茶也沒有這樣大片呢！西柚味與濃濃的茶很配，清新的帶點酸酸又苦澀的滋味，很特別！是晚的主食是叉燒滑蛋飯，配上秘豉油汁。叉燒和滑蛋的份量都很多，覆蓋了整個飯！ 滑蛋金黃色的好美，而且半熟的質地入口很滑溜！ 叉燒微焦而肉質也很軟稔。配上豉油汁和飯一起伴著吃，好美味又滿足呢！而另一個我們就點了招牌的蛋包包的其中之一松露雜菌蛋包包。金金黃黃又水嫩光滑的滑蛋呈半圓球狀，上面還有不少的黑松露醬，香氣四溢！一切開就看到藏在滑蛋裡的麵包和滿滿大大小小的雜菌。 麵包充滿牛油的香味，配上香濃的滑蛋和雜菌非常之搭配又滋味呢！ 總體而言，整頓晚餐性價比高又很滿足呢！

好想試試這裏的茶王之王，不過只在4點前供應，夜晚就賣完了！冇辦法，今次唯有先一次過試晒凍熱奶茶，再加上滑蛋叉燒飯和常餐，就是今晚的大餐了。先試熱奶茶，甘香茶味夠，而且奶味不會太重，合我心意。不過如果去比較，我還是喜歡凍奶茶多一些，覺得這杯幼滑感較重。這裏的食物也同樣出色，滑蛋叉燒飯的滑蛋非常滑，蛋香十足。另外叉燒肥瘦均勻，由於還有汁去選擇，我們要了咖哩汁，第一次做這樣的嘗試，效果出奇地好，你就幻想是食一個日式滑蛋咖喱飯，不過不是食豬扒而是叉燒。常餐不是太突出，不個水準仍然是好。下次要再來試一試茶王之王。

今日放工經過旺角，就同同事入左間冰室！🤤🤤自己係好鍾意飲奶茶嘅，所以就想入去試下佢嘅「茶王之王」呀！點知原來晏左就冇嚕，賣哂😂😂！咁我地就試普通嘅奶茶，叫左一凍一熱🤤，同埋叫左個黑椒叉燒蛋飯同麻辣雞翼撈丁🤤🤤！野食係有驚喜嘅，第一次食黑椒叉燒飯，個汁係幾夾個飯，叫幾時候諗住會好咸，佢又唔算太咸嘅，接受到！另外個個麻辣雞翼撈丁就真係咸左小小🤪🤪，但係佢個麻辣係堅辣架，幾惹味，最後杯奶茶真係唔錯，但如果熱啲就好啦！😝😝

奶茶就周圍都有得飲 但今日我去咗旺角呢一間茶王冰室 佢哋聽個名就知係專做奶茶既冰室啦 我去到當然系試下佢哋嘅招牌茶王之王啦 雖然佢系$88一杯 但係我試完覺得物超所值 嚟到嘅時候佢有兩杯奶茶 一杯係細嘅 佢係絲襪奶茶 另一杯呢就係茶王之王奶茶 飲既時候系先飲咗第一杯先 跟住有杯清水去俾你清一清口裏面嘅味道再飲果杯茶王之王 佢系用左六種茶葉去沖嘅 所以佢哋嘅茶味道非常之濃郁 飲落去系飲到有回甘既味道 好正👍🏻😋跟住我哋另外再加一杯凍奶茶 我覺得其實都好好飲 佢奶味都好重如果平時飲奶茶覺得苦嘅朋友 呢一杯就啱晒你啦 另外我哋仲叫咗兩樣嘢食 叫咗個叉燒滑蛋飯同埋沙嗲蛋包包 佢個叉燒飯非常之好食 啲滑蛋炒得好滑 然後嗰啲叉燒肥瘦啱啱好 一啲都唔乾 如果你加埋黑椒一齊食嘅話 味道就更上一層樓另外佢個沙嗲蛋包包都好好食 啲蛋都非常之滑 然後切開裏面係一層麵包 包住裏面啲沙嗲牛肉 呢個做法非常之特別 喺出面我都冇見過 所以我覺得黎到朋友都值得一試😉

由國際金茶王大賽2016的金茶王 陳子平師傅主理的奶茶💃 可惜 係飲唔到最出味嘅茶王之王$88(4pm前供應)好想知值唔值個價 anyway 食咗其他野.🍳🐷叉燒滑蛋飯$52🐷🍳即炒的滑蛋 有少冒煙 飯都夠熱滑蛋做得不錯 份量都夠蓋成個飯叉燒量都夠假如再肥同焦香啲就仲好甜豉油正常 可以問店員添加啊🙊.🍼樽仔奶茶$30 凍奶茶$23🍶分別就在有冇冰溝淡奶茶Ermmm 其實堂食嘅 凍奶茶就可以🙊味道不錯 夠茶夠濃 但不澀.仲有啲西多同脆豬~正常啦🍞帶台灣朋友試下香港茶餐廳食物

本身戒左奶茶幾年，怕茶餐廳用奶精沖奶茶會爆肥，但台灣朋友獨愛港式奶茶，每次大駕光臨都要搵定唔同既港式奶茶俾佢地試飲，否則佢地會成日無心機好似無叉電咁死死下。由於行程當日台灣朋友對lunch唔太滿足，又黎low battery mode......突然醒起佢地未飲奶茶，即search，就俾我發現左15分鐘路程就到既茶王冰室，正所謂醉翁之意不在酒，食物真的麻麻地，奶茶呢，就無論熱定凍都攞足滿分，最特別係樽仔凍奶茶，原味雪凍，唔會好似平時d凍奶茶咁俾d冰溝淡晒。茶王，正👍🏻

今個星期放工，經過旺角，肥妹仔我見到有間冰室好特別，不過呢間餐廳原來以奶茶作為賣點，雖然見人好多，但係試吓。一入到去，發覺間餐廳裝修好精緻，二話不說，就叫咗佢杯奶茶飲一飲。肥妹仔我哋叫咗兩杯奶茶，一杯叫做樽仔奶茶，一杯就係普通嘅凍奶茶，兩杯嘅味道其實都係差不多，但係呢間野嘅奶茶真係好好飲，或者唔苦，茶味好出，奶味好濃，本身想試吓佢特色個杯大奶茶，但係已經賣晒，唯有下次先再試過啦。因為夜晚啦，大家都肚餓，我哋先叫咗一個常餐，就有沙嗲牛肉公仔麵，沙嗲味好濃，另外佢嘅炒蛋多士都做得唔錯。之後我哋再加多左一個叉燒炒蛋飯，份量非常之足夠，叉燒好好入口，炒得好滑，非常之滿意。有別於一般嘅旺角西餐廳，呢間餐廳入邊環境好乾淨，而且香港的出名嘅奶茶都做得好好，如果大家經過旺角嘅時候，不妨去試一試，記得耐心排隊啦。

新式的港式茶餐廳好像開得成行成市，但品質上仍然要好好的選擇，經朋友介紹後知道這間茶王之王茶餐廳是新開的，而且質素比較好就膽粗粗去試一下。餐廳環境很新穎而且保留茶餐廳的特色有卡座等，座位舒適寬敞。沙嗲牛肉煎蛋撈丁套餐沙嗲汁濃郁而且牛肉新鮮口感煙靭，再加上整隻半熟的煎蛋放上去出前一丁麵上，整個配搭非常夾，是茶餐廳的頂級美食也不為過。叉燒滑蛋飯服務員端上這碟飯來的時候，眼前一亮，滑蛋半熟而且滑溜溜的在叉燒上，紅紅的叉燒感覺非常多汁而且很大件，整個飯賣相非常好，吃下去的時候雞蛋滑滑的，而且叉燒甜甜的味道一流，整個配搭非常讚。我和朋友吃得很滋味而且吃得一粒飯也沒有剩下來。熱西柚茶平常港式茶餐廳都是只有檸檬茶，沒有什麼其他的選擇，但這裏竟然有一款很新穎的西柚茶，茶味很香濃而且西柚酸酸的很有西柚的清新，很令人回味。樽仔奶茶平常在茶餐廳喝的奶茶都是加冰的，而且過了一陣子冰也已經融化在奶茶令奶茶的的香濃茶味被沖淡，我想是因為這樣所以老闆出了這款樽仔奶茶，就是放在樽來令奶茶不會受冰融化而影響奶茶的味道，整杯奶茶味濃和奶的潤滑感，差不多喝完的時候也能保持奶茶的濃香感，味道一讚。下次經過的話我想一定要再來試一

比起咖啡，其實我更鍾意港式奶茶🤤 食茶記一定會叫杯茶走，夠哂香滑🥰 行開旺角見到一間以奶茶主打嘅餐廳，就諗都唔使諗入咗去😎叫咗滑蛋叉燒飯 ($52) 炒蛋整得幾滑，仲保留到少少蛋汁😻 另外叉燒味道都唔錯，同滑蛋簡直係絕配。喺滑蛋上面再灑上豉油汁，食哂成個飯冇難度🤪另外叫咗麻辣雞中翼飯咖哩汁 ($52) 個咖喱辣度啱啱好，用黎送飯唔錯。主打嘅麻辣雞翼，鍾意食辣嘅朋友有福啦！呢度嘅雞翼係真係好麻同埋好辣，口感都係好嫩滑。嚟到呢度梗係試吓佢啲奶茶～ 叫咗樽仔奶茶 (+$20) 飲第一啖落去覺得係絲滑嘅感覺😂 茶同埋奶嘅份量係恰到好處，茶味會慢慢帶一點回甘，但係如果少啲甜就更好。另外一杯凍西柚茶 (+$12) 西柚既味道不算突出，但係呢度嘅茶係真係唔錯，甘味會帶到岀黎～