茶痴

營業中

休息中

最近迷上開心果味產品！呢杯《研磨開心果燕麥奶茶》真係冇得頂, 完全滿足到開心果控💚使用日本製開心果醬, 將低溫焙　烘烤開心果研磨成幼滑天然開心果醬, 加入燕麥奶、綠醇製成第一啖已經飲到好濃厚嘅開心果味, 後韻有茶香, 口感順滑, 開心果同綠醇茶底好夾, 仲食到好多開心果碎！超足料的！

我成日都會飲手搖飲品，特別鍾意珍珠奶茶呢啲🤭今次試咗呢間手搖飲品店叫【CHICHA茶痴】幾特別最吸引到我嘅係佢哋自家研發嘅開心果燕麥奶茶🥤🔸開心果燕麥奶茶 $45職員整嘅雕花都幾靚好用心，成杯都係綠色花紋好打卡able飲落去好香好滑，加上有開心果嘅香味，比平時啲奶茶仲香口頂層有開心果碎同埋係芝士奶蓋，成杯飲落去有唔同層次🫦中意開心果嘅你必試👍🏻🔸綿芝日本靜崗抹茶 $45呢杯頂層都有芝士奶蓋，而下面就係日本靜岡抹茶淡淡的抹茶味，沒有好苦的味道！我最鍾意佢嗰層芝士奶蓋，鹹鹹地而且好滑好creamy🧀九龍灣店仲有張枱有櫈坐，環境都幾好另外佢仲有好多間分店，下次可以試吓台灣四季春🍵都係signature 之一🥰

💚研磨開心果燕麥奶茶💰$45💜台灣蜜芋頭鮮奶茶💰$40⚡近排工作需要一點甜才能支撐落去🫠原來公司附近有間手搖舖，仲推出咗 #流量密碼 💚研磨開心果燕麥奶茶，9秒9落單try try佢🤣唔試唔知原來掛杯用咗日本製開心果醬，而茶底係用燕麥奶加綠醇茶，唔怪得飲落咁香醇順滑，少甜少冰都好夠味唔會過淡/過膩，面層嘅奶蓋鹹香得宜，口感綿滑豐盈，仲有粗粒開心果碎𠻹，飲完即刻幸福感max！(˶‾᷄ ⁻̫ ‾᷅˵)⚡另外仲試咗季節限定嘅💜台灣蜜芋頭鮮奶茶，超爆多芋泥🤣用咗高端明治牛奶，配合綿滑芋泥不要太好喝🤤

有人萬歲請野飲!!🎉🎊🎉通常我地都會揀茶痴一黎又近我地公司啦二黎又係良心小店 用心製作每杯野飲🔸研磨開心果燕麥奶茶- 日本製開心果醬+ 燕麥奶豐富而濃郁的口感日本製的開心果醬令杯奶茶增加左好豐富的開心果口味燕麥奶又健康之餘都好有濃厚既質感&綿滑佢地會做好每日杯既"掛杯"裝飾令人地賞心悅目 飲之前會同佢藝術品般欣賞飲完都開心D🔸白桃烏龍+ 寒天波波清新白桃烏龍味好香茶葉的香氣&微妙的烏龍茶風味同時都有白桃的甜味相互輝映寒天波波有d層次 有d咬口好岩而家炎熱既夏天享用清涼之選一定係佢啦📍茶痴📍九龍灣常悅道21號Eastmark 1樓3號舖

雖然唔近德福廣場，要行多幾步路，過埋橋上一樓就會搵到，呢度的果茶同奶蓋都做得幾出色。果茶方面叫左芒果同荔枝。芒果一定係新鮮芒果肉，比較清甜，應該係用台灣愛文芒。荔枝即用多款種類，都係新鮮同清甜。茶底亦都出色，唔好會好濃，相對比較幽香，果味同茶味都保持平衡，好易入口。奶蓋方面，做得比較厚身，質感同味道都唔錯，唔會過鹹，絕對值得推介。由於是小店，所以人手只得一個，相對要耐少少時間等待，希望大家支持小店！

前排收工經過先知呢度有間茶痴咁啱行到勁熱勁渴買咗杯棉芝清心蘋果飲🍎仲專登加咗寒天波波!! 增加包腹感當正餐🤣飲落超有驚喜！係我飲過最好味嘅奶蓋product🤤奶蓋分量多 入口有香濃芝士味仲要口感勁棉滑另一樣要講係個寒天波波 同一般台式飲品店唔同佢口感比較爽實有咬口嗰一唔好只係佢比較貴

九龍灣呢坐大廈，因為成日會黎買熱狗，所以好多時見到呢間「茶痴」。今日終於試下😃飲品選擇以水果茶和芝士蓋茶，都好吸引😚我咁鍾意芝士，當然要試啦綿芝四季春比例適中，茶膽幼滑，芝士味足👍🏻而且飲落真係好綿😍綠茶同樣咁出色整體：雖然少貴，但真係好飲

聽過茶痴呢個名好多次終於有機會一試佢嘅芝士奶蓋同茶叫咗一杯綿芝四季春同埋綿芝白桃烏龍佢需要啲時間等等 因為係小店而且個陣佢得一個店員但係有三四個客人綿芝白桃烏龍個茶底唔錯 好有桃味 都有淡淡嘅茶香個芝士奶蓋正呀 雖然佢唔算好多好厚 份量係適中佢好好飲 好有芝士味 唔會好漏 冇好邪惡😈😈至於四季春係朋友嘅 我冇飲 俾唔到咩評語 但佢話好飲🤣總結 平均$35杯嚟講 係唔錯係位置隔涉咗啲 應該都係serve附近返工嘅人多下次可能會試下佢啲水果類嘅嘢！

綿芝日本白桃炎炎夏日，最啱就係整杯凍冰冰嘅飲品解解暑。茶痴，最出名就係佢嘅"綿芝"！即係芝士奶蓋。綿滑厚醇咸香~🧀🥛真係好好味，必試!佢有好多種茶底或者生果底選擇，最近白桃當造，呢個時間飲就最啱喇！不過點都好，黎"茶痴"，飲咩味都好，記得一定要叫"綿芝"系列!大推!

🍴綿芝台灣紅心芭樂 $42 走甜少冰(8/10)店員提醒種子打碎後仍然很硬，可以直接飲落肚。用咗台灣特產紅心芭樂，綠醇茶底，超級濃郁芭樂味道，食到芭樂肉，濃郁到好似果泥質感，見到落咗3,4舊新鮮芭樂，飲咗少少綠茶嘅香澀，蘆薈粒好爽口，好有口感，今次個芝士奶蓋好香濃，有少少鹹香，但芝士味都好出，整體感覺好清新，啱晒夏天飲，好好飲！推薦指數: 8/10質素有啲飄忽，有時好好飲，有時又好一般😂

誠意茶飲· 綿密芝士奶蓋茶🧋奶蓋迷必試 近期九龍都開左分店綿芝草莓🍓面頭既芝士奶蓋勁厚 飲落幼滑😋勁到底都仲有芝士 唔會咁快溶哂草莓味無特別突出 可能唔係當造期但啖啖果肉 有咬口飲完都唔會覺得滯🤩

茶痴呢個大名已經聽過無數次，但始終佢嘅位置對我嚟講唔算好方便，今次終於有時間去試試佢😌我叫咗杯綿芝白桃烏龍 ($35)😋呢個配搭係我嘅茶飲最愛🤗出面好多白桃烏龍都好假，只係夾硬加啲桃嘅香精落啲茶度，但呢間真係好自然，味道好清香！而個芝士奶蓋芝士味偏重，係有明顯鹹味嗰款，鍾意佢個texture稀杰適中，就算就咁沿杯飲定係撈埋飲都好match～開頭都唔相信咁多人推介，飲完之後我覺得呢杯係值得我專登行過嚟買嘅茶飲🤭👍🏻

呢幾日咁熱 係街行幾步都已經汗流夾背 真係攞你命3000⚠️⚠️⚠️整返杯凍飲降降溫先 試左茶痴 既綿芝咖啡痴 話說見到茶痴係九龍灣開分店我好開心 因為當年見住佢地一班好熱血既人係上環開一間鋪仔 佢地既奶蓋超好味 好似食緊雪糕咁滑 芝味又夠 當時好擔心佢係個個位會做唔住 依家有埋分店👏🏻👏🏻👏🏻講番杯野飲 九龍灣呢間個奶蓋冇上環咁濃厚 但混合埋個咖啡 嘩🤩簡直救左我一命 咖啡就咁飲有好輕微既酸味 輕到連好憎飲酸味咖啡既我都接受到 溝埋奶蓋就冇左個酸味啦 變左好滑好香既咖啡 $38嘆到杯咁冰凍又香濃既咖啡👍🏻👍🏻👍🏻👍🏻好開心

綠醇鮮奶茶等外賣嘅時候無意中見到，口痕所以買咗一杯鮮奶茶嚟飲，佢哋嘅綠茶味唔夠濃，所以淨係飲到奶味，唔係好飲到茶味。不過佢哋仲有好多款唔同嘅茶，下次有機會再經過都可以俾多次機會佢哋有張枱仔可以俾客人企定定飲或者打下卡

🧀綿芝青森縣蘋果 $45走糖少冰 (6/10)以往茶痴都會用新鮮生果去打沙冰，但今次似係落咗果汁，走糖都竟然夠甜，飲係好香好濃好清新嘅蘋果味(似係濃縮果汁，唔似新鮮蘋果嘅味道，加上得好少蘋果果肉，我諗一個茶匙都冇😅綠茶味係唔太飲得出嘅，因為蘋果味太濃，但有少少茶嘅澀味。真心$45一杯，我唔祈求你比好多蘋果，但用半個或者三份一個真蘋果去打沙冰都過分掛？😂講真$45真係唔太值得，可以喺隔離買其他嘢食仲好，食到lunch了😂芝士奶蓋依舊好濃稠，今次偏鹹咗少少😂😂芝士味有嘅，但冇乜奶香味，整體質素差咗😵‍💫推薦指數: 6/10一杯食到平Lunch嘅價錢，好貴，比起上次飲質素差咗，短期內唔會再買😵‍💫