茶痴

營業中

休息中

呢幾日咁熱 係街行幾步都已經汗流夾背 真係攞你命3000⚠️⚠️⚠️整返杯凍飲降降溫先 試左茶痴 既綿芝咖啡痴 話說見到茶痴係九龍灣開分店我好開心 因為當年見住佢地一班好熱血既人係上環開一間鋪仔 佢地既奶蓋超好味 好似食緊雪糕咁滑 芝味又夠 當時好擔心佢係個個位會做唔住 依家有埋分店👏🏻👏🏻👏🏻講番杯野飲 九龍灣呢間個奶蓋冇上環咁濃厚 但混合埋個咖啡 嘩🤩簡直救左我一命 咖啡就咁飲有好輕微既酸味 輕到連好憎飲酸味咖啡既我都接受到 溝埋奶蓋就冇左個酸味啦 變左好滑好香既咖啡 $38嘆到杯咁冰凍又香濃既咖啡👍🏻👍🏻👍🏻👍🏻好開心