茶聊

營業中

休息中

放工約朋友有啲嘢傾，揀咗想去好耐嘅旺角「茶聊 」❣️餐廳近朗豪坊附近，食完仲可以行陣街😁韓式風乾燒伊比利亞黑毛豬 ⭐️⭐️⭐️⭐️⭐️我嚟呢度其實係為咗伊比利亞豬🐖厚切嘅風乾伊比利亞黑毛豬，豬皮燒到好似乳豬咁勁脆卜卜，豬肉肥瘦相間，入口有嚼口有豬味，點埋特製醬汁味道更加提升🤗千其唔好miss咗配菜燒香蒜，蒜頭燒到口感變到有啲似白果又甜又軟淋好好味👍🏻法式海鮮煲 ⭐️⭐️⭐️⭐️⭐️估唔到個海鮮煲咁大咁足料😳湯底用大量新鮮番茄熬製，海鮮有大蝦、扇貝、青口、蜆、斑腩等，成件事好清新好啱女仔口味🤤海鮮煲仲可以加$20配1份手工意粉，意粉新鮮彈牙，浸埋落番茄煲到煮多一陣入晒味❤️芝芝苺苺 ⭐️⭐️⭐️⭐️⭐️沙冰士多啤梨凍飲，面頭係勁厚勁濃郁嘅芝士奶蓋😋草莓沙冰我揀咗半糖，配埋芝士奶蓋甜度剛剛好勁好飲🍓超級水果茶 ⭐️⭐️⭐️⭐️⭐️超足料大大杯水果茶，勁多生果仲好新鮮🍉相比芝芝苺苺係比較健康嘅選擇🤣是日朱古力蛋糕 ⭐️⭐️⭐️⭐️今晚我同朋友都勁想食cake，濃郁嘅朱古力蛋糕，食完令成個人開心晒😻

旺角樓上西式餐廳「茶聊」有得食五星級大廚整嘅甜品⭐️👩🏻‍🍳.韓式風乾燒西班牙伊比利亞黑毛豬腩配燒香蒜🥩黑毛豬腩肥瘦相間😍入口充滿脂香🤤豬皮脆卜卜😗味道鹹香，沾上甜辣醬後油膩感減少🌶️亦可燒香蒜食用🧄燒翠玉瓜、茄子十分Juicy🥒🍆.意式蕃茄海鮮手工薄餅🍕薄餅搽上蕃茄醬🥫滿滿拉絲芝士🫕🧀煙三文魚🐟蝦仁🦐以及青口🐚蝦仁同青口好大隻又鮮甜😋.檸檬蛋白撻🍰香濃牛油皮🧈薄薄蛋糕，加上酸甜清新檸檬餡🍋頂部鋪上烘烤過嘅蛋白霜☁️層次豐富😌.核桃批🥧楓糖漿、黑糖同核桃融為一體🌰核桃香脆😆甜而不膩，加上鬆化批底，唔錯😛.芒果菲芷🍹芒果沙冰🥭.凍髒髒黑糖珍珠鮮奶🧋表面灑滿可可粉🍫奶味醇厚🥛黑糖珍珠香甜煙韌，甜度適中☺️

同朋友行街食飯，想搵一個地方慢慢嘆茶！呢間旺角樓上Cafe，真喺有驚喜；除咗鮮花電話亭之外，呢度有好多唔同main course,仲有好多不同珍珠奶茶系列；而且佢地鋪頭嘅甜品精頗精緻，Tea set 下午茶都好吸引！ 🫶🏻推薦 香蒜欖油海鮮手工意粉 $98🌕🌕🌕🌖茄汁芝士焗豬扒飯$78 🌕🌕🌕🌕自家製開心果巴斯克芝士蛋糕$68🌕🌕🌕🌖 自家製75%特濃朱古力蛋糕$68🌕🌕🌕🌕四季春芝士奶蓋$39 🌕🌕🌕🌖清香四李春$32 🌕🌕🌕🌖

就嚟聖誕節🎄今日夜晚去咗位於旺角既人氣Cafe 無諗過7點半去到係滿晒座 勁多gathering一班朋友慶生🎉呢間餐廳都係慶生嘅一個好選擇👍🏻 🍝海王櫻花珍寶巨蝦配龍蝦忌廉汁扁意大利粉一上碟就見到好巨型嘅珍寶蝦🍤表面係由櫻花蝦包住再拎去炸的 食落去蝦肉好彈牙同平時食嘅蝦唔同係有櫻花蝦係外層非常脆口 而龍蝦汁掛在每一條扁意粉上 不過個汁唔會好漏🥘西班牙海鮮飯呢個海鮮飯飯底都幾唔錯 有啲似炒飯好有味道 每粒米飯都沾滿了海鮮嘅汁 十分濃郁 海鮮有大大隻嘅蝦同青口 🧋髒髒黑糖珍珠鮮奶呢杯係好邪惡嘅黑糖珍珠鮮奶 非常適合打卡 有好多煙煙韌韌珍珠 奶味都幾香滑🍵聖誕抹茶甜甜圈(限定飲品)非常精美嘅聖誕飲品 抹茶好香濃奶味有香兩款Christmas Dessert🎄🤍自家制焦糖拖肥日本蘭王蛋蛋卷🤍自家製75%特濃朱古力蛋糕兩款聖誕甜品都幾好味 蛋糕上都放咗聖誕裝飾上滿滿嘅儀式感 勁有聖誕氣氛🤶🏻 開頭以為拖肥蛋糕會好甜但原來唔係 蛋卷質感好軟熟 係用蘭王蛋製作 同啲cream夾埋唔會好甜 仲有好香蛋味 食完會繼續好想食落去 表面仲有藍莓🫐非常豐富 而朱古力蛋糕食落就好濃郁 鍾意朱古力🍫嘅你一定要試吓

今天二人係旺角茶·聊午餐，點了比目魚扒，魚扒有成寸半厚，青口味道鮮甜，三黃雞，凍鴨屎香茶香濃，熱紅棗人參杞子玫瑰花茶，味道濃郁，每樣食材都用心制作，味道美味，餐廳位處大廈一樓，環境舒適柔美

今晚又喺旺角食晚飯，揀黎揀去最後都係去食嘅我嘅comfort food😛臨近聖誕，餐廳同店員都掛上聖誕裝飾🎄就連蛋糕同飲品都充滿聖誕氣氛😆🍖風乾德國脆豬手配薯角・芥末蜜糖醬 ($178)香脆又大份嘅豬手真係叫人好難抗拒🤣豬手經過風乾後，豬皮特別酥脆🤤今次更有進步，鹹度減咗😙配搭特調芥末蜜糖醬就更夾，甜辣交融，減膩效果倍增😋🐟香烤比目魚排伴香檳忌廉汁 ($148)諗住健康少少叫嗰魚食吓先😛點知比目魚油脂感爆滿，皮脆肉嫩滑🤤香檳忌廉汁配薯蓉，薯蓉幼滑夾顆粒感好好食😋好在配有燉雜菜，平衡返個邪惡感🤭🧀開心果巴斯克芝士蛋糕 ($48)蛋糕充滿聖誕氣氛😍用士多啤梨砌成嘅雪人又靚又好食😆蛋糕食落去散發啖啖開心果香🤤質地較厚實，唔算軟心，但就好順滑👍🏻🍰焦糖拖肥忌廉卷蛋 ($48)呢個真係值得我一再encore😋濕潤嘅卷蛋，包裹住大量忌廉🧁焦糖拖肥忌廉幼滑又唔會太甜😁就算食得幾飽都輕鬆清哂成個蛋糕😝🍵開心果椰椰 ($45)🥭芝芝芒芒 ($44)

依家周不時都會同屋企人去「茶聊」食Dinner，佢哋嘅Menu推出咗越嚟越多新主菜同甜品，真係一餐飯內就可以品嚐到多國菜，韓式主菜、西式甜品、台式飲料。時令推介韓式清湯牛仔煲（單點$298），牛仔骨肉質軟腍、帶有筋位，牛味濃厚，脂肪部分油脂味濃，牛骨清湯色澤清澈，內有冬菇、白蘿蔔、椰菜、大蔥，飲落肉味香濃、帶點蔬菜清甜味道，配菜包括有日式醃甜薑、韓式泡白菜、韓式辣椒豉油。韓式風乾燒西班牙伊比利亞黑毛豬腩配燒香蒜（單點$198），黑毛豬腩表面鋪有辣椒粉，肉質肥瘦相間，豬皮部份口感香脆，油脂部分食落入口即化，味道鹹香，燒香蒜食落好香口，配菜包括有燒節瓜、燒茄子。經典蘋果批（跟餐$48），表面鋪有藍莓、糖粉，餡餅皮食落充滿牛油味道，內有蘋果粒、葡萄乾，肉桂味道濃香，批底帶有抹茶味道。開心果巴斯克芝士蛋糕（跟餐$48），表面鋪有開心果粒、草莓，蛋糕口感厚實，芝士味道濃厚，略嫌開心果味道偏淡，依一件開心果巴斯克芝士蛋糕是一件高質的巴斯克芝士蛋糕，但亦是一件不合格的開心果巴斯克芝士蛋糕。凍超級水果茶（單點$45），少冰、少甜，好足料，內有西瓜、菠蘿、熱情果、蘋果、香橙、檸檬、青檸，茶味清香，味道酸

《茶聊》地址：旺角砵蘭街189號1樓環境不錯，又有打卡位食咗兩個主菜兩杯嘢飲同兩款甜品（雙雙雙）第一道主菜🐷韓式風乾西班牙伊比利亞黑毛豬腩燒香蒜五花腩，油花足 外脆內軟配埋蒜頭食別有一番風味，加上有火爐持續加熱保持溫度香煎翠玉瓜茄子🍆，煎香很好吃第二道主菜🐷時令推介：德國香腸拼盤幼身短腸加酸菜 肉感比較重 脆皮胖短香腸 香草味 唔會太鹹 爽口彈牙卷卷香腸 豬肉 食落味道最濃 肉實貝果 好香 外脆有咬口 牛油味 有驚喜薯角嘅造型幾特別 再加上茄汁非常之好食加配意粉 亦有用香蔥同洋蔥炒過芥末醬 唔太辣 仲有少少清新嘅感覺嘢飲方面揀咗兩杯🍻聖誕草莓抹茶：又有草莓嘅酸酸同抹茶嘅茶味 加上好多嘅cream，口感非常豐富抹茶配上cream係一個完美配搭，加上草莓粒粒嘅酸酸味道，令人飲完都吾會覺得膩超級水果茶：水果茶非常之清甜 亦有好多生果 非常新鮮甜品🍮自家製焦糖拖肥日本蘭王蛋卷：卷蛋蛋味濃 cream軟滑 焦糖味較為啖自家製開心果巴斯克芝士蛋糕：芝士味超濃郁，口感滑溜，開心果味濃郁

今日跟朋友去咗位於旺角砵蘭街嘅「茶聊」聚聚聊聊天,吃吃喝喝🤭🤭香蒜海鮮手工意大利麵…….有兩隻大青口和大蝦再加魷魚等…青口大大隻隻好鮮甜大蝦肉質爽彈😋😋手工意大利麵口感煙靭不錯！香草烤雞半隻….. 是用AiR DRIED 24 HOURS 個皮真係好香脆肉質好鮮味，而且都只是$98👍自家制開心果巴斯克芝士蛋糕質地好厚實，開心果味好濃😋😋而個朱古力蛋糕…朱古力控必食😍😍朱古力好夠濃郁聖誕mocha 甜甜圈和抹茶甜甜圈…都好好飲👍👍

朋友約我到旺角茶聊食晚餐，餐廳環境闊落，暖和燈光感覺舒服，周圍都是打卡位，平日晚上時間都坐滿客人，好彩朋友有book位法式海鮮煲法式海鮮煲非常足料，湯底濃郁鮮甜，虎蝦、青口、扇貝、魚等海鮮都鮮甜，大滿足西班牙海鮮飯呢款西班牙海鮮飯色香味俱全，各款海鮮夠新鮮，米飯粒粒分明，入口即化，非常滋味開心果椰香咖啡呢款開心果椰香咖啡幾特別，啱晒開心果控的我TEARAPY ICE BEAR MOCHA限量供應熊仔冰Mocha賣相非常可愛，咖啡朱古力配搭，味道吾錯茉莉花焦糖燉蛋推介呢款茉莉花焦糖燉蛋，微燒焦糖香，配上幼滑燉蛋，飯後甜品一流黑森林蛋卷黑森林蛋糕甜度適中，不過不失

旺角人氣cafe 《 茶聊 》Lunch 時間有多款選擇同朋友揀咗兩個set再upgrade 飲品ღ風乾煙肉卡邦尼手工意粉配流心蛋 $78意粉軟硬度適中，而且掛汁，搭配香脆風乾煙肉碎，滋味滿滿ღ鵝肝芝士牛肉漢堡配凱撒沙律及薯條 $158漢堡用上安格斯牛肉，牛味香濃有肉汁好juicy，加上油脂滿滿嘅鵝肝同芝士，口感勁豐富ღ 超級水果茶 +$35一杯入面有勁多新鮮水果😍有得飲又有得食，正呀！ღ TEARAPY ICE BEAR MOCHA（COLD）限量 +$34呢個賣相好可愛，有隻熊仔冰再自己倒入咖啡同牛奶飲落唔會過甜ღ自家制焦糖拖肥日本蘭王蛋蛋卷ღ自家製75%特濃朱古力蛋糕 甜品放上聖誕裝飾🎍好有feel蛋卷口感好軟熟，朱古力蛋糕味道濃郁

朋友介紹，－入去有柔和音樂，見到電話亭，即刻打卡。侍應，充滿笑容，服務好。先來個雜菜湯，好鮮甜，有紅腰豆，紅蘿蔔，椰菜，蕃茄。超級水果茶，好大杯，好多生果，好多維他命Ｃ。開心果椰香咖啡，有果仁在預，好鮮甜。有鑊氣蒜香欖油海鮮意粉，超大個蕃茄海鮮手工薄餅，有好惹味煙三文魚，彈牙大蝦，鲜甜青口。甜品有焦糖拖肥忌廉卷蛋，經理話是日本直送蘭王蛋，好濃郁蛋味，好creamy忌廉。藍莓蘋果批好香脆。今日好開心，環境chill, 食得飽，又好味，一次過滿足我三個願望。～

呢間樓上cafe真係唔錯！佢哋嘅梳乎厘班戟入口即化，鬆軟綿密，蛋香濃郁，真係一試難忘。牛扒亦都非常出色，煎得剛剛好，肉質鮮嫩多汁，味道一流。仲有個龍蝦包，好多蝦肉，超滿足😍整體環境舒適，服務親切，絕對值得推薦！

今次👦🏻👧🏻去咗位於旺角既一間人氣Cafe食晚餐，估唔到六點入座時入座率已過一半，食完晚餐更係Full House! 🌟海王櫻花珍寶巨蝦配龍蝦忌廉汁扁意大利粉餐點一到時的確有比佢既巨蝦Size嚇親！炸蝦用上櫻花蝦包裹著，而唔係平時普通吉列炸蝦。櫻花蝦同樣有香脆嘅口感，更帶有鹹香，令人眼前一亮。至於龍蝦汁扁意粉質感Al Dente有咬口，掛汁又唔會太咸。🌟風乾德國脆豬手配薯角-芥末蜜糖醬首先要讚一讚豬手真係皮脆肉嫩，每一寸豬皮都非常脆，豬手肉預先已拆，食得方便。整體上調味唔會過鹹，再點埋另上嘅芥末蜜糖醬（個人認為芥末味較濃，蜜糖味較微淡）更可以解膩！🌟開心果巴斯克蛋糕一入到餐廳時👦🏻望住甜品已經心心眼😍，仲要有佢最愛嘅巴斯克蛋糕，緊係要試吓！蛋糕結構整體上較為實淨，開心果味岩岩好，細細件唔會太漏。🌟茉莉花焦糖燉蛋而👧🏻就揀咗焦糖燉蛋，茉莉花味嘅焦糖燉蛋第一次食，估唔到茶味霜當濃郁又清新。焦糖燉蛋質感Creamy，配上炙燒嘅薄薄焦糖層，令人滿足。🌟超級水果茶呢度嘅飲品選擇眾多，估唔到呢杯超級水果茶超級足料，水果有齊蘋果、菠蘿、西瓜、檸檬🍋、百香果等等，啖啖果香茶香。🌟開心果椰椰用開心果奶蓋

第3次尼「茶聊」，原來Menu已經唔同晒，一定要試下先😬.法式海鮮煲🍲有帆立貝、蜆、青口🐚蝦🦐魚🐟番茄🍅椰菜🥬番茄湯酸甜開胃🤤5款海鮮都新鮮😉.海王櫻花珍寶巨蝦配龍蝦忌廉汁扁意大利粉🍝珍寶巨蝦超巨型😱表面包滿櫻花蝦再炸🍤脆香櫻花蝦加上爽彈虎蝦😆鮮味十足😋意大利粉掛上龍蝦忌廉汁🦞如果醬汁可以再濃郁少少更好🥺.開心果巴斯克蛋糕🍰蛋糕口感幼滑😛芝士味香濃🧀可惜開心果味較淡🥺.75%朱古力蛋糕🧁朱古力味Rich，苦中帶甜🍫入口軟滑😗加上雜莓🍓🫐.百香芒芒乳酪奶昔🥤百香果、芒果🥭加上乳酪🥛質感濃稠😌味道清新💦.超級水果茶🍹有士多啤梨、柑桔🍊檸檬🍋百香果、西瓜🍉菠蘿🍍蘋果🍎哈密瓜🍈茶底Refresh且甜度適中☺️