茶舍 (北帝街)

營業中

休息中

普通的西餐廳的水平。價格很平價人均100，配送的龍蝦湯味道很濃，海鮮麵類似於冬陰功的那種感覺那個麵的味道比較淡般般不推薦，洛神花茶是甜的水果茶也還行扒類中規中矩吧。炸魚排。還沒有食堂的好吃

經過呢一間店舖成日都想試吓，細細間但係經常坐滿人。夜晚諗唔到食乜就一於試吓，一試鍾情細細間店舖但係食物嘅本色亦都唔算少，竟然有我喜歡嘅軟殼蟹。脆炸軟殼蟹芥末吐司配薯條～呢個餐嘅份量夠，一啖軟殼蟹啖啖芥末加埋吐司～一個字形容好正😉⋯⋯薯條都好有口感，新鮮脆炸好香口。濃蝦湯海鮮飯～呢個其實可以配扁意粉，幫我今日又想食飯試吓個味道好夾，幾十蚊好足料而且仲好大個，熱辣辣上菜～正！真心性價比高。整體而言非常滿意，建議你哋繁忙時間可到OpenRice預約，如果唔係應該都要等位！😃

#粟米白汁雞絲湯扁意粉 👅 8/10 $38（茶餐來的）啲雞幾滑 唔會鞋烚烚😌個湯都算幾香扁意粉就正正常常😉.味道👅：7.8/10賣相👀：7.5/10扺食💰：8.5/10 .#炒蛋 👅9/10滑蛋 好味 鍾意食滑蛋嘅人一定要😋#火腿 👅唔比分啦正正常常#丹麥酥包 👅 8/10香噴噴 係好味嘅😉中意食呢隻包嘅人應該都會中意呢間餐廳嘅丹麥酥包😋.魔鬼芝士脆炸薯條 👅8/10 $38上面有啲類似煙肉嘅東西😂好香噴噴有啲似想當年麥當勞出嘅芝士煙肉薯條但係個薯條就好食過M記多多聲嘅（sorry我歧視麥當勞嘅薯條）.味道👅：8/10賣相👀：8.5/10扺食💰：7/10.凍檸茶正正常常冇乜嘢特別要介紹😂😂😂😂😉

初初搬到土瓜灣， 四圍搵好嘢食 今次嚟到呢間 茶舍茶餐廳。 已經畀 路邊攤牌的鐵板燒吸引。 咁就首先叫咗一下安格斯牛肉 鐵板燒 我哋叫咗五成熟 因為五成熟配上鐵板 已經可以去到六成熟。地方裝修簡約安格斯牛扒大大份 配料仲有薯菜 粟米 青瓜 配上燒汁 凍檸茶 豐富的一餐。叫咗五成熟 因為鐵板的熱量 已經令到塊扒有七成熟。安格斯牛扒口感嫩滑 肉質鮮嫩多汁餐前仲有沙律同湯 非常之豐富馬來西亞大蝦喇沙 大大隻新鮮生蝦。 蝦的肉質感彈牙。 喇沙 爽口 湯底成為 又唔覺得太鹹。

平時都比較少去到土瓜灣食野原來北帝街個到都有唔少餐廳見到茶舍門口放左大大個menu出黎 望落好似都有幾多選擇 所以就決定入去試下啦蒲燒鰻魚炒珍珠飯 炒飯上面放左木魚碎 木魚碎下面都收埋左唔少嘅鰻魚 鰻魚嘅味道香甜 加埋鰻魚汁 粟米粒 蔥粒一齊炒飯 整體味道不錯濃蝦湯海鮮飯胃口唔係太好 又見到menu上面嘅濃蝦湯好似幾吸引咁 所以就試下依個濃蝦湯海鮮飯 實物同menu一樣咁多海鮮 個濃蝦湯入口鮮甜 又唔會過分濃厚 一啖接一啖就成碗湯咁清哂啦另外仲叫左金桔青檸特調同Oreo碎片冰沙 都非常大杯呀🍹

土瓜灣呢間小店真係要大大力推薦！位置唔算難搵，喺土瓜灣地鐵站行5分鐘就到。裝修&環境都幾舒服，雖然位置唔算闊落，但坐落都幾Chill幾舒服的。重點係！佢嘅食物性價比真係超高！晚餐時段去，免加一得嚟，食物嘅價錢都好抵。我同朋友就點咗一個千島海鮮Pizza ($68)，勁足料：Cheese（拉絲！）、魷魚圈、蝦、帶子、火箭菜、菇，每一啖都係豐富嘅味道，而且個批底仲係好夠脆，好食到我同朋友不停讚嘆。只係$68，仲連一杯飲品！另外仲叫咗個軟殼蟹白酒天使麵($78)，係原隻軟殼蟹咁上㗎。我朋友切開嘅時候話：「呢隻軟殼蟹可以睇到滿滿嘅蟹肉！」$78嚟講有原隻軟殼蟹真係好抵食，另外佢仲有其他海鮮：蜆係連殼嘅蜆，唔係急凍蜆肉！都係嗰句：好足料！跟餐有餐飲，加$24就有一杯水果茶，大大杯，有好多生果同埋奇亞籽，正！咁豐富嘅一餐，兩個人食，平均每人都唔駛$100，真係抵到不得了！真心大大推！

地鐵站行過嚟好近好快就到原本喺門口見到以為都係普通茶餐廳睇嘢食發現食物種類好豐富類似係冰室 有啲日式食物 亦都有甜品入面環境都真係好舒服 好寬躺 佈置裝修有親切感覺魚籽三文魚蛋炒飯魚籽同三文魚你嘅份量好足而且個飯抄到粒粒分明 可能因為有三文魚所以有啲油香入面啲冬菇好香口 有啲似日式加中式混合 推薦Oreo 碎片冰沙嚟到嘅時候差唔多滿瀉咁好濃郁嘅Oreo味 有兩塊Oreo之餘上面仲加咗Oreo碎呢啲天氣飲 冇得輸而且跟餐加 嘅話真係抵好多朱古力芝士蛋糕朱古力味偏淡 反而芝士味會比較重口感同普通芝士蛋糕冇咩分別 份量唔算好大 食完正餐食 都唔會覺得食唔落意大利栗子法式布朗尼栗子味重 口感外面偏硬身 入面就軟綿綿 有層次 個人比較推薦栗子呢款最後值得一讚係 入面職員服務態度好好有禮貌 語氣又唔會好死板呢種親切感覺真係 成餐飯加分

成日經過土瓜灣都冇入到去試，今日就入去試吓，睇餐牌價錢都好似好抵食門面裝修都幾好睇，今日平日但都好多人入去食dinner。值得一讚去服務員態度好好，唔需要好高級，只要親民就會令到成餐飯都食得好開心。冬陰功雞肉pizza ：冬陰功味好出，有少少辣，餡料好豐富大量嘅芝士、菠蘿、洋蔥、雞肉、火箭菜，所有嘢味道都夾得好好。成個Pizza好惹味，Pizza底亦都啱啱好唔會太厚 。綜合水果紅茶：裏邊有藍莓、火龍果、士多啤梨、檸檬、青檸，最特別係個底有粒話梅，成杯飲品，酸酸甜甜好開胃，份量亦都好大杯。朱古力芝士蛋糕：係一種偏酸嘅芝士蛋糕，口感偏濕潤，朱古力味偏淡，芝士味偏重。意大利栗子法式布朗尼：裏面有蛋糕同cream，外邊有栗子醬包住，味道偏甜。

平時選擇茶餐廳食飯都係因為平靚正，仲要夠快同方便，食物嘅選擇可能來來去去都係常餐，快餐。今次呢間茶餐廳餐牌選擇卻多多，唔似食開嘅茶記喎。餐牌編輯精美，食物圖片張張都好吸引，見到好多款美食都流曬口水，樣樣都想試，最後好困難咁揀幾款食物。脆炸軟殼蟹芥末醬吐司，同餐牌圖片一樣咁靚，打咭滿分，軟殼蟹份量都幾大，吐司炸得色靚，兩者都香脆可口。中間嘅芥末醬成功搶分，微辣嘅味道，配合生菜，蕃茄，整個吐司口感味道大增，yummy.一口炸雞，炸雞嘅size啱啱好，一啖一口，熱辣辣，脆卜卜，雞肉jucy，唔會炸得太乾身，最估唔到嘅係一大碗芝士醬，瞬間變成芝士炸雞，好有趣啊。蛋黃煙肉卡邦尼長通粉，長通粉偏稔身，醬汁較稀，但勝在煙肉，磨菇夠哂多，仲有意粉配料上比較少見嘅芫茜，真係估佢唔到呀。再點多兩杯飲品：水果茶，鹹檸七。真係飽到非常滿足。

平時好少去土瓜灣，呢一日咁啱去完見客，就一於簡簡單單喺附近食個便飯先返屋企啦！北帝街附近都幾多餐廳，行左個round之後決定去試呢間叫做「茶舍」嘅冰室，因為睇menu見佢都選擇頗多，而且裝修都比較新淨呢日係平日夜晚，餐廳都幾多客，好彩餐廳都安排到一個位俾我。餐廳裝修同其他新潮嘅冰室差唔多，俾大家睇下：Menu嘅晚餐選擇頗多，本來想點個鰻魚炒蛋飯，點知隔離位嘅客人order左一份好吸引嘅鐵板美國牛柳香氣撲鼻，咁就一於豪少少order黎試下啦！個晚餐包左沙律、餐湯。啲沙律菜好新鮮，菜葉好脆。個湯就係龍蝦湯，味道唔錯！飲完湯個主角牛扒就上啦。用鐵板上嘅好處當然就係牛扒keep住熱辣辣，不過佢就比較容易太熟。我order 7成熟嘅，但可能鐵板太熱了，所以好快就唔係7成⋯好彩，塊牛柳本身雖然好厚，但都好juicy同tender，食起上來無話好鞋。以$168呢個價錢黎講，性價比頗高！另外可能因為辛苦左一日好想飲少少甜嘢，所以我就order左少少邪惡嘅orero沙冰特飲，再加一個蛋糕仔。呢兩樣嘢都唔會話好甜，合格！

係土瓜灣附近做完野，打算買外賣返屋企食路過見到呢間冰室，6點幾已經有唔少人堂食有個外賣部，仲有個窗仔比人拎外賣，幾得意另外有個凍櫃放細細件甜品、蛋糕、麵包、冷泡茶，幾特別入面裝修感覺舒服，大部份都係cart位現代感既設計，有幾個靚靚燈牌呢到主打西式料理，選擇眾多有漢堡包、吐司、pizza類 扒、龍蝦海鮮類，意粉 焗飯 蛋包飯 甜品叫左豬扒餐同長通粉，店員們服務態度都幾好 🥩生煎美國豚斧頭扒豬扒有2大塊 肉質爽嫩有嚼勁，厚身配菜都豐富，有3粒車厘茄、一大條翠玉瓜同粟米跟餐仲有埋薯條、餐湯、沙律、餐飲薯條同沙律都唔錯質素比得上cafe🍝蛋黃煙肉卡邦尼長通粉足料大份，啖啖都食到煙肉雜菌🥓🍄總括 性價比高，希望開多d分店~

見到有網上有網民推介土瓜灣哩間餐廳，放假就嚟試一試佢係咪真係cp值高先😋平日晏就1點去都已經好爆，同埋最緊要空間位足夠，完全唔覺得逼，個裝修都好靚見到menu有哩個龍蝦 好似幾吸引就試下佢🤤嚟到真係嘩咗一聲😱，真係幾大隻下，啲肉都好爽彈牙，冇雪藏味，唔係酒店入面任食個啲咁，然後個湯底都好香，帶有龍蝦淡淡嘅香味，入面仲有乾蔥同芫茜，令到個湯底有層次感，仲有啲魷魚 青口 蜆肉，份量都好多吓，我仲要叫咗湯飯，真係好飽🤤講真138食到哩個龍蝦飯真係抵喇😎之後，仲叫咗一個清酒蜆肉天使麵， 入面啲蜆肉都算多同埋都有啲煙肉蘑菇，而蜆肉size適中都冇沙，食嘅時候都食到有酒香味之後lunch set仲要加18蚊可以叫特飲，叫咗oreo 同 芒果沙冰芒果沙冰好出色，晏就咁熱，真係好消暑，仲要入面都好多芒果粒🥭，成杯野都真係好香芒果味整體黎講要我揀一個樣推介，龍蝦湯飯或意粉值得一試👍👍👍👍👍👍👍👍正

土瓜灣北帝街食的非常多，今日晚餐要咗茶舍嘅外賣，三個人叫咗三個餐外賣自取share嚟食，為左屋企人，人肉速遞都在所不辭啦😂😂6點半到左餐廳，時間還早都咁多人，證明應該係大家都覺得好食而咁受歡迎😉😉 餐廳裝修都幾特別打開menu, 見到餐廳理念，係有心既晚餐Menu都好好多選擇，節錄左些出黎：我落左order 15 min 就有得拎，店員話pizza即落即整，所以要點時間啦，真係拎到番屋企都是熱辣辣的👍🏻😂我們今晚分別叫了慢煮咖喱牛腩飯，牛腩好林好入味照燒汁鰻魚滑蛋包飯，鰻魚好好食，滑蛋夠滑夠半生熟千島海鮮pizza，pizza用料多，主要有魷魚、菠蘿海鮮pizza有成九吋，pizza 底都好厚身，正👍🏻👍🏻推介要試下而餐飲方面就叫了凍檸茶、凍奶茶、熱咖啡🥤🥤🍵：凍飲跟餐加$3，熱飲跟餐唔駛加，今餐其實份量4個人食都夠，二百蚊，抵食又好食😆😆

星期日下午去左土瓜灣食tea，去左呢間茶舍，環境都比較窄，餐牌都有好選擇，佢個百搭自選HI+TEA仲可以每邊簡一款，都好百搭。1.迷你卡邦尼+炸雞翼卡邦尼選用嘅係扁意粉做底，不過食落感覺都比較淋，個人食落口個汁都偏淡。而炸雞翼係相當有驚喜，夠哂熱陣炸到好乾身，食落口都好juicy，係好香好脆，值得一食，成份有三隻，咁樣成個餐連熱飲42蚊，都算抵。2.香脆魚柳包+滋味脆薯條包係有烘底，中間會有魚柳同菜、蛋黃醬，食落都唔錯，而薯條都正常，都係脆嘅。3.榴槤珈椰厚多士麵包都係選用厚多士，入面嘅榴連味都唔錯，食落都唔會太乾，如果多啲醬會更加好。下午茶連熱飲都係32蚊，自己一個食一份都會飽。

開業不足一年，由之前堆滿花牌到間中行過都總見到店外必排幾堆人，搞到我都想睇睇佢menu。開飯入面每日訂位只有下午二時後。13:50早到喺門外見有兩張吉枱問俾唔俾提早入，侍應擺出心不甘情不願嘅嘴臉，搞到我好似乞求佢咁，好勉強地俾我哋坐張起迫二人枱，五分鐘見未落單，又要就新入嚟六人而將我哋調去近落地玻璃稍為闊落嘅四人枱⋯⋯開心得太早，一樣係搭枱，係棟兩塊透明板同對面二人些牙同一張枱㗎⋯⋯於是乎喺呢個委曲求食兼崩緊嘅狀態下，食完全身筋骨痛。直至兩點至兩點半，店內又再坐滿。啲餐牌嘅照片無疑顏值頗高。理解到點解咁多返工返學嚟食，一字記之曰：平。同樣地，唔係因為平，差啲俾腐皮。既然仲有幾分鐘就下午茶時段（侍應㩒機落單，一定係頂多仲有一分鐘就搭正兩點先叫得）。下午茶餐係三十幾四十一個係算幾抵，嗌幾個懶係豪都冇問題，搭個散叫$60鰻魚滑蛋包飯。蛋漏蛋汁，鰻魚三分一段，兩碗飯飯量，交到差。鮮茄午餐肉通粉，午餐肉切粒煎香都有些少脆邊角；榴連咖咉厚多士厚度就一般，醬唧咗少少出嚟，薄薄一浸，叫做搽勻到接近邊緣；炸大雞髀係普通油炸光面樣，唔係見圖用麵包糠炸嘅款。茶餐廳嘅企理版變奏，僅此而已。