茶舍 (儲金閣)

營業中

休息中

打風前夕唔想出街食，行行下大埔墟發現三哥隔離開咗間新餐廳，見佢門口個凍櫃擺咗唔少蛋糕，一於試下佢先。見到餐牌有中式、港式、西式同埋日式料理，有好多選擇，今次我地就揀咗芝士焗波士頓龍蝦海鮮意大利飯同埋菠蘿鮮茄三層芝士焗豬扒飯。芝士焗波士頓龍蝦（半隻）🦞海鮮意大利飯 $148一打開已經見到大大隻既龍蝦，龍蝦有好多膏而且有個蟹鉗，入面仲有蜆、青口同埋魷，食材相當豐富。菠蘿鮮茄三層芝士焗豬扒飯 $56芝士已經佈滿咗喺焗飯到，加埋蕃茄同埋菠蘿既配搭，仲有一大塊豬扒，大滿足。

Happy Friday去左位於大埔嘅 茶舍 食返個扒餐。餐廳裝修係新式乾淨嘅茶餐廳。光猛用上白色，綠色做主要顏色。8點幾去到，都仲有唔少人等位，餐廳都好大，有好多卡位，就算多人都有位拼埋可以一齊坐。點餐用Qrcode落，有實體menu，唔知點解我掃唔到個code，店員都有幫手落單。餐廳好多選擇，港式焗飯，pizza, 包，扒餐等等都有。我就叫左 美國牛柳餐，要七成熟配薯菜，黑椒汁。連餐湯同胡麻醬沙律。一上枱個份量真係大到嚇親，牛扒好大件，而且厚身，有一節手指長度咁厚。第一下切落裏面帶微紅，外面熟透，擺多陣就去到熟有多。牛柳軟熟，食落有牛味而冇乜羶味，脂肪分佈平均。呢個價錢黎講性價比好高。而薯條餐廳用嘅係粗薯，份量多，而且好夠脆，第一啖熱到差d辣親。蔬菜都好有誠意，有車厘茄，半條翠玉瓜同粟米。飲品想清新d叫左綜合水果茶。大大杯仲好多生果，火龍果，檸檬，青檸，百香果，士多啤梨乾等等。酸酸甜甜好開胃，適合配肉食！甜品仲加配左個栗子蛋糕，栗子蓉唔會太甜，cream夠滑，配朱古力蛋糕幾夾。茶舍性價比好強，選擇又多，係唔錯嘅選擇！

小時候，市面有很多港式快餐店，他們賣的並不是港式粉面，而是港式西餐，其中最有代表性的肯定是鐵板餐。把鐵板燒紅然後放上預先煎好的牛扒、豬扒，再在上枱後當著客人淋上醬汁（通常都是黑椒或者洋蔥汁），即時醬汁四射、煙霧迷漫。這種食法都是香港懷舊回憶。在大埔廣福道的茶舍，這家新派茶餐廳，也保留了這種懷舊扒餐，不過餐湯換上了西式忌廉湯，我們叫的是雜扒餐，有1塊大牛扒， 1塊雞扒， 1塊超巨型魚柳，兩片煎火腿，還有其他配菜和薯條，用料不錯，用的牛扒不再是當年梳打味重的雪藏肉，而是有兩隻手指般厚的牛扒。當然你不可能用Steak House的質素去比較，但絕對是性價比超高。另外這裡的焗飯類也十分之吸引，用料足，份量夠，重芝士，有拉絲，我們兩個人也差點吃不完。有時候吃東西並不一定要價錢貴高級才好吃，平平地吃到飽飽的感覺也不錯！

係大埔新開了一間有驚喜間中、西、日式茶餐聽，星期日下午茶人山海要等位！以下點了....1) HI+Tea +凍奶茶 (這個餐有半塊雞扒+日式麻醬沙律菜味道不錯，但份量唔夠，易唔值$42，但凍奶茶係好飲)2) 黑松露野菌炒蛋牛角包餐+咖啡 (黑松露野菌炒蛋牛角包，超多料配沙拉菜，健康又好味，但熱咖啡味道一般有待進步)

行過望落門面幾光鮮，睇到餐牌後先發現價錢都幾親民。時間大約7點左右， 入座率都幾高。但都仲有位，等左幾分鐘就安排入座。兩個人坐四人位，空間闊落。可能因為繁忙時段多人幫襯，有點介乎熱鬧與嘈雜之間，是好是壞就見仁見智。全QR  code落單，對後生一代冇問題，但對老人家可能就未必太友善。有餐紙巾提供，值得好評咖哩雞焗飯，性價比高，上菜時熱辣辣。冇諗過上面有芝士＆焗薯，相當好味。蒲燒鰻魚炒珍珠飯，味道不過不失。上面配有大量木魚，飄飄下賣相吸引。類可以要求多飯／少飯，幾滿足到唔同人嘅需要(不過冇比較到係咪真係會多/少左飯)餐飲比主食早到，叫左鮮草莓沙冰＆茶走。草莓沙冰大大杯好抵飲，兩個人share 啱啱好。當甜品都得懷疑水吧以為茶走=奶茶走甜，飲落冇甜味。好彩杯野仲熱，自己加糖都冇問題。食嘅過程見到唔少人order佢嘅扒餐，望落幾大份，又可以"JAR JAR 聲"。實在太吸引，下次會試下～

竟然喺個卡邦尼長通粉入面!出現無限咁多既芫荽! 無限咁多洋蔥粒🫠其實知唔知好多人都唔食芫荽嫁?🫠仲要碎到呀媽都唔認得🥲一路食 一路挑 挑左1個鐘 我連半個長通粉都未食倒🫠唔緊要 飲杯熱飲先~叫左杯阿華田……重點係!應該係一茶匙既粉 再加一大杯滾水去開?飲落得水味🫠仲叫左個芝士汁魚柳蛋包飯~蛋冇蛋味!咬落去唔知食緊咩~仲有杯跟餐凍好立克~質地沖到好似奶昔咁….請問今次係咪20茶匙粉再加2滴水開？個濃蝦湯先係重點!完全唔係湯! 係膏狀!濃味精膏!

今日係happy Friday,就懶懶下無煮飯，經過大明里呢頭見到新開咗茶餐廳，決定試試。見到上至西式牛柳到茶記焗飯，連野飲都有好多款。蒜蓉汁雞扒滑蛋飯：個蛋味幾濃厚，有蒜蓉汁巴係白飯上，如果汁可以多返少少就更好。雞扒幾滑，$48相當抵食。個人鍾情呢個蒲燒鰻魚珍珠米：用咗珍珠米炒出黎既飯更加實在同有咬口，做到粒粒分明既效果，有鰻魚粒、木魚碎，連埋燒汁自帶既焦甜味，個飯100分。三層芝士焗鮮茄牛脷飯：出面有太多焗飯既選擇，但覺得牛脷焗飯開始買少見少。牛脷好諗，而且唔會有怪味。入面有原塊新鮮番茄，連埋芝士食極邪惡！Oreo碎冰沙：跟餐加錢，係奶味比較出。見到水果茶好似好吸引咁，又有甜品，但其實佢係一間茶記🤣另外值得一讚既係店員哥哥包裝都好好+有禮👍🏻下次想返黎堂食試試早餐！

茶舍 大埔大明里20號儲金閣12-20號地下A舖裏面燈光充足 精神爽俐設計簡約，睇落舒服新一代茶記 QR code搞掂所有田野蒜蓉汁香草雞扒滑蛋包飯蒜蓉汁唔會太鹹 👍🏻香草雞扒皮夠脆 厚肉味道好肉質嫩滑 蒜蓉汁 包住d飯食 加上滑蛋汁 超惹味茄濃湯通粉豬扒雞扒米粉肉食者注重！！！！鮮奶滑蛋三文治 烘底係因為有要求 🫢 雞蛋嘅厚度麵包嘅兩倍食落滑身 好濃奶香味魚籽三文魚蛋炒飯呢個三文魚炒飯外賣 幾欣賞佢用環保物料 雖然用紙製品，但係都夠挺身 衛生魚子三文魚顏色夠哂紅三文魚肉都足料 珍珠米口感更佳

成日聽朋友推薦茶舍呢間餐廳，係一間性價比超高，又有良心又貼地嘅餐廳。可惜之前佢只喺得土瓜灣分店，唔順路，一直都冇去試。但最近茶舍喺大埔開咗分店！！即刻約朋友一齊去食！一入到去覺得環境都幾舒服，我哋有機會坐到靚靚梳化椅，旁邊有綠色植物點綴，以環境嚟講都已經加哂分。食物方面，晚市去有做晚餐，超--級--抵！晚餐係有一個主食同埋一杯飲品，而且份量好大份，平均都係六七蚊一個餐，好貼地。點咗一份千島海鮮批 ($68!!!! 好抵)，好足料，啖啖都有海鮮同埋滿滿嘅芝士，Surprised 係個面仲有火箭菜，係我好鐘意食嘅配菜呢！$68仲包一杯熱飲，凍飲的話就要加$3，都已經好抵啦！另外仲點咗一份雜扒餐($168)，係用鐵板熱辣辣咁上，上菜時仲係「咋咋」聲。雜扒包括一大塊炸魚柳、一塊牛扒同埋1.5塊雞扒，仲有煎蛋、薯菜，可以揀黑椒汁/蒜蓉汁，另再配一份沙津同埋一碗餐湯！啖啖肉，而且有好豐富嘅配菜咁配搭，全部嘢食都好好食！我仲另外加咗$24配一杯水果茶，嘩，係大大杯嘅水果茶，一D都唔Hea，好足料，裡面有各種水果粒，正！賣單，兩個人都只係用咗$260，仲要免加一。呢個質素嘅西餐如果去其他地方食，閒閒地

收左工唔想煮飯係屋企樓下食算了去到堂食都幾full，見都多人等位，就轉叫外賣，選擇都算多，total叫左2個焗飯1個炒飯等左大約15分鐘咖哩牛腩焗飯（$58）拎到返屋企都仲熱辣辣，咖哩味濃，味ok，牛腩就比較多筋位，除左牛腩，仲有薯仔同熟蛋，飯比較濕菠蘿鮮茄三層芝士焗豬扒飯($58)飯比較濕，乾身d會好d，面頭好多芝士，番茄十分足本，豬扒都夠大塊，份量足蒲燒鰻魚炒珍珠米($68)鰻魚份量幾多，甜甜地，味道不錯飯中加入不少冬菇絲、粟米、木魚碎珍珠米加入左蒲燒鰻魚汁，濃淡度控制得不錯外賣嘅飲品有Starbucks 嗰種杯托裝住，好穩陣，拎到返屋企都無倒瀉，檸樂係俾一罐可樂同一杯檸檬冰咁，啱晒食完濃味野飲

大埔新開 長長方方 個座位設計簡單直接 一個內圍長方形加一個外圍長方形 內圍全卡位 外邊就彈性座位設計👍🏻整體來說 視覺效果舒服 樸實無華早餐時間尼食 都keep住多人香煎牛扒$45配丹麥包焗流心蛋自選雙拼意大利蕃茄濃湯通粉雞扒米粉 熟焗流心蛋香草雞扒 $40煙肉 熟蛋配丹麥包鮮奶滑蛋三文治$30三文冶烘底🙈別有一番風味如圖所示 極厚蛋 爆蛋三文治 🥪抵食足蛋鮮奶炒蛋係滑d 口味一流 同朋友外賣拎去野餐食🙊蒜香豬扒$48熟蛋 炒滑蛋 配 丹麥包蒜蓉味豬扒 味道岩岩好 唔會太咸 有厚度就有味道 食豬扒最怕薄切 呢間算係有誠意茶舍大埔大明里12-14和18-19號儲金閣地下A舖

呢日去開大埔行山，行之前梗係食返個早餐補充體力。平時少去大埔，見呢間新開茶記靚靚仔仔就入去試下。有梳化坐係舒服嘅，叫咗個扁意粉早餐。比較特別係落咗雜菌仲要係雞扒切粒嘅雞絲，可惜味道都係普通鹹鹹地嘅味，意粉都煮太淋。其他丹多火腿炒蛋係正常味道，熱齋啡夠熱嘅。合格嘅茶記早餐啦，夠大份填飽俾我行山嘅。見佢menu 有得食甜品蛋糕咁，可能蛋糕先會係比較有驚喜嘅嘢？坐住梳化歎茶食件蛋糕都好似chill chill 地嘅，有機會經過大埔先再諗lu。

早前經過大埔墟發現譚仔三哥旁邊新開一間茶餐廳，門外不時大排長龍，外賣自取預先用手機下單省卻等候時間更加方便。雖說是茶餐廳但店內環境寬敞明亮，裝潢簡約舒適得好比咖啡店，下次有機會定必再到訪堂食。食物款式於早餐、午餐、下午茶及晚餐各有不同，但中式、港式、西式、日式料理包羅萬有，定能滿足所有人喜好。蒜蓉汁香草雞扒滑蛋包飯 ($48) 雞扒煎得皮脆肉嫩，惟滑蛋略微過熟可再更加嫩滑。照燒汁鰻魚滑蛋包飯 ($60) 鰻魚肥美肉厚並燒得略帶焦脆，照燒汁加上木魚絲別具日式風味。三層芝士焗鮮茄牛脷飯 ($58) 舖滿芝士味道香濃，雖比較油膩但菠蘿加上茄汁酸甜自然，牛脷更每件厚切份量十足，肉質軟腍得有如忟牛面頰肉一樣。意大利栗子法式布朗尼 ($26)及柚子芝士蛋糕 ($21)加配價每件只需$16，前者栗子蓉香甜綿密，當中更包住鮮忌廉及朱古力蛋糕層次豐富；後者質感軟滑並混有粒粒柚子肉酸甜清爽。

多元化 好多選擇既茶餐廳今日系大埔經過呢個餐廳 裝修好光亮 都幾吸引顧客 見到佢入面都唔粉人 即管去試下叫左三樣野1）蒲燒鰻魚炒珍珠飯 $68用咗珍珠米，所以每粒飯都粒粒分明👍🏻搭配左柴魚片，上枱時都仲郁下郁下haha食落去略嫌鰻魚汁唔太夠，唔太夠味鰻魚份量適中最入味既應該就系d菇 ~~2) 黑椒汁美國安格斯配薯條🍟 $88五成熟，切落去唔會太韌，有少少血煮得岩岩好👍🏻不過略嫌唔太有牛味有沙律做底 油膩同清新嘅感覺可以一齊融合 所以食落都唔會話太有罪惡感薯條有少少驚喜，新鮮熱辣炸出，佢唔同麥當勞炸出嚟嘅薯條，佢嘅炸法有啲唔同，幾香口，唔錯👍🏻3）火箭菜煙三文魚pizza建議火箭菜可以剪細條啲，因為一大條就似分開煙三文魚pizza同火箭菜兩樣嘢，好難一次過食 , match 唔到入去不過佢Pizza就新鮮即焗，同埋佢個煙三文魚都幾厚，一大塊！有啲驚喜套餐配兩杯飲品 熱華田&凍央最後埋單$224 免加一如果下次我會試佢其他嘅焗飯會比較好，因為傳統茶餐廳食中式嘢應該會好啲

叫咗個忌廉野菌烤雞皇扁意粉，我竟然係白汁意粉入面見到芫荽。其實知唔知好多人唔食，什至好憎 。既然加咁重口味既調味，你個名應該加埋芫荽兩個字，我知我一定唔叫！（可能我見識小唔知白汁會加芫荽..）都算…完全無味…係真係無味…好似用滾水淥完直接加芫荽。意粉淋就意料之內，因為好多餐廳都係咁。然後食左兩啖就頂唔順走咗！我咁大個女未試過難食到食兩啖就走人，都好小難食到特登走上黎講。新開都搞成咁，我覺得自己煮仲好食🥲加油啦下🥲