茶芝味 (已結業)

黎到葵芳 1/F 有間水果茶 係我最愛既一間 每次黎到都會點佢 佢既水果好豐盛 亦都好甜同平時飲開既飲品店好吾同好有自己既特色 仲要係大大杯 大到一隻手都拿吾到必須要用個袋袋住 😂😂😂 全日飲呢杯都好足夠

呢間既芝士茶真係好邪惡，佢d芝士比較偏咸，同埋都幾香芝士味，又濃稠個人口味問題，通常都會走甜，佢個芝士抹茶走左甜都偏甜，怕太甜人士留意個人常買芝士桂花烏龍走甜，但佢d 茶會有dd澀味，但我鐘意xd

做人好多時候都係「知其不可而為之」，明明知道珍珠奶茶係有超肥，明明知道芝士奶蓋就梗係肥，明明知道飲一杯係肥過食一餐飯，但係有啲野真係唔係咁易控制，特別係對於一個芝士控黎講~~近年芝士奶蓋進軍香港，幾乎間間珍珠奶茶店都賣埋芝士奶蓋，但係當然唔係間間都好飲，睇咗坊間咁多介紹，知道葵廣呢間「茶芝味」就係平靚正之選，今日一場黎到當然要試番杯。為咗試出佢嘅原汁原味，我諗都無諗就揀咗「芝士奶茶」，D 芝士都RICH幾有口感，仲偏鹹鹹地，好正，不過因為我揀咗奶茶做底，我個人就覺得比較甜，下次可能揀返烏龍茶會比較好，但係總括黎講，佢嘅芝士奶蓋真係無得頂

茶芝味係我去親葵廣都會飲嘅肥仔水😋😋😋😆一邊行一邊飲，好耐冇黎呢頭啦。今日同中同聚舊行街shopping,一人一杯。其實我有比機會葵芳其他飲品店，但試親都伏，又貴又甜又唔好飲。都係揀茶芝味，今次都係飲抹茶

好鍾意去葵廣覓食因為佢有好多小食店同埋成日有新野有好多唔同種類既野食同飲品任君選擇呢次去既其中一個必食就係呢間茶芝味喇！上社交網站見人地推介話佢啲芝士奶蓋好好味而我so far除左喜茶未飲過啲好味既芝士奶蓋所以一定要買嚟試下！廿幾蚊一杯烏龍茶芝士奶蓋真係好抵喜茶要成三四十蚊架而且!!!! 好好飲啲芝士味好濃，又唔會膩配試清清地既烏龍茶味道剛好！Encore next time!

葵廣的茶芝味每次皆能滿足我的味蕾 櫻香玫瑰桃香三款口味的茶香不會讓你失望 芝士奶蓋質量和份量也讓你滿載而歸 還有奶蓋上灑滿均衡的抺茶粉末 更將飲品畫龍點睛 成就這一杯能夠值得讓人用心品味的茶飲而且飲品可以走冰 冰塊唔會溝淡茶味奶蓋夠厚夠稠唔會咁快融落啲茶到夠大杯夠滿足 價錢都唔算貴 30蚊有找濃厚嘅芝士奶蓋 茶底甘香 值得一試但唔建議嘗試水果茶 雖然大杯但無咩特別 得幾款水果 已經嚟過呢度買咗好多次～每次都保持到應有嘅水準～多多支持小店～稍嫌不足嘅係覺得店員可以唔好面無表情😂多啲親和力會好啲

當個個都去排沙田新城市廣場新開既喜茶，我就趁假日去葵廣搵一樣咁好味既芝士茶！茶芝味玫瑰烏龍茶 - $26呢間茶芝味雖然係1樓一個細細地既鋪位，但都有唔少人幫襯，味道亦都拍得上喜茶！芝士奶蓋夠鹹香同埋creamy，見到張相真係佔成杯茶既大約三份一，份量十足，而就咁飲落去絕對唔會覺得漏～玫瑰烏龍茶我就揀左少甜，上一次黎嗌過走甜但味道有少少澀，少甜既茶底帶有陣陣玫瑰清香，飲完感覺好清新～而且杯茶只係$26，係性價比好高既芝士茶呢

This isn’t one of you big name chain store places, but the taste of their cheese drinks are on par, or dare I say even better than a lot of those places. Definitely a “hidden gem”. I had the green tea version and the cheese is super smooth and thick with a hint of saltiness, pairing wonderfully with the sweetness of the creamy matcha latte. One of the best cheese teas I’ve tasted in Hong Kong!

一早同閨蜜約好黎葵廣掃街就已經好期待要黎飲茶芝味喇！個人不嬲都好愛飲奶蓋，不過就唔係間間都好好味，但茶芝味既奶蓋好濃厚，真係名乎其實係我杯茶！所以同閏蜜一黎到第一站就去買喇！今次我嗌咗茶芝味高山綠茶，閏蜜就嗌咗茶芝味奶茶，大家都少甜少冰！我果杯第一啖就飲到啲奶蓋喇，濃濃芝士味非常咁滿足，高山綠茶第一下入口會覺得比較清，少少甜帶有茶香，好岩掃街食完啲油膩或熱氣野後飲；閏蜜果杯茶芝味奶茶個味道就豐富啲，如果空口飲會覺得依杯好飲啲，但飲耐左同配埋啲小食飲就可能會有啲啲漏喇！所以兩杯各有各好飲既，不過今次見到閏蜜自備咗手挽杯套方便啲又環保，等我都買番個，下次黎繼續幫襯，掃街就多隻手食野喇！

成日見到人哋去葵廣都飲茶芝味，但係我就從來都冇見過呢間舖頭😂好彩有朋友帶我嚟呢度😎#茶芝味Oreo宇治抹茶 ($30)😋好味指數：(7/10)喺厚厚嘅奶蓋面頭有一層oreo碎☺好滿足❣奶蓋飲落去都重芝士味，宇治抹茶都幾濃，不過偏甜😖飲飲下都幾濟😫另外杯蓋嘅設計就有啲難飲到奶蓋加抹茶😢#大大杯招牌水果茶 ($35)😋好味指數：(7/10)好抵飲呀，唔會太過甜😆岩晒2個人開心share😙2個人掃街飲呢個都幾方便✌🏻

茶芝味的抹茶比起很多香港台式茶店的抹茶都要好喝不會稀稀的茶與奶的比例也控制得很好芝士奶蓋也非常滑喜歡甜的人可以拌勻喝，會令抹茶更甜更滑喜歡甘的人可以先吃掉奶泡，才喝下層的抹茶而就個人口味而言，我是喜歡分開喝的但奇怪的是好喝的東西它的店卻沒有像其他台式飲品店大排長龍可能是門面比較hea即使經過都未必察覺建議從裝修下點心思啊

本身今日約好左fd番大陸玩 但最終去唔成 所以特登黎葵廣呢間茶芝味睇下揾唔揾到喜茶既影子呢間小店嘅位置都幾隱蔽 跟住網上嘅地址來揾 我都來回行咗三次先見到個門面今次就係想試下最多人推介既茶芝味宇治抹茶 ($29) 因為在場冇乜人 所以落完order一陣就即刻可以拎到奶蓋好厚 上面曬左一層綠茶粉 抺茶奶綠色 賣相唔錯 成杯野就係小清新嘅感覺奶蓋好濃厚 芝士味香濃 食落有鹹香味道 好邪惡但好正 不過茶底甜左d 茶味唔夠濃 飲落都幾膩 奶蓋芝士同抺茶底又欠融合

自己平時唔係奶蓋嘅粉絲，因為一直覺得好肥好有罪惡感XDD但同事一次又一次咁大推呢間!所以我哋放工之後就一齊去咗葵芳廣場~買咗杯茶芝味嚟嘆下~落單之後係對面企左一陣，同朋友吹下水都唔覺要等得耐~個奶蓋超級厚!!!好鍾意佢個芝士奶蓋味好夠，鹹鹹哋好易令人上癮!!個奶蓋打得好厚身又夠綿~~!好輕易就可以ko咗大半杯~不過飲到最尾都幾飽~我就食唔落其他葵芳廣場既美食啦~店員得佢一個一腳踢，睇到都覺得好辛苦，但落單嗰陣時佢都幾有禮貌!值得讚!!

今日去左葵涌廣場掃街第一時間緊係搵有冇當地正既野飲飲下啦～睇到OpenRice 有唔小人有提到呢間茶芝味既抺茶奶蓋話好飲，身為香港人，點可以唔朝聖！超有驚喜！奶勁滑，抺茶味勁香勁濃！！最後仲聽唔住試埋個夏日櫻花烏龍茶奶蓋！

香港沒有喜茶，飲過許多間茶飲，都找不到喜茶味道。唯讀這間茶飲讓人飲到8成喜茶的味道。因奶蓋有重重奶味。茶底都滿意，不太甜。連杯都是最方便奶蓋所飲用，之前欣賞喜茶的膠杯蓋，有兩邊可使用，這款杯蓋都有點相似。