茶茶台式料理 (已結業)

今日收工同朋友去咗旺角食台灣嘢，呢間茶茶台式料理裝修得唔錯，而且睇到Menu上面價錢都唔係好貴，所以我哋就入咗去試吓。我哋兩個人分別叫咗個一人鍋（$108）同埋一個鹽酥雞扒滷肉飯（$68）。個一人鍋我哋叫咗個藥膳雞鍋。個藥膳雞鍋好足料，入邊分別有花雕雞、大蜆、菇類同埋蔬菜仲有炸魚皮。個雞真係冇得頂，食到淡淡的酒香。而且大蜆乾淨冇沙。啲菜吸晒啲藥膳雞湯好好味，唯一美中不足嘅係魚皮佢放咗喺個鍋上邊有啲淋，餐廳可以考慮另上。除此之外個鍋都係水準之上。另外鹽酥雞扒滷肉飯都做得唔錯，因為個雞扒係即叫即炸所以係10分juicy，雞扒唔會炸得好dry 。上面灑滿好香口嘅椒鹽，雖然邪惡但係好好食。滷肉飯啲滷肉就用上充滿油香嘅肉，加埋香甜嘅醬汁，所以我哋好快就食晒成碗飯😆另外要特別推介呢度嗰隻啤酒（$45），呢一隻柚香啤酒喺外邊好少見到，原來係台灣直送入口嘅。隻手工啤飲落真係好有柚子香味，而且佢嘅啤酒唔會好苦，女仔都好啱飲。👍 希望下次黎可以試埋佢另外一隻青芒果味啦。

今天跟媽咪去這家餐廳吃臭臭鍋，裡面有臭豆腐，因此叫作臭臭鍋，裡面有豬血、米血糕、牛肉、蜆等，本人不吃豬血、米血糕，但媽咪好喜歡吃。如果吃不慣臭豆腐的就叫麻辣湯吧。湯底叫左小辣，另外加配了小滷肉飯，味道濃郁，不錯。媽咪看到台式小吃就著魔，樣樣都想試。我們叫了兩款：手撕雞，賣相OK，二人份量。上面配有麻醬，味道幾特別。手工肉餅，一份有六件，裡面有汁。黎台式餐廳，一定會飲熱奶茶，這裏叫了三分甜，奶茶大大杯，覺得味道比較淡，茶味可以更濃。

經過旺角想食一碗正宗台妹牛肉麵，可惜人龍每一次都出現，其實旁邊有一間 Cha Cha ，一間全部後生仔，食物同服務都唔錯嘅台式料理店。冇諗太多，見到杯珍珠奶茶就想入去坐啦！呢度出名嘅係臭臭鍋，但我今日就想食牛肉麵，下次再試！秘製麻辣牛肉麵 $68手作麵特別有彈性，獨特美味湯底好飲到不得了，小麻不太辣合我心意，真係食慾大開。上等牛肉入味軟腍，口感軟中帶嚼勁，正！芝士肉鬆蛋餅 $39以前每次去台灣旅行，都會食蛋餅做早餐，便宜美味的小吃。呢度餅皮口感非常Q彈，蛋味香濃，半溶芝士配搭香甜肉鬆，滋味非常。酥炸花枝丸 $34講到台灣地道小食，花枝丸不能不食，酥脆可口，炸到金黃色，彈牙口感，配上甜辣醬汁更美味。奶蓋茶茶八號 $37我一向鍾情奶蓋系列，topped milk 飲完一口又一口，茶茶八號 係呢度嘅招牌飲品，茶味芳香濃郁，我仲可以跟住個人喜好選擇少冰少甜，份量適中，加上QQ的珍珠，回味無窮！

位於旺角的台式料理店，這條街道食肆林立，附近都有好幾間台灣食店。主打台式麻辣火鍋、地道小食、飯麵及台式茶飲等。晚飯時分，坐無虛席，加上枱不大，座位亦較為迫。放了熱鍋後，完全佔據了自己的位置，即使想點更多食物也沒有位置放了。台式小鍋：茶茶麻辣鍋辣度：中配料：牛肉、台灣貢丸、花枝丸、蜆、蟹柳、白魚蛋、花生、公仔麵、炸枝竹、豆腐、粟米、椰菜、鮮冬菇、娃娃菜、金菇、芫茜材料蠻豐富，過癮的辣，尤其是浸泡著湯底的蔬菜及公仔麵條都滲進辣味，浸得越久越辣。若然不夠的話，還可額外追加火鍋料。手作麵：外婆炸醬麵青瓜絲、芽菜、醃菜、蔥、芫茜及麵條，淋上炸醬，將所有材料拌勻，全靠豆瓣醬及肉碎來調味，吃到底不算太油膩。蔬菜口感爽口，麵條煙韌，彈牙，整體味道鹹香、滋味。

臭臭鍋？！出旺角行街經過茶茶台式料理見到佢Menu有招牌臭臭鍋，就被吸引左入去試試台式臭臭鍋個鍋裡面有牛肉.臭豆腐.米血糕.鴨血.貢丸.韭菜.粟米.滷腸.鵪鶉蛋.金菇，味道唔錯，今次叫左小辣，唔太食得辣既我都接受到，下次可以試勁啲另外我地仲叫左台式紅燒牛肉麵同蟹肉芝士蛋餅紅燒牛肉麵牛肉夠曬淋，但味道好似唔夠濃蟹肉芝士肉鬆蛋餅好豐富既餡，因為未食過其他蛋餅，所以沒有比較沒有高低飲品方面就試左奶蓋茶茶八號同奶蓋莓莓茶茶八號係咩？綠妍+四季春+高山烏龍=味道唔錯，奶蓋奶味超濃

今日朋友帶我去位於旺角新寶戲院附近嘅「茶茶台式料理」食晚餐！茶茶有台灣一般的美食如臭臭鍋，手工麵等選擇！而且茶茶裝修簡潔，以白色為主，枱與枱之間的距離足夠，感覺舒服！台灣紅燒牛肉麵，湯濃味適中，牛肉厚身，大大件，而且口感鬆化，手工麵條粗幼適中，有咬口又彈牙沙茶牛肉麵，湯底濃郁，帶少許辣，夠惹味，讓手工麵條也入味👍🏻小香腸并鹽酥雞粒，香腸口感夠紮實👍🏻鹽酥雞粒炸得脆，不會過乾，雞肉香口惹味！芝士肉鬆蟹柳蛋餅，餅皮夠薄，蛋與餅皮貼實，不會鬆散，芝士拉絲，肉鬆香口，口感豐富👍🏻

今日同完女朋友行旺角 就去食街搵野食，甘啱想食台灣野就選左呢間茶茶台式料理。首先講下環境都5錯 燈光都柔和 坐上黎都舒服 ，間台式跑台幾有風格 尤其是整咖啡既聲。講返大家關心既野食先， 小食 就叫左香辣炸雞翼，主菜就兩個人一齊食 藥膳雞鍋 追加 娃娃菜 ，配菜兩樣為 炙燒黑椒牛肉飯 同 芝士肉鬆雙拼蟹柳蛋餅。野飲方面我同女朋友就分別叫左 百香果綠妍 奶蓋綠妍講下炸雞翼先 ，佢炸到連軟骨都比較鬆脫 呢點我果比較喜歡，另外 佢辣係我5食得辣既女朋友都可以接受既程度 歡迎有興趣既可以一試無妨，再來 佢份量都好足夠兩個人食到飽。值得一提係佢 炙燒黑椒牛肉飯 要撈圴先係最完美去享受佢既辣度，大概接近有譚仔3小辣 愈食愈爽，不論辣既方面佢既飯底配合有炒過既甜牛肉同洋蔥係有做到韓式甜醬果種 甜辣甜辣效果。至於蛋餅，由於係兩拼  整體上都幾豐富，但個人會喜歡芝士既口味，而女朋友喜歡蟹柳 😂😂而主菜方面，食過甘多重口味野有果藥膳中和係幾好，湯底飲的4出有幾種中藥做主味 但未至於難以接受 反而 連我女朋友都覺得可以再食一次。雞的份量合理既，連同菇同蟲草花 係幾健康既。如果係注重健康既人5好錯過係野飲方面

今晚食"自己", 食一間同我一樣名既餐廳xD. 呢度除左一般既台式野食，仲有臭臭鍋，點餐就用QR code.✨麻醬手撕雞撈面：個麵麻醬味唔算濃但反而麻油味幾香，鍾意佢個麵質夠煙煙韌韌，加上手撕雞同埋芫茜好香好好食。✨奶蓋茶茶8號：呢杯真係超好飲，茶味好香，奶蓋又香又滑，好想一飲再飲。✨香煎雞扒滷肉飯：雞扒皮煎得微微脆又啖啖肉， 滷肉偏瘦但幾入味，飯仲係珍珠米。✨蟹柳肉鬆蛋餅： 皮薄得黎幾有彈性，加上面頭甜甜酸酸既醬汁同埋熱辣辣既肉鬆蟹柳饀，味道豐富好好食。

主打台灣麵食及飯類, 餐廳地方寬敞, 係Casual的食堂~ 顧客可以掃 QR code 直接點餐, 好方便~點了香辣炸雞翼及脆皮肥腸作小食, 雞肉幾嫩, 不乾身, 微辣的, 幾惹味!//香酥豬扒煎蛋飯//煎蛋的蛋黃是半熟的, 一篤開, 蛋黃漿慢慢流出來, 用來配飯🍚, 很好吃😋! //健康蔬菜湯麵//用台灣粗麵, 湯底鮮甜, 蔬菜份量多, 裏面還有粟米、木耳、菇。飲品方面, 我推薦百香果綠妍, 綠茶味幾香, 同時有百香果的甜味, 裏面有粒粒百香果, 有口感。

突然想食雞排麵, 但隔離黃店人頭湧湧, 我個肚等唔到咁耐, 就入左呢間茶茶, 又幾OK 喎! 坐低就 SCAN QR CODE 自己點菜, 快靚正! 首先黎個酸菜肥牛鍋, 一鍋滿滿的 酸菜、肥牛、貢丸、墨魚丸、豆腐、粉絲、腐皮、大量蔬菜....個湯底好正, 有D 麻辣, 食完好爽再黎就係鹽酥雞排蔥油拌麵, 雞排炸到脆卜卜, 好香脆粉但唔太厚或油淋淋. 仲好大塊! 而麵底都好好食, 好香蔥油味。酥炸花枝丸好彈口, 兼有胡椒鹽香,  香香脆脆的好滋味, 配埋泰式辣醬係完美呀最後就係宜蘭蔥肉餡餅, 呢個我第一次食, 估唔到食唔停口, 肉餡好多汁, 蔥味好香甜, 煎到少少脆咁, 口感very good~ 可以encore~~~

好鍾意食一人一鍋，雖然而家天氣好似熱咗但係喺室內食開大冷氣都係另一番享受。呢到旺角呢間台式嘅一人一鍋，最緊要又有珍珠奶茶飲又可以打邊爐。呢度都係用QR code去到落單嘅可以自己上網慢慢睇。招牌臭臭鍋$108呢到梗係要食招牌菜啦！呢度嘅招牌就係臭臭鍋！入面有豆腐係台式臭豆腐，個煲聞落去唔臭但係成舊豆腐就會有浸臭豆腐嘅香味！入邊有米血糕，鵪鶉蛋，牛肉鴨血豬大腸 貢丸韭菜等，用了非常充足如果再想食烏冬就加$12。成個烏冬吸晒湯底嘅味道超吸引！藥膳雞煲$108好想試吓呢度嘅藥膳雞煲係咩味，首先飲咗啖湯，真係勁大浸藥膳嘅味道，有蟲草花杞子，而且雞仲新鮮大大隻雞比。入面仲有其他蔬菜譬如金菇生菜娃娃菜等。奶蓋四季春$33奶蓋好厚身好滑溜，加上四季春清清淡淡嘅茶香味可以中和返。奶蓋高山烏龍茶$33本身鍾意飲烏龍茶加上奶蓋就多一份口感。

之前去台灣有食過一次，估唔到香港都有得食。咁耐冇得去台灣旅行，梗係要食佢回味下啦。店舖非常整潔，一入門口就有一個手搖飲品吧，好有台灣嘅感覺。呢度除咗台式火鍋，仲有好多唔同嘅台式料理。茶茶麻辣火鍋🌶火鍋嘅配料超豐富，有肥牛、花枝丸、顯，仲有好多唔同種類嘅蔬菜同公仔麵。麻辣湯底好香濃，辣得來好過癮。加$15仲可以追加滷肉飯，超大碗，勁抵。台灣牛肉麵🐮牛肉份量都幾多，肉質比較瘦，食落唔會膩。而且湯底非常濃郁，忍唔住飲晒成個湯底。奶蓋茶茶8號加仙草呢度嘅手搖飲品都非常出色，茶味香濃，奶蓋玩得來帶少少海鹽既味道👍🏻👍🏻👍🏻埋單唔使$300 ，值得推介。

有時候選擇一間餐廳好隨意～路經「茶茶台式料理」見到可愛的霓虹燈Logo是一隻恐龍在吃著一人鍋🥘🥢而且店內滿座，門外也有人在排隊。直覺告訴我，呢間餐廳應該不錯的～還好排了數分鐘就可以入座。鹽酥雞扒蔥油拌麵 $68朋友唔喜歡食蔥所以走蔥了🥲不過拌麵依然有濃濃香氣～麵質煙韌，而且雞扒香脆，肉質滑嫩。蟹肉芝士蛋餅 $55蛋皮軟熟，口感煙韌，餡料有肉鬆、芝士、蟹柳，都算豐富，上面加上醬汁及芝麻，好香口。奶蓋莓莓 $38好大杯的飲品，用藍莓果肉打成，加上奶蓋，入口酸甜開胃。奶蓋茶茶八號 $34香濃的紅茶味，同奶蓋拌勻飲都好好味！

呢間台式小店落單用QR code，好方便。紅燒牛肉麵台灣餐廳我必點嘅牛肉麵。呢碗紅燒牛肉麵牛肉肉質超淋，份量又多。麵質爽口彈牙，味道唔算好濃，清清地，食落感覺好健康，冇味精。芝士肉鬆蛋餅蛋餅皮薄料多，啖啖都係芝士同肉鬆。小香腸配鹽酥雞粒新鮮炸起嘅一定好食。台腸外皮超級香脆。炸雞皮薄脆口，細細份如果一個人去食都唔洗驚食唔哂。青椒皮蛋份量好多，辣辣地酸酸地食落好開胃。百香果綠妍有得揀甜嘅份量，唔止少甜，仲可以點3分甜同5分甜，總有一款啱口味。百香果香味濃，甜甜酸酸超解渴。

芝士肉鬆+蟹柳蛋餅好味指數：👍🏻👍🏻👍🏻👍🏻👍🏻內餡有蟹柳，肉鬆，芝士。蛋餅外皮好簿，微脆。醬汁甜甜地好夾。小編大推，必食。炙燒黑椒牛肉飯好味指數：👍🏻👍🏻👍🏻👍🏻👍🏻牛肉相當香口，咬到邊邊位會脆脆地。微辣，一定要撈均勻，咁就成個飯都會有辣汁同埋醬汁，加上用左珍珠米，好味。香辣炸雞翼好味指數：👍🏻👍🏻👍🏻👍🏻雞翼外皮金黃香脆，面頭落左好多辣粉。雞肉都易離骨。藥膳雞鍋好味指數：👍🏻👍🏻👍🏻👍🏻湯底會有啲西芹味，可以免費加湯。呢個鍋比較養生，蔬菜類較多，配試雞肉，如果想打邊爐但又想健康啲，可以試下呢個鍋。🍹飲品好味指數：👍🏻👍🏻👍🏻👍🏻奶蓋綠妍（3分甜）（右）及百香果四季春兩杯飲品都相當大杯，而奶蓋綠妍嘅奶蓋味濃度剛好。百香果四季春就有好香百香果味。酸甜度剛好，開胃。🪑環境適合1-6人入座。環境都潔淨，裝修雅致，影相打卡都唔錯。以下係餐牌俾大家參考一下：