茶茶台式料理 (已結業)

屋企口罩用晒，所以今日放工特登落嚟旺角買口罩😷順便同寶寶今晚喺旺角食埋晚飯先返去❗️本來諗住是是但但食個車仔麵算，點知行緊去車仔麵店期間，發現原來呢度有間台灣野😳行左呢條路咁多次都好似唔多覺咁🙈見菜式都幾吸引💕價錢又唔貴🌟望入店內，感覺都好乾淨好光猛，坐位亦夠寬闊😌就轉咗來食呢間茶茶台式料理❣️餐牌雖然睇落唔係好多嘢食揀，但其實種類好多，總有一款啱你選擇❗️見其他人食湊湊鍋好似食得好滋味咁😲但事關今日對我哋來講真係太熱，真係食唔到火鍋🙈所以點咗其他招牌菜❣️🥢台灣紅燒牛肉麵 $68湯底睇落好濃郁🤩所以先試咗一啖湯，果然真係好香濃惹味而且唔算好油👍🏻牛肉質感軟腍得來唔乾，好入味💕絕對炆得夠久，不需要很用力咬開❣️而分量亦不少，有三至四大件🤓麵質滑溜得來有少少彈牙，寶寶話非常鍾意呢個質感嘅麵條☺️所以整體來講，呢碗牛肉麵絕對係有水準嘅❗️鹽酥雞扒滷肉飯 $68鹽酥雞熱辣辣新鮮即炸❗️雞肉肉質軟滑❣️唔會炸到好乾，調味亦唔會過鹹 👍🏻入口仲好香脆😋滷肉飯嘅正宗又惹味，好似喺台灣食咁☺️雖然係用五花腩製成，但食落一d 都唔肥膩😎🥢脆皮肥腸 $32名副其實，個腸皮真係好脆🤓不過腸嘅肉/肥肉就仲係呈軟腍腍嘅狀態💕入口

成日見好多人排，今次有朋友訂位！就可以嚟試下！因為我只可以食清淡嘅揀左藥膳豚肉麵！一上檯就聞到好香好濃嘅藥材味！但飲落就無聞落咁濃嘅～不過都係鐘意嘅人會鐘意，唔鐘意嘅就接受唔到～但我就覺得非常唔錯，而且飲完都唔會口乾！材料都落得好足！碗麵好大碗，蔬菜同豚肉都比好多，麵更加唔洗講，唔係食兩啖就無～豚肉都唔會有陣豬腥臭味～不過佢就無餐，全部單點。所以無包飲品！而我啲朋友點鹽酥雞勁香，望落炸得又唔油膩！朋友大讚炸得好酥脆！另一位就點左蔥油雞撈麵，唔會太乾太咸，食落仲有啲甜甜地嘅味道！我地仲點左個蔥油餅，唔厚粉大大份。每片薄薄地，仲好貼心切開晒細細件！份量超級足，我地無人食得晒⋯飽到大家都捧住個肚走！

今日去左旺角茶茶CHA CHA食台灣野～好多人，好彩等左5分鐘左右安排到座位👏🏻自助掃QR CODE 落單～我地兩個人點左藥膳雞鍋，加埋粉絲蟹柳。麻醬手撕雞拌麵，酥炸花枝丸。飲品叫左每人一杯奶蓋莓莓🥤超級好飲，奶蓋又夠多😻平時行街經過買黎飲都抵～兩個人岩岩好，都係$300幾蚊左右～抵食又好味🙌🏻🤤全部野食既水準都好高～我最鍾意個麻醬手撕雞拌麵。個醬既味道岩岩好，唔會過鹹。熱辣辣，麵質都好彈牙🍜藥膳雞煲好足料～雞肉份量都算多。湯底係藥膳味～台灣有好多火鍋都店都有藥膳味揀，所以一食落口，有去左台灣既感覺✈️解下相思美食之苦😆見到隔離枱食麻辣鍋都好似好正🤤小食我地叫咗酥炸花枝丸，花枝丸係我食台式餐廳必點嘅其中一樣🤣台灣嘅代表～👍🏻

😆好耐無食茶茶啦，今日終於去食‼️今次去到茶茶轉左QRcode落單😆👍🏻，好方便快捷！今次揀嘅都喺台式一人鍋：茶茶麻辣鍋🌶，$108有好足料🤤！勁多牛🐃，仲有個公仔面，2個人食都好飽肚‼️重點我唔喺好食得辣，竟然可以有得揀辣度❤️。另外，仲叫咗鹽酥雞扒鹵肉飯，雞扒超大件又超香口😍😍。小食就叫左花枝丸+掠拌木耳！超級超級推介木耳😱😱，真係勁好味，最後叫咗杯奶蓋高山烏龍茶🥰，隔咗咗耐嚟食，仍然無失水盡🔹🔹🔹🔹🔸🔹🔹🔹🔹1️⃣. 大約等5-10分鐘有得食😛，出餐速度高2️⃣. 💸 ：$350

臭臭鍋？聽個名好似好奇怪，究竟係咪好似臭豆腐咁臭？原來係檢自台灣既鍋，有啲似打邊爐咁，有好多唔同既餸係個鍋入面，今次就黎左旺角既【茶茶台式料理】，晚市都差唔多坐滿人。餐牌上原來除咗招牌既臭臭鍋，其實仲帶好多唔同口味，岩哂不同喜好既人一人一鍋～仲有好多唔同既台灣小食飲品可以揀，可以當去左台灣夜市咁！鹽酥雞併小香腸台灣最出名既美食係哂呢個併盤入面，可以一次過滿足晒想要既野。台灣腸同平時係台灣食既差唔多，都係好有台灣風哋，鹽酥雞更加不用多說，好食！酸菜肥牛鍋呢款鍋好得意，得意之處係佢唔辣，但會有麻辣既麻既感覺！裡面既餸非常豐富，除左有肥牛，仲有冬菇、粉絲、蜆、丸、菜⋯⋯仲有其他酸菜口味好開胃，同其他餸都好夾，最岩唔食得辣既朋友！麻醬手撕雞伴麵本身以為跩個麵平平無其，但其實食落都幾好食！麻醬好濃郁，好有花生味，鐘意重花生味既人好適合～另外手撕雞都好食，充滿麻醬味，份量都好足料。芝芝莓莓

趁住5.1黃金週出街支持一下黃店，事前見到呢間鋪有蛋餅，而朋友係十分中意食蛋餅，所以book左位試下佢。大概7:30黎到餐廳，見到另一間餐廳同樣係食台灣野，有好多人等位，但呢間就⋯，我承認個心有少少擔心既。坐低之後店員比左個QR Code我地自己落單，一黎緊係揀蛋餅，之後再揀左個養生雞鍋，一口小香腸滷肉飯，再加推薦既奶蓋八號奶茶。奶蓋八號茶茶：可能我地叫左少甜少冰，黎到個杯底仲係熱既，奶蓋味都夠既，不過唔係話好特別。一口小香腸滷肉飯：一食落口，啲飯好硬，扣哂分，香腸偏乾同硬⋯藥膳雞煲：算係正常既，不過魚片如果可以另上更好，因為一黎到已經浸左落湯度個啲已經淋哂，要逼住即刻食哂佢雞件都大件同滑，但湯底偏咸最期待嘅蛋餅，有2款，我地叫左芝士肉鬆，味道都ok既，因為啲料都正常，有肉鬆同芝士味，可能啲咸都係偏薄身，蛋餅黎到扁坦坦，同台灣漲卜卜既蛋餅爭好遠總括黎講，支持黃店係可以一試，但⋯試過就夠了。

【茶茶台式料理】位於豉油街，裝潢以白色為主，簡潔亮麗中帶清新時尚，很適合朋友輕鬆聚會。晚市主打台式一人火鍋， 另有滷肉飯、手作麵、地道小食、手調飲料及特色啤酒可供選擇。先端上的是"小香腸拼鹽酥雞粒"，切片香腸加上蒜頭片，鹹香滋味。鹽酥雞細細粒炸得不油不膩，如可添點酥香，則更美味。"芝士蟹柳蛋餅"灑滿芝麻粒並繞上醬油膏，賣相對版。蛋餅香口Q彈，內裡芝士與蟹柳份量不少，吃下軟綿中帶芝香，是一道不錯的小吃。"茶茶麻辣鍋"以火爐奉上，熱烘烘的材料豐富。滿滿牛肉片及大大個即食麵甚是吸睛。配料有台灣貢丸、花枝丸、蜆、蟹柳、白魚蛋、花生、炸枝竹、豆腐、粟米、椰菜、鮮冬菇、娃娃菜、金菇及芫茜等。湯頭辣勁十足卻不會過於油膩，麻度慢慢才會輕滲。牛肉片肥瘦適，蔬菜及即食麵盡吸湯底精華，非常惹味。店員還會主動加湯，甚是貼心。見到餐牌上有不少特色啤酒，包括西瓜酸啤酒、鹹酥雞大佬、桂圓黑啤、柚香啤酒、荔枝酸啤酒、青芒果酸啤酒、包裝與味道皆有吸引力。點了"鹹酥雞大佬"，最初以為是鹹鹹炸雞味道，細看才知指佐餐推薦配鹽酥雞及各式炸炸物。啤酒輕盈，酒精度不算高，喝下帶柑橘及熱帶水果香氣，清新怡人。朋友點了奶蓋莓莓，藍莓沙

話說呢一年，好多時一收工就會返屋企，直接買外賣返屋企食，或者等屋企人煮飯，都冇咩機會出到去出邊嘅餐廳食晚飯，因為最近疫情開始好轉，都多咗機會出去行吓街、食吓其他嘢，而今次呢就約咗女朋友出去旺角，陪佢睇吓衫褲鞋襪，而佢呢就陪我睇吓玩具，行完之後呢，就準備食晚餐啦，而我就問吓女朋友想食啲咩啦？，咁佢就話想食下台灣嘢，今次揀嘅地方，就係茶茶 台灣料理，而今次呢就叫 咗鹽酥雞扒滷肉飯，雞扒呢就非常香脆，滷肉飯嘅份量亦都非常之多，兩個人食啊都好足夠啊，亦都嗌左酥炸花枝丸，咬落去呢，非常彈口，配上泰式辣醬，好味道，佢最值得推介，就係涼拌木耳，作為前菜嘅話，非常開胃，份量又夠多，最重要佢係非常有益㗎，飲品就叫咗滿杯紅柚子，酸酸地幾開胃,場地呢就屬於非常光猛，店員都好友善有禮，坐得好舒服，食完就送女朋友返屋企啦

#fafafoodblog旺角 #fafafoodblog台灣菜 🍴奶蓋草莓 38 蚊🥛🍓奶蓋夠香滑 芝士奶味夠 草莓打成沙冰 夠冰凍同好香草莓味 飲到甘上下再撈埋一齊飲 好味 🍴麻辣四寶麵 65 蚊 🌶️有彈牙既貢丸 豬肉爽口仲帶 d香葱 軟林既鴨血 牛味濃彈牙既牛肋肉 🐂仲有入味既大腸 麵係比較似擔擔麵 比較爽口既口感 而湯底既麻辣味香 帶有胡椒 辣椒 食落夠麻香 連埋麵一齊食十分唔錯🌶️🍜 🍴招牌臭臭鍋108 蚊🍲湯底夠哂特別 帶 d 所謂既臭味 香辣咸味都有 夠哂層次感 有好多肥牛🐂有口感既臭豆腐 好耐冇食過台式臭豆腐 其實一 d 都唔臭仲夠香 煙韌既米血糕 軟林鴨血 入味滷大腸 台灣貢丸🐖 鵪鶉蛋 鮮甜蜆肉 仲有 榨菜 韭菜 粟米🌽 椰菜 鮮冬菇🍄 娃娃菜 金菇 芫茜🌿 材料豐富再加12 蚊加埋烏冬 盡吸湯汁 好味#臭臭鍋 #臭豆腐 #麻辣 #台灣菜 #貢丸 #金菇 #韭菜 #芫茜 Score 平均分 <7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性

很想吃台灣菜，走到這邊，很多家都是台式食肆，這家有台灣小菜又有招牌的台式一人鍋，晚餐就下定主意了。坐近廚房出菜位置，店員捧著大鍋，臭豆腐的氣味強勁，招牌臭臭鍋很吸引呢。不過皮膚狀態不好，所以最後選一個不太重口味、不辣的鍋吧。藥膳雞鍋藥膳味道不算強烈，雞件蠻多。藥膳湯底裡面有蟲草花、杞子、木耳等。一人火鍋的份量，材料有各款丸子、牛肉、腐竹、公仔麵、菇類、鵪春蛋及蔬菜，墊底的全部都是椰菜及娃娃菜，光是吃菜也飽肚了。芝士肉鬆蛋餅到台灣旅行時候，總會到訪早餐店享受一頓豐富的早餐，真想念台灣美食，尤其是豆漿、蛋餅。所以餐牌上見到就下單了。餅皮煙韌，夾著煎雞蛋，再包裹肉鬆及芝士，若然肉鬆餡料加多點，就更完美了。

好耐都冇去過台灣旅行，掛住台式美食，今日同朋友去旺角【茶茶台式料理】大快朵頤。呢度有台式火鍋，嗜辣嘅我地點左茶茶麻辣鍋($108)，選左魔鬼辣。材料有牛肉、貢丸、花枝丸、魚蛋、蜆、枝竹、豆腐、粟米、冬菇、金菇、椰菜、娃娃菜等，仲有大大個即食麵插喺個鍋度。配料每樣都有一粒，名副其實的一人鍋，不過款式夠多都一定食得飽。魔鬼麻辣湯底辣味勁, 麻味輕，仲招駕得住。滾到最後嘅菜同即食麵就最刺激。小香腸拼鹽酥雞粒 ($46)可次一試齊2款小食，最啱我呢D心多多嘅人。鹽酥雞粒炸得幾香口可惜有D乾，台式香腸就同台灣食倒嘅一樣咁好。朋友嗌左鹹酥雞大佬啤酒($45)，包裝有個大隻佬好過癮。啤酒並唔係鹹味，飲落充滿水果香氣，到尾有回甘，用嚟配煎炸食物就啱啱好。芝士蟹柳蛋餅 ($48)一定要襯熱食，蛋餅外層香脆，裡面芝士同蟹柳好足料，新鮮食先會有半溶嘅效果。加埋個甜甜地嘅醬汁，味道唔錯。

放工約朋友出旺角食飯，諗起呢間台式小店食物唔錯，價錢都合理，於是去咗食。最鍾意食芝士肉鬆蟹柳蛋餅，平時去台灣旅行一定搵一兩朝食蛋餅做早餐。今次蛋餅入面既芝士肉鬆蟹柳好豐富，而且嗰皮好薄，面頭有啲白芝麻，好香，下次會encore！牛肉麵啖湯味道濃郁，加埋啲酸菜好正。牛肉有四大舊，份量好夠，煮得好淋，而麵質彈牙，份量好夠，食完好飽。朋友喺門口被外婆炸醬麵張相吸引，所以點咗。嗰麵上枱時仲有熱騰騰既煙霧，朋友話碗麵唔太油膩，感覺健康！小香腸拼鹽酥雞粒都唔錯！印象中台灣香腸偏甜，對不特別嗜甜嘅我唔係好啱胃口。但呢度嘅小香腸調味適中，既冇一般台灣香腸咁甜，亦冇茶餐廳既廚師腸咁重口味。鹽酥雞粒外皮又薄又脆，唔會感覺喺度食緊很厚的麵衣，正！

今日難得平日放下假，架要約下閨蜜👭出嚟姊妹淘，閏蜜表示好掛住台灣美食，咁我地就去左「茶茶台式料理」，好彩我地好早約6:15入去，當時都唔會好多人，但一到6:45已全座爆晒。招牌臭臭鍋湯底有少少🤏似雲南小鍋米線🍜湯底，內有鴨血、臭豆腐、米血糕、滷水大腸、榨菜、蜆、粟米、韭菜、台灣貢丸、金菇、娃娃菜、新鮮冬菇等，而我又另叫左一碟肥牛同烏冬，大鍋都食極都食唔完咁👍🏻👍🏻台式紅燒牛肉麵牛展煮得好腍及入味，而每條麵都掛到湯汁，湯底夠濃😋😋脆皮肥腸炸得香口外，最鐘意係去晒啲肥糕，咁我呢啲怕肥又為食嘅人👍🏻👍🏻奶蓋莓莓選用由澳洲嚟嘅野生藍苺，由野生藍莓🫐、綠茶🍵加奶蓋係好好飲

今晚因要交收放工出去了旺角，交收完畢後行過這裡見到間排滿隊嘅台式店太多人，又肚餓，所以沒有等再向前行時又比我發現又有另一間台式店，食物種類比之前排長隊的多，價錢又合理，於是便入去了(都多人，但等了一陣就有位)，餐廳座位相對比較闊落，坐得舒適。座下店員就會請你利用手機掃一下QR code 落單，旁邊都有餐牌，但自助落單系統方便快捷！我點了個鹽酥雞扒滷肉飯，加埋個一口小腸，飲品就係奶蓋莓莓，這裡落單後食物好快就上枱，鹽酥雞扒同滷肉飯分開上，煙韌彈牙爽白飯上放滿了香濃肥美嘅滷肉，一啖飯一啖滷肉，配搭合適，而塊鹽酥雞扒亦已切開一件件上，雞扒炸得皮脆肉嫩，還有脆卜卜嘅感覺！如果喜歡吃台式雞扒，這個真係一個幾好嘅選擇！一口小腸雖然看似份量較細份，但因切成一片片方便入口，小腸燒得皮脆肉香，入口時肉汁仍會在小腸內流出，夠晒juicy!而杯奶蓋莓莓在炎熱嘅天氣下，真係一啖透心涼，帶點酸又唔會太甜嘅草莓奶蓋上還有奶味濃郁嘅一層，先飲或攪勻風味都唔同，當然我就先飲奶蓋再攪勻，兩種口感都可以一嘗！台式口味這裡還有火鍋，下次都可以再來試吓！又有多一個選擇了！

在旺角逛街逛到累，看到這件純白色主題的台式料理店，馬上被它的一人火鍋料理吸引到。我們都是火鍋控，當然二話不說選擇一人火鍋。🍽藥膳雞鍋我選擇了女人恩物，滋補的藥膳雞鍋。首先湯底非常濃郁，能喝到各種藥材的味道。另外還有足量炸魚皮，當被湯底充分浸過後非常好吃。另外也有大量雞塊，而且全部都是比較嫩滑的部位，就算煮久一點也不會變鞋。另我驚喜的還有栗米，除了非常香甜之外，更多了藥膳湯的香，口味多了一種層次。除此之外還有豆腐、金菇、各種菜類。建議大家加配一碗飯或麵類，不然可能會不夠飽。🍽茶茶麻辣鍋麻辣湯底不算太辣，但是也非常香濃。沒有想到有大量的肥牛，而且不會太多肥膏或煮得太老，非常搭麻辣湯。另外當然少不了公仔麵，大家可以依照自己的喜好煮麵，非常貼心。建議大家先煮麵然後把它分到小碗，不然很容易泡掉。裡面還有各種丸類，都相當彈牙。🥤滿杯紅柚🥤荔枝醋啤酒火鍋當然不能錯過飲料。我選擇了西柚茶，選擇了去甜但是完全不會沒味道。飲料由新鮮西柚打成，一點都不澀，很清新解渴。另外，啤酒一開瓶就有很香的荔枝味。喝下去很像kombucha，麥味蠻重的，但是很容易入口，是女人會喜歡的味道。