茶軒 (菲林明道)

營業中

休息中

去完補習之後，諗住食好少少，就去食咗茶軒。但係一入到去，就見到個地下好濕，而冇擺小心地滑的牌。我就諗住自己過去一邊坐吓，但就聽到服務員講唔想執嘢所以希望乘客全部都坐喺同一邊。之後，有一個服務員叫我哋多陣一邊坐。我求其坐咗一個位，服務員又同我講原來依個桌子嘅數字之前已經有人落過單，之後就逼我坐第二張枱。我覺得服務員的態度太惡劣了！😡😡😡😡😡😡😡😡😡😡😡😡😡😡😡😡😡😡😡😡

lunch set台鐵排骨配滷肉飯 $78加一排骨切完唔排好，憑咩叫做排骨？亂七八糟。炸粉過厚，同肉分離。presentation勁倒胃肉冇肉味，都唔知自己食咗乜滷肉難食，望一望以上講嘅一堆排骨，好難唔令我唔想起狗罐頭叫咗杯凍烏龍茶，正常嘅座位非常擠迫，出入要全排人起身，以為自己身處歌劇院侍應根本無法送餐，要同事幫我手捧餐，勁唔好意思Lunch hour匆忙冇留意要加1係我唔啱black listed，冇下次。

茶軒 (灣仔)📇地址：灣仔菲林明道8號大同大廈地下1&2號舖🕐營業時間：星期一至日07:30-21:00💸人均消費：～$100/人 lunch👏🏻抵讚位：鋪面大，樓底夠高，坐得算幾舒服，走文青風嘅台式餐廳，個裝修都幾靚。🍴Food QC：「超營養雞扒配滷肉飯 $78」即炸嘅雞扒，上枱都仲脆口，滷肉飯正常，有格小青瓜嘅小食同埋包裝蒟蒻做甜品，跟住有個貢丸湯，$78（未計加一）喺灣仔食個lunch，質素同份量算係咁「台鐵排骨滷肉飯 $78」有3大舊炸排骨，啲肉都好淋，香口幾好食「蔥油菜心 $18」小貴，正常菜一碟，但份量唔多「胚芽珍珠奶茶 +$12」大大杯，唔太甜，珍珠都唔係勁硬咬唔開，價錢黎講算係幾抵飲😯有待改善位：上菜勁慢，朋友個餐黎左差不多食完，我個個餐先黎😅 催左幾次都無快啲上😅 😼私心回應區：呢個價錢，仲要加一，喺灣仔可以有其他更好嘅選擇🤣 但佢送個枝冷泡茶幾好飲😆#打卡餐廳 #foodie #台灣菜 #搵食推介 #灣仔搵食地圖 #灣仔美食

下午茶時段經過這間茶軒，就入內光顧。樓底高，裝潢簡約，台式出品👇🏼吐司的外表烘得不錯👇🏼豬扒手工厚吐司$42，因整件太厚，先那著一塊吐司吃，吃了幾啖已感覺很鹹，鹹是因吐司吸收了豬扒的鹹味，實在很鹹，放棄不吃接着吃豬扒，不容置疑好鹹😖，不想浪費的情況下吃了三份二，而煎蛋正常餐茶選了加配$5的熱蜂蜜綠茶(沒有拍照)，怎麼😳，又出事，太甜🥴，叫侍應給我一杯熱水，加入蜂蜜綠茶內，但仍是感覺很甜，只好放棄無奈😓，當天叫的食品和飲品都重口味。只好不快地結帳，連加一$51

先講價錢，以灣仔食飯嚟講唔算抵食。更加唔可以接受嘅係，加一服務費但無服務可言(原因係人手嚴重不足)。訂咗位準時到，同waitress講booking reference，佢叫我哋3個等等，等到walk in客入曬，我哋先終於入到坐。QR code落完單，第一個餐同飲品嚟到之後，等咗50分鐘先嚟曬所有嘢。周圍嘅客人不約而同舉手催單，先知原來係無曬飯！飯，對一間餐廳嚟講最基本啦？點估到你話無飯😂隔離枱都叫好d，waitress問佢要唔要轉麵/米粉，而我哋係要再舉手問先有得轉！最後個餐嚟到食物都係唔太熱…樓面完全唔夠員工，廿張枱得2個樓面，又要做外賣又要收錢又要帶位，唔夠員工好心就唔好開舖啦🤢🤢之後仲聽到左右隔離要自己出去攞飲品… 所有枱都係執唔切嘅狀態，唔夠人就加人啦！坦白講，灣仔大把好選擇，應該唔會再去。

有朋友話我知灣仔有間茶軒，今日無帶飯所以諗住試試，上網睇左openrice上既餐牌做足功課，預先打左電話去餐廳叫定外賣，職員態度ok,佢話10分鐘就有得拎！去到餐廳已經有得拎啦！叫左個lunch set 肉躁雞絲飯，因為我唔飲凍野，所以加左錢要左熱既水蜜桃紅茶(少甜）。番到公司滿心期待試新野，點知一開蓋已經唔係咁好胃口…d肉躁超級超級多油，係超級超級多！有半隻滷蛋浸左喺d油度…雞絲係凍既，飯都唔熱，肉躁味道ok既…我只可以夾d肉粒食，因為真係太油…水蜜桃茶就一般，飲到應該係比正常少甜左。但食完飯之後，成個下午都好口渴…味精好重呀…好難頂…真係唔會再食呢間…PS 外賣盒加2蚊

🍱糖醋雞球配滷肉飯｜$82🧋凍百香果紅茶+$5套餐會配三種小食（啫喱、木耳、青瓜）同埋一碗貢丸湯。木耳都青瓜調味相若，重蒜味，幾開胃。雞球份量多而且大舊，味道似咕嚕肉，雞肉都唔會好乾好鞋。滷肉飯比較似肉燥飯，上面啲滷肉唔肥份量都偏少，但整體都唔錯。⭐️推薦百香果紅茶👍🏻叫左少甜剛剛好，好清新解膩，而且我中意佢冇百香果粒粒🙈可以簡外賣杯上+$1雖然以午餐價錢黎講唔算平而且收加一服務費，但勝在種類夠豐富，有小食、湯、甜品同埋嘢飲，幾滿足。

送完阿仔反學食早餐附近好幾間都食過都大同小異，但又好多人次次坐低到走人，真係20分鐘咁上下想坐多陣都唔得今次路過啲間好耐成日都唔覺有人，一路以為佢無咁早開點之原來係開左，只係唔多人😆😆😆岩曬我心水啦，決定入去試下好無味先！以台式做主打路線早餐都有好多選擇，仲有一啲台式美食不過我今日食反最簡單既🔆B5 雙併餐 - 餐肉 + 煎蛋 出前一丁餐肉食唔出有無煎過，因為習慣用筷子夾開再浸湯食，一夾開就散散地，好似無煎過咁，唔太吸引煎蛋，一般，煎得唔夠脆口送左條菜，叫做幾健康出前一丁正中！ 最後配左杯🔆凍檸茶走甜菜底有茶味，都可醒一醒神為美好的一天出發！下次再來試佢啲主打台式小食

記憶中小時候曾經食過嘅台式餐廳，無意中喺灣仔見得返，就入咗去食午餐🥢一向午餐少食飯類食品，但係對台式便當總係情有獨鍾，於是就冒住下晝「釣魚」嘅危機叫咗份滷蛋肉燥雞絲飯。滷蛋都算入味，雞絲同肉燥都好適合餸飯食，但係敗筆係啲白飯！佢完全係落太多水，煮到似適合老人家食用嘅質地🙄隨主食送兩款前菜，分別係拍青瓜同雲耳，味道相對清淡，真心係健康嘅👍仲有一碗芹菜(碎)(半粒)肉丸湯，雖然唔係老火湯，但亦唔會係味精湯，都算係不過不失。除此之外仲送一包蒟蒻做甜品，都算幾有心思😆飲品叫咗應該係冷泡蜜桃烏龍，不過無乜蜜桃味，重點放去茶度算啦😂

見間嘢裝修企理就入去試下，諗住有杯咖啡嘆下，但很失望。起初自己一個坐一張二人台，d嘢食上來已經擺滿。食食下，服務員帶了個人來搭台。對面那人嘢食上嘅時候，服務員也完全無意識幫手執好張台，擺了一半在台面，由個客人扶住就自己行開，仲要由我地自己係度執台。就咁午市都有加一，問題係根本無服務可言！午市基本都係要搭台，唔明白，點解食100蚊嘢，都要整到茶餐廳服務咁。嘢食，甜品是台灣產蒟蒻，包裝好的。贈送小食是兩塊黃瓜，半粒貢丸。總之唔值！

I walked in and paid for my takeaway order and went to pick up stuff. Hoping to save some time. When I returned after 15 mins or so, the cashier girl only then realized my order still not yet prepared and rushed to the kitchen to cook my noodles. I saw her through the kitchen window that she used the same bare hands, without wearing any gloves, touching and cooking my food... She handled cash and the cashier machine just now.The food was mediocre, not worth the price at all. The noodles and the

今日同同事出左去食lunch。見呢間台灣菜都幾多人等外賣，但試完覺得麻麻地。首先佢地係QR code 落單嘅，我嘅同事要求又比較多，有啲就話少汁少飯，有啲要多汁多飯多青，有啲就多汁少飯走青。我自己就冇點特別調整。最後啲飯嚟到嘅時候都唔係跟足要求。叫少飯少汁嘅份量好似仲多過叫多飯多汁嘅。小菜又俾錯左。我就好好彩上菜嘅時候冇問題。滷蛋肉燥雞絲飯一個set 有飯，小菜，貢丸湯同嘢飲。肉燥幾入味，雞絲係連皮嘅，整體味道唔算突出。但我幾鍾意佢嘅小菜會送啫喱，同埋烏龍茶都唔錯，係用茶葉而唔係茶包沖泡。

呢間台灣嘢樓底好高，環境都算舒適。但如果午餐黎講價錢偏貴，8x重要加一， 加上用餐時間只有45分鐘，未夠鐘啲職員都已經開始催你所以食到好急，如果想要慢慢坐呢間餐廳就唔係好適合啦，不過嘢食味道算係唔錯嘅～如果接受到快食，不妨一試

見無咩客，餐廳環境都可以試一試。入時不足5枱客，服務員大約3至5位(不確定)坐下後，沒有人招呼，沒有餐牌供應。 坐了數分鐘後，才有位男服務員給一張枱號加QR CODE嘅紙。 掃完後發現沒有相片參考，同服務員要求有沒有實體餐牌？ 服務員回應OK後就行開了，等了一會還沒有人理，可能沒有呢？只好想在店外餐牌看看有什麼食。 經過收銀位看見數張餐牌。 用手機order時發現網上版和實體版又有出入。 食物來到時湯粉麵都可以，飯是室温。近乎零服務 (點解近，因為都有送餐)，但又要收10%小費，點解.....？日光日白，灣仔區，價錢唔貴，都可以咁少人，証明了什麼？

同同事lunch time試呢間早啲去唔使等位，如果唔係就要熱辣辣企喺出邊曬住太陽排隊等。我哋order套餐配飲品，連埋加一每人$9X嘢食未到就已經有蒼蠅🪰圍住我哋飛來飛去😑食物質素OK，但感覺性價比一般。最令人唔滿意嘅係😡我哋剛食完主食，都未飲杯嘢飲同食甜品就已經有人兩次嚟催我哋埋單，話用餐時間只得45分鐘，而我哋入座嗰陣時係冇人提過。綜合而言，咁嘅環境、價錢對應食物質素，得45分鐘時間食，仲要俾人催走人，唔覺得值得再去（如果要等位就更加唔使考慮）。