茶點

營業中

休息中

今日同朋友一齊去左位於大埔嘅台式餐廳，餐廳鋪面不大，座位大約十幾個。我地11點左右到達，過左一陣，成個鋪面都已經坐滿。座位以咁細嘅空間而言，都算坐得舒服。而樓面同事都好有禮貌。食物主要係飯或者米線，仲有D小食可以選擇。我就叫左酥炸豬扒肉燥飯，加左個小食涼拌皮蛋豆腐，飲品就叫左珍珠奶綠，去冰去甜。先講下食物，酥炸豬扒肉燥飯，豬扒炸得均勻，肉質唔會太硬。仲有個酸酸地嘅汁可以點嚟食，而肉燥飯份量都幾大，味道都唔錯。肉燥食到粒粒肉碎，有D油嘅光澤，好適合撈飯。小食涼拌皮蛋豆腐好清新，用嘅係百福豆腐，皮蛋味道正常，面頭隻汁甜甜地,仲好多木耳絲，清新開胃。珍珠奶綠,珍珠都幾多同有咬口，奶算滑，而綠茶底都幾香。到食完正值中午時候，外面都有D人等緊位，都幾有人氣！

星期六去左大埔嘅 茶點 食午餐。鋪頭細細，但係擺位都唔錯，有足夠空間。鋪頭細細，但食物選擇都幾多，有米線，飯類。仲有唔少小食好似炸豆腐，章魚小丸子等等。餐牌仲有埋圖，好清晰。台式飲品有凍有熱。叫左一個雙併鹽焗雞絲併炸雞翼米線，仲有埋半隻鹵水蛋同幾條菜芯仔，鹵水蛋唔算好重味,蛋白位唔會太硬。鹽焗雞絲都幾滑,食落唔會覺得乾。炸雞翼有三大隻。仲好貼心另外用碟上，就算隔左一陣先食都仲係脆卜卜。米線份量都好多，米線夠諗，但依然保持到有咬口，仲幾滑，好食！炸芋圓波，有5粒，新鮮炸起，都係熱辣。外脆內軟，芋圓都好香，軟綿綿，值得一試。蘋果綠茶少甜，甜甜地。有淡淡嘅蘋果味,綠茶味都幾重。茶點 性價比高，環境，餐具等等都好乾淨。值得一讚!

一田減價掃完貨就梗係要去醫肚啦！但係商場太多人，所以都係去周圍搵食算數。見到呢間台灣野唔多人等位，但價錢唔貴，都係$40幾$50仲要包埋台式嘢飲，好似幾抵，所以就食呢間。入到去啲位有啲迫，不過二人限聚令，影響都唔大，但係如果多幾個人應該就坐得唔太舒服。因為我唔係好肚餓，所以叫咗個米線，再加咗個炸豆腐小食。米線就咁睇好似有啲頹，但係個湯底，又出奇地好食喎！而個炸豆腐就熱辣辣，再加埋佢個汁，不得了下次嚟要叫多年啲佢啲炸嘢，講完都已經掛住個汁

喺大埔中心行緊街，肚餓去搵嘢食，好耐都冇食台灣菜，就去到之前一直想試吓的茶點 幫襯。餐廳裝修以木為主，而且簡潔乾淨，坐得非常舒適。餐牌食物圖片圖文並茂，好肚餓嘅我見到已經流晒口水。先叫了我最喜歡的涼拌皮蛋豆腐，香滑的豆腐配以醬汁及木魚，口感非常滑溜。隨即我就揀選了酥炸豬扒肉燥飯，豬扒外皮香脆加上肉質鮮嫩，配以肉燥撈飯好快就食晒。追加了特價小食中的花枝丸，還有蜜糖及柚子味道選擇，最後我就揀選蜜糖花枝丸，外皮很香脆，蜜糖很黏口，非常足料呢。飲品的熱華田加珍珠夠晒香濃。最後都只係$130埋單，本人認為好抵食。🥳

星期五的晚上，又是假期前夕的生活點聚⋯⋯可以同朋友傾夜D食夜D都無問題，星期六又可以大覺瞓醒後再出去蒲下😂😂😂又講吓今日食D乜😊😊——————————🍹百香果紅茶—-清新的百香果味道，濃郁的紅茶，冰冰凍凍，解渴怡人—————————💜藍莓綠茶——-.清甜味道的藍莓綠茶，咁熱既天氣喝一口涼透入心😊😊—————————💚鹵水拼盤——-有鹵雞翼、豆腐乾、雞㬾、鹵水蛋，鹵的味道適中，不會過咸，食物鹵得夠入味，雞翼鹵得夠入味而又不會影響肉質的嫩滑，豆腐乾的味道和吃的質感，就像去台灣旅行時的口味，雞腎和鹵蛋也是鹵水拼盤中不可缺少的配搭⋯⋯👍👍👍————————-🧡牛🐂𦟌肉燥飯——牛𦟌鹵得香口入味，肉燥更是我喜歡吃台式食品餸菜之一，吃肉燥和飯時，肉燥更多令吃多了飯也不自覺。肉燥誘人的味道加入雪菜和蛋的配搭，就吃得更加滋味了.....———————-🔺鹽焗🐔雞絲米粉——雞肉有清香鹽焗味道，不用點任何醬汁已經好好味，另外配有一個自家製的加有🧄蒜的秘制醬汁，再點雞肉或用來吃米粉的配搭，就是滋味無窮......————————🔶灼菜🥬芯——青綠鮮嫩的菜芯、入口軟熟，蠔油可按自己喜好而加上😊————————-

今晚一條友去昌運買完野，買圍行下諗食乜，行過見到間食台灣野既”茶點”，過程同食物都唔特別講喇，我打呢篇野，最主要係想讚賞下一班年輕人，我眼見的四位年輕男女（2位男士 & 2位女士），佢地每一位都好盡心招呼食客，真係每一位入黎既食客（不論外賣定係步兵哥哥）都好好禮貌，就算入左黎無位請返客人出去等都好有耐性解釋，令嗰位客人都好禮貌咁同佢對答同出返去等。我8點落單，0825碗麵都未到（我無催過）因為眼見佢地根本無停過，但佢地會主動埋黎睇下我張單係咩，然後幫我跟進、解釋返點解未有。佢地完成眼見的工作，仲會主動去睇埋其他單爭啲乜，協助廚房同事，收銀嗰位比啲外賣單搞到好亂，其他同事又會主動一齊黎解決問題。我坐喺門口，呢一個小時裡面，我睇得好清楚，佢地對食客既盡心盡力，同事間的互信幫忙，對自己工作的專業。雖然啲位好窄、冷氣唔夠涼，但係你地既表現令我呢位食客食得好開心，真係，出面好多食肆都做唔到同時食物質數好之餘連服務態度都好。所以好想讚揚下你地。今時今日，服務態度好緊要👍🏼

大埔中心附近有各式各樣既美食，台式既成員有茶點Chat Point呢一間。餐廳好體貼，知道疫情下多左好多外賣單，為左減少等候時間，餐廳都鼓勵食客可以先在網上落單，再去舖頭拎。今日去到餐廳門口先見到，下次可以用呢個方法落單，唔洗等咁耐，因為真係等得好耐。今日選擇左酥炸豬扒肉燥飯，外賣自取等左接近二十分鐘，約二十分鐘後返到屋企，一打開感覺都不太差，不過因為外賣關係，都預左份酥炸豬扒會冇咁脆。送台式飲品，大熱天時飲杯酸微微既百香果綠茶走甜少冰都甜得好過分

記得以前日月居位置好少又窄，中學時期想食係要一打鐘就跑嚟拎位😂好青春當年以為要執笠，我仲唔開心咗好耐，好彩只係裝修啫🤣改名做茶點之後，座位闊落咗好多，menu都改咗啲，但好彩我最愛嘅辣汁都係一樣味！冇走樣！一直都好鍾意日月居嘅炸豬排米線，以前唔係呢種炸法，不過依家都幾好味幾juicy！（不過我都係鍾意以前嗰隻多啲，香口啲）米線依家轉咗湯㡳，多咗酸菜同滷蛋，都別有一番風味，不過只要加咗辣汁，回憶就返晒嚟😆（喺日月居無論食乜都一定要加辣汁🤣）胚芽珍珠同香芋珍珠都係我最愛💕胚芽都仲係咁脆，香芋都仲係以前嘅味道每次一食茶點，回憶就返晒嚟，感覺自己仲讀梗中學咁😆

🌟炸豆腐魯肉飯🌟 $51 (包台式野飲)___________________________第一次係佢地裝修完返黎食晚飯水準依然呀🙃黎度ge魯肉都係我食過最香最開胃因為佢唔會好似出面ge肉燥咁乾切到咁細粒 有埋魯肉汁送粒粒分明ge珍珠米真係一啖魯肉一啖飯 魯蛋入味再配上新鮮炸起 熱辣辣ge炸豆腐 配上另上ge特製甜豉油份量又大 性價比 依然一流💯無論價錢定質素都比出面大間ge台灣食店有得fight ga~ 食物評分: 9/10____________________________環境乾淨 座位寬闊度還可以 環境: 7/10服務員同老闆娘都好有禮貌 有需要加蒜都好樂意加俾你😝服務: 9/10______________________________餐廳🍴: 茶點地址🎯: 大埔安慈路1號海寶花園7B地下附近地鐵站🚇: 大埔地鐵站 地區⛳️: #igfoodtaste大埔 #igfoodtaste東鐵線餐廳類別🍴: #igfoodtaste台灣菜人均消費 💸: $50-80價錢類別💲: #igfoodtaste低價營業時間⏰: 星期一至日 11:00-23:00

星期天的一個悶熱晚上，一個人在大埔遊走，額頭上慢慢滲出汗珠，我要找一個地方讓我停下來抖抖，聽說安慈路8號花園對面的茶語不錯，我見裏面有空位，坐下來，店內有十數張枱，地方不大，但沒有擠逼感。外面實在太悶熱，我整個人正在燃燒中。急不及待先點凍珍珠奶茶來降降溫，再點一個鹵水雞翼肉燥飯。珍珠奶茶色較淡入口茶奶我認為是4/6比，夠冰凍，珍珠軟硬適中，整體感覺似從前的「仙跡岩」珍珠奶茶，也比部分連鎖的珍珠奶茶店好喝。整個主餐鋪滿了肉燥，味道調和適中，分量頗多，飯是用珍珠米，這樣撈飯是停不了口，鹵水雞翼很大方有三隻，連飲品才$54，那裏找到？我想有機會下次再來。

同朋友去完大埔文娛中心睇劇就過左黎依度食個下午茶平平地 又近巴士總站 係唔錯既選擇我地兩個都叫左厚多士我叫左花生醬 佢叫左士多啤梨野飲佢叫左花茶 要加兩蚊我就叫左胚芽珍珠奶茶要加4蚊對胚芽珍珠 真係好無抵抗力大概係因為同係家姐既回憶價錢都係五十幾蚊到今時今日既香港 已經算係好抵朋友仲要請我食 所以更加開心🥳下次都可以同屋企人試下叫網上外賣平台 都見佢幾多單！

喜好台湾食物既我，今日經過此店，見好多人等位，唔通好好食？？坐低發現下午茶都平，選了迷你肥牛湯米線，個人覺得份量同味道都Ok..餐飲可選2O蚊之内飲品，$33,不用加一，ok 啦！

星期日都有下午茶……迷你肥牛飯……確實無呃你……確係"迷你" 哈哈 男士一定唔飽連飲品，盛惠$33所以要加叫厚多士先……原本想叫朱古力但又怕漏，所以叫左奶油，但無特别！

呢間台灣小店真係好食！炸雞翼同炸豬扒肉燥飯都好正😋有好多人未必知，一定要問佢拎蒜蓉辣汁，可以令到成個味道提升一個層次！加埋杯珍珠奶茶都只係50蚊。真係平民恩物呀😇😋

突然間好想食人地個d台式吐司 ，特登搵，見正呢間有，咁就去左試 ，鋪面唔大，都多人等，不過真係坐得唔舒服既，位細同埋迫，但野食ok,同埋唔貴，算係咁以呢個價位，都算多款，同埋我lunch去，佢地有套餐既，有野飲，有主食，有小食咁～涼拌青瓜 肥牛肉燥飯，個肉燥ok,個肥牛都夠多，但幾十蚊野 唔好要求咁多，個味道唔錯 鹽焗雞絲飯 D野飲又唔算差wor,出面有d整到好淡 ，佢又唔算既，都多款花生吐司，雖然唔係我想食個d,但味道ok,其實自己係屋企整都好易，都係就咁擦上去焗多謝收睇