荔園茶餐廳 (已結業)

冇冷氣，食物差，冇乜人既夜市都可以漏單，超伏，冇下次，叫薯菜得嗰4舊，仲要係哈哈笑薯餅，菜就得嗰幾條酸羅白，咁就成90蚊，雞脾又乾又冇味，叫隻唔知咩野雞，又係乾既，仲要130蚊，隔離枱遲過我入都快過我有得食，啲錢唔係咁搵架，一定冇下次

聽講呢間野呢幾日先開，開之前PR做得幾好、又搵森美、靚靚剪綵，「吹」到幾行，我都對佢幾有期望，尋日去尖沙咀搵食醒起佢開咗，但朋友已經話新開一定勁排隊，點知經過時「竟然」完全無人龍、仲要半個場都有吉位！無諗咁多，好想試就衝左入去。入到去近門口半個埸啲位都好熱，想坐入面啲卡位又無位唉，是但啦想試新嘢姐，心諗坐低左可能會慢慢涼啲。一坐低，侍應比個menu埋黎今日得呢幾款、仲要無A同D.....(烏鴉飛過）。吓，唔係新開㗎咩？乜都無，得個四個餐比人揀？？？仲要，個menu咩事，睇左我以為自己去左西式cafe，意粉、田園沙律、扒⋯⋯吓，唔係茶餐廳嚟嘅咩？炒粉麵飯乜都無？如果係食呢啲「西」嘢，我點解要黎呢度食呢？唉，都坐低左唯有響無得揀之中求其揀個啦。落完單後，依然感受唔到個場有冷氣、好熱吖，天花板明明見到最少有六部冷氣，唔通見無乜客連冷氣都開少啲？？再周圍望下有咩可以影.....答案係無咩值得影！大佬，你用「荔園」個品牌吹到咁大，可唔可以俾啲誠意吖？得牆上面果幾幅大象、咖啡杯嘅畫、同天花板幾隻純白旋轉木馬裝飾就叫集體回憶？唔該唔好蹧蹋「荔園」呢個本地品牌！唔係攞到個名就可以hea做㗎！我完全感受

荔園變新派茶餐廳 睇報導見到荔園開咗茶餐廳，正式開業就去左試，我中午時間去，比想像中多人，可能新開張，都見到幾多fans邊食邊影相！整個環境幾舒服，加埋啲畫同天花上面的馬仔，集郵一流！食物要等咗一陣但都可以接受，我一心想試佢地嘅招牌炸髀，配埋辣味薯角$48，再加多杯鮮菠蘿冰$31。雞髀都幾大隻，起初都唔知用手食定刀叉食好...哈..咬落去個皮脆卜卜肉都幾嫩，唔錯！唔錯！再配埋少少辣味的薯角簡直一流！食唔停口～食到咁上下就去搞下我杯菠蘿冰，自己扭新鮮菠蘿，嘩！真係少啲力都唔掂，不過係幾得意，建議可以𠝹多幾刀等大家都容易扭。下次會想再試埋焗飯同食下撈丁，I'll be back！

我知佢新開張, 已經畀咗好大容忍度冷氣唔夠：特別係門口位，客人出出入入，根本同坐街冇分別食個早餐嗌咗大半個鐘頭都未嚟齊, 催咗佢起碼三次，嚟到個出前一丁仲系硬嘅；茄牛出前一丁真系俾一pat 茄醬你 (唔系應該茄汁湯底咩, so weird); 杯凍鴛鴦史上最難飲，個咖啡味怪怪的Cashier 明明有部paypass 機擺咗出嚟, 跟住同我講未駁好之後起碼仲有另外兩枱投訴佢地上菜嘅速度，你閒著冇嘢做還可，趕時間千祈唔好去總之食到嬲爆😡😡😡😡😡😡😡😡

你和我都有過童年，如果你是最愛這這古老擴音機的年代，可能你會去過荔園。 荔園的回憶，和水上樂園同出一轍，都是曾經叫小時候的我們十分快樂，可惜現在我們只能他約我去迪士尼，或者是睇下動物，坐下過山車，我總覺得香港就是欠缺有地道色彩的小樂園。 如果你的童年曾經擁有荔園，來到這裡會像回到過去一樣，那些一事一物都叫你再感受到那快樂的回憶。 那大象，那木馬，那會掃腳的鬼屋，那份童真和對美好年華的追憶，原來一餐下午茶，都可以送給你。 於尖沙咀的核心地帶，餐廳處處都是荔園特色，沒有平日主題餐廳的大大舖位，這裡是集中而舒適，特別有幾個位，如漂亮的荔園畫作，那木馬，大大隻字的水吧，和呢排全部豪裝的餐廳不同，這裡是簡單，直接。 當你吃到那份懷舊的荔園例牌炸雞脾配豉油皇銀芽炒麵，你會記得那個時份細細個玩到身水身汗，小時候最喜歡那些小食，荔園例牌炸雞脾想是每個小孩的最愛，有邊個小朋友不喜歡吃雞脾。 雞脾絕對是上乘之選，雖然近期吃過三多，吃過小食堡，這裡的雞脾是另一個選擇，乾身之最的雞肉全冇油份，個雞皮絕對是脆得如紙薄，雞肉仲要有強勁的肉汁鎖死係裡面，你以為雞脾不大隻，但其實絕對係食得飽。 豉油皇銀芽炒麵，每

在網上看到這間以荔園為主題的茶餐廳新開幕，剛巧和友人在尖沙咀逛街，就決定到這裡吃個下午茶吧。和其他的茶餐廳不同，這𥚃的裝修很漂亮，天花上吊著數隻白色的木馬猶如置身遊樂場，還有牆上繽紛的畫作，氣氛很好。食物方面我們點了溫泉蛋西多士（$36) 和菠蘿冰($31)。平時少吃西多士的我總怕熱量爆錶，但這𥚃的卻是很輕怡，亦不油膩。而且加上溫泉蛋後味道亦很夾。最有趣的是菠蘿冰，上桌時小菠蘿會放在一個可自行渣菠蘿汁的器皿上，再加上新鮮菠蘿肉，冰涼可口，很有驚喜呢。價錢方面亦是頗合理，有機會再過來尖沙咀的話，都會試一試其他菜式。

中午唔駛等位同同事高興直接坐下來，門口位置非常熱，冷氣唔夠，其實望上頂已經有六部冷氣，真的奇怪，唔通無開哂？😅⋯另外今早報纸報導30/6 前全部任何套餐有9折，落單的時候順便一問，當時小朋友就話要問下先，點知食完走人都未回來回覆，埋單的時候只好到收銀櫃檯再問聲，原來話要出示昨天派的傳單....😅要有傳單😅有點欺騙⋯⋯最不高興要等咗45分鐘A餐才出現😅⋯⋯全程午餐好彩有菠蘿冰冷卻心情🤣🤣

一心諗住去試下新開張嘅荔園餐廳, 入到去裝修都有心思同算企埋。但係冷氣完全唔夠，我坐係近門口位, 基本上係無冷氣咁, 熱到出汗。食物方面, 侍應浄係俾個lunch memu我, 我問佢哋平時餐牌睇, 佢哋話新開張, 除咗lunch menu之外, 因為做唔切未能供應其他食品, 我陣一陣, 開張日未能提供餐牌上食品, 咁你做乜開張, 完全唔明!!於是我叫咗個焗豬扒反(HK$81), 等咗超過20分鐘先到, 新開張可以理解。但係我一望住個焗反就知唔對路: 1)塊豬扒超薄, 薄過個5蚊 完全無seasoning過, 無煎過/炸過就放係個反上面焗 2) 個反炒底炒得炒, 軟來來 3) 餐牌寫新鲜番茄, 但係完全見唔到同食到 4) 芝士唔夠, 完全無咗港式焗豬扒反嘅味道, 總之, 完全唔掂。於是我叫個大佬黎退咗個反, 詳細解釋我點解, 我換咗個下午茶嘅炒牛河, 但係等咗15分鐘都未到, 我決定走同個話事講唔食同失望然後走咗!!個lunch menu得個幾樣都做咁差, 上菜慢, 佢哋真係要諗諗檢討下, 我作為顧客梗失望啦！

今日午餐同同事試新嘢 好可惜。。。 中！伏！了！一入到餐廳 好熱 唔夠冷氣叫咗烤檸檬石班魚柳配意粉 及 日式吉列豚肉扒千島醬配白飯 等咗20分鐘先嚟餐 仲要唔夠熱烤魚冇檸檬味 有少少黑醋 白烚意粉冇味 冇汁好乾 仲要份量勁少炸豚肉 好乾 肉汁都冇 只有千島醬 白飯 冇汁錦嘅質素 仲要收我$68同$78一個餐總括嚟講 好乾 好啖 唔飽 太貴