荔園茶餐廳 (已結業)

早前已看過有關這餐廳的報導，轉眼就忘了⋯⋯今天去完歷史博物館逛尖沙嘴，看menu價錢可以接受（畢竟是尖沙嘴最旺地段），決定試試。我老公有二百磅，兩人都挽著一袋東西，但侍應妹妹安排我們坐窄窄的二人座位，東西和袋要左塞右塞，因為鄰枱有人⋯⋯我們都是不大會say no的人，加上走到非常累，心諗晩市時間，可能一陣爆滿⋯⋯結果，到我們走，這景象都沒有發生，很多吉枱。試了鹹牛脷豬仔飽，入面夾了沙律醬、生菜𢇁和酸青瓜，味道是ok的，只是飽比較小，$38不連飲品，有點少貴。老公吃的是貢丸花枝丸米粉豬骨湯底，等了頗久，用斜身的碗上，好看但不好用，他說味道一般。連飲品$58，也是吃不飽的份量。最後加了牛乳蛋糕，要由收銀的老闆娘（還是店長？）親自「操刀」，弄了好久好久，原來是整碟上作裝飾的獅子logo！這個蛋糕反而有驚喜，不太亁也不大濕，也不會太甜，才$28。總的來說，這裏比較適合飲野吃輕食聊天，而不是吃正餐。裝修方面，可能因為我們坐近收銀，是有特色，但未至於覺得很「荔園」（小時候每個月會去幾次），聽鄰枱小朋友說入面有遊戲玩。服務方面，待應多是小妺妹，不知為何年紀輕輕卻比較健忘⋯⋯也正如之前有食評所說，要自

巡遊完後我就去拆Gel甲因為月尾我要做一個小手術，拆完之後剛好似爸爸來到尖沙咀跟我吃晚飯，就帶他去荔園茶餐廳食佢好喜歡的炒麵吧！ 飲品我選了青檸梳打＄13、車爸爸例牌冷凍奶茶＄13，這杯青檸梳打好飲呀又夠酸又夠氣而且唔會好甜，而凍奶茶車爸爸亦都飲得好滿意呢。 我好晏先食午餐所以唔會好肚餓就不如點客荔園招牌炸雞髀配薯角＄58，還記得上一趟來吃炸雞髀真係好開心，因為雞髀真係大過我塊面㗎！今次再來吃雞髀同樣炸得香脆可口肉質嫩滑，配埋粉淋香口的薯角真係吃得我好開心呢。 我就介紹咗車爸爸吃這份彩椒牛肉煎脆麵 ＄78，光是賣相已經好吸引是嗎？脆麵造成塔狀炸得香脆可口，彩椒牛肉汁另上吃時才加入去令麵條保持香脆，而且炸麵本身已經餵入了味道 吃得出是用心的製作，吃飽飽後就同車爸爸手拖手回家其實耐唔耐有個小拍拖都真係幾開心呢！

是日夜晚係The One有appointment，本來打算放工直接去食晚餐先不過開會開到7pm所以過到黎尖沙嘴就去左The One先，完左先去附近嘅餐廳食dinner😋細個時未去過荔園，所以一直都好好奇佢嘅遊樂場係點樣，今日去左荔園茶餐廳試左先😆完左appointment大約9pm，個時餐廳只有3-4張枱有人。大約9:30pm餐廳就last order，當時有人想入黎食野但餐廳職員話我地準備收喇～餐廳裝潢都幾摩登，有遊樂場🎠元素嘅畫同裝飾品：嘢食方面我叫左set dinner，價錢$88-$128跟餐湯，嘢飲咖啡/茶唔洗另外加錢，其他嘢飲/凍飲要加錢。食物都唔錯，個意粉🍝希望可以al dante 😆 同埋seasoning可以重少少，味道稍淡，羅宋湯👍🏻咖啡唔加糖都唔會好苦。服務都OK，職員都有禮貌。埋單$88，無加一服務費，係尖沙咀呢區都算OK啦～見menu有小食、焗飯/意粉等嘢食，下次有機會試試😋

荔園都開茶餐廳...首先.間野係好易搵既....其實應該甘講.我經過過好多次..原來今日都只係想同朋友傾D野.想去STARBUCK, 但因為太多人咪行返上黎.見到佢.咪去飲杯野,LO....講真.下午茶黎講佢絕對唔平.好似70~80一個餐...但係見到佢既出品.你就知係值架...係啊.X大家可以20幾蚊炸雞比.佢就要70幾炸雞比.但係佢既雞比真係有人地3只(可能講多左.但係2只一定有)甘大...仲要好好食....我星期六去.佢仲話把雞比同你個樣UPLOAD 去FACEBOOK 有20%OFF TIM....但個活動應該完左啦..不過真心講得好食.所以呢,下次都係會黎..甚至下次黎試下晚餐tim(我唔記得照炸雞比...反而只係記得影凍o茶.......)

和媽媽到尖沙咀行街，到下午茶時份，發現荔園茶餐廳，媽媽已經好興奮，並在門口研究一翻，於是入內試一試。餐廳外看，店內人數不多。門外有荔園的迎賓公仔。店內有小白馬裝飾，見到白馬就想起哪時候的旋轉木馬。水吧也用荔園的磚塊砌成。安坐後發現餐廳都用磚塊砌成枱面及牆身，讓人回憶那掉香口膠的遊戲。下午餐餐牌選擇都有十個選擇媽媽點了一個平常的餐廳較少有的燒牛脷沙律脆脆豬，套餐包飲品，而且都很足料。牛脷很厚切，配上酸瓜及沙律醬，沙律是蔬菜沙律，媽媽一向喜歡吃牛脷，都很喜歡這套餐。我點了一個雞脾沙律，雞脾很大隻，差不多等於我手掌的大小，雞皮亦炸得很脆口。餐飲見加$10便可以嘗一嘗特飲，所以試一試其特式芒果沙冰，芒果沙冰上枱，已覺得很涼快，如果甜度低一點，會更切合港人口味。雖然餐廳收費比一般茶餐廳貴十元八元，但可以一同和媽媽回憶往事，又可以和媽媽多傾計，加上食物份量都很充足，也很值得一試啊！

被充滿荔園風格既裝修佈置吸引左入黎，食既係茶餐廳野，價錢略微貴少少，無法啦，嚮童年懷舊回憶既環境中食野，係開心既！本來無大期待，但味道還不錯喔！菠蘿冰奉上小半個鮮菠蘿及1/3杯梳打水+冰，用自己雙手榨汁，果然old school又浮誇，多勞多得，最好有對強壯既臂彎嚮身邊，咁就至少可以添多大半杯啦叫左個超熱氣既炸脾+薯角，熱辣辣上檯，醃得唔夠入味，味道一般，但勝在夠大隻，大到可以遮住塊面添焗芝士白汁石斑魚柳飯香噴噴，味道唔錯，而且魚柳經過輕輕煎過再顯香口，仲有蛋花炒飯，係有誠意既

前年同朋友去完荔園個嘉年華之後，覺得比其他主題公園都好玩，可惜我出世嘅時間，佢都已經執咗。所以後來聽到而家嘅荔園除咗有野玩之外，仲有野食。最近聽到佢開茶餐廳，超級興奮!!!所以就揾左日去試下2016年嘅荔園嘉年華地圖，餐廳入面擺左好多呢種地圖係到，好有一種回憶嘅味道。既然係特登嚟朝聖，當然係相機食先。個牛真心煮得好入味，啲肉幾嫩口，可能我本身鐘意飲紅酒，所以我覺得香草紅酒汁同牛肉相輔相成，唔會掩蓋肉味之餘都幾香，個汁撈飯食嘅話應該都幾正。不過配料就麻麻地，雜菜冇乜味。但總體黎講都幾好食嘅，牛肉夠入味，汁夠濃郁，所以整體幾好，下次會再嚟試下其他嘢。

星期六下午來到，進到店內才發現星期六不設午餐或下午茶餐。在Openrice上看到午餐和下午茶餐牌才決定來的我即時已經稍稍失望了一下，因為單點餐牌的價位稍稍地超出我心中茶餐廳食物價錢的標準。不過一場來到，總也不能就這樣離開吧（而且感覺也很沒禮貌）。還沒吃午餐的我們三人一共點了葡汁牛脷焗意粉、雞絲喇沙麵、公司三文治和鐵板粒粒西多士，價錢印象中約$220。先來的是公司三文治，烘過的麵包夾著炒蛋、蕃茄和火腿等等，味道和份量均甚佳。接下來的雞絲喇沙麵也相當足料，麵底似乎是油麵或拉麵（據我目測所見），味道上比一般吃到的喇沙稍稍辣一點，剛好我們都嗜辣，因此也吃得過癮（雖然我只嚐了湯底）。再來的是葡汁牛脷焗意粉。該怎麼說呢，這是道很港式茶記的焗意粉：生粉下得有點太重手的葡汁（有些位置會結成一團團）和軟棉棉的意粉。近年來比較多吃走Al Dente路線意粉的我第一口嚐這碟意粉時，完全因為意粉的軟糯質感打了個突，但半响後又覺得根本是自己定了錯誤的expectation：雖然這裡的裝修幾乎像是西式cafe，但店名已開宗明義地告訴大家這裡是家茶餐廳嘛。只要調整好心態，其實這是碟很不錯的茶記意粉、很有香港風味的c

我相信「荔園」這個名稱對一眾6,7,80後一定唔會陌生,由其回魂夜都會參考既 “恐龍屋”“鬼屋” 同明星大象”天奴”相信大家都仍然歷歷在目.前年“荔園”曾經在中環海濱短暫出現後童年回憶都重現腦海, 所有懷舊經典例如:小木馬, 掟階磚, 恐龍屋 遊戲大家都可以大玩特玩,只是這個回憶很快便不復在.但如今慶幸的是「荔園」再次重現大家眼前,不過換了另一種形色出現還添上一種美味的”味道”-  「荔園茶餐廳」.當年的小孩 , 如今的情人 今天我們決定再次尋找昔日的味道,一來到尖沙咀這間重生的「荔園」門口見到大大的燈箱招牌經已令人興奮萬分~!!門口招牌吉祥物「老虎仔」,等侯期間大家可以拍照留念.雖然裝橫擺設都原用懷舊路線,但食物有著新舊交替的一種衝激.圖為「釀糯米烤雞」, 烤焗時間剛剛好唔會因烤得太耐而令肉汁流失,肉質鮮嫩.切開後立刻有陣陣糯米香味漂來.起初怕烤焗糯米而變到又乾又硬,反之糯米是淋身有咬口,口感十分豐富.另外還有一道「DINO噴火咖哩配慢溫牛肋肉」這個辣度不會只是盲辣,就連男友不太食辣都可淺嚐幾舊. 牛肋肉方面尚算淋口唔黐牙最後叫了一道較為特色甜品「焦糖溫泉蛋西多士」,最為明顯當然是上

細細個最大既娛樂就係可以一家人去「荔園」到玩, 還記得媽媽最愛既大象-天奴同就算係門口我都會喊到七彩嘅鬼屋, 妹妹最愛嘅碰碰車同旋轉木馬, 而家諗起都會好開心. 但有時侯真係人事依舊面目全非,「荔園」上幾年短暫咁出現過, 無奈媽媽走左妹妹外嫁, 只剩下我地兩父子…但還好今年「荔園」雖然唔再開遊樂場而係開左「荔園茶餐廳」, 我同仔仔同老豆3爺孫都總算可以回憶一下過去.一入門口就見到依個logo老虎仔, 即刻所有回憶都返曬黎, 好有親切感.一黎就叫左隻真係糯米雞比老豆食 (初時老豆重意為係包荷葉果隻~~)外脆內軟~外皮脆脆地比仔仔食就最like, 嫩滑嘅雞肉就梗係留比老豆食~而我守尾門就緊係食糯米飯, 成隻雞其實都算大大隻不過合我地3爺孫之力都極速攪掂.依果就自私食, 佳因老豆唔太好牛扒. 大大塊牛扒今次真係有d食唔曬… 雖然係好食, 不過如果佢牛扒可以再淋d就更加perfect.就連個水吧都咁old school .就無得騎, 不過就有隻比你睇, 回憶一下都唔錯.其實都食到飽飽地, 不過仔仔係都要話試依個又見咁多人叫, 最後都叫左.正常西多士上面加多隻溫泉蛋係特別既…未食過既都可以一試.

同媽媽久違咁去行下街，行到肚餓打算去揾野填肚，一出商場就見到對面街有間荔園茶餐廳。以前總係媽媽帶我去荔園，今次到我帶翻佢去媽媽中意食炒麵，所以佢叫左呢個彩椒牛肉炒麵，至於我就叫左個香草紅酒牛肋肉飯。個炒麵外形十分奇特，本身以為佢係全部實心堆起，後來先知係造型，份量都好夠食。據我媽媽講都幾好食。牛肋肉好淋好好食，我比左啖我媽食，佢都食到。而個汁同牛肉都好夾，D汁本身個味都唔錯荔園茶餐廳，味道唔錯，環境亦好舒服，媽媽同我都坐得好開心，推薦大家同家人朋友黎食下飯，吹下水。

嘩! 好懷舊呀! 咁就入左去試... 焗芝士白汁海鮮飯 - 除左個碟同盤fashion d之外，成個飯同普通茶仔質素係一樣，全部係用急凍海鮮粒，加兩少條仿蟹柳，仲要個飯唔夠熱... 香煎雞扒芝麻醬撈冷烏冬 - 理應呢個菜式會係好穩陣，主力都係靠個芝麻醬，但... 塊雞扒根本係炸，而不係煎；烏冬應該係用傳統港式或上海烏冬，食落係好「鞋」... 認真失望... 熱咖啡 - 完全唔熱... 只係暖... 邊會好飲... 凍奶茶 - 有茶味，成餐飯最好!

人人都說荔園充滿童年回憶，唔通人人都有荔園既童年回憶咩！雖則，我肯肯定入過場玩過，但印象卻是十分之模糊，可能當時年紀大少了吧～ 前年荔園好像搞了個「一次性」的遊樂園，讓些好似我等有番咁上下年紀的朋友，可以回味下，可惜我亦抽不了空入場感受氣氛。 這次，當荔園化身成茶餐廳，我就有點興趣，看看能否在這裡尋回兒時的簡單快樂？！ 快樂，真係咁簡單？ 餐廳以簡約的白色為主調，抬頭會望到「旋轉木馬」，桌面是「擲銀仔遊戲」的階磚，還掛上以前樂園的地圖，設計師是用盡全力企圖將荔園的一切帶給大家。 然而，我最關心的，還是食物。吃之前來點喝的，餐牌中的鮮菠蘿冰很有趣，有得玩有得飲，確是有點心思。 在我而言，荔園的特色小食之一，應該會是炸髀。雞髀十分巨大，雖不是生炸，但也是剛炸起，皮脆肉嫩有汁，好味道。配的是西式的沙律菜，如果可以換上蘋果呀菠蘿呀薯仔呀個類港式沙律，必更回味。 咖喱是大人嘢，兒時即使入過樂園，應該也未曾吃過那裡的咖喱。這份出品，咖喱辣勁不弱，浸在咖喱汁內的薯仔是亮點。雞扒香口，沒有乾巴巴，呢個咖喱飯有驚喜。 以前的荔園真有糯米雞嗎？不是茶樓飲茶個隻，而是糯米釀入春雞內的那款。其實雞肉也嫩，能

有日睇電視見到有餐廳有整糯米雞，好似好正，於是好鍾意食呢啲手工菜嘅我就擇日帶埋朋友起行。童年時外婆釀糯米雞：本身以為會係好細隻嘅BB雞，黎到之後比我想像中更大隻，仲有個好靚嘅沙律配黑醋伴碟。一切開糯米香撲鼻，雞肉食落幾嫩口，由其雞脾，而雞皮亦幾脆。重點嘅糯米亦十分香同足料，有冬菇、蝦米等等嘅野，比起細個好鍾意食嘅糯米雞翼個味道更充實。燒紐西蘭厚切西冷牛排伴紅酒汁：朋友叫，我食左舊薯角，都炸得幾脆，個牛排都還好，有小小熟過龍，而個紅酒汁都幾好味。整體黎講今次荔園行我十分滿意，主要目標嘅釀糯米烤雞令我十分滿足，短期內定會再黎。

「荔園」這個響噹噹的名字，對有一定年紀的香港人來說，絕對是永誌不忘的集體回憶。不少小朋友、年輕人、情侶、遊客、以至中年人、老人家，相信都曾在昔日的荔園遊樂場留下過不計其數的足跡和笑聲。荔園這個香港人的遊樂場，早於1949年中華人民共和國建立時已經隆重開業，經歷四十多年的光榮歲月，最後由盛轉衰，到了1997年香港回歸中國前完成歷史任務，終告結業，正正標誌著一個時代的終結，既令人懷念，也令人唏噓！轉眼多年，「荔園」竟在尖沙咀重生，實在令人感到驚喜。這「荔園」雖再非昔日滿載笑聲與溫馨的遊樂場，而是一間滿載食物的茶餐廳，但這茶餐廳既名為荔園，各方面都與荔園有著淵源和關係，餐廳從門外迎接客人的吉祥物「老虎仔」，到餐廳負責人邀請香港畫家繪畫的有關荔園的圖畫，以至餐廳天花板上懸掛著的多隻白色小馬，都讓人不禁想起往日在荔園遊玩的情景。 在別出心裁，刻意設計成黑白色階磚模樣的瓷磚桌面上拿起餐牌細看，只見裡面不少食物和飲品都頗為吸引，便揀了數款特色食品與友人共享，一試它的水準。 「荔園招牌炸雞髀配有機田園沙律」（$48）價錢是比一般茶餐廳的雞髀稍貴的，但雞髀的確比一般的茶餐廳出品優勝，超巨型的雞