荳子 (屯門市廣場1期)

營業中

休息中

每次經過這家餐廳都是爆滿的，而且有很多人排隊，引起我好奇心一直想找機會來試一試，剛好今次平日經過，早餐時段依然爆滿實在太誇張，但只要排隊等兩個位就可以了，所以決定與友人入去。一入門就有六種香薰味道的消毒噴霧可以使用，味道十分香，不是人工味，很是喜歡，但是單價較貴，早前疫情又留有太多消毒挫手液存貨，暫時不會買了。環境很舒適，以暖木設計與色調為主，大部分座椅都有軟墊，坐椅之間位置闊落不用擔心撞到旁邊的人，很多人都是慢慢坐聊天。一坐下來就有侍應主動搬多一張凳給我放背囊，有提供餐牌，要用手機落單，落完單依然會有侍應過來再確認一次訂單，這一點很不錯，畢竟有很多年紀較大的客人未必會手機確認自己下的單有沒有甩漏。食物很快就到我自己點了班尼迪雙蛋，畢竟不是每一間西餐廳早餐都有提供，每次見到都會想點來吃，本身配沙律和煙肉，另外加了焗豆、黑松露炒蛋和雜菌。班尼迪蛋好吃，正常水準表現，加上生菜和煙肉口感很棒，沙律也不錯，但是後悔另外點的三樣：焗豆就一般味道有加熱過還好；黑松露炒蛋的黑松露味好重，我覺得太過，畢竟連蛋味都吃不到了，不過可能某些人超愛重口味的會喜歡它；雜菌就很差了，幾乎沒有調味，感覺是在吃水煮的

周二 和好友逛到 附近的 餐廳，本想喝杯咖啡☕️ 但發現 豆子家不用排隊，便過去 試一試早餐，坐下 發現 服務還不錯，小妹妹 理工大學生做暑期工，耐心溫柔 介紹 餐廳的早餐時間和午餐時間 ，朋友雖然吃了早餐，但看到我的食物 讓她暫不絕口，聲稱中午還要在和妹妹一起吃～ 叫了 三文魚 沙拉 圓圓圈的麵包 還有 一杯榛子🌰朱古力咖啡 ☕️ 整體感覺 性價比高 咖啡☕️顏值高，

✨裝修木系簡約 食物不錯的cafe✨.假日1點半到遲位於屯門的beans，據說長期都有人龍等候入座，當日頗幸運，大概排隊等了10分鐘後便能入座✨餐廳環境簡約舒適，食物整體都不錯呢♪.▫️燒豬仔骨薯條沙律 半份$238（7.5/10）帶有微煙熏味的豬仔骨軟嫩好吃，同時本身已帶有蜜汁香，重口味人士更可沾旁邊的醬吃；薯條及沙律屬正常水準🤍.▫️燒炸醬烤雞馬蘇里拉芝士Pizza $112（7.5/10）餅底是日式type，不會chewy可算是不過不失，但炸雞芝士帶少量甜味很搭，覺得表面的餡料都很美味😋.▫️Biscoff 拿破崙 加 $28（7/10）正常味道，脆皮酥略厚🙈.▫️綠茶麻糬雪糕吐司（8/10）這個有驚喜❤️麻糬份量不算少，還帶黑糖味，吐司配旁邊的雪糕一起吃很美味( •̤ᴗ•̤ )♡.▫️泰式珍珠奶茶以即棄杯盛著，感覺更衞生～.📍荳子 (屯門市廣場1期) (屯門)屯門屯順街1號屯門市廣場1期UG樓UG042號舖

屯門有咗beans 之後又多個好食既應，佢既飲品超正，龍蝦包加薯條又好滿足，同埋大愛佢地既蟹肉意大利粉，真係好足料，雖然價錢唔係大眾化，但同朋友坐下傾計食野係唔錯既選擇👍🏻👍🏻👍🏻

每次經過都見到長長人龍, 今日3:00 左右見到4-5個人排隊, 就即管等一陣. 排左15分鐘有位~ 黑松露軟殼蟹意大利粉  4/5  $黑松露很濃郁, 但軟殼蟹有D油, 整體不過不失啦豪華西式全日早餐 4.5/5  窩夫鬆軟 , 黑松露炒蛋不錯~車打芝士薯條 4.5/5薯條炸得香脆,芝士味濃厚

今日同屋企人食左嗰牛油果吐司早餐，牛油果喺中間開始黑，都唔知喺壞咗定放左好耐。好在同店員反映後都可以換過一碟。吐司就又乾又無味。炒蛋就凍冰冰。所有野都好似放左一段時間。總之唔好食，希望改善食物質素。

終於排到我同朋友入去食，入去前，我想查詢一下門口放果啲酒精噴噴產品，但帶位果位同事聽完，完全無俾反應我，走左去…..咁都得！入到去點餐，叫左啲食物一一送上，其實食物質素我覺得係唔錯，但個all day breakfast送黎嘅時候，無左煙三文魚，唔緊要，你另上補返俾我就可以。食食下無啦啦個職員走埋黎去我地台到講左一堆我地都聽唔到佢講乜嘅野，心諗到底呢間啲員工咩事….之後佢應該係走錯台，去左隔離台客人講嘢。到走時我再問多次關於酒精噴噴產品，今次終於有少少反應答下人，但當再問多少少關於產品上問題，員工好似hang左機，如果唔了解，可請問其他同事，但無左反應，到底你係聽唔聽到客人問緊野定點，真係嬲嬲地，入去前同出黎後，都係咁。事後發現原來餐廳係有下午茶餐牌，但當日下午茶時段就只放左本大menu同甜品menu, 無俾下午茶餐牌。食物質數ok, 但真係唔會再去屯門呢間分店，真係O了幾次咀，啲員工有如未訓醒一樣，啲野做到好甩漏

打算去的Cafe未開，而肚餓得不能忍耐，於是在屯門市中心逛逛，發現Beans一如以往的人龍不見了，又一直想找機會試試，於是不考慮下坐底了。我點了黑松露軟殼蟹意粉，老婆點了豬肋骨肉漢堡。意粉軟硬度適中，黑松露味很濃郁，軟殼蟹炸很脆，味道不錯。漢堡份量很大很足料，豬肋肉很入味，而薯條和沙律菜分量亦相當足夠，相當滿足。最後點了一個檸檬蛋糕，味道唔會太酸和太甜，慕絲味道濃郁，有陣陣檸檬香。服務員態度很好👍🏽座位環境舒適，悠閒拍拖一流。

這店在屯門開業後 一直都很受歡迎店外經常都有排隊人龍今次平日午餐時段難得見到條隊不太長 就馬上選擇排隊好好彩 大概十五分鐘就能入座了🝮主食❥ 黑松露軟殼蟹意大利粉 $𝟾𝟾❥ 油封鴨腿肉意大利飯 $𝟿𝟾黑松露的味道剛好 不會過分濃烈軟殼蟹好食 但份量好少！只有半件 還要是細細舊的🥹意大利飯味道也可以但又是略嫌鴨腿肉有點太少 😢🝮飲品❥ 𝟹ᴅ ʜᴀᴢᴇʟɴᴜᴛ ʟᴀᴛᴛᴇ 加配價 $𝟹𝟺❥ ᴄʀᴇ̀ᴍᴇ ʙʀᴜ̂ʟᴇ́ᴇ ʟᴀᴛᴛᴇ 加配價 $𝟹𝟼選特定款式的ʟᴀᴛᴛᴇ 可以ʀᴇǫᴜᴇsᴛ咖啡師為你加上隨機的𝟹ᴅ圖案超可愛呢❣︎（製作需時 要注意啊）🝮甜品❥ ᴡʜᴇɴ ʟɪғᴇ ɢɪᴠᴇs ʏᴏᴜ ʟᴇᴍᴏɴ 加配價 $28❥ ᴛɪʀᴀᴍɪsᴜ 加配價 $28檸檬蛋糕造型好可愛猶如一個真檸檬🍋內有柚子慕絲 檸檬柚子芝士蛋糕 雲呢拿海綿蛋糕口感細滑 味道清新ᴛɪʀᴀᴍɪsᴜ 也ok 🜚 整體而言 ʟᴜɴᴄʜ ᴍᴇɴᴜ都算抵食餐廳環境不錯 挺舒適的ǫʀ ᴄᴏᴅᴇ下單 十分方便甜品可選擇後上 夠貼心♡︎主食份量能多一點就更好

每次經過都見到人龍，亦曾經聽過2個朋友都話唔好食，唔會幫襯，上星期早上經過，竟然冇人排隊，所以比個機會試一試。叫左3個餐，有2個5-8 分鐘左右都出到有得食，剩低－個french toast 等左40分鐘 才到，期間問左三次，第一次係叫餐後25分鐘問；個侍應妹妹，答我幫你睇吓，之後無回應，再問第二個：答「整緊」⋯再問第三個：答「呢啲係耐」我唔明佢哋用乜嘢方法煮（相信係比較慢），唔緊要，點煑係佢地方法，但係如果個餐係要煑咁耐，建議在菜單上寫明製作時間，係知道咁耐，我－定唔叫！食物味道一般，唔值得排隊食！冇下次。

開左咁耐，每次經過都有一堆人排隊，適逢今日要去銀行做啲野，攪掂晒搵早餐食，見未夠十點就去睇睇多唔多人啦！真係lucky day,可以直入😄😄有90分鐘用餐時間，對我來講食個早餐足夠有餘啦！用QR code點餐，不久飲品先上枱，早餐可以優惠價點飲品！焦糖latte少甜對我來講剛剛好，但聞落唔夠咖啡香！返而杯特濃朱古力好出色，職員放低枱上已散發超香朱古力味，鐘意朱古力嘅朋友會喜歡呀😊😊喜歡早餐會跟上一杯新鮮水果配乳酪，感覺清新唔使啖啖肉法式西多士，外脆內軟，好味😋😋雖然跟左一小杯糖漿，但係我都冇用到，因為本身都已經夠甜了！整體都好滿意，如果午餐晚餐時段都比我遇到少人些應該會再試一試☺️☺️

24.03.2023 星期五 午荳子 (屯門市廣場)星期五下午放假，同事提議到荳子佢都吃午餐，假期人比較多，常常見到一條長長人龍；今日平日下午一時多只有一個人在排隊，等了十分鐘已被安排入座。座位是一張小圓枱，比起二人小枱舒適。一個男職員飛快講了一堆說話，其實一句都聽不到，估計是叫我QR code落單、用餐時間90分鐘…. 但擺枱很整齊。之後問另一個男職員沙律有冇分上，下單後清楚解釋內容，然後主動送上水一杯。軟殻蟹凱撒沙律午餐主要是飯和意粉，這個沙律之前晚餐時段吃過，明明印象中很好吃，怎料今次軟殼蟹又油膩又不香脆，叫人失望。跟沙律有三塊蒜蓉包，相比下還可以。自家製龍蝦海鮮濃湯用白色茶壺盛載，下面有一隻湯碗，之前兩次晚餐時段可能人多，所以急不及待倒湯加收走茶壺，今次放下沒有急忙收走。湯碗上有小帶子、蝦，加上熱騰騰香濃的龍蝦湯，很美味。熱Latte(燕麥奶）咖啡香滑，不錯下午比晚上人流少些，坐得舒適些，但可惜食物質素比上次差，有待改善。

今日兩人去屯門Beans 食午餐，之前食過幾好食唔錯，咪再嚟幫襯。不過，經過今次，以後無下次，見字自己小心。話說坐底之後，已經覺得對正風口好凍。用手提scan 枱面張 QR code, 幾次都唔得，就叫白衫男職員幫手落單。順便同白衫職員講，可唔可以較細少少冷氣。佢話係商場冷氣無得較。咁無la。坐多陣，真係吹得太離譜，咪再問另一位白衫男職員講，回覆都係商場冷氣無得較。………………好la。見到對面有食客剛好起身走人，同時飲品嚟到，我咪同再另一白衫女職員講要調枱去前面未執枱個張。依位女職黑口黑面就講 “坐定咗係無得調枱呀”. 嘩………依間咩餐廳呀？？ 完全唔理食客講嘅野！！凍就繼續凍，坐定吹都頭暈都繼續坐！！ 好la，終於有一位黑衫行過嚟表示，已經把冷氣關咗。而且都有安慰下。Good，終於有個正常嘅職員嚟有少少service。食物正常，都唔錯。最後以為係啲part-time 嘅個别問題。到比錢先知，正常嘅職員，正常嘅service 係依間Beans 係得一個。 比錢簽卡後，發現最初個白衫職員落錯單，用正價價錢賣午市set lunch。嘩！依到咩地方？？？好彩我心算下個總數，唔係比錢走咗la。

見成日排長龍 終於咁啱有一日見冇人龍就入去試吓。卡位都幾窄，尤其冬天著住厚衫。叫咗3個set，加個龍蝦湯係幾得意但冇乜特別。舊豬仔骨又梅又鞋，D薯條空心又硬份牛扒係5成熟，嚟到係全熟但唔熱。又難食又鞋又冇牛味，好失望！！！同佢反映過，但個男仔話你下次一早講我換比你。。。唔切唔食又點會知係咁。。。杯mocha latte算幾難飲件cake一樣都係冇特別，唔算難食但唔係好食。仲有第3個餐，已經冇心機再影。總括而言，3個set $7xx，真係唔值兼難食，冇下次！真係唔明點解日日大排長龍。。。。

依家一直都想去試好耐，次次去到都見到好多人排隊。開左都有一段時間，決定早啲去到排隊食早餐，排隊排咗大概半個鐘，入到去之後服務態度很好，價錢上少少貴可接受嘢食認真唔差，唔怪得咁多人幫襯！一定要試吓佢嗰個all day breakfast 😋