荳子 (新城市中央廣場)

營業中

休息中

在附近的家品店購物之後到這裏吃午餐，下午一時多來到還是要排隊等位，幸好不用等太久。聽說這裏的全日早餐很好吃，果然名不虛傳。早餐中的窩夫是冬甩形狀，外脆內軟蛋香濃郁；班尼迪蛋做得剛剛好，流心得嚟又不會水汪汪，一切開來蛋黃流心，但卻不會流得碟上都是；牛油炒雜菌又香又美味；黑松露炒蛋又香又滑，溫度適中；其他材料也很美味，整個早餐配搭起來好味又飽足。排隊時見到點心櫃內的蛋糕很美麗，跟餐只需要加25元，我們便點了蜜桃慕絲和朱古力慕絲，外觀美麗精緻，口感軟滑，味道香濃，比起著名的蛋糕店不遑多讓，但價錢便宜很多。這一餐吃得美味又飽足，餐廳裝潢有特色，座位寬敞舒適，服務員有禮周到，這是一間值得推薦的餐廳。

今日行完ikea, 見到Beans剛好無人排隊，便望下個menu, 有下午茶餐，而且價錢只是大概五六十元，便試試看。當時五點鐘，都九成滿座，看餐牌後，因為不餓，所以點了抹茶流心吐司和熱flat white$58，今時今日呢個價錢包一杯咖啡算是很不錯了，而且服務員態度欣勤，環境衛生亦不俗呢。等了差不多十分鐘，食物來了，我有點驚喜，因為賣相相當吸引，看得出係花咗啲心思，而且無想過係有雪糕，味道亦可口，不會太甜，吐司脆口，切落去亦有流心效果，咖啡亦不錯，埋單加一$63.8，坐了一小時，而且一人坐四人枱，整體來說是不錯的體驗。

忙碌的一星期，😄終於等到星期五可以同男朋友面個見啦！帶住好心情來排隊，估不到下午茶時間仍然多人等位，想來食的朋友預早來喔！等咗大約一個鐘，店員帶我們入座時留意到周圍不少枱客都叫咗All Day Breakfast🍳，我們就想試吓其他😛~🍚手切牛柳什菌甜椒意大利飯 Beef Risotto with Mixed Mushroom & Pepper (5/10)：🥓牛柳絲一般韌度，什菌和甜椒香被白汁掩蓋，缺乏鮮甜味，飯底不夠鹹，食咗兩啖落咗少少胡椒和鹽，即刻有返味😂難道是清淡版Risotto？🍔手撕豬仔骨漢堡 焦糖洋蔥 太陽蛋 薯條 Shredded BBQ Pork Rib Burger (6/10)：豬仔骨撕拈著均勻的醬料，夾著洋蔥的微甜辣和剛好熟成的🍳太陽蛋，挺不錯的，可惜🍟薯條不脆口啊！檸檬蜂蜜 Honey with Lemon (8/10)：😋這杯飲品有驚喜喎！清新的微甜，會想再來一杯的飲品。🍰紅桑子醬 雲呢拿吉士拿破崙 Raspberry Mille fuuille (5/10)：如果有多點紅桑子醬就更好，酸酸甜甜的味道跟吉士是夾的，而拿破崙餅就太硬了一點。環境設施 (8/10

因為上一次在大埔的分店食過後與友人一致好評所以這次在沙田也選擇了荳子因為較午餐時間早的關係我們一行人不用等位已經能夠進店不過現場只有吧台的關係店員推介我們到戶外用餐區天氣很好的情況下我個人覺得戶外用餐區比室內更好戶外用餐區店需要先在店內付款購買食物店員也只會為你送上食物其他事項如拿餐具 水 和用餐後收拾都要自行處理但換取的是不用加一我本身沒有所謂甚至覺得是比內室的還要好因為便宜了那天有點風 不過店舖也有提供暖爐氣溫相當怡人帆立貝白味噌意大利粉 配肉桂酥($88)跟店內不同他以外賣盒上菜有點外國小鎮的風情個人是很喜歡的肉桂酥很酥脆 但沒想像中的重肉桂味淡淡的白味噌配上帆立貝十分恰當意粉的軟硬度適中整體都很滿意

兩母女去Homesquare睇傢俬，又點少得去Beans食lunch呢！星期六十二點鐘左右到，疫情 + 二人限聚令下，都要等成45分鐘先可以入座。。。好彩商場嘅室外空間有啲位坐，同行嘅媽媽可以坐下休息，唔使一齊罰企。因為媽媽唔好all day breakfast, 我就點咗黄金蟹肉意粉 & 德國燒豬手兩母女share！點餐時講明燒豬手要等30分鐘，所以我就跟餐加多碟黑松露薯條，以便邊食邊等。首先嚟嘅就梗係黑松露薯條啦~ 一定要讚吓個黑松露醬，真係超惹味！薯條又炸到唔油兼脆卜卜，點住醬食真係好正，連媽媽都大讚！跟手黄金蟹肉意粉都嚟喇~ 連埋個蟹蓋一齊上，賣相一流！意粉好creamy，但唔係好食得出鹹蛋黄嘅味。。。大大條蟹柳睇落好吸引，但食落好一般。雖然”黄金”唔突岀，但整體係好食嘅！食住等時間好快過，隻德國燒豬手都到喇~ 餐廳好細心，點餐時有問碎上定自己切？我哋懶就梗係碎上啦！雖然話係德國燒豬手，但一啲都唔傳統，不論豬手上面個汁，伴碟酸菜，定係豬手本身都同德國完全拉唔上關係。。。如果唔追求傳統德國feel，咁整體嚟講都係好食嘅！隻豬手其實就好似炸脆咗個皮嘅本地鹹豬手，可惜個皮唔夠脆，不過

同男朋友想去沙田宜家傢俬，咁啱經過 beans ，所以諗住去食甜品😍😍 Greenhouse 設計簡約，同朋友傾計食嘢感覺好好😌 今次就試個下午茶嘅 Menu （星期一至五 2:30-6pm)，包一杯$40嘅飲品都幾吸引🤩 GAT $58唔知道個名點解🤔 但係好食😂😂 可能我鍾意食麻糬😋 menu 上寫咗有：麻糬、奶皇、朱古力、柚子醬、乳酪雪糕😊 不過留少少驚喜俾大家，唔講咁多😛 我覺得係好食嘅，而且打卡一流，一上抬超靚的❣️❣️French Apple Flan $58法式蘋果酥配黑糖薑蜜，仲有雲呢拿味雪糕，屬於嗰種 Crêpes 加蘋果蓉。黑糖薑蜜係另上嘅，薑味都好重，鐘意食並嘅朋友應該會好鍾意。飲品就揀咗青檸梳打同埋 Blue lemonade, 又靚又好飲😍特別一提，餐廳職員很好，有好細心提我哋就嚟到 6pm，會怕我哋嘅用餐時間唔夠👍🏻👍🏻 用餐期間，服務態度都好好。

以前荃灣食過，見沙田開左分店，我地見唔算多人排，就想食多次，餐廳中間有大玻璃櫃佔大幅雨林，整體闊落，變相裝修就好有格調。食物同飲品選擇唔少，應有盡有，又可以加$25有薯條/沙律/蛋糕，有裝修既 Cafe 黎講價格算相宜，叫左一個火箭菜巴馬火腿 pizza ，再叫左蟹肉他他同菠菜意大利飯，兩杯飲品都揀左最抵既蜂蜜檸檬，首先黎既係個蟹肉他他，有驚喜，賣相好，佢跟既麵包片，熱辣辣，同埋口感非常鬆軟，好香，出色，蟹肉既鮮甜同牛油果既軟滑，正！火箭菜巴馬火腿 pizza 都唔太差，巴馬火腿油脂好足，火箭菜新鮮，批底好鬆軟，焗到剛好黃金色澤，配搭簡單，但連鎖餐廳搵唔到的。菠菜帆立貝意大利飯都發揮唔錯，濕度掌握得好，每一口唔會乾柴，食到底，又唔會有一堆忌廉係度，我都幾鍾意呢種程度既意大利飯，加上菠菜同帆立貝我都好鍾意食，味道唔濃烈，又唔會好膩，滿意。飲品方面，雖然份量係幾細杯下，勝在味道剛好，蜂蜜檸檬好平衡，下次再來的話，會想試蟹肉意粉，同埋佢啲自家製蛋糕，唔貴又靚。

提起Beans最出名一定係佢哋嘅all day今次就試試佢嘅Pizza同漢堡包千島醬蟹柳蟹子帆立貝Pizza勁足料，堆得好高，醬同料好夾本身我都係千島醬fans不過Pizza黎講我都係鐘意薄餅底多啲同埋洋蔥偏生，可能想中和番咁滯嘅Pizza料手撕豬仔骨漢堡配焦糖洋蔥太陽蛋同薯條呢個反而有驚喜，手撕肉吸哂bbq汁嘅精華咬每一啖都有肉汁，肉質一啲都唔老夾埋蛋黃同洋蔥，味道上好有層次強烈推薦食厭咗呢度all day嘅朋友仔可以試呢個最後仲叫咗焦糖單骨雞翼，夠脆夠熱好味不過與其話係焦糖，我就覺得似蜜糖多啲其實Beans好多意粉都做得好好味又成日出新味道，仲有好多甜品同咖啡好多嘢都值得試架

趁係六點禁堂食前，拿拿聲約左個朋友食tea，好彩去左排左無耐就截左龍啦，入到去見到下午茶都幾抵，$58連飲品！法式蘋果酥 ($58 連$40以下飲品)上碟個陣同朋友一齊有點愕然，想像中既蘋果酥係平時見到既長方盒型，但哩個既蘋果酥係一塊摺左既酥皮，面頭加上蘋果片，略嫌有點hea呢😅 口感亦都唔夠酥脆，唯獨係雪糕好食😂流心Oreo麻糬吐司盒 ($58 連$40以下飲品)哩個組合簡直不得了，幾乎一見到menu就要叫哩個了😂 吐司方面用左竹炭吐司，面頭烘得夠鬆脆， 朋友準備好相機要影一切落去流心個下 咦！？ 流心呢 無既😂 的確流心效果唔明顯，麻糬都唔算煙韌，食左幾啖好易飽😂 整體都係麻麻地

今日撞正lunch time 12PM去食 好彩坐到last一張台..唔係有排等了...平時去親都係朝早,同埋調末..今日終於食到lunch set~~好開心Lunch set menu~玫瑰伯爵茶拿鐵 跟餐正價-8蚊不合格喔 咖啡味淡之餘 仲要好甜!!可能係玫瑰糖漿~我之前飲伯爵茶拿鐵 都無咁甜呢個真心唔推薦!! 但我朋友就話接受到....羽衣甘藍黎麥新鮮沙律 跟餐加25蚊 醬另上千島醬蟹棒蟹籽帆立貝薄餅 $68好好食 好足料架 係芝士下面係滿佈蟹柳同洋蔥熱辣辣 好好食黑松露軟殼蟹意大利粉 $68每條都係汁 軟殼蟹新鮮炸起好正呀 好香黑松露!!兩件甜品各加25蚊左邊係拿破崙~十分脆口. 入面餡料唔甜唔膩.仲夾住果JAM. 好清新呀抹茶卷蛋 我同朋友都食到wasabi味道...哈哈好好食..下次要試埋其他.

荳子出晒名排隊要排好耐就大家都知架啦，今日咁啱有地方食外賣，就喺openrice個app到早半個鐘噤定，連等都唔駛等，仲要有七折添成件事即刻抵晒！🔥🔥🔥有七折梗係要加多啲sides或者dessert enjoy下🤡🤡🤡今次叫左食極唔嫌既招牌豬仔骨，想食burger就叫咗豬仔骨burger，一樣味道但質感同配搭唔同又有新驚喜嘻嘻🤗🤗放喺外賣盒度都一樣咁吸睛咁惹味。burger set有burger、salad、fries同野飲，折左只係七十左右超抵！好彩天氣咁凍行左半粒鐘拎到上樓都仲算暖粒粒開心曬🐽野飲叫左黑糖薑茶暖下胃，薑味比較淡黑糖甜度就啱啱好。另外叫咗香蕉bagel餐🍩🍩🍩芝士薯條🍟芝士醬超正我哋用嚟點其他嘢食都好好味😋朱古力mousse🍰熱Cappuccino☕️

呢間係人氣排隊嘅黃店，西餐非常之好食😋聽講蛋糕都唔錯㗎我每次嚟到必食嘅就一定係豬仔骨啦，半份都已經好多，兩個人都爭啲食唔晒。肉質非常之嫩滑，一啲都唔硬，一啲都唔鞋，食得滯仲有少少沙律解油膩。另外我仲叫咗個phama ham火箭菜pizza，呢個配搭完全係絕配👏火箭菜帶少少芝麻味，phama ham帶少少油香，好好味呀！餐配叫咗杯薑茶都唔錯啊，冬天暖下胃而且環境非常之闊落，坐得好舒服😌下次都會再返嚟食

Lunch Time 經常排隊，原因係附近沒有坐得比較舒適的餐廳，今日早肚餓所以早啲食午餐，坐 Bar 枱不需等即刻入得。環境真係唔錯，又多 OL，服務員反應快，餐牌食物選擇多，但餐湯要加錢，沙律要加錢，甜品要加錢，我覺得甜品最值得加錢去品嘗。主菜點了「牛柳絲甜椒磨菇意大利飯」，有點失望，牛柳絲又硬又乾，意大利飯算ok。美色咖啡，味香高質。朱古力甜品冇得頂，賣相靚，又好味，絶對推介。我見隔離枱啲意大利粉都好似幾好，可以下次試下。

今日行街睇傢俬行到沙田的Home Square，個肚突然咕咕聲，嚇親身邊位朋友。🤣即刻睇睇附近有無餐廳，準備去醫下肚！上到五樓見到有間BEANS，排隊等位的人不算多，等了十分鐘左右就有位。其實BEANS我都食過好多間，甜品和pizza都成日叫，今次叫個黃金蟹肉意大利粉都幾好。原個蟹蓋上碟令到賣相很吸引，金黃色的鹹蛋黃醬味道濃郁，配上蟹肉蟹棒令到蟹肉咸咸地，再加上菇和意粉一齊食就無咁咸，味道亦都好match! 值得一試!

行過每一間beans都有個共通點，就係一定有人排緊隊！beans之所以吸引，食物質素高係首要，其次價格定位唔高，三來總會定期推出新菜式。令佢儲埋一堆堆回頭客，我當然係其中之一。每次必叫嘅黃金蟹肉意粉絕對唔會令我失望，蛋黃味濃，蟹肉足量，仲加上大蟹柳，令整個意粉每啖都有配料！另外加配龍蝦湯亦係不二之選，一來唔貴，二來入面真係有龍蝦肉、蜆肉和帆立貝！同男朋友分享，一人一碗啱啱好！當日仲叫咗一份竹炭阿華田麻糬多士，gimmick 就有齊哂，但味道略嫌有點過濕，令多士皮缺了一份鬆脆。而且麻糬本身冇加糖，令多士的內在不夠味道