荳號 (花園街) (已結業)

好味指數😋😋😋😋回頭指數 ⭐️⭐️⭐️⭐️開心指數🤗🤗之前留意到呢間叫荳號嘅小店，除咗台式飲品外，仲有桶裝糖水，好想試吓叫得荳號嘅豆腐花係咪真係咁正，點知，平日下晝5點幾去到，想叫荳腐花時，佢竟然答我冇！😅 我呆咗幾秒，諗緊專登行到嚟，想買桶裝糖水，但竟然冇豆腐花，仲買唔買好呢？唉，都係買啦，既然用咗腳骨力行嚟，都唔想空手而回。 🍴椰香喳咋 + 珍珠 + 仙草 + 雙式芋圓（$38）攞嘅時候摸落去係又凍又熱，我估仙草係凍嘅，但係喳咋係熱嘅原因。因為個人覺得又熱又凍嘅嘢，食落去會好奇怪，我就直頭放入雪櫃雪一陣令成個糖水變凍。 成個糖水用料十足，椰香喳咋椰奶味好香，珍珠粒粒分明有咬口，雙式芋圓煙煙韌韌，成個糖水本身唔算好甜，所以撈埋嚟食甜度啱啱好，係好味嘅～ 一桶絕對夠2個人食，食完都幾飽！ 呢個糖水做得唔錯，$38咁大桶都幾抵食！ 因為我試唔到最想試嘅豆腐花，所以我會再回頭試佢嘅豆腐花，睇吓佢配唔配得上呢個咁強勁嘅店名！

住旺角附近既朋友介紹我試下新開既荳號 本身剩係想買一人一杯飲品 點知見到個桶裝甜品好吸引 所以買埋返屋企🤪 結果超級有驚喜 推介大家都要試下 真係好抵食超足料！👍🏻👍🏻揀五款配料都係$43 我地點左熱椰香喳咋base 唔會好甜 不過本身個底都足料，on top我地仲加左仙草、雙色芋圓、紅豆、寒天晶球、蘆薈😍 仙草可惜唔算多 雙色芋圓都幾q彈唔錯 細細粒咁～ 紅豆增加左成碗糖水既甜味🫘 寒天晶球好似第一次試 雖然外表同蘆薈好似樣 但咬落去大家質感唔同 寒天晶球硬少少但都彈 蘆薈就爆晒汁咁😹 下次想試下仙草凍或者豆腐花底好似都唔錯啊！飲品方面 我就揀左芒椰小丸子$36 可能揀左微糖 所以唔夠糖水帶出個芒果香🥭 飲落芒果味比想像中淡 小丸子可能發得太耐 所以漲晒唔夠q彈🥹 反而朋友杯香濃荳乳+紫米+小丸子$34 就幾正 紫米配荳乳一流 唔會過甜 但啖啖都好有咬口 佢話呢杯值得encore！

行過旺角見到呢間新開嘅舖頭初時見到叫荳號，以為只係賣豆漿😂叫咗杯檸檬愛玉飲佢嘅包裝好靚職員嘅態度都好好包好晒先至俾你味道都唔錯唔會話太酸。見到餐牌有一杯腐竹雞蛋糖水飲品好特別下次想試吓

呢間店味道唔錯 d野飲我點時改黎改去都好有禮貌 值得讚賞 #fafafoodblog飲品 #fafafoodblog旺角<外表靚 味道好既飲品店>🍴紫米荳乳 29 點左少甜 紫米細細粒好有口感 豆乳味香 因為點左少甜佢既豆乳味更出 好飲🍴芒椰小丸子36 🥥🥭特登叫左少甜 試得好清楚佢既新鮮芒果整成既冰沙 配埋香滑椰奶 仲有彈牙既小丸子 好味🍴北海道3.5 牛乳雪糕 43 蚊 揀左黑糖雪糕 雪糕味香滑 黑糖味夠 配左5 樣野 有彈牙愛玉 香濃咖啡味既寒天 仲有軟滑荳花 仙草 三色芋圓 🍨🍡 好正好入味既甜品 正👍🏻#飲料 #飲品 #芒果 #椰奶 #豆花 #黑糖 #雪糕 #牛乳 #豆乳 #紫米Score 平均分 <7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#荳號旺角花園街3 至5 號鴻威大廈地下~~~~~~~~~~~~#fafafoodblog #為

《Chill正茶飲店😝》———————————————-#荳號 🫘-早排去旺角花園街行街嘅時候經過呢間新開嘅茶飲店，非常吸引，主打台式飲料同糖水甜品，仲有埋雪糕食，選擇多元🤣-🍦 北海道3.5牛乳雪糕配五款配料店員好熱情咁推介咗我哋食呢個旺角店嘅限定產品，就係杯裝嘅北海道 3.5牛乳雪糕❄️ 啱哂近排咁熱食，消暑一流，而且附帶繩帶設計，方便外帶😘雪糕同配料嘅選擇都超多，梗有一款啱食，可以自己mix & match，好過癮😝我哋就揀咗抹茶雪糕，口感順滑，奶味突出，再配搭埋五種配料，包括豆花、仙草、紅豆、雙色芋圓同寒天晶球，超級豐富，每一啖都有唔同嘅口感😚 特別中意個豆花，十分嫩滑，豆味香濃😉-另外我哋再嗌咗兩杯飲品，都幾唔錯☺️🧋 冬瓜烏龍鮮奶茶加芝士奶蓋冬瓜烏龍味道清香，亦幾解渴，額外加咗個芝士奶蓋，佈滿係鮮奶茶嘅上面，略帶鹹香，個平衡做得幾好👍🏻🥭 椰芒小丸子芒果好足料，加上椰汁嘅清香，夏天飲一流，小丸子都好大粒彈牙有嚼勁～-⭐️價錢參考：北海道3.5牛乳雪糕配五款配料：$43冬瓜烏龍鮮奶茶加芝士奶蓋：$32椰芒小丸子： $36🍌抵deal 指數：8/10💰人均消費：$55

見有一間新開的荳乳飲品店荳號Comma 就被吸引過去。😍第一次當然要試下佢哋嘅大熱產品，order左芒椰小丸子、紫米荳乳同埋北海道牛乳雪糕，配料有手工荳花，珍珠及雙色芋圓。🥰芒椰小丸子有好多芒果，又甜又味道濃沃，加上椰汁嘅清香，夏天飲一流，再配合超QQ嘅小丸子，飲到停吾到口。😋紫米荳乳有極多紫米露，飲每一啖都有好多紫米香，加埋超滑荳乳飲真心好味又健康。😋北海道牛乳雪糕夏天必食，比其他雪糕奶味比較出，配上手工荳花、珍珠及雙色芋圓，既有荳花味衝擊，又有珍珠父芋圓帶出煙韌口感，正！😋

大熱天時常常幫襯手搖店🥤。可惜疫情高企。令我唔敢喺街四圍飲嘢🫤。十五十六之濟👉🏿👈🏻。原來荳號同巧麵館係姊妹店。可以買飲品甜品入餐廳慢慢嘆😮‍💨😮‍💨。點了兩杯飲品+一個甜品開心share😬。分別係芒椰小丸子。腐竹雞蛋冰號配西米。勁量桶裝車仔糖水。包裝設計非常有心思。方便攜帶👍🏻。點了半糖芒椰小丸子。芒果香甜小丸子有口感腐竹雞蛋糖水食得多。腐竹雞蛋冰飲真係第一次。飲落香滑順喉。滿滿腐竹香。桶裝糖水+五款配料。🈶️仙草。寒天晶球。紅豆。紫米。雙色芋圓口感豐富。芋圓有嚼勁😛。仙草消暑夏天必食❤️。

比想像中好飲的一間野飲店，一定會再去試今次我飲 芒椰小丸子 + Double 多多冰號一飲 芒椰小丸子，好似回到許留山🤣好好飲，佢係芒果沙冰底+小丸子但d冰好快熔、似芒果汁多d 再加上小丸子下次一定會再試呢間Double 多多冰號 （益力多沙冰）就一般，只係益力多沙冰，再水一d 下次叫其他好過最好既係佢每杯自動會俾埋紙墊同一條繩俾我抽住，去街囉起比較方便，吾似其他野飲店，又要加錢至可以俾個袋，呢間野好細心⋯值得推薦

同朋友食飽飽都被呢間新開既飲品店吸引住店內不大，主要做外賣，既有台式飲品但亦可搵到混合港式糖水的特飲～就好似腐竹雞蛋冰號同喳咋瀑布都係以我哋由細到大食既糖水為基底所調製既特飲除左飲品，呢度仲有自選基底同配料既「車仔糖水」我同朋友每人要左杯飲品，之後我仲要左份糖水拎返屋企同家人分享我要左杯喳咋瀑布加雪糕，味道香濃又足料，係飽足感滿滿既美味特飲而朋友就自選配料既果香多多佢要左百香果口味，加入左蘆薈同寒天晶球，佢話飲落都相當舒爽而我帶返屋企既糖水就要左5款配料，揀左仙草凍做底呢份車仔糖水真係好足料，甜度亦剛好，加上有不同配料既口感，層次豐富，所以我同家人都一致讚好架

丫妹係旺角行住街等我收工一齊食飯, 發現咗呢間新開有甜品又有飲品嘅外賣店, 款式吸引, 定必列入今晚飯後必幫襯系列。款式選擇多, 每款都為不同配搭, 單揀款已令我有選擇困難症。最後揀咗兩款飲品同一款甜品。飲品附帶手抽設計, 方便外帶。宇治金時厚鮮奶, on top追加北海道3.5牛奶雪糕宇治金時厚鮮奶中包含咗小丸子、紅豆, 追加咗牛奶雪糕, 開蓋一嚐, 雪糕香甜嫩滑, 加埋本身已搭配嘅紅豆, 跟抹茶鮮奶好match。熟透嘅小丸子林林地, 飲落有層次。渣咋瀑布, 追加北海道3.5牛奶雪糕+椰果丫妹本身好中意食渣咋, 所以一路飲已經讚口不絕。渣咋飲品本身較甜, 令追加嘅牛乳雪糕味無咗突出, 而本身搭配嘅西米, 再加上追加嘅配料雪糕同椰果, 令整杯口感味道更為豐富。熱腐竹蛋花糖水 (自選5款配料)揀咗椰果、紫米、寒天晶球、仙草、荳花小筒手攜式外賣好方便, 糖水暖暖地, 糖水有淡淡蛋香, 不過甜度較淡, 荳花超滑, 入口即化; 多種配料令層次更豐富。

這間就在巧麵館旁的一間飲品店，而且憑巧麵館的單劇還可以享有優惠，這個便宜不賺還等到什麼時候！而且這間的飲品挺有特色的，而且最重要的是價錢不是太貴，沒超過４０元的！芒果荳腐花冰號（３４元）這個真的非常特別，一次過把我都喜歡的東西組合成一起，而且意想不到的配合到！這個就是豆漿沙冰加上豆腐花和芒果醬，喝起來冰冰爽爽的，但又有滑嫩豆腐花的口感，最後是酸甜的芒果味，回味是黃豆的香味！而且這個也不貴，好評！宇治金時厚鮮奶（３６元）抹茶加上紅豆是日系必備的配搭，再加上軟軟糯糯的小丸子，喝起來更增加口感！而且抹茶味香濃，帶點澀，紅豆就很好地為整體提供了香甜綿滑的感覺！勁量桶裝車仔糖水（五種配料）（４３元）雖然說是勁量桶裝，但想不到真的是很大的一桶，性價比超高的，而且還可以加上自選的５款配料，一次過吃到自己喜歡的配料真的很過癮！本來想選手工豆花的，但怎知道我的飲品已經是最後的了，所以改為了腐竹蛋花糖水為底，再配以仙草，紅豆，寒天晶球，小丸子和雙色芋圓！糖水喝起來不會太甜，有滑嫩的腐竹和雞蛋香！配料一共有五款，每吃一口都吃到滿滿的料，有嫩的，有爽的，有滑的，有綿的，有軟糯的！吃起來很滿足！

吃一點甜＾＾旺角又有新茶飲，今次試下新野自家做荳花好特別有傳統腐竹蛋糖水，除左茶飲，佢有最啱夏天飲用沙冰類別今日熱死辣辣，飲左芒椰小丸子$36香芒配煙煙韌韌小丸子，椰奶剛好茉莉綠茶$17茶底清香，清清喉嚨，預備掃街🤣🤣黎到點都買碗糖荳花糖水試試佢椰香喳咋配芋圓紫米荳花$38返到屋企仲係暖暖地，荳花好香豆味，食落滑口，唔重粉味芋圓可以淋身d,紫米好正，煙煙韌韌同椰奶係絕配仲要咁大桶，拎住幾吸睛，打咭呃下like荳號Comma荳號 (花園街)#荳號comma#荳花#甜品控#甜甜#手搖飲 #阿妹食在旺角

大滿足港式車仔糖水之前喺將軍澳都見過，估唔到依家喺旺角都有分店，好啦就試吓啦。.芒椰小丸子 - 微糖 ($36)芒椰呢個配搭真係無得輸，芒果的鮮甜配上香濃椰汁真係好正，咁啱小丸子賣晒，所以轉咗配寒天晶球，口感一樣咁夾。.黑糖珍珠鮮奶茶 - 微糖 / 常溫 ($29)阿薩姆茶底濃郁，配埋鮮奶口感夠滑溜，配埋黑糖珍珠好滿足。.手工荳腐花 (5款配料) $43店員很細心，見我地兩款飲品都揀微糖，主動問我哋個豆腐花需唔需要無糖。原來佢哋嘅桶裝豆腐花原味是用淋上糖水的，但想無糖可以轉淋無糖豆漿。呢個option 真係好貼心呀，健康得嚟其實豆味更香。講返豆腐花先，口感滑溜又充滿豆香，配料仲可以好似車仔麵咁自由配搭，我哋揀咗愛玉、蘆薈、仙草、西米、寒天晶球，配料的份量都好大份好慷慨，真係好滿足。

喺旺角新開嘅(荳號)🥤依間舖頭最特別嘅係配料竟然可以揀荳花/雪糕做配料🍦🍨所有配料都係自家製最岀色既係荳花🙋‍♂️🧋宇治金時厚鮮奶🧋{雙色芋圓}($41)抹茶味出色再加上正宗台灣嘅芋圓🍡芋圓口感煙靭，又唔會太甜🙌🏻🧋芒椰小丸子🍡(愛玉)($40)芒果味勁濃，唔係只係得芒果味咁簡單，仲有鮮芒果肉粒，椰果份量適中，小丸子🍡唔會太粉，咬落去，仲好有口感👍愛玉飲到最後都未食完😍🧋北海道3.5牛乳雪糕🧋($43)(椰果·蘆薈·西米•小丸子•荳花）🧋可以任揀5款配料，我哋當然唔會放過荳花啦😏面頭係超香濃牛奶味嘅雪糕🍦最底就係自家製嘅豆腐花荳花好香黃豆味，又夠哂滑🍧再加埋自己揀嘅配料簡直係一杯完美嘅甜品🍨鍾意食甜品嘅你，唔可以放過😍

"荳號"，我會諗到好多嘢，例如健康的荳子，荳花，豆奶。亦可以係標點符號嘅逗號，來到留低一陣，飲下嘢先至走。飲到以前某間舖頭經常會飲嘅“芒椰小丸子”，好開心，完全有嗰間的水準，芒果味超濃，白色小丸子好可愛。“黑糖珍珠奶茶”係傳統嘅台式飲品，亦係我至愛，珍珠煙煙靭靭，有趙口，是我的菜，有黑糖通常會甜啲嘅，同靚女店員話少糖亦可滿足到我。食甜品都可以好健康嘅，以下呢個就係我嗌嘅，仙草凍加5種配料的甜品，5種配料分別係低熱量的愛玉 ，亦係天然食品的寒天晶球，QQ弹弹的雙色芋圓，抗菌，抗氧化的蘆薈同埋椰果，健康開心又消暑。