菊一巷 (已結業)

聽講就嚟打風球，趁風球到之前同朋友去食間好啲嘅餐廳。 因為風球嚟到就已經冇嘢食，係朋友介紹之下原來鰂魚涌都有一間非常神秘嘅小店。今日嚟咗呢一間喺巷入邊嘅神秘小店。一入到去個佈置已經係好靚，好有心，環境氣氛好好😍 我哋今日雖然兩個人都叫咗好多小食，當然唔少得就係啤酒配小食喇。今日有叫左雞胸軟骨 ，燒大蔥 ，茄子 ，紫菜明太子飯團。啲小食全部都非常之好食，燒得啱啱好！今次重點想介紹嘅就係呢一個紫菜明太子飯團，首先本身我已經好鍾意食燒飯團啦！到呢一個餐牌上面嘅紫菜飯團真係吸引咗我！同埋呢度嘅燒飯團本身加咗醬汁，所以食落去甜甜地！而且再加上紫菜嘅香味，令到成個飯團生色不少！😍😍係重點推介之選

好耐都冇食過好食嘅串燒啦！有時夜晚心血來潮成日都好想食，不過都一直搵唔到一間好食又抵食嘅串燒餐廳！經過朋友介紹，終於都搵到啦！今日去咗鰂魚涌嘅呢一間菊一巷❤️❤️❤️餐廳環境好友特色！係一間好乾淨嘅餐廳，而且座位好寬敞！周圍嘅裝飾亦都好別緻！呢度嘅餐牌有好多唔同嘅選擇，而且全部都好似好好食咁！今次我自己就重點推介呢幾個，青椒仔，燒牛舌心同埋炸紫菜白魚乾 ！呢個青椒仔好得意，燒得好香，而且食落去好甜！而且呢個牛舌心亦都好正好吸引，首先本身已經好鍾意食牛舌，而且加上呢個火候啱啱好，加埋調味粉，連埋呢個牛舌本身嘅爽口，簡直係極品！另外呢個炸紫菜白魚乾亦都好特別，首先上面嘅紫菜好香口，再加上炸得啱啱好！乾得來又唔會好熱氣！同埋呢個白魚嘅口感亦都好正！整體來講呢間餐廳可以話係好高質嘅串燒居酒屋🏮❤️

今日同朋友喺鰂魚涌行街，準備去搵嘢食，誤打誤撞諗住行小巷穿返出大街，點知行到一半，見到一間好神秘嘅餐廳，超級日本風嘅門面比佢深深吸引，就同朋友決定食呢間😍😍 一行到入去已經覺得個裝修非常特別，頭頂亦掛住好多唔同嘅sake 樽 ， 雖然店舖環境唔算好大，但人氣十足，一入到去已經feel到好多人嘻嘻哈哈喺度邊飲酒邊傾偈，已經感受到佢哋好放鬆！ 我同朋友坐低咗之後，就梗係裝下附近睇吓啲其他客人食緊乜，發現好多人都有叫清酒配小食，行咗咁耐已經唔想再行，就決定同朋友飲下酒傾吓計就返屋企。 一嚟就叫咗一支八十朗 櫻 $440，哈哈，因為唔識清酒嘅關係，就叫咗一支望落去好靚個樽仲要係粉紅色🤣🤣🤣 另外叫咗幾款小食， 有日本白粟米，炸紫菜白魚乾，燒牛舌，烤鱈魚片🙊🙊🙊 個清酒真係好好飲，飲落去有啲果香，酒味岩岩好，唔會太清淡，送小食一流✌️✌️ 啲串燒亦都燒得非常入味啱啱好，個牛舌非常有咬口，炸紫菜白魚乾又脆有香，總之整體上都非常之一流，果然我嘅搵美食直覺仲喺度，哈哈🤣🤣

逢星期五最開心嘅就係放工後的朋友之聚，一定要搵到啲地方可以傾到計，有下酒菜，飲吓酒，談天說你。今日就嚟到呢間係巷仔入邊，但其實係呢頭嘅人都識得呢度。 今日就嚟到呢一間菊一巷，個環境好正有半山外圍同埋室內位，加埋有啲好用心嘅裝修，有個室內係用啤酒桶做櫈，好舒服。今日主要傾偈為主，叫咗幾樣小食，當然仲有啤酒啦 。🤣🤣 呢隻Orion 都係小妹最愛之一。燒油甘魚鮫 $122手羽 $32日本粟米 $42個燒油甘魚鮫，😍 好正，煎得岩岩好，好香，外脆內軟，送酒一流。呢間仲有好多特別嘅sake 同埋好多串燒可以試下次會同朋友嚟試吓。✌️

鰂魚涌嘅上班族應該都會煩惱晏晝食咩好，大街果啲餐廳試過，不如轉入巷仔試下呢間日式餐廳，有唔同嘅日式定食，包沙律同味噌湯。◽ 咖喱吉列大蝦定食 $84即叫即炸大蝦，入口熱焫焫，炸嘢一定要夠熱先好食，蝦肉彈牙又大大隻，咖喱係本人喜愛嘅甘口咖喱，撈飯好好食，本身以為會唔夠餸送飯，食到最後都仲夠。◽️ 泡菜豚肉定食 $80日式嘅泡菜豚肉就冇韓式嘅咁辣，同埋味道會偏甜酸，豚肉就正常。◽️ 塩燒鯖魚定食 $80魚肉都尚算嫩滑，燒得都唔乾身，加青檸汁增加味道。

有朋友介紹，在鰂魚涌的一條小巷裏面有這日式小店，菊一巷。店舖雖小，但裝修十分有日式味道，感覺有如置身日本的小居酒屋。服務態度很好，熱情介紹美食。食物方面，燒白鱔、帶子、燒牛舌、雞肉棒也非常不錯👍🏻

今日嚟到呢一間餐廳置身於一條行之間，好地道亦都好日本風，因為你行過去嘅時候會見到餐廳門口上面掛住一盞盞嘅霓虹燈，你就知道呢間係一間非常神秘嘅餐廳😍 入到去發現好多人，大家都好溫馨好似台台都認識咁樣，食住小食下酒菜，日式串燒配啤酒🍻清酒，成個餐廳氣氛非常輕鬆，員工同事都有講有笑。 事不宜遲我哋一睇Menu就已經派咗好多樣小食，叫左汁燒帶子 ，呢個汁燒帶子必食之選，大粒，入味，配埋紫菜簡直絕配。手羽 ，顧名思義就係雞翅，燒雞翼我最鍾意食！ 日本粟米🌽呢個日式粟米非常之特別佢唔係黃色佢係白色的，非常甜非常可口，仲有炸紫菜白魚乾同埋其他小食， 鍾意飲清酒配清酒都一流，但係我同我朋友就鍾意飲啤酒😍 呢個地方非常適合敘舊得閒同朋友傾吓計或者係情侶黎嘅地方👍

第三次拜訪菊一巷，終於坐正舖☺️ 我覺得正舖嘅裝潢都幾有心思。今次我揀咗生薑豚肉燒定食，配菜一貫咁豐富（有好好味嘅味噌湯、沙律菜、中華沙律、飯同麥茶）。但我覺得薑味有啲太重對我嚟講，要係咁扒飯，都係泡菜豚肉燒好味啲😅今次坐正舖，我覺得招呼好好，員工同老闆服務好殷勤，係愉快嘅午餐體驗😊

早前同大家介紹過鰂魚涌一間好味嘅餐廳，打工仔們滴住汗都要喺橫街窄巷買佢外賣/ 户外堂食。上次出完post店主報喜訊話個户外位原來裝咗冷氣啦🎊所以早2個禮拜就同班同事去食😋天意⚡️我安排返喺同一張枱😂個半室外位仲正式成為室內位😲四面都係牆😲室內仲放咗啲綠色植物裝飾吓🌿今次真係坐得舒適、食得招積！飲食記錄：泡菜豚肉燒定食定食同上次一樣配有味噌湯、沙律菜、中華沙律同凍麥茶(請回帶之前個post)，好豐富🤰🏻講返主菜先，泡菜豚肉燒熱辣辣送上，無燒燶，食落juicy，泡菜又唔會好辣，成個配搭好送飯😋

有日出動飯盒落街買外賣♻️經過平時冷氣機勁滴水但又人山人海嘅窄巷，難得一見無人排隊買等外賣，姐姐仲話有堂食😍不過係户外位，係類似搭咗個半透明嘅enclosed area☀️但啲嘢食就真係幾好味😋不過堂食收加一，如果下次得半户外位，我會買外賣😅鹽燒鯖魚定食鹽燒鯖魚燒得皮脆肉嫩好咸香🤤🐟伴碟嘅漬茄子、漬小黃瓜同漬蓮藕好開胃😋飯採用咗珍珠米🤤🍚前菜有中華沙律、沙律同味噌湯，非常豐富😍現場有凍麥茶自助形式任斟🧊

第一次嚟有少少難搵，真係响一條小巷度入。之後嚟咗好多次，食物水準keep到，店舖細細但唔會太逼，環境乾淨精緻，有少少日本feel。員工親切有禮，放工後約同事happy hour 一流。

鰂魚涌近期都開咗好多小店，在橫街窄巷中，新開咗呢間細小嘅日本🇯🇵食店，午市更主力做外賣🥡，人氣旺盛，就係幾個午餐🥣都已經做到手軟🥸。晚市會有酒飲🍶同串燒🍡以居酒屋🏮形式經營。最近試咗午市堂食，坐在BAR枱望住師傅👨🏻‍🍳忙忙碌碌咁出餐，真心覺🉐超級犀利，感覺很治癒😌———————————————————————————🥢日式咖喱牛舌飯🍛💬望落都好豐富，碟上放🈵🈵，如果牛舌再煎一煎先感覺更好，配埋前菜、麵豉湯、沙律🥗，算是不錯😊

知道Quarry Bay 開左間日本串燒小店，今晚终於有機會試，在海灣街小巷，感覺似去到日本好多小店，首先價錢合理，啲串燒材料新鮮，推介免治雞肉串，上面淋啲蛋汁，好滑，好香！我本人最喜歡食魚，燒到啱啱好，外脆內軟. 老板好好人仲俾我地試一種新款basil sake, 好清香好特别，下次會再同Friends去試其他串燒！

每次食呢間都係叫外賣。位置係後巷，環境衛生OK既，係門口等外賣都唔會覺得唔舒服。我多數都係食日式咖喱吉列豬扒飯，佢最勁係拎到返公司都仲係脆，好正。吉列豬扒肉質鬆軟，唔係好肥果隻，厚薄適中。佢雖然係炸既，炸得香脆，炸粉唔厚唔薄，岩岩好。咖喱汁，香同唔辣，唔食得辣既都可以食到。飯方面，佢既米係用日本米，粒粒彈牙煙韌。呢個飯各方面都好出色，而且只係$64，真係值得推薦。呢度都有得儲印仔，每買滿十次就送一個飯。

看到鰂魚涌開了新的居酒屋🏮，開飯上清一色在讚，於是滿懷期望地約🍯們飯聚，結果又是觀感不好的一餐一進入門口發覺有一組8人組，都是有點年紀的，4男4女。心裡已覺得不妙，因為疫情生意難做能理解，但... 一坐下來就跟朋友說後悔選了這家餐廳，而且也盡量把枱移離那群人。之後點菜，發覺價錢不算昂貴但也沒什麼菜式。也許因為是做居酒屋的小店，所以以酒為主吧。他們家的酒並不便宜。沒想到想要生啤🍺沒生啤，想要雞腎沒雞腎。本來想先點一些菜慢慢坐，結果侍應一直在質疑我們只點一串？「一串架咋喎」我心想我不是第一次吃串燒好不好？好像我們不能給他們足夠生意額的樣子。我忍不住說我們想慢慢試、吃吃看才繼續，結果侍應說因為今晚接了3個大group, 所以每次點也要等30分鐘。3個大group... 心裡又抗拒了一下...上菜的時間其實沒有30分鐘那麼久，但第一碟味淋魚乾上桌時我和朋友都呆了一下「份量這麼少？」我心想$68雖然絕不貴，但也不算真的很便宜啊，而且我情願你收貴一點，而不是只給一點點吧？店家不是想在酒水上多賺嗎？這樣的份量怎麼讓人願意多坐坐啊⋯⋯我和朋友自問去過不少居酒屋，這個量實在是...五花腩和牛小排的味道不