菓一道健康餐廳 (已搬遷) 新店位置

一個差waitress壞了整間舖 !!! *** 注意 : 個喊面係比該店兩位服務其差的waitress既 ***一向覺得菓一道的食物唔錯, 但每次都幫趁沙田店, 是日順道來試試TST店, 這裡裝潢跟沙田店截然不同, 我愛沙田的光猛乾淨, 但這裡卻暗暗的, 就可算較有情調....三個人叫咗兩客飯, 告知waitress姐姐先看看menu再點, 誰知waitress姐姐臉色一黑, 好惡咁講咗句: "呢度最低消費每人最少都要點一道菜架喎！！"哇！咩態度？！！！！真係嬲到想即走 ! . . . .我明白餐廳有餐廳規矩, 但作為service及代餐廳直接同客人溝通既waitress, 是否應該改一改態度?!!!(之前都有看過食評話此店員工不大禮貌, 沒想到真係差成咁 @@~)　我們點了雞柳配黃薑汁三色糙米飯, 黑淑扇貝帶子煙三文魚焗糙米飯, 白酒紫蘇蟹鉗肉炒墨魚汁麵三個味道都好, 尤其黃薑汁飯, 好夠味~ 焗飯都好足料, 只是墨魚汁麵有d淡, 也欠紫蘇香 . . . 唉~ 但正因為食物好味, 更顯樓面的不濟實在有損餐廳形象, 一間好餐廳, 廚房同樓面應相輔相成, 任何一方做唔好, 都好礙事

是晚考完生物科後同媽媽去食晚飯，就一同來了這家分店，不過剛剛吃飽旁邊新開的crumbs(今天大派試食!!)也不太可能再吃全餐，我們兩個人就要左兩個飯吧。蜜糖汁雞肉漢堡扒三色飯$58: 這裡的漢堡扒幾特別的不用平常的牛肉做，用上了較為健康的雞肉，口感還算滑，不過蜜糖汁就太甜香，仲有少少焦糖面，令到雞肉味不足夠呢。黑糖鴨肉紅飯$55: 今天的黑糖汁異常的多，使飯過濕喇，失去了紅飯應有的咬口。紅米飯有黑糯米味, 而菜的份量比蜜糖汁雞肉漢堡扒三色飯多好多，媽媽看著我這碟有點想搶過去呢。

約媽媽去果一道健康餐廳食飯，今天的雞肉好入味，很瘦，但夠滑而極香口，脂肪少，夠健康。紅米飯煙韌過普通白飯，但是冇想像中咁硬，撈埋D牛肝菌汁真係可以食多兩碗很有黑糯米味的紅米飯呀！

今天跟媽媽去吃，叫了魚和紅米飯。魚主要番茄，蔥和番茄等等提味, 勝在用料新鮮，很不錯。媽媽就叫了黑醋汁鴨胸和紅米飯，哇她非常誇張地說非常非常好吃。媽媽的朋友就叫比目魚，她說也可以啦。整體今日好好，店員是認得我是開飯食客。

一直去她們沙田的餐廳，今天來到尖沙咀，試試她們一不一樣。看她們的餐牌，是一樣的........叫了檸檬雞扒，飯變成瓜菜，為求更健康。食物比她們沙田的餐廳划算和好吃，因為份量和調味都吃得出更多。今天的檸檬雞扒出奇地有檸檬味，之前在她們沙田的餐廳吃的雞扒是沒有什麼檸檬的味道，而雞扒沒有這兒軟身，入口一定會比較鞋口。

同剛從外國回來的朋友吃飯...decided喺呢度食lunch...因為少油少鹽多菜...mushroom soup very tasty...蜜桃煙三文魚焗麵...平時喜歡食dinner D紅米飯，今天就試試呢個焗麵，原來都幾好食，上菜時熱辣辣，芝士分量不會過多太滯，也不會過少唔夠味，煙三文魚的分量都好多，一D都唔孤寒，但是這個麵太鹹...finish唔到~!

其實間餐廳有d難搵因為我地對個到唔熟悉兩個人去食上到去d staff問幾位我地話兩位..佢指我地去近窗位坐個陣得番一張係卡位但上面寫住留座咁咪走去另一邊佢地又話個邊唔開講左句..張卡位留比你地嫁應唔到坐低左叫野食叫左個D餐同M餐係班戟同三文魚飯見佢來個陣班戟有盒牛油「健康」個名都唔知去左邊lu三文魚飯就好少少食完d碗放係側邊有個staff行埋來就收野問都唔問聲仲要唔要想點...坐多陣就走..一出lift我地狂話間野點點點

一入去餐廳，首先就無人帶位～完全忽視我既存在，明明咁明顯咁企係度都無人理～然後又老點我坐去第度～叫野食既時候，服務生好串嘴，令人咋舌～收野既時候，問都唔問下客人，態度一直十分冷淡～總結：環境唔好，野食無咩特別，服務態度極度惡劣～所以一定唔會再有下一次～

餐廳標榜健康. 餐牌上每道菜及飲品都寫上所攝取的calorie. 難怪環顧四周9成都是女士今天選了黑松露葱燒海班魚柳配糙米飯. 附送一杯飲品. 飲品不是好"行"的檸茶, 叻啡, 而是蜂蜜綠茶,蜂蜜羅漢果等. 甜味適中.至於魚柳, 雖然肉質沒有龍俐柳那麼淋, 但也沒有龍俐魚"像灰"的味道. 口感幾好, 似魚扒. 平時只吃2 spoon 飯的我, 要破例 吃了3/4糙米, 看似有點兒dry的飯, 食落口似糯米,口感又不錯喎. 最喜歡的是配菜, 至少有5種不同蔬菜, 不是canned food or frozen veggies, 是fresh的. 巳經合符每天"2+3" 的蔬菜建議. 份量也比一般的西餐廳多. 地方略為窄小, 有點嘈吵. 但若12:40pm 前結帳,還有9折. 但也不需要加一.今天只攝取了508cal., 還有好多quota 如想飽D, 可選雞扒. 雞扒淋上蜂蜜燒汁, 有一陣清香的蜂蜜味. 試過, 都好好味架. 巳經起了雞皮, 食得安心.

看雜誌得知有此一家標榜以健康食物為賣點的餐廳，既然會到尖沙咀那邊活動，所以就想試試是否正確還是只是“掛羊頭賣狗肉”而已。由於時間早，所以她們願意把一張已經Reserved的卡位讓我們坐，所以不用等位。但是看來以後一定要定位才可以，否則超過七時半之後就可能要等候良久才可以有枱。看其餐牌，的確是標榜健康食物，全數食物也是屬於我們認為的對身體健康有好處的，好像紅米，慥米，三文魚，羊肉，您很難找到一些有脂肪或是高膽固醇的食物種類。我們一直想找尋的就是此類餐廳，起碼對自己來說出街吃飯也可以盡情一點，不用擔心多油多鹽多糖等問題，而且她們的食物有一特點是瓜菜多，無論，米飯和肉類多小但是瓜菜一定不會比它們少。我們更聽她們說她們會使用橄欖油代替一般食油，為求更健康。我們點了晚餐內的兩種，一個是龍利柳慥米飯，一個是羊肉紅米飯。每一個晚餐也會配餐湯，麵包，餐前沙律(又多了菜可以吃），甜品和餐飲，以98元一個的價錢又那樣多的食物，我覺得是划算和值得吃的。餐湯是菠菜洋蔥湯，不單單是有益，因為洋蔥和菠菜已經被人認定是超級食物了，營養價值高，而其麵包更是黑麥麵包，不需要牛油也非常美味。餐前的沙律雖然不多，但是其沙律

忘記確實哪一天光顧了，中午滿座，門口排著3-5人等位芝心蘭花煙三文魚焗寬條麵 /$53(轉紅糙米飯)芝士不濃香，煙三文魚薄切，質感鮮嫩不似煙三文魚，而且不似一般煙三文魚太咸，芝士下舖上很多雜菜，增添膳食纖維紅糙米飯這類健康米飯也是這餐廳受歡迎原因之一，有卡座位環境舒適，而且價錢合理雖然紅糙米飯與白米飯相比稍為粗“唉”但很有咀嚼感杭菊蜜:蜜味不算濃但有淡淡杭菊花香，味道甘甜有機葵花子葡汁板煎雞扒配有機紅糙米飯/ $48是日餐湯 +$6由於相片被遺失了無法提供，板煎雞扒一般，配以特別的葵花子葡汁登時令雞扒變為上等貨，口感不油膩，餐包好味，有些黑芝麻餐湯:是南瓜蓉煮熔的濃湯，有些粟米蓉，味帶南瓜香甜飲品確實名稱不肯定，似柚子檸蜜，味甜清怡

第一次登門光顧這間食店，只是隨意地選擇，被其標榜"健康"之招牌所吸引，便不妨一試。到最後也沒有令我這個咀刁客失望，無論味道、賣相均是有質素之作，價錢亦合宜，所以值得在此推介給大家﹗

數下手指師傅都有成三個幾四個月冇見過花姐, 主因都係花姐比較忙; 而最近師傅有幸得到花姐相約飯局一聚, 皆因花姐想趁住抖暑呢個空檔, 見一見師傅, 唔係到馬季開鑼就唔得閒同師傅聚舊, 所以師傅就算幾忙呢個約會點都優先處理啦! 花姐叫師傅諗下食咩, 最後師傅提議去丼吉食吉烈, 可惜花姐怕太熱氣否決左! 於是師傅即刻比個靚直線, 等花姐單刀射門好過喇, 於是花姐同師傅講早一排去過嗰一度食飯, 水準唔錯話值得再去, 於是師傅當然冇問題啦! 細問食店名稱, 花姐話 “嗰一度, 食健康野呢!” 師傅就話 “邊一度?” 花姐話 “尖沙咀嗰一度喎…..” 最後幾經辛苦先知原來係菓一道而唔係嗰一度, 呢個名真係相當灰諧!師傅約實花姐時間地點後, 當日準時出現再等侯花姐帶路去嗰一度! 去到呢間食店, 第一個感覺係環境幽暗, 好似好有情調咁; 細看之下先知原來係食店冇咩錢交電費, 所以將燈光較得暗d啫, 氣氛真係全無; 於是侍應帶位入座後, 師傅第一時間就睇下有咩好食啦, 呢間食店係sell健康食品, 所以並冇白飯, 全部以糙米飯為主打, 師傅對糙米飯一向都好抗拒, 所以應該唔會叫飯食!睇左一陣發現餐牌上

同同學聚舊，又係我揀呢間兼book枱,,(但其實去到有大把位，空間又闊落,,基本上可以唔駛book,,)點左4個餐,,唔係太記得咩名,,不過記得號碼係21, 22, 29, 30睇個外表都幾唔錯,,食落都好ok!份量又足夠!咁ge價錢絕對係抵、抵、抵!最平好似係48蚊(意粉果類),,(未加一 ><)仲有餐包+湯+野飲!個雜菜湯幾唔錯!(不過可能晚晚唔同)野飲有3款可以揀,,我揀左柑桔青檸,,其他3個朋友就揀左蜂蜜綠茶,,杯野都好好飲! ^^值得推介大家去丫!!

約咗 2 個舊同事去 "菓一道健康餐廳" 食飯. 佢地話呢間餐廳經濟又健康黑椒蜜汁香煎舵鳥扒配紅糙米飯 - 舵鳥扒煮得 arm arm 好. 原來紅糙米飯好好味架...而且又健康. 幾好呀 和風帶子煙三文魚炒三色糙米飯 - 炒糙米飯比炒白米飯硬少少. 不過都可以接受欖油板煎海苔魚柳卷配紅糙米飯 - 呢個就一般. 我覺得魚柳卷比較淡總括黎講呢一間都唔錯...下次可以再去