菓一道健康餐廳 (已搬遷) 新店位置

樓上鋪，大廈入口亦沒有任何宣傳牌，中午時份約了附近工作的家姐吃飯。set lunch有十款，每款的名也很長呢...結果選了一飯一烏冬share。烏冬的汁酸酸味味的，很開胃！不過我認為如果可再熱啲會好啲，但味道不錯！龍利柳紅米飯with香芒白汁sause如果芒果可以多少少會更好，同埋我最初都幾抗拒紅米，但原來又冇想像中咁硬，煙韌過普通既飯，唔知係唔係佢溝啲米呢？但的確唔錯！同埋健康餐廳佢真係好好好多菜，不過可以煮熟啲，而家隻熟度好似西餐既side dish，我會prefer淋少少。外賣85折，如果我係附近工作都會去買！健康飲食值得推廣！

個名就聽得多, 但就真係未試過..我朋友話canton rd呢間最好味,我上網見到 d 食評係幾好喎...sell健康既佢, 咩野都係健康有謍為主...一打開餐牌, 每個價錢下面都打明卡路里, 最適合我地呢 d 既為食又怕肥既女仔........喜歡佢份量 ok, 野食 SELL 冇油冇味精, 食落去真係冇味精.........最最最要值得推介, 係佢既餐包, 黑芝麻包...好好味..下次一定會再試...女孩子們 三五知己去呢度傾下計, 絕對唔錯呢......值得推介的餐廳 ..........

(素食)上湯鮮竹卷蔬菜煲+有機紅糙米飯這味素食湯底很清甜，沒有味精而富有蔬菜甜味，素鮮竹卷餡料有甘荀、雲耳、粟米仔清啖而不“瓜”香芒茄茸龍利柳配有機紅糙米飯這道介紹過不作多述是日餐湯-鮮茄燕麥湯+黑芝麻包晚飯時段需另加 $18有是日餐湯、餐包、飲品、糖水湯很創新，蕃茄加入燕麥，有營又據有抗養化黑芝麻包鬆軟好食貴妃鮑粒芝味腸炒三色糙飯試了一啖又一啖，果然很少油而且配料豐足，絶無欺場，切成粒粒的腸及鮑粒彈牙好食(素食)五穀飯團+香草蒜子炒雜菌+有機豆腐香草蒜子味道平均，我看雜菌其實只有三款菌，味道甜甜似用了淡味的蠔油炒，豆腐很滑而富質感，飯團內層是有料的，初時還以為是小米，原來是素肉鬆，很鬆脆每道菜我都會試食，以確定提供準確意見給各位食家

今日去左呢間菓一道健康餐廳, 2點幾啦, 見到有個LUNCH MENU同個TEA SET MENU, 諗住問下個WAITRESS呢2個SET 既 PORTION有咩分別, 佢態度勁差咁講話: tea set同lunch既價錢都唔同...咁緊係唔同啦,lunch咪大好多囉...態度差都算喇, 我個FRIEND唔太舒服,想叫佢俾2杯熱水我地,佢完全冇答我地就咁走左去.　埋單連多謝都唔講聲..以後唔會去逆都唔ＳＵＧＧＥＳＴ任何人去！雜菜湯及餐包ok法國紅酒汁煙鴨胸配有機三色糙米飯煙鴨胸好似擦子膠，冇味，零口感糙米飯太淋飲品黑豆漿味道冇豆味，好似水

數一數都有數十次光顧這健康飯店，除了中午飯時段要等位，基本上晚上都不用等位法國紅酒汁煙鴨胸配有機三色糙米飯煙鴨胸很爽口，口感完全不似是鴨胸，應該是改量過的鴨胸肉，三色糙米飯自然是健康之選芝味菠菜汁挪威鮮三文魚扒配有機三色糙米飯芝味菠菜汁沒什麼特別，但看得出尚算足料，三文魚很肥美，而且煎得少油，配菜又多有機蕃茄濃湯魚柳浸烏冬有機蕃咖味的湯底不夠濃但很稠，味道尚算鮮甜，魚柳和配菜也很足料飲品桂花蜜很清香怡人，是明目飲品之選黑豆漿味道總是沒有豆味，熱的沒有糖要另外加糖

金不換帶子河蝦炒天使麵味道十分清新，而且材料都是青辣椒、紅辣椒、黃辣椒、帶子、鮮冬菇及洋蔥，單看配料十分“出色”有齊多種維他命及纖維，再加上沒有普通茶餐廳的用上“千頓”醬汁，邊吃邊一碟健康的炒天使麵邊感到增加了不少維他命C香煎白汁挪威三文魚扒配三色糙米飯三文魚雖然稍為貴了一點，對本人來講作為30分鐘的午飯確實貴，但偶爾吃一份這樣健康的豐富OMEGA 3的三文魚，也值回的，加上這裡的份量平均又剛好滿我的胃口，三文魚配上白汁不覺油膩，魚腩位置更是入口容補充: 一塊煎得香口另一塊卻煎得有點焦，點少許白汁吃來蓋過其焦味或者切去烤焦部份香芒茄茸白汁龍利柳配有機紅糙米飯龍利柳其實好食，煎得香口味道佳，魚柳沒有冷藏味，咸度又適中，符合每日汲取適量鹽份指標，配有機紅米飯更是一流川芎白芷挪威三文魚頭湯有機三色糙米飯食下才食到有頗濃的藥材味，湯清而有川芎味，既可補腦又可袪濕，三文魚頭也含豐富維生素E，食多D皮膚會靚D南瓜汁帶子蟹甘天使麵南瓜汁沒有把“配料”搶去了色澤，青、紅椒、冬菇依然出色，味道方面也很平均，意粉軟硬度剛剛好，同事將一碟意粉吃掉就知好食桂花茶味道清香怡人，不太甜熱黑芝麻黑豆漿豆味中等不算濃

昨天才來吃過，因食物方面幾啱我口味，除了有魚還有其他紅肉又有素食不多供選擇，再且天天轉換部份餐單，即使密密來食飯也不覺悶香芒茄茸白汁龍脷柳配有機紅糙米飯: 原來這款午餐我不久前試過了，可能白汁分開上，今次再吃也不察覺，龍脷柳沒有白汁更顯油多，不過點白汁食就不覺油多了，另外配菜夠多款，有甘荀、椰菜、脆肉瓜、洋蔥、蘑菇、西蘭花共六款配菜，不怕中午外出用膳無食菜。紅葡萄酒汁煙鴨胸配有機紅糙米飯:酒已經被揮發掉了，食不出有酒味，鴨胸肉味道仍可以，食不出用了什麼淹料，肉質並不“唉”餐飲:熱日本布袋甘菊蜜: 清香甘菊味，無論什麼天氣飲都那麼清潤黑芝麻豆漿: 豆味淡了點，也沒有黑芝麻香味，但勝在是健康的飲品，記住要加糖飲，人體需要適當的糖份，豆漿也需要加糖才飲出豆漿味午市時段人較多，最好預先訂位，不過也有可能訂了位仍要等,餐廳人多很嘈吵，與茶餐廳分別不大,食物水準從味道,賣相等就遠勝茶餐廳滾水"六"腳急急地食午飯，每人平均消費$50，這個價錢貴了點，論尖沙咀區有機健康食物的餐廳這間算是不錯,值回票價

雖然是第二次來「菓一度健康餐廳」，卻是第三次吃，因為有一次是在旺角新世紀的美食廣場，但該次的難食程度實在超乎想像，難怪已經結業。其實首次光顧時的感覺確是不錯，而地點是尖沙咀店，所以今次才決定多給一次機會，再一次前來。中午十二時左右到達，店內只是三數位客人，不過未坐下已感到冷氣有點不夠，導致連近窗口位的卡座也不敢入坐。而這確是明智之舉，因為其後確實是越坐越熱，亦有其他坐了該卡座的客人，最後也會換位。環狀四周後發現，此店的裝修應該翻新過，因為上次的坐位已經不存在，檯與椅子的座向也改變了。看過午餐的餐牌後，便點了香芒茄茸白汁龍脷柳配有機紅糙米飯($50.00)及蜂花蜜汁板煎雞扒配有機紅糙米飯($48.00)，多配一份雜菜餐湯及餐包($6.00)，而飲品則點了熱蜂蜜綠茶及熱草莓柚子蜜。可能是周日下午的關係，廚房的人手不夠，主菜差不多等了十五分鐘才送來。先來是兩杯熱飲熱蜂蜜綠茶及熱草莓柚子蜜，前者味道淡淡，蜜味不太重，感覺一般。後者柚子味濃郁，酸度適中，十分不錯。隨後便是雜菜餐湯及餐包，餐湯味道淡淡，與想像中的雜菜湯味道相距甚遠，倒不如說是忌廉湯吧。而餐包亦太硬，基本上與餐湯並不匹配。餐湯餐包吃

昨晚點了一個set dinner 頭盆沙律：一般 沙律一曡餐包：好味 牛油配上餐包 味道一流啊 或許只是本人的主觀感受吧是日餐湯：OK! 三色蘿蔔湯 濃郁的蘿蔔味 好似係屋企飲嘅嗰D湯 主菜：一般！ 忘記名字了 好似係咩龍蝦仔炒天使面 味道很淡 龍蝦仔好似平時食嘅嗰D濕嘅蝦米甘 不太喜歡 甜品：芋頭西米露 超一般 屋企阿媽煮嘅太好味咯喜歡餐廳的格局 坐得舒服

是日餐湯:南瓜湯配法包: 餐湯需另加 $6，南瓜湯保持水準，質感較稠，但這勝在南瓜蓉成份相對也較多，雖然不是每次選飲餐湯，但偶爾飲一碗南瓜湯確實有益，又滋潤，南瓜含維他A，蛋白質、胡蘿蔔素及多種維他命和胺基酸，絶對健康是之選燒汁南非鴕鳥扒配有機三色糙米飯鴕鳥扒煮得剛好熟，整塊肉質總算嫩，嫩中帶脆又沒有乾硬感，燒汁配肉恰到好處，食掉整碟飯都沒有感到過飽金袍鴛鴦魚(海班魚+煙三文魚)炒有機糙米飯煙三文魚不咸海班魚清淡，略嫌兩款鴛鴦魚太少了，被蛋絲和青紅黃椒搶了鏡，飯則沒有油膩感，較為乾身但有質感桂花蜜桂花與蜜糖剛好相配，味道甜而清香怡人凍黑豆漿(外賣)由於今天沒有供應熱黑豆漿，唯有凍飲也要，除了是凍飲品也是已預先加了糖，所以凍飲較熱豆漿甜，因為上次來等一杯飲品等得良久，擔心這次餐飲又是遲來，叫外賣杯裝起帶走飲 (紙杯與堂飲的杯較細杯)

不論有機沒有機的三色糙色飯，都應該好食，從味道方面我完全食不出有機和無機之別，心理上感覺良好是因為有機食物沒有飼料添加劑，沒有使用化學性除害劑及肥料環境: 這裡環境舒適，尤其坐窗邊位置可眺望廣東道及中港城，雖沒有海港景，但視覺就沒有了局促感午餐: 包一杯飲品，餐湯另加$6有一碗湯及法包，午餐款式及餐湯天天轉款(部份款保留)，每週來吃一次是很不錯的日本甜醬汁青花魚配有機三色糙米飯: 三色糙米飯很軟熟，最啱我，質感有點軟糯的米飯，要吃掉整碟全無困難，反而看見隔離台的女士吃不完一碟飯，她們真浪費 (敬請因怕吃飯會致肥的女士們可以叫餐廳給少飯)甜醬汁甜甜地味道有點似鰻魚汁，雜菜很多又新鮮。鯖魚大大件，差不多有5寸半長，啖啖肉，肉厚而不“唉”整碟飯>>>不錯，可以再來食有機蕃茄濃湯魚柳浸鳥冬番茄新鮮，湯底不夠濃，魚柳以蛋漿煎過，味道普通，全靠蕃茄汁帶出魚肉的鮮味伴菜足料有椰菜，脆肉瓜，甘荀>>>新鮮香橙薑蜜: 看似味道很淡，但薑味足，橙配薑蜜效果令人醒神黑芝麻豆漿: 豆味淡了點，飲不出是黑芝麻豆漿中午飯時段太忙而侍應未能代為追單, 如餐飲等了足足3

好好好好好耐以前0係尖東廣場食過幾次果一道，今次係多多多多多年後0既重臨舊地，btw，都唔係舊，因為已經搬左去廣東道咁遠，呢度大好多，d位依然好舒服，望出去0既view就正過以前好多，朋友都猛話好我以前食親都係午餐，今次第一次食晚餐，價錢當然貴一d，我只係叫左鮮芒果芝士煙三文魚焗意大利寬條麵，冇加錢轉套餐，因為套餐0既湯同蒜蓉包都唔係我favorite，我飲熱水就夠喇亦都好彩冇轉套餐，因為碟寬條麵都好大碟，我最後食得好飽你地睇張相就見到碟野真係好健康，有主菜三文魚之外，仲有好多芝士、椰菜、甘荀粒、西蘭花……anyway，芒果比我想像中要少，我有dd失望不過全部材料0既味道都好0岩我口味，夠清淡，又多蔬菜，夠健康，d寬條麵又唔會太腍，冇碎濕濕，好好吮，我喜歡唔知係咪仍然時間尚早，未夠七點，得3檯客，所以得一個員工招呼人客，我地d野都幾遲黎，都催左一次先黎個湯(我朋友叫左套餐)，催左兩次先黎個糖水，希望下次幫襯時可以改善啦

友人特別安排一整天的行程, 同我周圍去及補祝生日 (放假真係好可以去街街) ~~~之前在The Flying Pan page 已寫了景點一的Ngong Ping 360 "糖蔥餅", 及景點二愉景灣’s The Flying Pan的day breakfast.景點三山頂乘纜車, 原本友人預訂了一間餐廳食浪漫的晚餐, 但太大風喇, 所以無緣食浪漫的一餐. 不過, 我已好感激佢為我計劃豐富的一天. 景點四改食菓一道, 這間標榜健康食物, 所以餐牌上的都比較健康的, 而且跟餐的菜也較多餐牌更有卡路里標明每樣食物所以含熱量..可以讓我地班食肉獸平衡下~~~香草檸檬烤雞胸伴鮮芒果配紅糙米飯– 友人好怕食雞胸, 因為怕 over cook. 但佢話這雞胸好嫩, 煮得剛剛好. 而D醬汁亦好夾塊雞胸. 哈哈, 食這餐仲可食生果添. 買相仲好好咖 ~~~ (我特登叫這餐比佢睇下這幾大碟, 哈哈哈哈) 注意, 如果芒果唔係季節的話會好"酸" 的.香橙蕃茄蒜蓉汁板燒雞扒紅糙米飯 – 而我鍾意食紅糙米飯, 所以亦叫雞扒飯…這蕃茄酸酸甜甜又開胃又好味. 蒜蓉汁又唔會太重而cover 蕃茄味. +$18轉為餐

因為最近減肥, 所以周圍搵野食都要就住就住. 一向知道呢間餐廳係以標示卡路里及打健康旗號為賣點, 於是老遠從中環騰過來試一試.叫左個三色椒煙鴨胸x菇三色飯+$18變餐.餐湯係西蘭花磨菇湯, 味道非常好, 感覺健康, 正!餐包一片, 係烤脆了的法包, 好味(不過記得以前係自製合桃包, 以前仲正)主菜一上, 我即刻皺眉, 點解係炒飯? 炒得飯都落唔少油, 點解可以400幾卡? 唔通我睇漏個炒字? 有被騙的感覺. 甜品, 果湅ok飲品, 熱蜂蜜綠茶其實整體味道幾好, 服務ok. 唯一就係以健康掛帥, 可信程度有幾多?

今日食左個好扼秤的tea-time~ 味道ok啦~ 叫左 咩翅炒飯係雜豆+假翅(呢個預左)+DD椰菜 3色米 炒飯.....O爛左 冰鮮雜豆......= []=tea-time $ 38 really 貴左d 又唔係超班菜 *連蜂蜜奶茶~太甜了.......><不過抵在~SAVE茶餐印仔~5個就有FREE一個啦~*PS 今次D個阿嬸態度好差~ 本人係一個睇態度比tips既人~ 所以冇比 望到你咩咁....= []=|||||||上次見佢地態度好比10蚊又唔見態度好 = []=||||||||