華南粉麵茶餐廳

營業中

休息中

此店有三伏，中午行過見到有位唔係咁多人就入去試吓，咁就中伏身亡。第一伏，入到去被安排去長枱撘枱，見到張枱諗咗一秒坐唔坐好，因未見過d枱可以狹窄，好似將一張一般枱橫身切開一半（3呎闊變呎半闊）仲要係搭枱對面有人坐，真係耷低頭食麵時可能頭碰頭。第二伏，叫咗一般麵檔最基本既雲吞河，河粉都叫做 ok, 雲吞就⋯⋯食落好似9成係豬肉+唔知什麼肉，唔知有冇蝦肉存在，因為食落只係感覺到只有豬肉⋯⋯仲要收到$46。第三伏，最低消費$46，剛剛好一碗麵價錢，滾水要另外收錢（好耐冇見過了）。真係冇下次。

係经过朋友介绍嚟呢度食，佢哋好出名嘅有云吞面，牛腩面，鱼丸面等等，我哋十个人嗰嗰都叫咗一碗食，嗰味真系好正！！！！我哋仲叫咗啲通菜，鱼皮，係好好食㗎！好脆鱼皮。好似呢间铺头您哋冇睇佢细细间，但开咗好耐啦，几十年个年头，听嗰好朋友话，佢哋一路都可以keep住啲味，真系好难得。今次食真系好好食呀！希望可以一路开落去！！！保持住呢个好味！！！下次都会继续嚟呀！香港有呢啲好传统嘅餐厅真系好幸运！已经介绍咗俾其他身边嘅朋友啦！

十幾年前喺灣仔做嘢間中都會食下，再到灣仔嘢食想返以前嘅嘢， 見佢仲喺度入去坐低，叫碗牛腩麵，侍應問係咪要普通果d? 我心諗有唔普通嘅咩，我就話係啦，跟住佢放低張單，原來依家要呢個價位$53，一食落去，嘩不得了，食牛皮咁，又硬又鞋，唔係牛腩嚟，未食過牛腩係咁差，平時差都係太肥，或者唔諗，收得呢個價，就算點都應該比返牛腩位，態度果d 就唔好講，食幾十蚊嘢唔會有咩要求，但食物。。唔會有下次！再睇返d食評，應該睇左先就唔使嘥錢！

成日經過呢一間食粉麵嘅餐廳 但係都冇乜機會入去食 今日夜晚忽然有少少口痕 剛巧側邊所有餐廳都閂晒 就決定行入去試吓呢一間華南粉麵 入到去見到有好多報紙雜誌介紹佢食牛腩嘅剪報 所以都毫不猶豫 叫一碗牛腩米粉試吓雖然已經晚上11點 但係店舖入邊都有五六台食客 我見到大部份嘅食客都係叫牛腩 等左唔使3分鐘 我嘅牛腩米就送到上枱面 我加咗錢叫牛坑腩 識落的確唔錯 有一種幾特別嘅味道 唔會話太過韌 米粉嘅硬度，亦都適中 加埋佢特製嘅牛腩汁 呢個宵夜，真係一流冇得輸

8年後回港，很遺憾發現很多食肆已經倒閉，或者經典菜式已經大不如當初的神韻，失去了“靈魂” 。 很可惜很遺憾！似乎最具代表性香港傳統飲食文化似乎面臨巨大危機！然後今晚到了華南，發現尤其是這4年面對示威者破壞街道與店舖，然後之後一波又一波的疫情... 捱得特別艱苦，但華南仍然能屹立到現在，難得難得！! 感謝老闆星哥和老闆娘陳太，無論面對多少次影響着生計的風與浪都嚴守宗旨，不會選擇削減材料，才能夠再度品嚐得到正正就是回憶裡面的味道，實在萬分感恩！ 真的不負有心想品嚐到這種充滿香港心，香港情的味道！ 物價雖然一直飆升，但仍然能夠堅守宗旨是非常困難的事情。 有些東西用錢是買不到，堅守宗旨的路也往往是最不容易走，所以實在要向老闆致敬！！ 即使第一眼表面看菜單有機會是感覺貴了一點，但我們大家覺得都非常值得的！ 好喇，以下就關於菜品一點點的感想：凍檸茶 -- 其實很多地方已經嚐不了這種真正“經典”凍檸茶的味道。茶膽用絲襪製作，香濃茶味混合檸檬味的清新，香而不澀，甜度適中，仍然是這麼多年來負責茶水部的同一位老練師傅製作！ 難怪！希望不會失傳！ 魚蛋河 *加腩汁* 加兩三滴自製辣椒醬 -- 已經很難找

I really don't understand why this restaurant has been slandered with so many bad reviews, it makes me question what kind of people use this app. Wah Lam is one of the most authentic Hong Kong diners that has maintained their renowned flavours throughout the decades! My HK friends introduced me to this place 10 years ago when I moved to here and none other can compare to the complexity and rich flavours of their soup base, the tenderness and juiciness of their beef brisket and wonton and fish b

淨係碗麵都成$50 就算, 仲要安排個位後面有門, 跟住有個人由入面開門出來, 度門撞倒我又唔講對唔住食又唔係好食, 牛什麵, 每樣比一件.....冇咩咪我D野食未來果時...隔離檯落單話加腩汁, 個阿姐話碗碗都有腩汁...等到我碗牛什麵來到, 我試下個湯底.....嘩, 淡過咩咁.員工又懶得回應人客要求, 你估人客會自動過來?本身諗住得到邊食到邊, 見個檔口好似幾吸引,原來間野坐都坐得唔安樂, 明知有門就唔好放個位響度喇唔怪得唔洗等位除左衛生ok 之外....都冇野好....主要可能因為老鼠都唔肯食佢以後食野都係要睇下Openrice 先

叫咗一碗牛腩粉。大約有七至八件切件牛腩。塊塊都係樹皮。咬一啖哨到棚牙攝住晒牛肉渣。冇咁好牙力，索性成碗唔要，分明搵笨、都費事同佢地講。俾$53當受騙。我好少寫食評，依次太離譜。我成日經過，永不再幫襯。

Lunch路過見無咩人又唔洗等位咪入去食碗粉，叫左碗牛肚河加紫菜冬檸茶竟然成90蚊，心諗平時食碗粉加冬飲都唔洗咁貴㗎，唉……算啦鬼叫自己唔睇餐牌咩，諗住可能好好食呢（自我安慰mode）點知食落味道一般，個湯重咸到死，d辣椒油又辣，當下真喺覺得自己中左伏，真心唔明點解呢間野可以貴夾唔好食都重生存到

a 垃圾中的垃圾，吹度D湯水幾好味，你都係話自己製作？，墨魚丸食唔到墨魚味，硼砂腩得個瘦肉，老細識唔使咩叫佐崩沙腩呀，肥瘦相間呀，一碗崩沙腩飯，一個腐乳通菜，一杯檸檬茶，再加四粒墨魚丸米線收179蚊？貴唔緊要，問題係貴得來係唔好食，根本就唔值呢個價錢，辣椒油又係話自己特製，結果得個辣，無香味。基本就係可以話欺騙香港人，專做大陸人生意。如果可以爆料碑記者或者曝光他地最好啦。墨魚丸，牛肉丸魚片全部賣緊288，258一斤，仲貴過大陸，我係潮州人，呢D丸我由細食度大，點會唔知呀。希望見到呢條信息咖香港人唔好再去食啦。知道咖師兄以後都唔好再去食啦，希望他地可以早點執啦！唔好影響香港粉麵店咖形象

Lunch 打算快快手食，見到依家唔多人，亦只係一間尋常麵店就入去食。叫咗個片頭牛腩河，打算都係50內搞掂，點知一碗唔飽肚又冇乜特別嘅麵，要$73，最初聽到，真係以為自己聽錯。

灣仔華南的牛腩是我倆宵夜的首選, 雖說其價錢媲美九記, 而又有不少人的批評, 但至少我倆吃過幾次的經歷也是不錯的. 連皮肥腩外皮爽彈, 而且脂香肉稔, 比九記的肉乾味道和口感好得多. 最近再去, 之前因家事要戒食牛肉, 於是我老婆點了魚丸撈麵, 而我就點了星洲炒米.魚丸撈麵的麵身夠爽, 碗底並沒有水汪汪, 證明身瀝水做足, 沒有鹼水味. 通菜份量不少, 而是顏色保持翠綠, 沒有啞黑, 吃起來同樣爽脆. 魚丸魚鮮夠, 口感軟糯, 沒有其他填充物, 相類似的風味, 是搬到西環夏銘記的魚丸. 星洲炒米外表色水偏淺, 還以為味道很淡, 一吃起來, 香而帶微辣, 然後辣勁緩緩從喉嚨滲出, 夠爽夠過癮. 米粉炒得乾爽而不沾油, 吃起來並不油膩, 配料簡單, 反正這不主角. 雖然辣勁和辣香很吸引, 探索價二百多元的辣椒醬, 真的令我卻步呢!Wah Lam is. Famous for her beef brisket at Wan Chai. However I and my wife cannot eat beef recently because of family issue. The fis

食完晚餐因為唔係咁夠飽，剛剛行過呢頭見到，所以入去試吓呢間粉麵。收人成80蚊碗三寶粉，但係啲質素又唔見得好過人。無論係魚蛋、墨魚丸都好普通貨色啫。仲大大聲話係幾十年歷史，完全唔覺得。但仲要廚房、櫃台以至侍應幾個人全體唔戴口罩，喺你面前大吐口水，疫情下都好恐怖啫，你唔驚我驚囉，唔該衛生部門去做嘢啦。而且個個職員都粗聲粗氣，態度麻麻地。兩條友埋單總共要$150！好話唔好聽，食街邊嘢咋喎，完全唔值囉。冇下次了。

食佐個牛腩雙丸米(魚蛋加牛丸) 牛丸酸既又實又鞋 魚蛋唔知似乜 老闆仲要話係活魚既即日打既魚蛋 咪玩啦老闆 我將碗野放出去街邊比人試一定唔會食得出係活魚 做到咁垃圾又係天價 牛丸仲要酸臭既 仲可以打開門做生意？其實唔洗吹水 你話魚蛋係入貨返黎咪算 吹捧到自己既野食有幾好有幾掂 其實對得住自己對得住客人對得住個招牌咩???????????牛腩更不知所謂 仲話新鮮牛腩？雪味勁到不得了 湯又咸又多味精 我食完未行到地鐵站已經口渴。。。總之不推介 永不再吃

由細食到大，從前真係好中意食，近呢10年。成日聽家人講，又貴又難食，就係吾信，點都要試番一次，諗住差極有個普，點知，牛南全部雪味，老闆又串吾優做。伙記又差。環境又差。都吾知憑咩收呢個價錢？檢討下啦。。