華安餐廳

營業中

休息中

之前講起食一間諗起另一間，就係講呢度。呢度地區係有D吊腳，非朋友介紹係唔會知。舗頭格局不華麗，員工親切，早歺時段都需排一陣隊。👇🏽本人不喜吃包，所以唔好嘥會嗌飛走，只是個人喜好，個湯因好味會加湯，攪到咁大碗。呢個雞絲通一流，雞肉無雪味，而且帶少少鹹香，個湯不口渴，啖啖雞味，炒蛋滑但未夠香,奶茶茶底香，飲完無槳口👍🏼早餐款式，多到選擇困難，有雞絲、菠菜雞絲蕃茄／羗絲朱潤/牛肉通/面，亦有基本腿通，麥皮、有歐陸吉列歺，華安雞翼歺，歺配包亦有多款選擇可加奶醬，個包亦可加幾蚊轉先油多，總之自由配搭，價錢合理。 衛生亦相當高，竟然比我見到員工會將所有歺具洗完，再倒入一筒熱水再抹干👍🏼👍🏼👍🏼，值得一讃

1月8日又和朋友同華安食午餐。今天人有點多，等左一陣至有位。叫左牛通，通粉依然彈牙，牛肉剛熟好滑份量不少有5，6片，但通粉就好似少左d，食2啖已經冇乜，炒旦，小紅腸，麥多走牛油加煉奶 （加$1）加左錢但煉奶分量好少，好似系咁意瀨少少系片多士上面，若然多少少，應該會好食d，最喜歡佢地個多士系厚多留邊，熱齋咖就一貫水準，不太差也沒有驚喜。朋友叫义燒通，午餐肉，煎旦，占麥多，凍奶茶。埋單 $80，都算抵食。

尋曰又和朋友到華安食晏，系門口等左一陣先有位，叫左奶醬厚麥多，麵包鬆軟新鮮好味，熱齋啡就一貫水準，不過不失。朋友叫左义燒通粉，通粉依然彈牙，份量好似細左d，煎旦，午餐肉，占麥多士，熱咖啡入口非常香濃。埋單 $59。

今日又同朋友黎食午餐，1點半左右到，在門口等一陣就有位。我地2個都吾太餓，我叫左奶醬麥多，熱齋啡，個麥多好大件，練奶同花生醬分量適中，吾錯。朋友叫左黑牛炒旦併多士，黑牛原來系牛肉炒旦加了些黑椒在旦上面，最特別系在炒旦內有些紫洋葱絲，炒得火喉剛好又爽脆，凍奶茶就保持一貫水準。埋單共 $52，水準吾錯，價錢亦都是好合理。

11月19日又去食 lunch, 都系食常餐我叫左 : 牛通, 牛肉幾多, 又淋, 通粉弹牙, 湯就一如以往, 夠熱, 小红腸, 煎旦, 仲系流心旦, 厚麥多好正, 另加煉奶, 熱齋啡, 就普普通通.朋友叫左 : 义燒通, 义燒都吾少, 午餐肉, 炒旦, 這2樣野个份量好似比以前细左, 厚麥多另加果占, 凍奶茶.好香好滑, 又有茶味.埋单 $80基本上, 這裏的食物是蠻不错的.

常常和朋友到這處食午餐, 終於的起心肝寫下佢.多数1奌多到, 有時要等一陣, 通常都好快有位.次次黎都系食常餐.叫左义燒通&薑絲牛通, 份量適中, 牛肉好淋, 义燒略煎, 通粉弹牙,湯夠熱, 不錯.反而有次食炸菜肉絲通, 个炸菜肉絲碎濕濕, 好一般.茄牛通都吾錯, 个茄湯不太濃烈, 都ok.沙爹牛通就沙爹汁及味也不太特出, 混在通粉湯中, 也吃不出是有沙爹汁的牛哆這處最特别是用厚切麥包 (留边), 加1元可加果占, 変油占厚麥多士, very good.另外常餐跟午餐肉, 小紅腸, 炒旦及煎旦, 就普普通通.凍咖啡和凍奶茶就好出色, 奶茶夠茶味, 咖啡就好濃好香. 熱齋啡就一般般啦.

一聽到華安呢個名, 都會問"秋香呢?"  因為唐伯虎點秋香呢套電影, 個個都耳熟能詳哈哈講番間餐廳先, 喺office我地圍內都嗌佢“厚多士”, 因為茶餐都係用特厚多士代替一般嘅方包, 配埋花生醬, 真係夠晒飽12點午飯時間就嚟到, 人流未算多, 如果lunch係食1點就可能等一陣位梅菜扣肉飯$38見到即刻揀呢個最多脂肪嘅梅菜扣肉, 怕肥? 遲啲先減啦 , 雖然啲肉瘦咗啲, 但一層層咁分佈明顯, 加埋上面滿滿嘅梅菜, 見到都唔知食邊樣先, 哈哈醬汁豬手飯 $42 雖然之前試過醬汁偏咸, 但平時都唔錯, 豬手下面放咗好多椰菜, 幾爽口, 豬手軟骨化成骨膠原, 因為多骨, 食嘅時候要花點時間, 食得好滋味, 如果豬毛可以清得乾淨啲就更加好喇!方魚蠔仔肉碎泡飯 , 包熱飲 $36 (3.5/5)蠔仔起碼有15粒, 份量都足夠, 大大粒都幾鮮, 脆脆魚乾更添魚村風味, 口感唔錯, 湯底加入大量薑絲, 去走腥味之餘, 食落更加暖肚迷你咖哩牛根腩$24 (2.5/5)Lunch同同事唔想食咁多, 嗌咗呢個迷你咖哩牛腩配多士, 好似兒童餐咁細細份, 焗過嘅牛油多士唔夠脆... 如果配呢間店出名嘅

半年前去過食午餐，食物太咸，無服務。叫咗兩碗湯麵，麵口感尚算可以，不過湯就咸到好似飲緊鹽水咁。侍應態度好差，我朋友俾佢地用熱湯淋到，一句sorry都無。呢間野唔會再去幫襯！

此店食物水準一流，今次叫了推介的 "印式豬扒煎蛋飯", 豬扒以印度香料醃製，入味夠腍。兩大塊豬扒，煎蛋，仲有椰菜，連熱飲價錢為 $40, 好抵食！另外，很欣賞外賣盒的設計，三個獨立小格，把飯，豬扒，菜分開盛，白飯不會因汁液浸到變霉，非常細心。少少建議，若能減少豬扒份量，多加點蔬菜會更讚。

最近少帶飯, 常問同事附近有什麼食肆推介, 他們剛好想試這間華安, 我便加入他們的飯局試試~起初一聽到這店名, 我便想起"唐伯虎點秋香" 由於我們吃飯時間比其他公司早, 所以我們來到不用等位. 但不消一會, 門外便擠滿人了.第一次到新餐廳總是試她的招牌菜, 鮑汁牛筋腩撈粗, 配凍檸茶這個賣相我覺得很美觀, 有別於一搬茶餐廳~光是看已經見到有濃濃的鮑汁, 牛筋腩食落感覺到有很豐富的膠質,很入味, 正呀!我完全把整碟連湯KO, 很滿足 吃完後整個口腔還有少許漿住的感覺, 可想而知, 膠質是有幾重, 但同事就說太膩了~下次會試試他的常餐, 看到豬潤通粉有點吸引

今日落開牛頭角做野..途經定富街就諗起華安，因為之前都有食過，望下個錶....天啊Lunch Time，心想可能未必有位點算(對上一次又係中午時間，要等位)未行到門口遠遠已經望到爆到出門口，好好彩，企響門口既四眼仔好快手咁安排左個位比我坐抵，今次我order左個牛腩撈粗+熱咖啡..........好好味呀，不消10分鐘已經比我攪掂左 我最欣賞的是這裏出品夠快，樓面的招呼算不錯，價錢亦中肯

去過已經接近十次了...照片是第二次拍的。自己特別愛食咖哩,都有小小心得。可以同大家慢慢分享下，但係分享前介紹下呢間茶記先。華安係我有個髮班師係銅鑼灣剪開,九龍灣新鋪開張黎賀一賀佢...一邊剪傾開,佢話附新有間唔錯茶餐廳開o左,佢記得我鍾意食而特吃推介。由牛頭角地鐵行去約10分鐘門口乾淨企理,仲有2張台仔係外面。見到有位年約30四眼哥哥坐係門口。應該就係老闆。門口向入一望好夠光猛,整潔。門口右手邊有個收銀機，對面就係一個陸麵同火保粥位。入去搵o左個卡位坐低,叫o左自己最愛的咖哩牛老闆問要大,中,定小辣...二話不說大阿唔該^^...成日跑黎跑去除了練好酒量就係食辣..飲咩? 檸茶少甜!不到10分鐘先來個飯...分開上一黎到先飲杯水識下佢個咖哩先,不到15分鐘飯連食送全部K.O...講下食到d咩先:1.咖哩用了新鮮整,明顯食到d菜,但非常淋...2.薯仔真係要講一講,一食十分鬆化，一問就知道不來係炸完先整,難怪!!3.咖哩膽有好多香料,有不少印度紅粉，好少店舖會用。4.肉份量也不少有一半左右。仲有一樣野值我一提就係佢杯檸茶,好多茶記杯野睇落去都係濁濁地,呢間相對清,問完先知原來佢係新鮮茶