華宴食府

營業中

休息中

這間酒樓嘅環境相當舒適，不但有圓桌還有卡座。我哋今日試咗幾個點心仲有炒飯。黃金鮮味蝦餃王蝦餃大大粒肥美飽滿，蝦肉相當新鮮，加上少少金色，非常之有貴氣。蟲草湯鮮竹卷呢個星鮮竹卷放湯，用料比較清淡，蔬菜為主，味道淡淡，健康風味。黑松露叉燒包呢個叉燒包嘅包子皮相當鬆軟，而且肉餡濕潤，但有蠔皇風味，又有黑松露嘅味道，呢個配搭幾新鮮。鮑魚叉燒酥試過龍景軒嘅鮑魚撻，覺得真係驚為天人，呢個鮑魚撻亦都相當唔錯，撻皮相當鬆脆，鮑魚唔會好韌，有汁柔軟，整體味道唔錯。窩燒鮑魚雞粒炒飯炒飯充滿鑊氣，熱乎乎，唔會太鹹或者太油。杏仁茶杏仁茶份量真係好少，係一杯嘅份量，口感又滑，但杏仁味唔算好濃，淡淡的味道，輕甜。Crème brûlée 焦糖皮香脆，燉蛋整得幾香滑creamy,味道唔會太甜。

部份食物幾好食。上菜時都好熱，但係小籠包真係好難食，唔講以為啲雪藏點心喺微波爐叮完拎出嚟，一滴湯都冇非常乾。鳳爪同埋鹹水角幾好食。啲茶都幾好飲，推薦秀眉。美好的一天。

首先一入門口，個人認為個通道加上其他人坐喺到等，感覺比較雜亂，第二，一坐低本身覺得啲碗碟都有自己特色，但我發現大部分碗碟都有崩咗嘅情況，而且如果叫人換過套杯碟，工序好似有啲大，所以最後只係換左隻匙羹，因為驚割損個嘴唇，呢點我係會比極度差評。至於啲點心，第一樣想講係佢個杏仁茶，基本上個大細係同飲茶個杯一模一樣，只係杯身唔同顏色，不過一式一樣嘅係個杯都係崩嘅，大家要小心飲用，我就轉去飲唔崩果個位，但味道黎講係幾有質感同唔錯，可能因為佢落左啲豆米落去有野咬下，之後就係佢個無花果鹹水角，算幾特別嘅菜式，個皮係紫芋色，有少少甜甜地，另外佢個紅米腸都外軟內脆，keep到香港茶樓一般水準，其他都冇乜特別，最後係佢個無骨鳳爪，本身第一啖咬落唔辣，甜味較重，有啲似糖果味，之後呑落肚辣到要不停飲水，大家可以參考下。員工溝通混亂，甜品講成蝦餃，依家上定後上都亂哂籠，呢啲就見仁見智係咪大問題囉。

炸雲吞真係一口咬落去，外脆內嫩，裡面包住香滑的餡料，簡直係一口幸福！流沙包就更不得了，咬開時那股流心的鹹蛋黃醬，濃郁得令人想再來一個！至於鮑魚燒賣，鮑魚的鮮味配上Q彈的皮，口感層次豐富，真係好享受！金箔蝦餃就像藝術品，金箔閃閃發光，蝦肉鮮甜，好好味

員工管理差無端端飲茶時段，廚房員工雙腳放在卡位上面閉目休息，明白員工都需要休息，但係喺飲茶時段，當着其他客人面前，又定位係高級嘅裝修嘅地方，確實有啲古怪同降低檔次

華宴食府 (元朗)元朗朗樂路1號元點1樓B137號舖有日朋友話 我地去飲茶 🙈我話咁有興致🙈佢話呢間真係要去一去🙈🙈咩都可以唔食但黑松露流汁叉燒包（$38.8）唔可以唔叫下次試下淨係叫呢個外賣🙈睇下得唔得先🙈真心出色食過2次都係咁高質 佢嘅 叉燒多 又多汁 黑松露味又濃👍🏻👍🏻以下係我係佢地酒樓叫過嘅點心🙈🙈👇🏻👇🏻華宴鮑魚燒賣皇 $48.8黑松露流汁叉燒包 $38.8香煎臘味蘿蔔糕 $38.8鮮鯪魚肉煎釀尖椒 $38.8韭黃鮮蝦腸粉 $43.8四寶花膠滑雞扎 $43.8水晶帶子菜苗棵 $38.8黃金鮮味蝦餃皇 $43.8出爐叉燒滑腸粉 $啦除左黑松露流汁叉燒包 大推之外 其實佢個蝦餃都唔差 1粒 3隻大蝦👍🏻 其他野食黎講就中規中矩 唔算話好突出🙈

近日元朗加點新開，中午同家人去飲茶。環境精緻，具落地大玻璃。當日坐近窗位，太陽太猛，冷氣唔夠，整個環境好熱。午市點心款式很足夠，上菜時間亦合理。食物精緻，味道未有驚喜。

希望改善冷氣吹風位，定係佢唔想人坐咁耐，風口對正你張枱呢？以咁嘅價錢，店應該讓人坐得舒服D。希望管理層改善，同佢哋講，就話中央冷氣，冇得調較，凍到震。食物方便，滿意的。

混亂的系統，惡劣的客戶服務態度，會勸喻身邊的人不要再去，自己永不再去！！！1：40pm 取票， 2pm剛叫到， 說不是1：45pm取票， 所以要飲正價， 不能飲下午茶， what!!!如果有呢個policy, 請清楚係取票system 指出。仲有成個運作非常混亂， 員工態度非常惡劣， 好似擋我唔係人！！

手機攞飛好正常 我13:15攞飛 將飛到嗰陣剛好14:05 門口個啊姐勁冇禮貌同我講 要13:45後攞飛先有效 要重新攞飛 啲客點知要幾點鐘攞飛 我冇諗住食下午茶時段 只不過兩點前未有位 啲客點會知要幾點鐘攞飛 未食都咁趕客 一定唔會再去

如果大家去飲個早茶想全日心情俾佢搞差唒，就去啦！門口帶位個阿姐根本係同佢老細倒米，人地老人家黎飲茶唔識㩒飛攞位，就串人地部機咁簡單都唔識用。人多要客搭枱唔係求人，反而逼人好地地坐緊要轉去另一個唔鍾意嘅位仲要鬧人唔配合，啲嘴臉衰到，我喺側邊都睇唔過眼，問多兩句就鬧返人，啲態度好到…… 奉勸老細唔想一開張就執笠就快啲俾啲特別培訓佢。嘢食唔差，但冇特別，唔係早茶呢個價錢，根本完全唔會有意慾去幫襯，食過兩次，兩次都見到門口阿姐啲「好服務」，唔會再有第三次。反而送點心職級低啲的員工仲好服務，好有禮貌。奉勸唔想受氣者，切勿幫襯！！！

朋友從加拿大回港，相約聚舊，特意選擇新商場Yoho Mix，開張的華宴酒樓飲茶😆星期六門口取票後大約等咗半小時就有得入座，餐具十分精美。🥢黃金鮮甜蝦餃 $45.8餃子皮薄而不易破裂,內餡飽滿多汁，蝦肉鮮甜彈牙。🥢小巧潮州粉果 $32.8粉果皮薄而Q彈，內餡飽滿爽脆，一口一個。🥢安格斯牛肉酥 $45.8外形似蘿蔔絲酥餅，內餡是安格斯牛肉切成細小方塊，調味不錯，但也是炸得比較油膩。🥢無花果鹹水角 $36.8紫色外皮非常吸睛，但咬下去外皮完全索晒油👎🏻。🥢蔥花炸兩腸粉 $40.8外層腸粉皮太薄，油炸鬼少少酥脆,，但咬落太油膩。蒸嘅點心，蝦餃同粉果都幾好。但炸嘅點心就完全唔得，油到不得了👎🏻茶位$15吃了五個點心埋單$2️⃣5️⃣6️⃣(2人)#華宴 #yohomix #相機食先 #hkfoodie #heleninocean #食咗元朗

本身諗住簡簡單單食餐飯，喺呢間 or 稻香酒樓之間掙扎，最後就試吓呢間，事實證明真係有野差得過稻香。揀好咗食咩就叫人落單，我就諗住叫主餐牌裡面啲野食，就叫個姐姐過嚟落單。一過到嚟個姐姐就第一時間cum 埋我本主餐牌，慢慢打返開佢套餐個餐牌，即係又星斑又龍蝦嗰本，我就憑我記憶講住先，再拎返個主餐牌打開嚟落單，跟住我地就嗌條魚，佢就sell我地今日返咗紅丁，計平啲我地，答唔洗啦，都keep住錄音機式你有你講。叫個海珊骨，問佢其實咩嚟既，答又答唔到，係咁話蝦膏嚟既，蝦膏好濃味，最後都係睇返menu英文估意思就算。食物嚟講，味道同賣相就無咩特別，成餐飯係個價錢最出眾。例牌燒鵝上菜已經唔係熱，皮唔脆，肉難咬。大埇炸蠔算大大件，但無味。蒜蓉炒生菜賣相同味道都好有家既味道，叫阿媽煮都得乾燒伊麵普通，正常味道蝦膏海珊骨就係用蝦膏醃既椒鹽肉排，肉幾「林」，但蝦膏味唔算太濃（姐姐仲提醒我地唔食得重口味唔好叫，怕食唔慣）老虎斑魚幾滑，都唔錯。整體嚟講味道說唔上差，全部都普普通萬，只係佢唔值呢個價錢。

上個月 17 號，見到屋企附近商場「元點」，新開左間酒樓，於是一家人去試下。當日我要返工，所以屋企人就我飲早茶。早茶時段......有張特價點心紙由點餐到上菜，足足等左30分鐘以上。【唔係淨係我一枱，係每一枱都係咁】蝦肉新鮮，不過入邊有大量肥豬肉。完全係凍嘅，食落去完全冇任何味道。材料得野菜、火腿、紅蘿蔔，但係都係無味嘅，連咸味都冇。蠔豉切到極細粒，而且一 D 蠔豉味都冇。完全唔熱。得少少咸味。個皮太，用筷子一夾就爛，入面豬肉還可以。D 飯太「林」，冇咩味道。鳳爪同排骨都係雪藏嘅。一啲薑汁味都冇，成個包完全無任何味道。完全凍冰冰嘅，成碟嘢完全冇味。腸粉上面有甜醬同麻醬，但係加埋一齊食都係極差。

*態度不佳*當我下完訂單後，已經過了30分鐘的等待時間。為了確認還需要等待多久，我決定向葉同事或經理詢問。然而，她的回答卻讓我感到非常失望和不滿。她以毫不在意的態度回答說："等得就等，唔等得就幫你cut左它"。這種冷漠和不負責任的態度讓我感到十分困惑和不滿。她甚至沒有回頭看一眼，就轉身離開了。作為一位顧客，我對這種對待客戶的態度感到難以接受。作為店舖的工作人員，他們應該提供友善和專業的服務，並尊重客戶的需求和時間。這樣的態度不僅讓我感到被忽視，還損害了該店舖的形象。此外，我對食物的質素感到一般。食物沒有達到我的期望，味道和口感都不夠出色。希望店鋪能夠提升食物的質素，以提供更好的用餐體驗。總的來說，我的購物體驗在服務和食物質素方面都有所不滿。我希望店鋪能夠重視顧客的意見，並採取適當的行動來改進服務和提升食物質素。