華宴食府

營業中

休息中

首先一入門口，個人認為個通道加上其他人坐喺到等，感覺比較雜亂，第二，一坐低本身覺得啲碗碟都有自己特色，但我發現大部分碗碟都有崩咗嘅情況，而且如果叫人換過套杯碟，工序好似有啲大，所以最後只係換左隻匙羹，因為驚割損個嘴唇，呢點我係會比極度差評。至於啲點心，第一樣想講係佢個杏仁茶，基本上個大細係同飲茶個杯一模一樣，只係杯身唔同顏色，不過一式一樣嘅係個杯都係崩嘅，大家要小心飲用，我就轉去飲唔崩果個位，但味道黎講係幾有質感同唔錯，可能因為佢落左啲豆米落去有野咬下，之後就係佢個無花果鹹水角，算幾特別嘅菜式，個皮係紫芋色，有少少甜甜地，另外佢個紅米腸都外軟內脆，keep到香港茶樓一般水準，其他都冇乜特別，最後係佢個無骨鳳爪，本身第一啖咬落唔辣，甜味較重，有啲似糖果味，之後呑落肚辣到要不停飲水，大家可以參考下。員工溝通混亂，甜品講成蝦餃，依家上定後上都亂哂籠，呢啲就見仁見智係咪大問題囉。