華康餐廳 (已結業)

呢間野好鬼似翠華，無論食品到賣相都運作方式，唔知係分店定叛將另起爐灶。點都好，食做完兩年幾，一定要介紹下。簡單講係有唔少野正過翠華，最明顯早餐，可以改！通粉有水準，唔會太軟或者太哽，湯底濃，味道唔多穩定，不過都相當好。（不過唔好飲太多，直覺係用左罐頭鮑／假鮑入面果d水來整到咁鮮甜）。炒蛋多士有水準，炒蛋水準要睇人，如果係果個男人婆炒，水準在澳牛之上！不過佢做樓面多，無幾可出手。早餐如果食沙爹牛麵／通，又係好有水準，好多牛肉，好靚。三文治比較弱，同翠華唔同，翠華大大份，佢地就x旦治既蛋少得可憐，公治亦唔豐富。午晚市既粉麵飯唔係樣樣得。首推支竹牛腩，正過翠華，有味道有份量。另外值得一試有炒貴刁同豉椒牛河，都好靚。干牛河都可以，稍淡，不過都好似樣，好過新景園好多。星米就唔合格。粟米班腩同煎蛋免牛都唔得。粉麵方面，魚旦要試，云吞可以，其他就米哪。最後講服務。樓面比較弱，有經驗得兩三個，一多人就好亂。總體係有水準，食某些野可以相當出色。

數下手指, 師傅喺呢一區又進入倒數階段, 所以一定要盡量試多幾間唔同嘅食店; 由於師傅經常見到呢間食店個招牌, 光光猛猛, 所以成日心思思想黎試下, 上星期終於黎左呢度, 作為倒數第一站!午膳時間入到去都幾多人, 不過一條友始終容易搵位, 於是坐底睇下有咩好食啦, 點知是日午餐又唔係好啱食, 諗左一陣師傅就柯打左個窩蛋牛肉飯加多杯凍檸茶!等左一陣窩蛋牛肉飯同凍檸茶就擺左喺師傅面前, 窩蛋牛肉飯賣相都幾靚, 將隻蛋撈勻, 再加埋個汁送飯, 都幾好味; 牛肉都算幾鬆身, 味道一般啦, 而菜心就非常嫩綠, 加上都幾甜, 幾好味; 而凍檸茶味道唔錯, 有茶味又有清甜, 都算唔錯啦!總括黎講食物質素都可以, 環境就清潔光猛, 服務就一般, 而價錢都唔平, 三十二蚊碟飯而凍檸茶就十五蚊杯, 埋單四十七元正, 抵食程度一般; 話說師傅食完晏行去埋單啦, 嗰位收銀竟然收師傅四十九蚊, 師傅不以為言照比, 但踏出門口師傅就計下數, 由於師傅事前唔知杯凍檸茶幾錢, 所以屈指一算, 嘩! 要成十七蚊杯, 似乎貴少少喎, 師傅唔係好甘心, 於是行返轉頭睇下價發現係十五蚊, 於是同個收銀講, 吓! 佢重要話師傅

07-SEP-08 3:00PM 灣仔 TEA 一TEA, 第6回是日下課後沒有心水落腳點, 隨心而行, 走到一家裝潢極似翠華的茶記, 而且又提供下午茶. 正合心意. 坐下卡位才發現原來茶餐選擇並不多, 而且價錢不便宜, 一般都過 $30 . 難怪人客不算多. 選了餐牌上的"招牌豬扒包", 包身烘得夠金黃脆口, 與翠華不皇多讓. 抵讚~ 豬扒亦淋身, 纖維細密, 加上沙律醬及蕃茄生菜, 有層次而且很醒胃~ BF的"磨菇奄列西多士餐"則較遜色. 奄列煎得過火, 沒有蛋汁, 賣相亦不佳. 很普通. 西多士一看就知不是即製, 炸的時間不夠又不脆., 最差就連中間的花生醬都省下, 無奈... 跟餐的凍檸茶反而幾順喉, 熱氣全消!睇怕沒有再來的機會...

今天去會展參觀完香港電腦節已過晚飯時間，急急走到灣仔找地方祭五臟，大路上的食肆都很擠湧，便走到內街外表較企理的華康，正如之前食友所言，華康的定位跟翠華非常類似，都是走較高價位及質素的茶餐廳。 食品都很多元化，有中式炒粉麵飯、西式扒餐、日式湯麵、魚湯米線及泡飯等，定價比一般茶餐廳高很多，一碗魚湯米線或一客咖喱飯取價要三十多四十元不連飲品，除特餐和晚餐外，大部份食物都不包飲品，也沒有隨食物提供特價飲料，另叫最低要十五蚊一杯茶或啡，價錢媲美餐廳。我叫了一客特餐意式茄醬辣肉腸會螺絲粉，跟羅宋湯及一杯凍擰茶，下單後先上飲品，久便所有食物都已送上。 羅宋湯以一隻高身湯碗盛著，這碗湯非常足料，材料有鮮蕃茄、紅蘿蔔、椰菜及牛肉粒，牛肉入口有鮮肉味，完全無需落味精也不是加茄糕煮，味道非常好。 螺絲粉內的辣肉腸切成幼絲，並拌著大量鮮茄、青椒絲，面上放了一撮XO醬調味，炒香的XO醬很冶味，配合西式的食材真是很待別的配搭，同時又能提升口感和味道。檯面的餐具及餐巾會預先放入膠袋內面，感覺比較衛生； 我吃完後仍坐著看看剛才展覽所拿的資料，飲料也喝光了，侍應便主動上前給我送上一杯熱茶，服務看來很好，服務方面

因為要到合和辦點事，順度先嚟呢度食過早餐補充體力先。已經過咗返工時間，所以店入面都唔多客人。感覺真係好似翠華咁，有魚湯米線供應，以前食過都覺得唔錯。點咗早餐A，有牛油方包、煎雙蛋、鮑片腸仔通粉及熱啡。牛油方包夠軟熟，唔似隔夜貨色，牛油都夠多；煎雙蛋蛋黃部分不熟，呈現液體狀，合乎本人口味，賣相又靚；通粉湯底幾好唔係一般味精湯底，鮑片又好味，熱啡味道夠濃又香滑，都唔錯。其實一心想嚟食奶油豬，不過唔知係咪換咗餐牌，見唔到有得供應。

晚上放學陪愛人到這裡吃了一個套餐，包括一個小菜, 一大碗例湯, 一大碗白飯, 一杯凍飲$45~~愛人點選了他最愛的"沙爹肥牛粉絲煲", 因我不是太餓的關係，看看餐牌，這裡其一賣點就是魚湯~~我便點選一個"魚湯腐竹浸時菜"$15~~沙爹肥牛粉絲煲~雖然一小煲但分量一定足夠一個人~~材料也十足，在其他地方很少機會能在這個小菜裡食到波羅作為材料之一。估不到在這裡找到，令其他材料帶出不少鮮味~~凍奶茶~~這裡是採用黑白淡奶，所以奶茶也很有味道~魚湯腐竹浸時菜~~一口便馬上試試魚湯~~不及想像中般好，可能有太多味精~~但仍可接受~~~配上腐竹及時菜仍然清新不肥膩的感覺~這裡有齊茶餐廳具備的條件，款式多，食物快靚正~~~價錢一般~~

華康即是翠華吧?跟友人常來，坐得很擠迫，阿姐有點惡，但因為方便，所以還是會來。每次來都吃它的魚湯米線- 純粹因為我喜歡吃米線和清淡，說實在，它的魚湯真是淡而無味的，每次想也不想還是叫了。這次要了魚湯三寶米線餐($36)三寶包括魚蛋、魚春卷和水餃，其實中以魚蛋做得最好，頗彈牙，另外兩款味道都okay錯，加熱華田一杯。魚湯浸豆苗($20)豆苗幾靚，很翠綠，但只有很少很少。以前也試過魚腐，做得不錯的。

今日終於試，之前睇介紹讚奶油豬同魚湯米線，就食呢兩樣，奶油豬都幾好食，好鬆脆，但魚湯米線就差啦！魚湯米線最緊要梗係個湯底啦！但係佢個湯底就冇味道，唔講都唔知係魚湯，同魚米家比都輸一大截，更唔好同其他比喇，所以大家下次去食都要諗真至好落order啦！

剛才向檀島叫外賣, 遇到一肚氣, 想起隔離街有間華康, 會在地鐵賣廣告, 好似有ambitious , 於是叫外賣。今時今日, 食物正常, 已經係賣點. 如果煮得香d 、用料好d, 就更係大賣點.佢個「奶油豬」(奶油豬仔包), 香軟鬆化, 好掂。蒸魚係大排檔的水平, 好家常菜感覺。還有魚湯米線, 十足翠華那種。其實華康好似翠華的翻版, 唔錯唔錯。

工作關係, 成日叫華康外賣, 次次叫'凍央少甜' 都係咁正的, 真正的凍央是又有啡味又有茶味, 不會過火~ 加上一個奶油豬仔包, 好脆~其他同事則次次鍾情'豬軟骨魚腐米線',十個有七個都叫, 我見個湯好濃(雖則好油膩....), 佢地個個話好食~

以前要探病所以常常去之後好多時係灣仔都去貪佢魚湯好飲而且標榜冇味精但近來水準有下跌感覺除魚湯外其他東西味道似乎差咗仲有一次我想叫杯少冰少甜的綠茶個夥計話有d難度後來要我自己將d冰"畢"番哂出來都係果句"今時今日咁嘅服務態度唔得" 個夥計其實可以話"少冰杯綠茶會唔滿ok唔ok呀" 之類我一定唔會覺得有問題一直都很喜歡這間餐廳的魚湯和奶茶, 希望會有改善

想對面海大馬路容易搵位食, 一都唔易, 而呢一年遊行路線, 深入內街搵間易搵位, 發現到華康, 算係附近一個不錯選擇. 但原以咁入人唔會多啦, 點知坐到tab到.好一間純港式茶餐廳, 是次叫瑞士汁雞翼公仔麵, 茄蛋牛肉飯配例湯+凍奶茶咖啡, 一睇圖片, 份量十足, 要欣賞公仔麵似乎攪笑, 不過配合以瑞士汁美化名稱甜豉油去製作的話, 感覺絕不平凡, 更係香港近年一大發明. 即食麵作撈麵整. 大行其道. 例湯似乎感覺不到味精味, 過關. 碟頭飯茄蛋牛濕度, 濕濕的, 酸酸的, 正好配合當時盛夏悶胃口, 一食醒神開胃. 食完充滿能量去'行街'.