華燕美食

營業中

休息中

嗌左小雲吞+腸仔一條。比條腸仔嚇親…張相係台灣腸咁既樣，但嚟到係廚師腸一條，盛惠8蚊雞😂小雲吞送到嚟仲熱辣辣👍🏻皮算薄，肉量不算多，味道都ok ，不過不失。午餐尼講算係咁了

見到有人排隊，都幾好生意，咁我見又無劣評，以為應該掂！買了兩兜魚蛋，一兜辣一兜唔辣，40蚊，勁難食，好腍，好似好唔新鮮咁，成團麵粉食落口，個色都怪怪地，無下次！

油渣麵，麵同油渣唔止keep到水準，直情係好食咗麻辣雲吞，雲吞皮咬開嘅時候係唔會散，麻辣湯底夠香，好味煎釀三寶，即叫即炸，一定係最好味炸豬腸、炸魷魚，都係即炸，正麻辣雞翼尖、麻辣雞腳，個辣味真係冇得頂，我哋係外賣返屋企食，好食到停唔到口！桃膠糖水，又抵又好味服務態度更加係冇得頂，最鍾意幫襯阿妹如果真係要搵嘢彈嘅，只係略嫌而家天氣熱嘅話，堂食就會食到成吉思汗打仔咁樣（大汗疊細汗）😂🤣不過因為啲嘢食實在太好食，熱都覺得值得🤩🤩

📍 華燕美食 (太子)太子水渠道52號皇太子大廈地舖係花墟買完花，口癮起，見到呢間地道街頭小食店就外賣咗啲小食返去同開心share!!!🤭👉韭菜豬紅💰$30😋😋😋😋.7/5韭菜入口無渣，湯頭清鮮，配上彈牙的豬紅，真係冇得彈！加埋老闆娘自家製既辣菜脯，滲入一磚磚的軟腍豬紅中，即使屬於重口味菜式但仍難以抗拒❣️🫶🏼🫶🏼🫶🏼👉蘿蔔豬腸💰$30😋😋😋😋.8/5清甜的蘿蔔與肥美洗得乾淨的豬腸，豬大腸真係好有咬口，同埋辣菜脯食又係一流！呢度自家製辣菜脯都可以任加真係好正😝🫧❣️👉重慶小雲吞💰$25😋😋😋😋.5/5重慶紅油小雲吞，鮮肉內餡夠新鮮！呢間重慶紅油小雲吞辣味夠香，一啖一粒夠晒爽～ 非常適合嗜辣人士！🌶️💖👉重慶涼麵💰$15😋😋😋😋.5/5可以自選辣度，我揀咗小辣，味道不要太好！ 佢哋的涼麵，超級好吃，酸辣適中，麻辣鮮香，非常爽！ 真係你吃完一份還會再要一份 🌶️ 🥵 回頭: Yesyesyes，老闆娘阿燕好好客又熱情❣️呢度食到嘅係人情味✨❣️係到食嘢好開心！見到原來呢度嘅煎釀三寶係新鮮即叫即炸，下次一定要堂食試！🫶🏼✨

📍 華燕美食 (太子)太子水渠道52號皇太子大廈地舖去朋友屋企眾會，大家又唔多餓，就買啲小食上去一齊share🤤🤤高👉 生菜魚🐟滑肉💰20😋😋😋😋.6/5佢係自家製手打魚滑！真係有別於平時個d架！！真係零捨彈牙同魚味，真係好好味，配埋新鮮生菜正！🤤🤤👉 韮菜豬紅💰$30🤤🤤🤤🤤.5/5韮菜好嫩，豬紅都嫩滑，配上店家自製辣菜圃，好好食😋！👉重慶涼麵💰15🤤🤤🤤🤤.5/5食落辣地，配上有香脆花生、芝麻、芫荽、食落好惹味，麵都好彈💕💕👉雞絲馳名油渣麵 💰35🤤🤤🤤🤤.8/5我第一次食油渣麵，結論係好好食！原來豬油渣食落係完全唔會肥同油膩，口感好香脆，雖然浸左落湯，但都keep 到香脆，麵質煙靱，仲有大量雞絲好嫩，重點要加自家製辣菜圃，食唔停！回頭:yesyesyes!個到有小量位置可堂食，食物選擇多，而且即叫即整，老闆娘又好人，食物好味又抵食😋😋😋😋

太子花園街最近開了這檔小食，最初以為主打豬油渣麵。幫襯幾次之後，豬油渣固然出色，但重慶小雲吞，重慶冷麵，亦好啱口味。碗仔翅有驚喜，足料，好多冬菇。煎釀三寶我最鍾意豆腐。今次試佢新出酸辣粉，味道豐富，配料足，d花生好好食，個薯粉浸耐左都煙韌。其餘小食如炸魷魚，炸大腸(佢地清晒d肥羔，所以較脆口)，重有韮菜豬紅蘿蔔，車仔麵，燒賣，魚蛋....，好多選擇。最重要每樣都有水準。新開張佢地有特價$10桃膠糖水，又凍又滋潤，呢個天氣食最啱。舖面唔大，但都有3數個座位。見佢地多數都係外賣。老闆好好人，唔忙都會同客傾吓計，介紹吓食物。多多支持小店。

同阿仔出旺角行街，巧遇朋友係到食油渣麵，大讚好食。真心好耐冇食呢啲街頭小食，即刻食指大動。原來呢間「華燕美食」係由阿華同阿燕主理，大部分都係即叫即做。小食店除咗有油渣麵，仲有好多香港懷舊地道街頭美食，例如煎釀三寶、魚肉翅、燒賣魚蛋等等。另外亦有一些重𪊴風味之麻辣小食。選擇困難症嘅我，一於乜都要試試。《馳名豬油渣麵》（$30），麵質煙靱，配有冬菇，仲有超多油渣，油渣炸至金黃，入口酥脆，最正配埋個奶白湯底，香濃美味。加埋菜甫就更完美了。《韮菜蘿蔔大腸豬紅》（$30），韮菜、蘿蔔冇渣吾會老，豬紅嫩滑、豬大腸甘香，阿仔又係連湯都飲埋。《淨魚滑肉》（$25），阿燕誠意推介，自家手打魚滑，果然特別彈牙有魚味，同平時食開嗰啲完全吾同，真係好好味。《招牌碗仔翅》（$18），有肉絲、粉絲、木耳絲和冬菇，十分足料，尤其冬菇好有菇味鮮，加埋蔴油胡椒粉，食過一定會返尋味。《串炸魷魚鬚》，魷魚鬚超大條，即叫即做，依家有快閃價$18/串。仲有經典《魚蛋燒賣》雙併$20。

係太子收工行去旺角東站時，經過花園街見到呢間小食店平既都唔係好覺眼，原來岩岩開左1個月左右呢野食係香港地道小食，除左有小食還有一品雲南米線🔸魚肉碗仔翅香港街頭小食碗仔翅我覺得一定要食呀～魚肉有好多😍 係即叫即淥d魚肉的 好彈牙！入面還有花菇、蛋白、木耳等食材，口感豐富🔸馳名油渣麵邪惡之選，但不得不食呀🤤一食愛上了，仲極力推薦左俾其他朋友食，佢哋都話正🤩油渣麵嘅油渣軟硬適中，咬落係好脆口、中間也保留左肥膏，咬落充滿豬油香，唔會有油溢味係好難得😘再配合上海麵好有口感，應該呢個組合係最夾😆🔸四寶有韭菜、豬紅、豬腸和蔔白要大讚啲豬腸係洗得好乾淨👍 無任何異亦無多餘的肥膏 口感也很柔嫩蔔白煮得夠時間 爽脆又清甜份量都有好多❤️🔸重慶小麵呢個重慶小麵就未食過岩一止口味偏重的人食喔！濃郁的辣味和麻味，味蕾也很強烈不得不提這間得菜莆辣得黎又好食，好脆口的🥰而且店主們也得有禮貌呢

太子花園街街口開咗間街頭小食店，有車仔麵、重慶風味美食、燒賣魚蛋咩都有，堂食可以坐3人，外賣都得叫咗碗 [ 馳名油渣麵 $30 ] 揀咗小辣，咬落去豬油渣口感夠香脆，份量都好多，食落唔油膩，浸落清湯湯底，依然keep住爽脆口感，辣菜莆鋪係面，邪惡又惹味，令人無法抗拒滿滿 [ 碗仔翅 $18 ] 夠哂足料，有粉絲、冬菇、木耳、豬肉絲等食材，食落口感豐富，落埋麻油、胡椒粉及醋調味，先夠正；揀咗小辣嘅 [ 重慶涼麵 $15 ] 麵條爽口，食落又辣又惹味，配料有香脆花生、芝麻、芫荽、醬汁等等叫咗一串 [ 串炸魷魚鬚 $13 ] 炸得啱啱好，口感鮮甜彈牙 及兩串 [ 炸新鮮大腸 $10 ] 即叫即炸，夠哂新鮮美味華燕美食太子水渠道52號皇太子大厦地舖

上次食過油渣麵，生菜魚肉同豬腸後，真係好掛住，心思思今日放假再去食，老闆娘又介紹我又有新野出，重慶小麵真係正到不得了，只係25蚊，可以加餸，每個送只係7蚊，但我老公太熱食吾落，老闆娘介紹我老公食重慶冷麵，只係賣15蚊，酸酸辣辣好好食，同重慶小雲吞真係絕配，好啱夏天食，好正好正👍👍！過幾日話會有酸辣粉，只係28蚊，之後我真係忍吾住問，賣咁既價錢可以係太子生存到？但老闆娘話啱啱新開，賣平啲做下噱頭，希望有多啲回頭客😄😄我都希望佢可以撐落去，老闆娘又好有善健談，呢啲小店真係賣少見少，吾好俾啲大財團壟斷市場，加油加油💪💪

最近發現花園街街口附近開左間車仔麵，食車仔麵又想食得健康又唔想要清湯咁dry🤔以下依個配搭最岩我心😗自選餸揀左4款，分別係雞絲、魚旦、冬菇、蘿白，麻辣湯底微辣配幼麵，蘿蔔清甜，咖喱魚旦彈牙唔太辣，冬菇煮到入晒味夠淋，雞絲好大舊似雞肉，仲加埋辣菜脯🌶️菜脯真係一個加分位👍🏻超足料咁大碗咁多餸都只係$49！😨老闆仲推介麻辣小餛飩🥟賣相吸引，肉餡多皮薄，細細粒容易食，一啖一粒好爽，湯底非常香濃及很香麻辣味，唔食太辣都可以食到👍🏻加$10仲有碗自家制蓮子桃膠糖水🥣咁抵食好過食燕窩，養顏滋潤！🥰

今日去太子掃街，可能係新開關係無乜人食，但我今日試過啲油渣，魚肉，豬腸，碗仔翅都好好食！魚肉係勁彈牙，豬腸又好好食好乾淨，我都未見過有人咁有心機，係逐條逐條豬腸洗，正👍因為太熱既關係，老闆娘送左碗親自煲既蓮子百合桃膠糖水，即時透心涼，仲有佢呢間既價錢真係超級平，呢啲咁有心機既小店真係值得支持，不過你要頂得住熱囉😅😅水渠道52號皇太子大厦地舖。 華燕美食