華記士多 (已結業)

久仰呢間小士多的大名了 不過一直都無機會試終於搵倒一日有時間兼經過東區 可以試下佢了餐廳仔細細 座位大部份都設係後巷 不是那種闊落又乾淨的後巷 而是落雨隔離會滴曬水果隻所以雨天我絕對會外賣拎走😂小店餐牌只有三四款揀 而最出名就係咖哩蛋包飯了 午市價35蚊 而晚市都只係40蚊仲包冷熱飲品 真係好抵蛋包飯份量都幾多 蛋嘅份量夠曬撈飯有找 唔會好似一啲平價蛋包飯咁 啲蛋極孤寒而且蛋真係炒得好滑 隨時完勝好多貴野打開入面發現原來是有雞肉做餸的 份量繼續比我想像的多好多 好有驚喜😍而飯就係好hk style的豉油炒飯總結來講呢個價錢 呢個質素 無得輸啊啊啊

好難得會來西灣河，當然即刻search 下有咩出名的小店在openrice 首位的便是這間華記。 一見到全都是咖哩蛋包飯，立即決定了要食這個！店舖極細，是傳統那些士多形式，只有2個位，多數都坐後巷。 而我選了坐店內(其實算不算店內🤔) 點了蛋包飯及凍奶茶。大大的蛋包飯！好香咖哩味！蛋皮比一般日式蛋包飯的要厚，好濃蛋香，好好味，好有家的感覺🙈入面係類似豉油皇雞脾肉炒飯，有別於一般的茄汁飯或炒飯！ 好食啊，不太咸！奶茶則一般啦，我想他用的奶跟其他茶餐廳的不同，所以味道有點特別。一路食，都一路好多街坊買外賣，還見到有人特意揸車過來食！講真，$35 咁大個飯，而家仲去邊到搵？埋單前仲聽到其他人落order 原來可以加芝士架！喜愛芝士的朋友要試下！

Bookmark左呢間蛋包飯好耐，但每次黎西灣河都會去左太安樓掃街。網上佢有好多稱呼，「港式蛋包飯」「幸福蛋包飯」「男人的浪漫」。但真係估唔到係$35咁平，仲要送埋橙汁，奶茶咖啡檸水檸茶冷熱同價。咁既價錢真係無野可以挑剔。咁當然仲要睇埋味道啦，一上枱就知貨很對辦。滑溜溜雞蛋上淋上勁香咖哩汁，即時胃口大開。雖則價錢咁經濟，但分量都夠哂飽。味道與日式咖哩連鎖店COCO差唔多一樣，但價錢相差成一半。$35咁既質素真係無得輸啦，只要你唔介意坐係後巷食。

我的開飯網十八區美食之旅，轉眼間又到下一站，今次轉戰港島東區，試食西灣河「華記士多」的平價咖喱蛋包飯。其實這間「華記士多」的名稱和外觀，已經有點點奇怪，叫我摸不著頭腦。一般食店改名，通常都是「XX餐廳」、「XX餐店」，或者是「XX美食」，但是偏偏它卻為自己改名變成一間士多，有沒有知道內情的人，可以告訴我原因？另外，這間「華記士多」，外表真的似士多一點。橫看豎看，都看不出「華記士多」哪裡像餐廳，何解士多竟然在賣咖喱蛋包飯，還要是平價的咖喱蛋包頹飯？這個問題恐怕又是「千奇百趣」，又要出動森美小儀才能解答的疑難雜症。反正疑問一時三刻未能即時解答，唯有先找個位置坐下，慢慢點個咖喱蛋包頹飯，慢慢享受一番吧。慢著！為什麼「華記士多」會把他們賣的常餐叫做「頹飯」？「頹飯」這個名稱相信是源於大學內的文化，因為學生經濟能力有限，既要負擔高昂學費，又可能因為平日消費忘形，弄得累累信用卡卡數纏身，所以平日只能靠節衣縮食，和兼職來維持日常財政穩定，確保畢業後不會因為清還不到學費而被申請破產。大學內的食堂為了紓緩學生的困境，於是每個月下半旬，便會推出平價的飯餐，讓銀根短缺的學生不至於餓到皮黃骨瘦，無法專心讀書，

西灣河最出名的蛋包飯，當然要試試啦。其實之前試過專誠來吃，但幾次都找不到店舖，之後有一次由西灣河走到太古，在馬路前停下，無意中才看到斜對面的華記，老實說，店面小小的，漆黑一片，完全不似賣吃的，為食觸角完全探測不到，走過了也不足為奇。到達後，其中一位阿姐給了我們兩張櫈，著我們自行到後巷其中一張桌旁搭枱，自己的櫈自己拿，還是第一次。大大碟的咖喱蛋包飯，賣相沒外面餐廳的精緻，但索價只是35元還連飲品，真是「抵到爛」。咖喱汁氾濫，確保每口飯都能沾到醬汁。咖喱汁香，帶著淡淡的辣味，是不能吃辣的人也能吃的程度，十分惹味。蛋是滑蛋，不會過老，份量十足。不得不說說內裏的飯，已經混和醬油，帶點麻油香，單吃飯已很夠味，最初吃不到雞絲，原來都藏在後半部分的飯內。幾樣材料混在一起吃，十分滋味，令人不知不覺吃清光。吃得太多的代價是，肚子整天都感到滯滯的，而且十分口渴。

曾經，有位Aunt說，她每早都喜歡到太富街的「華記士多」吃早餐和嘆一杯奶茶。小妹，絲毫未受動搖，十多年來，始終沒有意欲前往光顧。 近期，這一間不太起眼的舊式士多小店，竟因一碟咖哩蛋包飯而聲名大噪﹗小妹，忍不住要去吃個究竟﹗ 星期六的下午，後巷幾乎坐滿了人。每張枱，也幾乎是在吃咖哩蛋包飯。小妹，在近門口位置，自行坐了下來。 是日頹飯，只有咖哩蛋包飯$35，以及滷肉飯$35，果真有點「頹」﹗飯餐奉送橙汁特飲、咖啡、奶茶、檸茶或檸水，冷熱同價，抵讚﹗ 舉手大聲向阿姐落單後，繼續坐著等﹗ 橙汁特飲，不像是鮮搾橙汁，也不像是用橙粉沖出來的，也不是芬達。幸而，味道正常，加入一片檸檬，帶點酸香。 咖喱蛋包飯$35，賣相，不太討好﹗不過，咖哩夠香，蛋夠滑。 港式的咖哩汁，入口香甜惹味而不辣；半熟蛋如岩漿般，入口夠香滑，惜蛋味蛋香稍遜。蛋內，包著豉油雞肉炒飯。豉油本身帶鹹味，再配上濃味咖哩汁，有點兒over了﹗個人而言，若不用豉油炒飯，只簡單地以鹽粒雞肉炒飯，就會更加完美也﹗雞肉，質感嫩滑，但明顯是雪藏貨色，鮮味欠奉。

西灣河一條橫街內的「華記士多」其貌不揚，這裏並非人們印象中的士多，正確來講應是一間賣熟食的茶記，而且其人間極品的fusion咖哩蛋包飯更是超級名物，像我山長水遠專門去吃的老饕大有人在。這裏的港式蛋包飯賣相當然冇日式店子的美觀，但卻是有內涵之物。它的蛋好似絲咁滑，也像黃色的岩漿一般，內裏包著香噴噴的雞絲炒飯，配上味道柔和、沒多少辣味的港式咖喱汁，完美，也較香港大部份提供蛋包飯的日式店子出色！價錢方面更是抵到爛，連飲品只要三十幾蚊，實在太令人感動了！

呢間士多幾年前先開始有飯賣 估唔到一賣就出左名 宜家每日有2款飯供應 都只係$35 仲要包埋飲品 冷熱同價😆不過就唔好介意要喺後巷食🤔-咖哩蛋包飯 ( $35連飲品 )蛋包飯真係好大份 滑蛋雖然冇流心效果 但夠滑漏🤓 咖哩汁唔辣 甜甜地 似日本咖喱多啲 比較稠身 香料味都比較少😄至於入面嘅飯竟然係豉油炒飯底 而且勁多飯 有大量雞柳 乾濕度啱啱好 仲有少少日式風味嘅感覺😛-至於環境方面 真係差左啲 因為小店位於後巷 所以多數人都會外賣😂

之前我老公帶過我黎呢間小店食流心蛋包飯，一試難忘。點解叫做流心蛋包飯？因為佢既飯上台時，d蛋仍然係流心滑蛋既狀態，絕對唔係小時候食既傳統蛋皮包飯。流心蛋加上日式咖哩汁，襯埋炒過既醬油飯，絕配！再加上超親民抗通脹既價錢-$35包飲品（但飲品不要期望太高），簡直平到無朋友！如果以呢個食物質素係其他地方賣，至少賣$50-80。當然，店鋪環境及裝修方面甚有80年代feel，路過都未必留意到，而且店鋪只有2個位，多數要係後巷食。不過，若然可以以咁平價錢食到高質素既流心蛋包飯，係後巷食又如何。而且，若然裝修靚但收好貴價錢，我寧願比$35留係後巷食。

星期日去完東龍島郊遊順勢搭船黎到西灣河去太安樓掃街之餘 網上見到都唔少人介紹呢間咖哩蛋包飯所以走黎試試鋪頭位置都唔係太顯眼下午5點幾 唔係食飯時間所以無咩人食好快有得食天氣涼涼地 食個熱既咖哩飯 好暖胃雞蛋好滑個飯唔係白飯 香豉油咪既炒飯加上雞柳只係賣$35超值 咖哩汁唔辣得黎又夠味岩哂我

因為比卡超巢在愛秩序灣公園，作為一個出色的訓練員，由於想取得比卡超金章，所以即使一早集齊了142隻小精靈，還是會在假期特意過海捉比卡超，結果只捉到3隻，於是Nosir帶我到華記士多吃招牌咖喱蛋包飯⋯坐得街邊巷仔吃飯不要談環境和衛生了，看賣相不錯，$40包冷熱飲品，抵！滿滿的醬汁飯包含豬肉片，這個價錢有這質素很不錯👍

日式蛋包飯有兩種做法：一種係相對簡單，只係炒塊蛋包住啲炒飯，日式傳統用茄汁炒飯底，包起啲飯嘅過程就須一啲技巧；而另一種做法就將蛋炒成橄欖型嘅半熟奄列，然後將肥嘟嘟嘅奄列放喺碟炒飯上面，一刀𠝹開蛋皮，半熟嘅蛋漿就好似岩漿咁由裂縫四方八面流落碟炒飯度，都幾壯觀，直至蓋過哂飯面為止，好似包實咗下面啲炒飯咁。最後，不論邊個版本，一般嚟講都會喺蛋上面再淋上茄汁厎嘅醬汁。華記係後者嘅做法，但炒飯就用咗帶甜嘅豉油汁底，亦似係滷水汁底，至於蛋面上嘅醬汁就用咗日式咖喱磚做嘅汁。因為炒飯用咗豉油汁底，所以味道稍濃，冇咗茄汁底帶微酸嘅醒胃口感，但味道仍然帶微甜俾人有日式嘅感覺。炒飯加咗雞柳，雖然係雪藏雞脾肉貨色，但完全冇雪味，當然都唔會有鮮味啦；而份量亦唔少，令到成個炒飯好充實！！！炒蛋嘅流心效果唔錯，蛋漿清晰可見，紋理好靚，口感十分軟綿嫩滑，可惜蛋味偏淡冇蛋香。至於咖喱汁係日本貨，雖然係辛口，但偏甜唔辣，亦唔算特別香，呢啲咪就係正宗日式咖哩囉！整體嚟講，鹹香嘅雞肉炒飯底，配上軟綿綿嫩滑嘅流心炒蛋，加埋甜甜地嘅日式咖喱汁，呢個配搭口感複雜（最行貨嘅電視台飲食節目對白）總係令人欲罷不能，幾分鐘已經清碟！加埋杯

本來唸住11點返教會，未到10點半就來到華記叫早餐，時間好充裕啦，點都無唸過堂食要等成半個鐘，食物來時教會都開始了！這裡的咖喱蛋包飯出名就不容置疑，唸住試下這裡的早餐，沒有餐牌，只有面同三文治，咸牛肉賣晒，所以叫了個餐蛋治同腸蛋面。坐在後巷，環境甚為惡劣，預左！凍檸茶來了，茶是瀆的，不知是否染了奶！茶走來了，個杯外面滿是濕及乾的茶漬，濕的茶漬我當是剛染到，但乾的茶漬則肯定是洗不乾淨！我耐心地等了又等，時間一分鐘一分鐘的過，已過了20分鐘，隔離台剛叫了個腿蛋治烘底，5分鐘便有了，我仲以為是我們的，點知唔係，我便過去問下女侍應係咪漏了單，話我地早過人地好多叫，人地要烘底都有，點解我地仲未有？點知個廚房佬好惡咁罵出來話餐肉要煎架嘛！我無野好講啦！如是者再等多10分鐘才有，隔離台都食完走了！食物味道及價錢確是OK，但環境 、衛生、服務卻是九流！我知以這個價錢不能要求五星級服務，但至少不是差成咁吧！P.S. 女侍應態度無問題，只是廚房佬的問題，沒有問佢都要罵出來！

一個人又唔想係屋企煮野食, 落街黎一個速食咖哩蛋包飯連飲品 $35小店開係巷仔旁邊, 基本上係巷仔進餐, 有幾張''接檯''好地道好有港式風味呢個蛋包飯食材簡單, 但係每一啖都食到滑蛋(真係好滑,大份到可以包到成碟飯), 咖哩汁,同埋裡面有大量雞柳, 基本上好飽既情況下都可以清得晒咁簡單既食材都可以整到咁出色呢個價錢出面茶餐廳都食唔到

差唔多半年前已經喺ig度見到有人推介華記士多嘅蛋包飯，作為蛋包飯嘅lover嘅我一早已經將呢間嘢mark咗喺我個list上面。呢日要去筲箕灣買啲嘢，去開藍色線嘅右手面就順便食埋呢個蛋包飯啦！其實華記士多嘅位置唔難搵，只要喺西灣河站A出口出咗去之後轉出筲箕灣道，再沿住筲箕灣道行就會搵到。見到筲箕灣道48號呢間寵物用品舖之後，望向左手面最左既果間白色舖就係華記士多喇！去到嘅時候都係lunch hour，而鋪面又唔算大，所以舖入面就爆晒喇，其他人就坐出面我就坐咗喺條後巷度～見到個姨姨就即刻同咗佢點餐先～ 果日頹飯係蛋包飯同豬頸肉飯，咁我梗係揀蛋包飯啦～跟住佢就問我飲乜，我問佢有咩飲，佢話有橙汁 檸茶檸水 果啲，咁聽見有橙汁我就嗌咗啦嘢飲嘢食都係隔咗差唔多一兩分鐘就到喇上先嘅係杯橙汁～佢唔係芬達，冇氣嘅。可能係橙汁先生？但係特別嘅位係佢哋仲加咗兩片檸檬入面，令到酸味更出跟住就到蛋包飯啦！有好多好多咖喱汁，而且陣味都好香～一拮開個飯就會見到豉油色嘅飯喇一食落口係覺得好有蛋香，而且啲蛋真係好滑～ 入面係雞肉炒飯嚟嘅，有啲麻油味而咖喱汁就係甜咖哩嚟嘅，所以怕辣嘅朋友仔都唔駛怕呀講完嘢食就講下環境啦～