華記小食店

營業中

休息中

朋友推介一間車仔麵既老店，決定一試。位置偏遠，但見到好多人去食朋友話咖哩魷魚係必食，可惜去到已經賣完。叫左兩個餸，豬紅+牛肚 （河粉）一定要加$3要咖哩汁河粉好爽口，但分量比較少豬紅唔會散開，無腥味牛肚比較淡味，無醃過咖哩汁同河粉都算幾夾！老闆非常nice!但太遠了，唔會再食

因為近又好味，所以食左好多次。食咗好多間車仔麵，都不及呢間好，因為有我細個嘅味道，特別係咖哩汁。因為我唔食得辣，所以佢嘅咖哩汁和辣油係好辣架。 佢嘅雞翼係叫“煙燻雞翼”，並不是講嘅“濃味雞翼"，雞翼造得好出色，好有煙燻味又淋又入味。之前食過佢嘅牛腩係貴嘅。有時賣哂，就要加料再造，想食到入味又淋，就要試吓中午去食喇。如果要"全走“或要"丸子“之類，唔想等咁耐叫麵時要一齊叫埋。我地都係去食返細個時食嘅餸，感覺更強烈。呢間店無冷氣，但有幾把牛角扇可以吹走d蚊，落雨有膠擋，但地下都會濕。價格比出面食差不多。撈麵無影相，但真係好味。

吃車仔麵彈性大，可選自己喜愛的配料及麵食，價錢豐儉由人，一直為港人所愛。早前有報導嚴選香港出色的車仔麵店舖，家附近的也有入圍，想起良久沒嚐，趁著週末回味一番。 小店窩在涌美村內一角，排隊點餐然後坐在開放的帳篷底下食用，不熟悉的人應該不易找，想吃都得花點心思氣力。 車仔麵這兒不同配料不同價錢，見前面小姐一口氣點了近十款餸菜，埋單八、九十，吃得瘋狂哈哈。我們還是保守一些，點了自己喜愛的數款，然後分著吃；蘿蔔清甜無渣，牛筋滷得入味，豬大腸乾淨沒膻味，湯底甚濃，惹味好吃。 阿婆豬仔骨細心的店主見我們遲遲未開動，主動為我們切開，豬仔骨帶八角滷水香，肉質鬆化，沒有煲湯肉之感，不錯但未算驚喜。 不知是味道太濃還是有師傅，整個下午也有點口乾，要不斷喝水才舒服一點，不過區內沒太多同類型/有質素的車仔麵，還是可以再戰，如特地乘車過來就可免了。

大汗疊細汗吃車仔麵的確是種另類感受，沒有冷氣但有大大把牛角扇確實買少見少了。隱藏在青衣涌美老屋邨，假日日終於看到了「車仔麵王子」本人，真人人還不錯很友善。食物方面其實算中規中矩。點了一碗車仔麵，有蘿蔔，大腸，生菜，還加了沙爹醬汁。沙爹醬汁算香，而其他菜式也是正常。蘿蔔無根還不錯，有點點甜味。大腸洗得乾淨無味。黑糖香薰雞亦雖然叫香熏雞亦但老實說吃不太岀來，但雞亦的確入味，但略微有點煮過久，肉質鬆散。

久聞青衣王子車仔面之大名，加上OP有咁多笑面，今日決定一試。若果響涌美路落車，應該好容易搵到呢間車仔面，事關有大大個banner 響度，可惜我架巴士吾經...唯有響青怡花園行天橋上啦，響涌美邨左穿右插一輪，終於搵到啦。今日天氣吾算熱，但行到上去都已經有薄汗，若果大熱天黎食，應該都幾辛苦吧...言歸正轉，嗱嗱聲落order 先。叫左油面，豬紅，牛腩，咖哩魚旦，見到蘿白竟然改名做"黃金蘿白", 就試埋啦，總共4餸。趁阿姐淥面果陣東西張望，見到有個"排行榜"咁既物體，可惜d 名改得太浮跨，冇引起我試食既慾望...話咁快碗面攪掂。我：幾錢？阿姐：42蚊。我：？！（心唸-咁貴😨）抬頭睇清楚價錢牌，默默地攞錢...見到碗面就更加傻眼啦😧牛腩：叫價13蚊既牛腩，竟然只有幾粒比"肉丁"大少少既肉？！而且仲吾係特別腍特別好食，完全吾值呢個價。咖哩魚旦：吾同色，只有深色果粒入味d, 另外兩粒吾洗講大家懂的，3粒魚旦價值7蚊。豬紅：普通，價值7蚊。"黃金蘿白": 都幾甜，估吾到全部餸係蘿白最好味，價值8蚊。😭總結係-咁既價錢，下次寧願搭小巴出大河道食"榮X小食"好過... 更平更好食

係職安局上堂 放午餐 開飯搵野食 睇食評 選左華記食車仔面 睇價錢 貴左d喎 但睇在食評唔錯 試下啦 18元招牌雞奕 13元牛旁 蘿蔔 豬腸 成為53元 18元雞中奕 (心念起碼都比三隻啦 點知得兩隻 味道一般 肉質仲硬硬的）， 到牛旁喇 得三舊仔 唔使10分鐘食晒 完全無飽的感覺 如果仲叫野飲 這餐午飯就不直 所以唯有去老麥食多個開心樂園餐車仔面貴唔緊要 但希望數得到的都列明份量 18元兩隻中奕(未食過咁貴羅）

是日湊巧到有住在東涌久久未見的舊同事剛生了B，探訪完畢，自個兒找吃的。同事說及有一間經傳媒報導不少的車仔麵店，頗有人氣，但有一段距離；小人看見舊同事母子平安，心情大佳，那理多遠，照去也。幸運的是抵達時沒有人龍，不然的話在炎熱的太陽伯伯下溶掉了。店方有很多餸料，還有個排行榜，小人沒多加理會，照常叫了四餸車仔麵。餸料包括牛腩、粉腸、片頭以及生菜。牛腩很腍，沒有筋；魚片頭炸得夠透；粉腸爽而不靭；生菜軟中帶脆。可惜的是麵條激少，三兩口已幹掉。不得不提的是必定要落的辣椒醬，辣到汗直標，越辣越過癮！小人並非山長水遠特意來試，不過踫巧有緣一試，未嘗不可。

記得幾年前睇過無記有套《飲食男女》，講香港地有心經營食肆的人，其中一集講及呢間華記，目前店主係如何得到間鋪同埋經營，印象深刻。是日星期二經過，推介俾同事一齊食。排咗陣隊，一望個餐牌個價錢，隔隔都有改過，再細心睇，心諗：嘩咁貴嘅？心知不妙。記得《飲》入面講過而家店主特別早起身煮鹵水同咖哩，我又試吓啦：咖哩牛腩，得幾粒腩碎物體、咖啡魷魚，得三舊但賣$13，豬腸份量正常，但鹵水味並不出眾。同事叫一份豬扒，30蚊得一塊；層次雞奕，四隻又係幾十蚊眼見店主努力工作，係好事，但佢的確令我好失望，除咗因爲我推介同事黎，最重要係佢將佢父母親嘅業務，剩落不食也罷四個大字

首先講雞翼 17蚊兩隻 味道係煮過左龍 係煲窿左嘅味咖哩汁剩係辣 無咩特別其他的都只係普通其實真係唔值咁貴 我覺得太離譜喇唔信就自己黎試下 只係周圍貼哂名人相就收咁貴 唯一讚嘅係佢都算企企理理😔失望失望😡😡😡

原本打算車仔麵系列中的所有食評，全部以短篇幅寫作，但由於華記的出品實在太好，希望以較長文篇幅跟大家分享當日美味體驗。約了一家位於青衣的客户開會，開始時間為中午兩點半，午飯當然選擇在青衣解決，記得最近大台7:30播出的節目(不記得節目名稱，亦懶得去查)，曾介紹過一家食客天天排隊，中午三點便收工的人氣車仔麵店，老闆號稱車仔麵王子，該店剛好位於青衣，決定要去幫襯一下。店名華記小食，位於涌美路旁邊的涌美老屋村，置身村屋之內，從馬路邊往下走，到第三排屋，便是華記所在巷子。車主必須留意，店旁邊沒有時租停車場，最近的停車場位於長康邨，距華記超過5分鐘腳程，小弟當日所見，很多貨車停泊涌美路旁，車上沒有司機，估計司機大佬們都在附近覓食，我便膽粗粗跟大隊把車停泊路邊，頭也不回地向華記出發。未見招牌先見長長人龍，一路走前，果然是名店華記，時間為中午1:10分，當時最少有20多人在排隊。那天邀請了家住青衣的友人共膳，請他先幫忙排隊，而我就趁機把周圍環境攝入鏡頭。華記的座位全在室外，怕熱的食客請留意，夏天幫襯華記，你們絶對會『蒙古王打仔，大汗揼細汗！』室內外都貼有有不少車仔麵王子跟明星藝人的合照，支持者不乏名人

如題，住附近來食下無所謂，但如果山長水遠就不值得來。之前一直見電視雜誌個d報導係咁介紹，終於有機會來試下，搭左好耐車同間野都幾偏僻。想食天使雞翼魔鬼雞翼，但都無哂，於是叫左心太軟即係酥炸鯪魚球，蜜汁燒墨魚丸。見d小食都幾貴，但一場來到，無理由唔試架！應該好多人都咁諗先食左😅心太軟酥炸鯪魚球$45/5粒一心諗住試下，見個個都話好食，但得5粒，真係好貴貴都算，同普通煎釀三寶嘅炸魚旦冇分別，我覺得好多煎釀三寶炸魚蛋都仲好食啲，真心好後悔叫咗咁貴完全又唔好食。蜜汁燒墨魚丸$42/6粒幾香蜜糖味，燒得幾香口，但其實好似自己平時BBQ燒嗰啲咁，完全唔值得呢個價，如果$5蚊一粒都ok既，但為到成$7就唔值得囉。叫咗兩碗車仔麵，面嘅份量都算幾少幾啖就食晒，最出名係佢個招牌咖喱汁同辣汁，但我唔覺得個咖喱汁有幾特別只係比較重梛味。車仔麵啲餸其實幾貴，本身想要冬菇$13但無哂，最後一碗叫咗炸墨魚丸，煙燻雞翼$17，豬皮。另一碗叫咗紅腸$7，蘿蔔$7，糖心蛋＄7，煙燻雞翼＄17。豬皮好普通，煙燻雞翼不過不失，友人話蘿蔔好食但紅腸唔好食，炸墨魚丸就不錯嘅但係都係似煎釀三寶嗰啲但都幾好食。平均每碗$50倒，埋單$

睇倒東張西望介紹青衣華記小食，今日咪走去試，排咗個幾鍾，食咗粗+鱼蛋，籮白 ,豬腸, 豆卜, 墨鱼鱼肉手指, 整體嚟講算做ok, 咖哩汁都可以，但豬腸，籮白真係失望，真係輸比好多食車仔麪嘅地方，鱼蛋及其他嘢都係出面街都食得倒，炸雲吞係鱼肉餡，唔係豬肉蝦餡料，豬扒都冇咩特別，整體唔係唔好食，但要排個幾兩個鐘頭食一個噉嘅車仔麵就唔直得，我下次就唔會排，下次經過見冇咩人又有肚餓就會食我都係同一般人噉，留意傳媒報道食肆而去試，試過幾次都係失望居多，不要太過信，大家都係自己去到邊食到邊，反而可能重有啲驚喜比倒自己

時間:平日的午膳時間，途徑青衣就楂車去會一會近來大熱的車仔麵，不要嘗試泊在門口，全抄，乖乖泊去對面的長康，(要行一段路)到達小店，大排長龍，預計排起碼15分鐘，天氣開始悶熱了，如果夏天來吃應該頗辛苦。首先想order 小吃鷄翼豬扒等炸物，可惜沒有，可能lunch太忙唔接單卦，佢地冇解釋。我想要冬菇但没有，唯有試下同价的牛腩，而且標明坑腩，还点了豬腸，炸魚卷。原來咖喱汁要加3元。同行朋友点了牛骨髓，豬腸，豬皮，牛腩，加底，單係佢呢碗埋單居然要60元。好了好了，如味道很好绝对是值得，可惜……先講3元的咖喱汁，非常普通，坑腩是碎粒粒瘦牛，何來坑腩可言？13元幾小粒，豬腸ok但幾肥，其他就不过不失。但老闆和伙記的態度係有120分，向每位顧客也說多謝。呢種態度係大排長龍的星级食店是難得的。

年頭食過，早兩日上了電視後多了很多人來食，但好在維持到水準，車仔餸比一般出面的鋪頭多款式，炸豬扒即叫即炸，重會自動幫你碎上，蘿白入味，湯底清甜，咖哩汁香而不太辣，食完剛剛好吳會口喝要飲水，但是平均一碗麵要成五六十蚊，條人龍要排半個鐘，如果早上來食會好D！

多年前 看過一個電視報導，介紹青衣華記小食店，由上一輩開始經營，由車仔檔至現時舖位，一步一步，讓食客感受到他們對每樣岀品的執著，因為小食車仔麵配料大部分都是由老闆造的，亦創出多款獨特味道，所以一直都在我wish list~ 餐廳貼近山邊 感覺寧靜睇下邊樣小食最受歡迎〜煙燻雞翼 及 魔鬼雞翼煙燻雞翼，先用滷水煮過後再用茶葉糖煙燻，好入味〜魔鬼雞翼辣到入肉，再加上花椒的麻辣，店中一共有5款雞翼，還有第6款研發中！呀婆豬脾仔$26/份用陳年滷水汁煮成，五香味十足，非常易咬婆婆都食到。心太軟 (酥炸鯪魚球) $43零晨三點就到香港仔魚市場攞貨，只用重五両嘅新鮮鯪魚，因為太重肉質會老，太輕身打不成膠，新鮮製造就不用過多調味，炸成內脆外軟。為咗試多啲小食，專程嚟咗兩次，第一次比十幾款小食吸引住，淨係食小食已經好飽肚，第二次先食車仔麵，鐘意食辣嘅朋友一定要試極辣辣椒油同咖哩魚蛋！！秋冬 維他奶季節華記小食店Wah Kee Snack Shop營業時間: 星期二至星期日: 07:00 - 15:00,  星期一休息地址: 青衣涌美老屋村90號地下電話: 2436 0710交通：巴士42C, 43B 往