華記小食店

營業中

休息中

居住在青衣二十多年，那些年和一班男生到華記食麵。追月假期，為避過人流，十二點前已來到華記，重溫一下那些年的浪漫。華記位於涌美村人流較稀少的角落，環境寧靜，亦較村內中心近街市的食肆光猛。車仔檔入鋪，食客排排企輪候點餸，係華記既特式。假日人流多時間，隨時要等上半小時，所以我都盡量避免最旺時間來排隊。華記車仔麵菜單款式算多，我習慣排到自己，望望車仔檔那樣特別新鮮和吸引，才下決定。今次點了兩個麵。蘿蔔炆得入味，賣相亦吸引，是我每次都會點的餸。另外還有龍蝦春卷、雞翼、蛋等等。不少食客都要另上咖哩汁，配伊麵就能盡吸咖哩精華！其實牛腩、花菇、炸豬排等等都是很不錯的選擇，但華認車仔麵的確是豐儉由人既地方，我之所以咁講，因為牛腩、花菇一份各十四五蚊，即炸豬排約廿四至廿八蚊。如果唔計算一下，可以很容易點了六七十蚊一個麵。所以我點了雞翼，配返啲平易近人既餸，五蚊兩條既龍蝦卷等等，平衡一下荷包作為在青衣生活了廿幾年既青衣人，淨計拾回那些年既回憶，已經值得我久不久光臨既原因。再者，青衣車仔麵檔，真係唔多，係青衣城十分鐘路程，好像還未有一檔。華記能夠保持穩定質素，相信係我每次光臨都要排隊既原因

之前無意中見到小巴廣告見到"車仔麵王子", 由於唔多去青衣所以一直無機會試, 呢日星期六專承一試, 果然一試便知龍與鳳.我叫左既送有 牛骨髓, 牛根, 牛膀, 牛肚, 豬皮, 唔炸雞翼, 花菇.送料果然有HEART. 味道入味, 又不會爛得"溶爛". 唔炸雞翼即係焦糖煙燻雞翼, 味道好, 誠意亦十足.如果喜好肉臟的人牛骨髓, 牛膀值得推介. 我叫左粗麵, 佢用既唔係鹼水麵, 感覺都唔錯.另一驚喜係佢個咖哩汁, 好味道, 好過好多我食過既車仔麵咖哩汁

因為某雜誌介紹呢間車仔麵係全香港「第三位」！我即管試下啦........除左蘿蔔同豬腸係比較好味之外，其他都係d 無heart既野！牛根唔夠諗、豬皮太薄、牛肚無味！$15兩隻炸雞亦普通貨式！最嚴重係個小食唔知咩釀吊桶，吊桶有陣海味鋪既咸味不得止，仲要凍食點wasabi,加埋入邊釀左d好似急凍蟹肉，口感簡直係一級...........難受！這小店可一不可再👇🏼👎🏼👎🏼👎🏼👎🏼👎🏼

車仔麵隨著時代而游走，由從前的街邊平民恩物，演變成現今入舖的懷舊風情。眼見充斥著不少粗製濫造，可幸亦有少數秉持傳統口味和注入創意的！最近受感冒困擾，不時「嘶哩咕嚕」的鼻孔，搞得我很不自在，因此推卻不少美味飯聚。當天突然想吃車仔麵來，豈料跟「奄尖K」一拍即合，於是為了我的車仔麵，兩人特意走到青衣去！上次到訪「華記」已是2013年的時候了，「華記」別來無恙，只是添上了點點春節氣息！偌大的戶外空間，是「華記」的特色，雖然「華記」入舖超過四十多年的歷史，但在這遍空間裡還能感受大排檔或街邊的風味，實是難得！車仔在入舖後通常會變成「大車」。但「大車」內依舊是一小格一小格的車仔麵餸料，不夠放的新品，只好盛在小碗內！訂製的車仔當然會保留圓桶形灼麵的位置，不然便失去車仔麵的特色了！上次到訪錯過了王子特製的美食，這一趟目不轉睛地在排行榜內「掃射」。差點忘記了「大車」對上懸掛著車仔麵多款餸料的牌子。餸料由 $3至 $15元不等。簡簡單單要來了菜心 ($7)、韓國花菇 ($13)、黃金蘿蔔 ($7)和牛肚 ($13)，合共 $46 的四餸油麵。沒有放上咖喱汁，湯頭不會淡而無味，味道清中帶小甜與小鹹，絕不是重重

前排去開青衣做野。卅年黎只知隔離樓叫康和樓。原來呢樹長康邨都有有座康和樓。政府改名真係有一套特別方法。難得晨早完工梗係去搵食啦。打開OP一禁就以評分排先。見有間隱世小店爆like。諗都無諗就開map玩野外定向衝過去。行完出邨過埋天橋仲入埋個叫“涌美老屋村”既村屋亂行亂搵。錯左路行出村口先見原來第二條巷既街尾。心中昇起一句'為左食你可去到幾盡？' 行行重行行。終於到達。成間野貼滿明星相又報紙介紹又飲食男女。不禁倒抽幾口涼氣。又話隱世又咁張揚。通常都。。。 一場來到老虎蟹都食左先講。叫左特別少少既牛骨髓牛肺豬紅。面梗係油面啦唔係點算車仔面噃。丫姐同我講39蚊。我震左一震瞳孔放一放大。Well...OP說好的價錢合理呢？前面婆婆叫埋凍OT先38咋喎。街坊優惠定我食得招積丫喂！呢D廢話梗係齋諗。錢就照比嫁啦～既來之則不知。唯有乖乖搵位坐得細味一下。面煙勒的。菜爽脆的。豬紅甜的。肺普通的。骨髓不錯的。但我個心寒的 重作一次 面得幾啖的。菜兩片的。豬紅三粒的。肺幾忽的。骨髓還不錯的。原來現今車仔面已經唔係平民食品。亦可以推到呢個價位。好似仲貴過尖東個檔咁 。不過我都係重質多D。你爆好味既

之前星期一黎摸過一次門釘，今次朝早一個人黎涼浸浸又清靜~~叫左蘿蔔，豬腸，黑糖煙燻雞翼，豬皮，米粉，盛惠$43~~ 蘿蔔食唔到甜味，反而好重既滷水味，但無渣，豬腸好肥，內面全部係白色既肥膏，但尚算入味，豬皮無咩特別，雞翼食到少少黑糖味，但唔覺有咩味道覺得佢煙燻過~~ 味道ok, 但唔係食評講到咁好食，食果時仲覺得好濃味，但好在無話食完好口渴~~

住咗青衣差不多廿幾年，竟然唔知涌美有間華記車仔面。今日心血來潮特登由長康行去幫襯，去到小店，堂食人數唔算多，好似出面的車仔面檔一樣，要自己在廚房叫餸。等了差不多15分鐘，叫了自己最愛既大腸，仲有蘿蔔，雞翼尖同魚肉春卷。伙記都好有禮貌同笑容，借得一讚是廚房身旁的排行磅，一睇就知咩餸是最受歡迎。再行多7分鐘返到屋企即刻開餐，粗面浸了咁耐仲係彈牙夠爽，蘿蔔完全無渣，夠晒入味，大腸唔算肥，味道一般，雞翼尖份量算多有五隻，入味得尼又大隻。整體來講，可以再encore.不過美中不足是人手問題，排隊時間短一點就好

罕有的隱世小食...今次叫左三送車仔麵..同埋叫左阿婆豬比一份..果度D服務極好...他們極有耐心咁幫我地落單..仲SUGGEST我地食撈麵要用生麵先好食..隻豬比勁香....真係好入味...D肉好軟...味道咸左少少..不過魯水味勁香..真係好入味..好出色..OVERALL真係唔錯..PRICE好合理~!!!

小弟平時只會吃 比較小給人寫食評 而今次點解特別選擇華記小食店來寫呢?因為佢食物嫁質素,環境同老闆花嫁心思都係值得表彰...係講食之前同大家講下環境先啦華記小食店位於青衣涌美老屋村,而小食店正正對正係竹樹同榕樹之前,環境清幽閒時去吃野睇下呢一片竹樹榕樹真係忘卻煩憂,我個人覺得比起一D貴嫁餐廳來得好食物方面我試過好幾樣小吃都係老闆用心之作例如:花菇,豬髀仔,心太軟,炸雲吞,炸同唔炸鷄翼,滷水蛋.....同一D老闆小量特別出產嫁小食啦而我今次推薦比大家吃嫁係.......太多唔知講咩好 隨便介紹幾個啦心太軟唔係大家平時吃嫁甜品 而係老闆用鯪魚肉打成嫁炸物小食佢外脆內軟軟而彈牙 口感一流 加上老闆用心選擇嫁佐料醬的鹹鮮味 令呢個小吃本身嫁鮮甜味增加不小滷水蛋平時大家吃得多,但滷鴨蛋大家又有冇試過呢?大家有時間就問下老闆有冇啦 唔係日日都有得賣滷蛋係要花好多功夫嫁小食 要隻蛋有滷水味又要上色 又唔可以過火老身太重味係一件幾難嫁事呢最後我想介紹多一樣野就係辣椒油啦 華記嫁辣椒油用料十足  材料亦唔係一般街頭貨色可以比美 記得唔好只係吃辣椒油D油丫 吃吓下油下面D料啦 唔好浪費左咁好嫁野丫 華記小

華記隱藏於青衣涌美老屋村內，需從港鐵青衣站轉乘巴士方可抵達。到達村口後，還需向路人問路。華記是老字號，附近一帶的居民無人不曉，而我首次認識華記，卻是緣自一個電視節目。更令人感到意外的，是該節目內容竟不是介紹美食，而是描述親情！華記由一對父婦創立，後因丈夫去世，兩名兒子各自分家，哥哥到了葵芳自立門戶，人稱王子的弟弟便接手老舖的經營。從王子銷量排行榜中，可見王子著重創新的風格，無論您喜歡新品種餸料與否，榜上的餸款確實與一般車仔麵大有不同，名字也甚為生鬼。王子絕不是王宮裡擁有幾十名隨從服侍的王子，幾乎每天也從大清早工作到晚上，上至食材採購、烹調，下至清潔、收拾等工作，都是親力親為。就當天下午二時抵達所見，雖然大部份的粉麵和熱門的餸料也差不多沽清，但他仍一會忙著給客人盛餸，一會又補充欠缺的餸料及咖喱汁等，在不同的工作崗位上不斷遊走。老公的車仔麵特別用大碗子裝上，看似陣容鼎盛。其實當中的餸料不算特別豐富，只有豬腸、魚卷、魚皮餃、咖喱魚蛋和豆卜五款，可是兩個粗麵，已塞得大碗子滿滿的了！豬腸是最令人欣賞的餸料，入口質感柔韌兼富彈性，鹹淡適中的調味緊緊附於豬腸外皮上，最重要的是將豬腸的獨有香氣散發出來

由於屋企人全部去晒旅行，所以妹就約兩個朋友黎食野，因為可以order多D小食嘛 ，而每次黎華記小食店，都會留意王子有咩野新菜式 ，而每次黎，王子都會有驚喜呢！ 今次排隊既時間明顯比之前同預期既時間短左好多，只需十多分鐘咋 而我兩位朋友就覺得呢度好有特色，自己排隊揀選，見到乜野想食就叫，一個鐘意食肥腸，一個食瘦腸，只要出句聲，分菜姐姐都會照辨，同其他店既零交流唔同，比乜食乜!再加上今次黎，外牆翻新過，油上光猛既淡黄色，感覺上好清新，而店面亦整潔好多!朋友食乜就唔介紹啦，小妹就要左油麵、腸頭、牛膀、黄金蘿蔔、豬紅、豬皮、九菜花、加咖哩汁，合計$41，份量算多，超低!突然見到王子現身，小妹就走去問有乜好野介紹，王子就推介左~唔炸雞翼、牛骨髓、燒魚片等，小妹就要左每樣一份，因為三款都未試過 油麵唔過淋有咬口 腸頭唔覺漏喉，鹵香十足，無騷味，係色香味俱全 牛膀，好香濃既汁-炆，口感軟糯、入味!黄金蘿蔔，水準之作，用韓國蘿蔔去炆，大件多汁，一口咬落去D蘿蔔汁係會多到射出黎既，顏色金黄，正! 豬紅入味軟滑，豬皮爽口，九菜花好甜 牛骨髓，現今己好小地方有得食，炆至深啡色，好香，應該用

到靑衣探望親人，一向是留坐不留吃的。下午一時，不飢不飽也得找點吃的；路經涌美村剛好遇上小店，便抱一試無坊的心態；怎知竟然是相逢恨晩呀！老叟是鹵物痴，見掛上不少鹵物的介紹便各點一份。這確是驚為天人的邂逅！先說鹵水。黑潤的舊鹵味香濃且厚，輕啖一口，不過咸且帶微甜；這鹵水底似乎比老店＂生記＂做得更有心機。鹵物呢？豬䠋仔、鮮鵝腎、鵝肝、鴨舌全是入味而不過火！吃得出店主是以不同火路溫度去分別慢火鹵食物的，在港現在還有幾間肯花時間慢慢做？一向對豬髀仔感覺不好，因為絶大部份店舖都做得粗而較硬；這裡的豬髀卻是軟滑入味的，吃得出全沒用鬆肉粉先處理，而是用了果汁，因嚐到丁點果的甜味，好嘢！鴨舌鵝腎及鵝肝也是好味之選，尤其鵝肝，味道可比西方的鵝肝醬卻是更帶鮮味！最正是甚麼？鹵蛋。坊間鹵蛋若要夠味一向是蛋白鹵至硬而蛋黃嚡。這裡，鹵蛋白是滑而帶彈性、蛋黃入喉仍滑的！冰鎮鴨舌也是有心之作，冰鎮鴨舌與熱鹵鴨舌味道不同，較清，冰鎮溫度適宜，不會太凍而影響食味。叫了蘿蔔、咖哩魚蛋、鹵水燻雞翼做車仔麵的餸。蘿蔔全沒半點渣，而且清甜多汁，不是平價大陸種蘿蔔； 咖哩魚蛋的咖哩汁香、微辣而有餘韻、不燥不熱，似乎是混了不同咖哩種

小弟由幾年前搬入涌美村後, 大大話話都幫襯呢間車仔麵已經好幾年, 就係今日, 就等我呢個"為食高登仔", 講下呢間車仔麵, 點解咁得我歡心啦位置:呢間車仔麵既鋪位, 其實位處於涌美村內, 如果係第一次去搵呢間車仔麵既朋友, 不妨可以多口問句村內既街坊, 我諗啲街坊, 都會好樂意話俾大家知"華記小食店”係村內邊個位置服務態度:其實大家黎得車仔麵檔食嘢, 都唔好諗住會有高級餐廳既服務, 不過講親切度, 呢間車仔麵檔既每一個員工, 絕對俾到你, 甚至有一次, 我叫太多餸(約六個), 佢地都擔心我食唔曬, 建議我可以叫少一至兩樣餸 環境:呢間車仔麵檔, 對出係一片竹林, 望落去其實都幾清幽舒服, 不過我建議店主, 可以增添一把大風扇, 因為係夏天既炎熱期間, 既可令啲客人, 坐得更加舒服, 又可以驅蚊, 可以話係”一舉兩得”食物質素:好! 終於黎到呢個Topic, 首先我要講呢間車仔麵檔既食物質素, 其實都幾高下, 但係相對地每個餸既價錢, 亦都貴市面既車仔麵檔一, 兩蚊牛腩, 牛根: 其實煮得幾淋, 不過有時好似煮得唔太入味豬腸: 食得出, 店主用既係新鮮豬腸, 煮得好入味, 推介, 小弟其

正值農曆新年前夕, 當宅女正在盤算著新年假期間去哪裡搵食之際,食友突然彈出一句: 聽到王子2個字宅女登時兩眼發光, 馬上問一句: 友人聽罷失笑說: 宅女聽後雖然失落不是那個王子, 但聽到賣車仔麵也賣到自稱王子, 好奇之心又湧出來, 便打算相約找個下午前去, 怎料友人說: [ 呢間鋪一定要晨早去, 一到中午就賣光的!!] 什麼!? 居然受歡迎到只做早上時段?? 莫非真的要來個車仔麵當早餐??不過宅女吃字大過天, 最後當然是乖乖地爬起身跟食友一大早9時多來到這裡了. 我們到青衣附近下了車, 宅女跟著友人穿過一堆路邊攤, 再經過些懷舊茶樓, 來到街尾角落終於見到這家車仔麵店了! 店子其實說大不大, 店內主要其實是用來點餐煮食的, 真正用餐的是在店外的露天位置. 周圍放滿了十多張摺枱和膠椅子, 頗有大排檔的風味.眼看店子內巳出現了條小人龍在排隊點麵, 周圍的枱也坐了6-7成的食客, 對於還是假日早上9時多的時間來說, 人的確算是幾多. 我們隨便找了個位子坐下, 正在猶豫點什麼好吃之際, 旁邊的一位女士馬上跟我們說吃麵一定要加咖哩汁, 之後還跟我們閒聊了數句, 真的很健談呢~事不宜遲, 我

9-2-2013(六)是日上班前，先吃個早餐暖暖肚，選了位於涌美村的「華記小食店」用餐。它位於涌美村的最一行的最尾位置，稍不留神就很容易會錯過，絕對夠「隱世」！今天肚餓得很，所以我點了 5 餸 (魚蛋、炸魚卷、菜餃、豬腸、魷魚) + 1 麵 (粗麵) + 秘製咖喱汁 (另加$2)。 喝下一口湯底，是有加了少許味精，但確實比一般市面車仔麵店的湯底來得出色；魚蛋爽滑彈口，有魚味，沒有粉狀的感覺；炸魚卷份量足，炸得香脆可口，吃罷兩條仍想繼續吃；豬腸也不錯，炆得夠腍之餘本身亦已經很入味；菜餃的皮很薄，一咬下內裡有很多汁，很好吃；魷魚比市面一般車仔麵店的有少許的不同，外面吃開的是隨意的灼熟便上桌，而這裡的魷魚則不是白灼，而是有用配料去煮過，很入味。秘製的咖喱汁很濃郁，帶很重的辣味而且不太甜，吃到最後也不會覺得膩，另加 $2 也是值得的！滿滿的一大碗送進肚子裏，飽到暈，真的可以連午飯錢也可省掉了。。。絕對能媲美灣仔「車仔麵之家」的質素，誠意推介！