華記海鮮飯店

營業中

休息中

剛巧端午節入梅窩，見到哩間多人讚就試下，入到去全部座滿，好彩提前訂位；叫咗豉椒炒蜆，薑蔥炒蟹，菠蘿拼大腸，腐乳椒絲通菜，古法鹽焗雞，椒鹽九肚魚，蠔餅，楊州炒飯。鹽焗雞係即整，要等半個鐘，但非常值得，因為好有雞味，一齊上嘅雞汁係精華所在，蠔餅啲蠔都幾大隻，有蛋味，無乜油，啲蜆似花甲咁大，炒飯有鍋氣，整體都好滿意，又抵食，我哋6個人只1100埋單。最初惗住遊客區都唔好期望咁高，但係結果真係好驚喜，讚！讚！讚！

每次去離島都覺得要食海鮮先岩feel，梅窩好既餐廳唔多，睇完一輪食評就揀左呢間。椒鹽九肚魚超級有驚喜，雖然去大排檔必叫，但講真唔係間間做得好食。 本來預期係大大條斬件個種，點知呢度係細細條既bb九肚魚，入口就覺得極度鮮甜，係我人生食過最好食既九肚魚，絕對會為左佢再黎梅窩。避風塘炒蜆好有獲氣，香口惹味，蜆唔算好大粒但都好新鮮，唔會全部得個殻。椒鹽鮮魷岩岩炸起，幾厚肉嫩滑，不過不失。白焯東風螺有少少失望，雖然好大粒又彈牙，不過唔算好鮮甜。

去到梅窩總係想搵一個海邊嘅餐店食一食晚餐。如果唔想咁貴但係又可以享受到地道風味嘅，去依間華記係唔錯嘅選擇。依間大排檔唔係好大，當日係假期，我哋已經係六點嘅時候去到，但係都要搭枱。但係好有趣嘅係同我地搭枱係幾個識得講廣東話嘅韓國人，佢地都好地道啊！我哋都好喜歡係用嘅雞公碗碟。我哋叫咗大排檔我哋都會習慣叫嘅椒鹽排骨，味道好香口，好入味，好啱送飯。另外都叫咗牛仔骨，肉算係好多，好林好濃好入味。對面嘅韓國人見到我哋叫都跟住叫，但係只係六點四嘅時間侍應就話賣晒囉。下次如果再嚟到呢邊食嘢，會繼續選擇呢間大排檔，雖然室外位置冇冷氣，但係吹住海風，享受地道美食，係唔錯嘅選擇。

今日大嶼山一日遊， 選了多間這間比較經濟。2人餐3餸1湯。 2款海鮮也不錯，$2xx (不包白飯)2人餐:菠蘿生炒骨 幾大碟即炸很香脆，很多菠蘿，酸酸甜甜一定要點飯吃豉椒炒蜆，更大碟成個山一樣，完全夠3個人食，蜆肉剛剛熟很好味！辣辣地！原本時菜炒鮮尤，我們加30轉了！最喜歡椒鹽鮮尤，很酥又惹味！炸得很好加30元老火例湯，不肯定有沒有味精，超大碗夠4人湯……味道不錯，就是比其他地方貴一點，相對長洲比較便宜！在這裡沒有300吃不到中菜！消息比較高

星期六日假期，到咗梅窩都然要揾餐好食，見到附近熟食檔晚飯時間不缺人流。當中一間華記背向人群，有自己一片海，對於喜歡食環境的加咗一分。叫咗個二人套餐有豉椒炒蜆，時菜鮮魷，菠蘿生炒骨，有一窩例湯，另加2個飯都唔駛$300埋單，價錢確係實惠。生炒骨的自制甜酸汁味不太濃，對唔鍾意食太酸的人係好好的決定。時菜鮮魷賣點就係鮮魷之中，魷魚夠彈牙爽口，但係份量太少，唔夠過口引。最後講的豉椒炒蜆，四個字"簡單入味"，味道唔太濃無搶去蜆應有的鮮味，不過，始終夏天唔係食貝殼類的好時候相對體積略為欠奉，可以推介下次選擇秋冬時份。另外可能哩個係二人套餐，份量唔算好多鑊氣始終差少少，每樣過下口引尚算可以。

係附近去左個camp，趁無野做就去埋梅窩下，其實唔知有咩好食，不過因為落雨，被逼是旦搵個餐廳食住先去到果度見到有間餐廳可以睇海（沙灘）景，但係無哂位，我地就坐左係入面，叫左個沙爹粉絲牛肉煲、咸魚雞粒粉飯、西蘭花炒鮮魷埋單$270，價錢點都係會貴過外面少少架啦，不過因為我地4個人食3碟野都夠哂飽，可想言之份量有幾多啦，尤其是個炒飯，都好大碟。講返咸魚雞粒粉飯啦，大大碟，而且粒粒分別，蛋果部份都幾得意，有別於平時既炒飯，而咸魚果度就真係一粒粒咁同飯粒炒埋，所以係時不時會食到一粒特別咸咁。沙爹粉絲牛肉煲唔錯，不過沙爹味唔多重，反而加左辣椒係入面，搞到辣椒味同沙爹味都係入面，牛肉冧身唔痴牙，粉絲都爽哂Ｄ汁，整體唔錯。西蘭花炒鮮魷就反而無咩調味，所以食落比較清淡，不過可能我地叫左碟沙爹粉絲牛肉煲，所以果陣唔會太在意。西蘭花都叫爽口同新鮮，而鮮魷炒過之後仲保持到鮮味同水份，值得一讚。

第一次食海鮮望住個海，叫左個2人套餐。有時菜炒魷魚，菠蘿生炒骨，炒蜆，有個湯。仲叫多左個椒鹽九肚魚炒蜆同菠蘿生炒骨好好味比出邊食既仲好味！不過個椒鹽九肚魚就吾太好食有陣怪味⋯好後悔叫左黎食不過都平。所以都值得食！

佛誕日等到發火的一餐客不算多，但出菜慢一個廈門炒米等了半個鐘蠔餅底部粉太厚炒米太濕椒鹽豬扒都叫鬆軟夠味，ok海景算幾靚，望著銀礦灣沙灘，幫補吓。還好在價錢不貴。

自從上次食完個椒鹽鮮魷我就念念不忘！好想再黎食😩😩😩 難得又入開黎～ 一定要黎再食！位於熟食中心入面～ 一入去到兩間餐廳既姐姐都搶住叫我地入去佢果間～ 但我已經心牽呢間要再食椒鹽鮮魷 😋😋😋2個人嗌左3個餸～ 根據上次經驗⋯呢度份量都幾大～ 我齋食餸都夠飽～ 朋友就嗌多個飯～ 椒鹽鮮魷😋😋😋炸粉唔厚～鮮魷大大舊！嫩滑唔會韌～加上佢d椒鹽⋯成碟好香口惹味😋😋😋好快已經清左一半😝😝👍🏻👍🏻👍🏻避風塘茄子超大堆頭🙈🙈🙈🙈 茄子外脆內軟～ 有少少邊位過硬～略嫌避風塘炒得唔夠乾身⋯同埋黐唔到上茄子度～ 辣酒煮東風螺～呢道上次都食過～係朋友話要encore～ 又係份量好夠～ 食極仲有😂😂😂 唔會太辣～ 見到落左唔少黑椒去調味～ 螺肉好易撩到出黎～ 肉質爽口 👍🏻👍🏻價錢上隔離都平幾多下～ 唔知係咪關份量事～ 睇下我下次捨唔捨得放棄碟椒鹽鮮魷去試下😝😝😝

在梅窩碼頭附近的熟食中心，裏頭有多個大牌檔式的飯店這次挑了友人推薦的華記飯店當天和男友約下午四時便入座由於時間尚早的關係，店內還只有兩三枱客人，我們還挑了望海的位子坐下。這段時間沒有入夜後大牌檔的喧鬧和擁擠，卻多了一份寫意和自在。我們叫了三道菜 — 豉椒炒蜆、椒鹽鮮魷和大瀨尿蝦。大瀨尿蝦 (太好吃了，還沒來得及拍照便掃光了)最推介之選！只是$148便有約20-30隻大瀨尿蝦，每隻都十分肥壯新鮮，爽口味甜，有些更有膏呢！由於每隻瀨尿蝦都十分新鮮，因此手笨如本人也輕易剝殼。豉椒炒蜆大牌檔必點小菜。華記的炒蜆夠鍋氣，新鮮，加上香郁的豉椒味，十分惹味。另外值得一讚的是，炒蜆沒吃到任何沙泥。椒鹽鮮魷生粉外層夠酥化，不會太厚，但對本人來說還是略帶油膩。鮮魷彈牙可口，味道惹味，十分適合佐酒。

難得閒日DAY OFF, 入梅窩一日遊。是日特意挑選華記食。先上了個霸王雞。霸王雞實為白切雞加薑蒽絲及熟油豉油而名。雜菜煲有生菜、白菜及菜心，另配有蝦乾及粉絲等增加口感，清清地但又不失多款菜類選擇。最愛椒鹽骨！ 豬扒骨炸得乾身，椒鹽料爆得很香！份量偏大份，超好味呀呀呀~~~海景無價:華記是眾多離島食肆來說擁有最大片無敵海景的餐廳，食飽飯有時間可多坐一下就最最好不過了！

今天我和友人們我去了郊遊，呼吸一下新鮮空氣。東涌大嶼山巴士站各線的巴士都十分多人，大澳的要排七八班左右，我們去的梅窩排了三班車。約半小時已到梅窩，先在熟食中心站下車吃午飯，原來這也是梅窩碼頭所在地。走了一圈，我們在華記停下來。就在海邊用餐，十分寫意。餐廳賣點之一，純樸的梅窩風景。什麼都不說，先上青島解喝。友人沒有叫午市套餐，其實套餐抵很多，而且食物選擇不錯。我們散點較貴，先上腐乳通菜。腐乳汁比較稀，通菜炒得不老，很爽脆。辣椒就算帶籽也不辣，顏色漂亮很開胃。就是因為這個蒜蓉開邊蒸蝦，所以我們才散點。蒜蓉蔥粒熟油灒的汁料很惹味，開邊蝦來說尺碼算是比較細隻，是白灼蝦那種，所以師傅的刀功很厲害。因為是小型蝦，所以非常鮮甜，推介。魚有䱽魚和紅魚選擇。問紅魚是什麼，侍應說是紅鮋個friend。因爲這句，我就試下紅魚啦。蒸前侍應拿了水桶給我們看一下，紅魚不斷跳躍很新鮮，$160。選了清蒸，蒸魚時間剛剛好，魚肉嫩滑不粘牙，這種魚的魚味不濃，紅色的魚皮不會韌，黏著魚皮吃不錯。友人知道我會影每頁餐牌，所以不斷幫我掀頁然後讓我拍好才選菜。

入到梅窩離島，家人總是覺得應該吃個海鮮餐。唉。。。。遊客錢好厄。。。無計，難道黎到。。其實大家都估到。。不過都係要食。。人就係甘咖啦。。Anyway .... 我們很保守的叫了個套餐。。。炒蜆。。（見殼多過有肉) 。。咸粉葛xx湯。。（家人話味精湯）。。　炒菜。。。菜本身靚。。但係咸。。避風塘炒蟹。。。唔錯。。白灼蝦。。。新鮮。。分量唔多又細隻蒸魚。。。太熟。。。魚唔新鮮白飯。。好硬本來唔夠食想加餸，見蝦新鮮。。。但係聼完價格，又有大細蝦不同價格。。好複雜。。。 所以最後都費事叫其他野。 樣樣野都好咸。。。。打算出市區再食過。。。成餐飯咸到我超級口渴。。。我地馬上去Mcdonald 買雪糕吃。。我地入到熟食市場。。發現全部都係華記的。。。差不多壟斷成個熟食場，茶餐廳，海鮮餐廳等等。。。勁吖

Nice break from the sun.  Food seemed fresh and good portion. Could have been a bit spicier as even the marked spicy items were not spicy as Szechuan should be. Portion sizes were adequate and the family enjoyed the rice dish in particular. The shrimps were OK but not the most tasty.  

I really love this restaurant in Mui Wo's cooked food center. Get a table along the water to enjoy the view on Silvermine bay beach and the fishermen coming and going.Each time I go I have the deep fried squid with spicy salt. I love deep fried squid and I think this one's the best of all I've tried. It's perfectly crunchy and salty.I also tried the fried rice with chiken, egg and lettuce which is very good. (big nice pieces of chicken here) , the fried vegetables with garlic (nice choice of dif