華記海鮮飯店

營業中

休息中

當日，好姊妹為了慶祝她生日，而 Book 了梅窩銀礦灣酒店作為她的 Birthday staycation！ Check out 後，中午時候，我們3人沿海邊行，行到碼頭附近的梅窩碼頭熟食中心，好姊妹嚐過這裡兩間海鮮飯店，推介這間海鮮飯店 <華記海鮮飯店>！以家庭式經營，老闆站在門口，熱情招客，女女負責落單、送食物及收錢，年紀輕輕已經好幫得手！我們選擇坐在海旁的餐桌，除了可以望住海景，又可以吹著海風嚐午餐！餐牌椒鹽鮮魷 $118椒鹽鮮魷香脆卻不是熱辣辣！略為扣分，蘸上喼汁，別有一番風味！三絲炒麵 $70份量未及好姊妹預期的多， 炒麵金黃脆卜卜又惹味，配料有：肉絲、冬菇、芽菜...等！京都排骨 $98橙紅色的賣相，色香味俱全！酸甜平衡，啖啖肉，肉質柔軟入味！天時暑熱，令人開胃！

本身我哋住東涌，一家人突然好想食個海鮮，加理想同小朋友去沙灘玩一玩，一般人都會諗起去長洲，不過身為東涌友，梗係去返最近嘅梅窩 啦。 其實係第一次喺梅窩食海鮮，估唔到有驚喜，五大一細，叫咗蠔餅、生炒骨、椒鹽鮮魷、小炒王再加個炒飯，每人叫一味，重點海鮮新鮮，小炒有鑊氣，仲要喺個海灘靚景隔離食，真係完全加晒分，小朋友睇住個海吹下風都超級開心，長輩都大讚揀呢間餐廳掂丫。 雖然食完海鮮諗住去沙灘玩，點知落雨，但係食到呢餐海鮮餐都覺得滿意啦。

Weekend帶小朋友同狗仔去梅窩玩水由朝玩到晚 最後決定係梅窩食埋飯先搭船出中環諗住熟食中心近碼頭 方便趕船所以去到熟食中心是但揀咗一間多人食 見d野食個樣都唔錯就坐低 有個大海景 好舒服我地3大1小叫左5樣野 全部都好有鑊氣 色香味俱全 正雜薈炒麵第一次叫 其實都唔知雜薈會有啲咩 感覺好似咩都有啲都幾好 有菜、鮮魷、肉片、叉燒、魷魚、豬潤等等 都幾豐富 個面底又脆脆哋小朋友鍾意食京都豬扒個汁較得好好 酸酸甜甜好開胃 而且豬扒唔靭好味紅燒乳鴿上枱熱辣辣外皮脆入面仲有肉汁 咖喱牛筋腩煲呢個好惹味 送飯一流 牛筋腩都唔少 因為呢個餸食咗好多飯椒鹽鮮魷標準大排檔水準 正食飽飽就搭船返中環 好滿意今次梅窩之旅 下次可以再encore

酥炸蠔餅，蠔仔大隻，但略然粉漿厚咗少少。椒鹽鮮魷，熱辣辣，炸粉脆，鮮魷嫩，仲主動比埋喼汁。柱侯牛腩煲，超大煲，牛腩入味又夠腍，仲有生菜墊底。魚香茄子煲，咸香，惹味，撈飯一流。小菜樣樣都夠份量，又夠鑊氣，唔錯唔錯。連埋藍妹大啤×2，白飯×3，埋單六百幾，勁抵食。

坐底叫完餸，菜好快就黎到，所有菜都係暖，完全唔覺得係岩岩叫先炒，菜又超咸，海鮮一啲都唔新鮮，放入口都係暖又有沙，諗住算數，但食完無耐同行人都開始唔舒服，最終大家都腸胃炎☹️唔會再有下次👎🏻

復活節假期這次選了梅窩玩，到碼頭之後下船超級肚餓，看見這個華記海鮮餐廳，被他的海景位吸引走了進去，它有好漂亮的海景為剛好還有一張二人桌子，店家姐姐態度非常友善地招呼我們坐下點海鮮吃。看見沿海好多人多點海鮮吃，我們一行兩個人選了椒鹽瀨尿蝦，還有避風塘炒蜆，西蘭花炒牛肉，一碗白飯還有可樂飲品。這裏沒有收+1服務費，然後店家姐姐還有哥哥態度超級友善，服務超級好，落單到吃飯，買單成個過程好happy。海鮮超級新鮮好味，瀨尿蝦鲜甜，醬料落得剛剛好，炒得也剛剛好完美發揮瀨尿蝦的質素，避風塘炒蜆醬料也很好地跟新鮮的蜆混合，配白飯簡直極品😍， 我對於我點的非常滿意，環境也很好，吃得非常舒服，涼涼的海風吹過來，跟朋友寫意地吃海鮮，他們的可樂是玻璃樽裝更有風味。謝謝店家姐姐還有哥哥，給了我們一個愉快的復活節假期 下次放假會再來。下次來打算點炒蟹吃，還有試一下聖子😍 多帶幾個人來可以吃多幾樣。話說我吃完上面的海鮮之後，另外叫了瀨尿蝦外賣回去給家人吃，他們也很滿意🥰

同男朋友嚟梅窩玩，所以嚟咗呢間大排擋主打食海鮮，2人食2道小菜配飯 夠曬飽，每道小菜都好大份量：✨椒鹽鮮魷（另有醋）係員工推薦嘅菜式之一，就一於試下🦑👈🏻呢個真係好好食喎‼️份量多之餘，每一舊都大舊🤩。魷魚質地實淨得來又有咬感，有淡淡魷魚味。外層酥脆，外皮非常薄身，好香椒鹽味😚😋配醋食原來都幾好食，鹹同酸之間嘅味道中和咗。✨豉椒炒蜆呢個份量都好多，裏面啲蜆有大有細，絕大部分蜆都冇離家出走😂😂。蜆肉好新鮮，同埋得一隻蜆先有沙 其餘都幾好～呢個撈飯食一流，啲汁同白飯好夾！

周末大夥朋友行大東山二東山落梅窩，到此晚餐，7人叫了8個菜加白飯和2支啤酒，共$1436。大家行完山都肚餓了，見此近海邊又有大枱，菜式款類頗多，參考了openrice推介和大家口味，叫了附圖的菜式，各款都很入味，該晚是個快樂回憶

梅窩係一個好可愛既地方，搭一程船就可以感受慢活。星期六同朋友去左一個書店，逗留左4個幾鐘感覺好肚餓就决定去食海鮮歇歇腳。華記係我好推薦既海鮮餐廳。因為無論環境食物質素心思同價錢，佢都係無懈可擊既。望住海景吹住海風食海鮮簡直一流阿。今次嗌左個海鮮餐，大約500零蚊三個人，包括有例湯同埋4樣海鮮。特別要講下呢碗粉葛赤小豆扁豆煲豬骨湯，去濕又去骨火，老闆特別煲架，完全無味精，係愛心靚湯來架，好味到連湯料都食埋。鼓椒蒸黃立倉，條魚好新鮮，啖啖肉，蒸得時間剛剛好，啲魚質好滑，唔撈鼓油都好夠味。😋鼓椒炒蜆辣辣地好野味，啲蜆都算大隻，無沙，食得好安心。椒鹽鮮魷就當然無得輸啦，香脆既外面，鮮魷大大隻份量都好多，ichiban!👍蝦同樣地好新鮮，好大隻，超級鮮味。來華記，有品質保證，我話既😋👍話哂都食左好幾次先食食評架。

行完山，由於最近都比較成日嚟梅窩，所以今次想試第二啲嘢，就係炒小菜。平日嘅時間唔係間間都開，而且唔想食餐蛋麵咁普通，所以喺熟食市場行咗個圈就決定食呢間。椒鹽九肚魚：欣賞佢有味之餘亦都唔會太重口味，重要九肚魚炸得好鬆軟，推介。咕嚕肉：正常甜酸味道，大大嚿豬肉，但有啲韌。魷魚炒麵：炒麵嚟到先知原來係脆麵，嗰刻有啲唔係咁開心，因為出邊食過嘅脆麵都係食到個嘴損晒又乾爭爭，但呢個麵係唔會整損個嘴又有啲汁，居然唔乾喎，容易食到，令到我對脆面改觀。蒜蓉炒油麥菜：唔記得影相，但碟菜非常之大碟！

嚟到梅窩遠離繁囂都想有放假感覺去食一餐晚飯今日選擇去華記食一路吹住海風🌊😚一路食海鮮小炒食物嘅種類同價錢豐儉由人想食貴價海鮮又得小炒亦可,仲有炒粉麵飯等而且價錢亦非常公道,每碟嘅份量都好大🤗🤗炒蜆雖然細隻但份量都多唔會淨係見到殼搵唔到d肉炒飯香口有鑊氣,乾身蝦仔大大隻🦐🦐南乳炸雞脆口惹味,送酒一流🍻😋🔸椒鹽炒蜆($98)🔸金銀蛋時菜($88)🔸楊州炒飯($65)🔸薑蔥炒蟹($288)🔸南乳炸碎雞($158)以上價錢,可以食飽三個大人一小朋友加上大啤🍻同海風🌊🌊😙確實一樂也!!

小編由於遲左起身連早餐都未食就已經趕住搭船入梅窩入到去飢腸轆轆忍唔住即刻搵間餐廳嚟開餐椒鹽九肚魚🐟外皮炸得薄而酥脆九肚魚內裡十分嫩滑椒鹽味道適中唔會太鹹😍令到成碟餸鹹香可口廈門炒米🍝炒米好有鑊氣同時有少少米粉已經被炒到十分之脆唔會太乾食落感覺有雙重感受而且米味香濃味道酸酸甜甜避風塘炒蜆🦪避風塘醬汁十分惹味食落香辣可口炒蜆肉汁嫰滑🥰新鮮彈牙味道：4/5環境：3.5/5消費：3/5推薦指數：4/5

星期日天氣非常好，所以決定到大嶼山去行個簡單既路線，梅窩至貝澳。一心去梅窩食大排檔風味，點知無留意船期，去到送船尾，唯有食住小食等啦～最後1：45分先入到去梅窩。因在等船期間係咁食小食，去到華記都唔肚餓，但因為一早就諗住去，所以唔肚餓都照食，唯有叫少d野。兩個人坐露天位置，叫左椒鹽鮮魷同豉油皇炒面，佢味道唔錯，雖然餐牌價錢唔平，但係佢勝在無加一和茶錢，仲有海景，今餐200蚊有找，我覺得算係好優惠。值得去試！

無比較無傷害，昨晚福聚來姐姐服務殷勤細心，全部外賣都用錫紙包裹保溫，款款色香味俱全，相比華記姐姐較為冷淡，而且食物質素強差人意。限聚令下食肆執既執、暫定營業既暫停、晨早收檔既收檔，無啖好食！見到邊間有開門就是但外賣，不幸地難食到要倒左一半，抱歉地浪費食物，索價六百幾。白灼東風螺，淡如水無味道無鮮味，有微弱雪櫃味而且超級乾硬，烚到過晒火有三十成熟全部尾部都斷在內，疑似翻烚再翻烚，從來未試過難食得如此地步。蠔仔煎蛋餅，好多蠔殼要食得小心翼翼，聞落香噴噴，食落有蛋香有蠔味，調味略咸略重撈飯還可以。我都再三叮囑要走蔥，竟然蔥花跟蠔仔份量幾乎一樣，我要耐心地續粒挑走，挑完蔥都已經凍晒。蟹肉扒豆苗，大大棵的豆苗略厭粗糙及炒得有點泛黃，少少爽感免強食得到菜甜味。食落有不少蟹殼蟹骨，證明真的是生拆，但要邊食要邊吐，食到疾住疾住不能大口大口地品嚐，非常唔開心。啫啫排骨煲，排骨肉質霉得出奇，輕輕地啜已骨肉分離散筲筲，味道濃濁不香甜，厚厚的芡汁漿成一塊。用來吊味的豬膶超級乾鞋硬，試一片放棄。時菜海鮮豆腐湯，整餐飯最滿意最出色就是這個湯，魚湯香氣撲鼻，湯汁厚厚十分美味可口，熱辣辣灌入渾身暖笠笠，菜爽魚香豆腐彈

我今天和家人去華記食黃昏飯，其中叫了一碟蟹，當時魚缸只餘下3只蟹，店員說例牌288元有3只蟹，就是那三只，她也捉起給我看，但送上來時，就只有其中的一只是正常的，其餘兩只細很多，於是我問剛才說是缸內的三只蟹，但現在為什麼還有2只，碟上的不是剛才說好那三只！店員從魚缸拿起一只蟹，我拿碟上的蟹蓋和她對比，好明顯細了好多，佢仲話蒸了會縮水。但就無解釋為什麼那三只蟹為什麼還有兩只在魚缸，我說碟上的其中雨只蟹的紋和看到（魚缸內仍存在）的不同，她沒有回應。飯後搭的士去東涌， 司機說那家華記過去十幾年都係咁，梅窩人一定唔會去。本來難得疫情放假想食一餐開心的。估不到會遇上這樣的海鮮店。影響香港的海鮮食店業的形象。生炒牛肉飯 70元蠔餅 105元 （有幾只蠔）蝦仁炒蛋95元 （蛋炒得幾好）椒鹽鮮魷 110元蒜蓉蒸蟹288元白飯13元茶錢20元以上的價錢，在旁邊另一家餐廳食，起碼平1/3，後來才見到隔離幾好餐廳的生炒牛肉飯只是50元。因為幾間店看似連在一起，但華記的侍應比較主動，很快便放好餐具和水，當坐下去後便不好意思再離開。