華輝小食 (已搬遷) 新店位置

黎到下午茶時間，醒起好耐冇食手撕雞撈麵，又冇人排隊，就叫個外賣回味一下不過，都要等左差唔多七分鐘，因為係即叫即整。我嗌左個中辣，個人意見都不是很辣。麵就冇乜味，可能撈得唔夠均勻。飲品有改善，上次想加錢轉個豆漿都唔俾，今次可以揀豆漿啦。價錢方面只係幾個月無食就已經加左兩蚊，對於一碗食唔飽而又唔平，都幾貴！話雖如此，都仲係有好多人慕名而來排晒隊咁。大食既朋友係可以加錢，會變成兩個麵底，雞既份量都會增加。

等四十五分鐘小食。。。。😡😡😡話自己即叫即做，我等了四十五分鐘，唔出聲都無 。。眼見其他人遲到仲早有得拎，諗住好心問下係咪漏單。。。個阿姐超級無禮貌同我講「無雞」整，入面明明有二個姐慢慢搣而且有好多遲過我買都走了仲有一個哥哥都好似我咁等好耐點知有個女仔話不同味（不同辣度）係整定哈自打咀巴，又話即做，唔同味條隊唔同？？😡要大辣等三個鐘？唔辣就即有？不知所謂！！以為有少少名，啲阿姐就大大聲!!!!!

大圍愈來愈多新食店和美食發掘，未知是否與沙中線的發展有關🚊？『手撕雞腸粉 $30』腸粉提供七種辣度🌶，不太吃辣的真的選原味就好了😂，而無辣不歡的就可以來挑戰地獄辣😈。個人本來不太欣賞腸粉🙊，但加上手撕雞和他們自家麻醬的配搭令我驚喜🤤。腸粉雞肉嫩滑，已撕開的肉方便進吃（懶人必吃👻？）。吃飯後掃街可與朋友share，一個人當正餐也是ok的。『手撕雞飯 $40』我早前試手撕雞飯，送一罐飲品，會更適合當正餐。個人覺得也不錯醬汁夠滋味，只是主菜的肉相對白飯有點不夠🤔。⠀🗣中午來基本上不用排隊，黃昏後就要等等嚕。@hktpy 《K》

食食食食食到大圍嚕💁🏾我諗華輝小食應該冇人唔知既呢期咁出名😏佢既手撕雞腸粉 hkd28😈 bb辣🌶啲雞既份量都算多，而且都滑架喎🤓加埋腸粉食又估唔到OK wo😳辣辣地而且佢啲雞皮好爽口好脆，唔食皮既我都忍唔住食左幾舊🤓提提大家，佢係有2條line架😉要先叫左野食拎左個震震機，之後排隊去攞野食同俾錢😏，大家排隊之前記得問清楚係俾錢定嗌野食個條啦✨同埋每日都好多人排隊，預早啲時間去比較好😀

難得到大圍 當然要上網睇下有咩必食既小食啦！上網見到好多人介紹依間手撕雞腸粉，位置好方便，當日下午去到，都有幾個人排隊於是我地就叫左個小辣手撕雞腸粉，腸粉好滑，因為即整既關係，要等一陣，不過好快就有啦，腸粉好滑，加入大量麻醬，再加小辣吊味辣得好過癮～～～

手撕雞腸粉 ($28)久仰大名的手撕雞腸粉，既然來到大圍就試一試。店舖標榜用上傳統石磨磨製的芝麻醬，雖然有較香的白芝麻味，但比平常的麻醬相對較稀。辣度由不辣/BB辣至勁辣都有，任君選擇。因我不大能吃得辣，選了小辣。這裡的辣是帶點酸，小辣加上較稀的麻醬汁，味道其實有點單薄。幸好手撕雞和腸粉均嫩滑又足料，$28一大盒已經夠飽肚當一餐。手撕雞果真是一絲絲的白烚雞肉，但不會鞋口，反而更有層次口感。而腸粉雖不能跟腸粉老店如深水埗合益泰的豬油香滑溜腸粉相比，但也不會過油或者糊掉，算是不錯。相信這小食靈感來自排骨陳村粉，小店能好好加上自己創意成為一道人氣小食，雖沒有想要encore的好吃，但也值得一試。-華輝小食大圍道71號富嘉花園地下28號舖(大圍站A出口)1000-0030

今日難得放假，同女朋友喺沙田 Shopping 完就特登去左大圍睇下有乜宵夜好食。大圍火車站出口直行就見到有一間小食店，夜麻麻門口重企左好多人，好似有金執咁。為食又八卦嘅我又點會執輸，梗係第一時間拉住個女朋友沖去睇下啦。見到個個人都攞住個牌等嘢食，我就知一定無死錯人一定有好嘢食，我就即刻行咗去睇下個餐牌，見到嗰度貼左好多手撕雞嘅相又見到人哋拎住一盒盒嘅手撕雞走，有得食又點會唔食嘅我又點會執輸，所以買左一盒返屋企慢慢嘆。手撕雞辣度都有好多款揀，而我自己就叫咗盒少辣加腸粉。手撕雞雞肉出奇地好滑，配上麻醬真係無得輸，而且份量不少都只係 $30。

今日同男朋友出街出夜左。。。返到去附近已經冇乜嘢食可以揀所以就揸咗車去咗大圍啲深夜小食店睇睇～頓時突然諗起朋友之前推介過大圍嘅手撕雞即刻衝去試試～結果叫咗一個手撕雞腸粉同男朋友share落單方式都幾好 系叫完個嘢食會比部機你拎住等到部機響 你先去攞嘢食～等候嘅時間就可以四圍行吓一食落口 真係不錯呢啲汁非常足夠 啲雞同腸粉都好滑～不過最好嘅事系間鋪頭開到好夜 12點幾之關門夜咗返屋企都唔怕無宵夜食kakakakaka如果夜晚又肚餓又經開大圍都值得一試嘅

啲阿姐做野冇效率，儲埋一批客一次過整都忍唔緊要點知儲完客仲要分類別，次序如下:1)手撕雞飯 (唔辣)2)手撕雞飯 (辣)3)手撕雞腸粉 (唔辣)4)手撕雞腸粉 (辣)等左兩三個字先岀完佢上一round啲單 先開始接新一批order 然後再分門別類 我排第三個但買左手撕雞腸粉 (辣)即係要等佢接晒order 再整完頭三輪先到我呢批又要等多半個鐘，俾錢同阿姐講，只係推卸話唔好意思入面既人新黎但明明就係見住收錢呀姐負責分單，完全冇諗住改善講返食物，味道ok la不過不失，冇特別岀色但咁既時間完全唔值！唔講仲以為去左排咩新推介隱世美食

不少人談及的華輝小食的手撕雞小食，我一直都未吃過，就算最近數次途經車公廟都沒買來試試看。朋友知道我一次也沒吃過，專誠下班後替我買。😀不過我沒有叫朋友買這裡皇牌手撕雞腸粉，因為怕冷掉變得難吃，始終有一段路程，故最後選了手撕雞撈麵。價錢來說這撈麵不便宜的說，30元小小的一碗，不過雞肉份量還好，比想像中多。雞肉挺嫩滑，加上香口的芝麻蠻惹味，不過如果辣一點更好。至於麵底略嫌過乾，且沒有甚麼汁，吃得一點都不過癮。

經過大圍就試下一直比人吹棒嘅手撕雞腸粉啦，我買咗中麻辣，全醬等咗五分鍾(算快)首先，雞係凍嘅，腸粉就夠熱麻醬好多，同麻辣味好夾本身自己食得辣，中麻辣完全無料到(感覺係半茶匙嘅桂林辣椒油嘅辣)整體係好食嘅！但係$30嘅價錢，份量偏少唔算抵食囉，未食過嘅可以試下但係一定唔會專登去食

趁放假，專程入大圍搵好野食。好耐之前都聽過呢間手撕雞唔錯，所以決定一試。行左幾轉見冇咁多人排隊就去咗買，然後拎住牌仔等左大約10分鐘就拎得。買左手撕雞加腸粉（BB辣），有啲失望係完全唔辣，小小嘅辣味都無，淨係食到麻油味！30蚊一盒嘅手撕雞，俾咗好多雞皮，雞絲係極少！！絕對係名過其實！腸粉嘅味道都算OK，但成盒加埋就絕對唔值呢個價！真係好失望！再者我去買嘅時候其實已經唔係咁多人，但啲店員個個都冇乜禮貌，呢個價錢呢個質素絕對唔值！

今晚接老公收工 同舊同事一齊食宵夜大多數同舊同事都會係華輝食手撕雞撈麵 因為真係整得好好味😬仲可以揀咩程度既辣我本人最愛食辣 無辣不歡 即使我有左bb🙈平時食開手撕雞撈麵 今次叫左中辣手撕雞腸粉老公每次食都要加底😂😂一打開個盒 好失望😭手撕雞縮左水 少左好多仲加左價😭 不過味道一樣好食 辣度適中 雞好嫩腸粉淋左少少 個麻醬好香 但唔知係咪食慣重口味覺得咸味唔太夠 總括 雖然冇之前甘多手撕雞但都影響唔到我下次既來臨....食得好開心每次黎食 都可以開張檯俾我地堂食 😁就算要等幾耐 都會照等

近期也算大熱的手撕雞腸粉，下單後會先拿到一個電子牌，待其發出震動後就可以上前付錢再把腸粉拿到手。雖然人不算少，但等候時間也只不過幾分鐘，尚算快手。.腸粉在下單時可選辣度，程度由BB辣到地獄辣也有，對於不會食太辣的我來說，BB辣已足夠，既有辣味又帶出惹味感覺，但食得辣的朋友當然可以挑戰更高辣度。.手撕雞肉質幾嫩滑，而且不會好多肥油，味道還不錯。不過腸粉質地有少少淋身，應該蒸得太久吧，但配上濃稠的麻醬味道還可。整體來說兩樣食物配搭出來的效果不太突出，但也可以一試。

去大圍點都掃返一兩樣嘅，咁今次就試下呢個近年都幾出名嘅雞絲腸粉啦麻醬為主，其次係麻油、豉油同辣油。麻醬非常非常之香，可能因為都有落麻油啦但味道唔太出有啲淡淡哋咁，唔夠咸香！呢個個腸粉真係真係好滑，份量都多應該有4條腸粉(係入面整睇唔到剪佐幾條)雞絲本身應該只係輕輕調過味，所以雞味都重而且唔會好咸咁。雞嘅份量都正常不過有4分1係雞皮。如果雞皮做得爽啲會更好！整體味道都唔錯，份量都合適不過味道有啲淡姐。