華輝小食 (已搬遷) 新店位置

曾經有一陣子，很喜歡在週末去到大圍買餸。快快趣買完，再整份外賣，就可以開開心心地回家或是繼續當日的行程。平時，都發現《華輝小食》這店總有長長的人龍，但因為阿仔喜歡食牛肉飯同埋許多時都買完野後有下一場，所以一直都沒有食。而這一天，準備買完野就回家了，就決定來《華輝小食》買野食，買盒馳名的手撕雞飯回家吃。更正，當日我買的其實是手撕雞麵。這是一個即叫即做，製作需時的美食。所以一落了單，店員就會給你一個震震器，當手中的震震器又閃又震時，我點的手撕雞就 ready 了。回到家，我急不及待去打開我個飯盒了。充滿雞肉香，看起來有點微辣的手撕雞麵，已經讓我知道這將會是一個很好味的美食。連皮的雞肉，十分之香滑，微辣的醬混合了公仔麵，更突出其香口的味覺感受。由第一啖好味到最後一啖，果真是美味。小店曾經因為種種的問題結業過了。如今，轉了入大圍墟內的小街繼續經營。味道不變，人情不變，人龍也沒有變。

大圍真係好多雞食，之前就係漢年食咗雞飯！呢次就試埋佢地大圍名物手撕雞腸粉！總結咗兩次食華輝小食既經驗～推介比大家！【手撕雞腸粉】我覺得係食得唔夠辣呢，會覺得唔係好特別，如果食得辣既話就會覺得好惹味啦～我第一次去既時候係食BB辣，覺得係好普通既腸粉。但之後食咗中辣定死獄辣，我覺得係好惹味好惹味！！同埋佢辣得好香好正！同埋佢係無得坐係到食既，所以呢如果唔係住附近既人可以買過附近既公園到食！咁就舒舒服服食到啦～總結，正！ 好彩唔洗執！！

華輝嘅手撕雞腸粉就食得多, 原來前排仲推出脆香豬仔包！即係我最愛嘅奶油豬。 價錢仲相當親民, 一隻有底面兩塊, 賣$10！！比中環勝香園平足一倍喎, 行過路過好難唔買返隻食下o者。雖然奶油豬烤得乾脆係重點, 但之前食過一啲係脆到整片硬掘掘, 食落去口腔都刮到損晒。呢個我覺得烤得恰到好處, 外層夠脆, 中心位置 保留一點軟心。奶油份量不會過多, 香甜酥脆 食到停唔到口！！不過呢個鋪位只係開到3月24日, 新鋪將會搬到附近嘅積壽里。

今日下午5點只有一個人比緊錢買嘢，竟然冇人排隊，企喺側邊等食物就有3個人，我抱住BB諗住冇乜人，過去買咗手撕雞腸粉+粢飯，買完之後，後面有6個人排隊，我企喺側邊聽到D人都係買手撕雞腸粉+燒賣、手撕雞腸粉、手撕雞撈麵呢D，等咗15分鐘左右，我覺得唔對路，排我後面D人都已經拎曬食物走了，再過多5分鐘，即已等了20分鐘，只淨番我和另一個買3盒外賣嘅喺度等緊，我忍唔住上前問下收錢嗰個阿姐我D嘢到未(係有禮貌地問，冇動氣的)，但竟得到以下對話😒！阿姐好唔耐煩咁答我：『而家咪嚟緊囉！』我：『咁麻煩你，唔該我想加D甜醬』阿姐即刻好唔高興咁話我：『我哋D腸粉唔落甜醬㗎喎！』我：『下？我一直買開都有加㗎喎⋯⋯』阿姐繼續好唔高興咁話：『咁你落單嗰陣唔出聲？宜家又要我打開個蓋去加醬！⋯⋯⋯⋯⋯⋯』阿姐一直喺度話我唔早出聲要加甜醬，直到佢見到老闆娘企咗喺佢隔離，佢竟然笑笑口爆咗句：『我都係提醒下你啫！』我：『唔該你喎！不過如果你心情唔好就唔好返工喇！』🤦🏻‍♀️呢D阿姐真無敵！如果落單時一定要講埋要唔要甜醬，咁其實你哋喺問客要唔要辣嗰陣都可以問埋！重點係唔應該咁樣去怪個客！！等嘅時間已經夠長！服務態度又差、食物

While in Tai Wai, boyfriend wanted to try a popular street food he read about here. 華輝小食 is a take away only stand that sells hand shredded chicken over rice rolls.Menu is in Chinese only. There is no English and no 10% service charge. They sell other street type food but their most popular item is the hand shredded chicken. Yes, western countries have hand pulled pork. Here we have hand shredded chicken. You can choose how spicy you want it as well. Or not spicy at all.Upon ordering , we were g

大圍出名既手撕雞腸粉 將會係月底結業😫😭不過係佢仲開張既時候 緊係要試一試招牌🐔🐔🐔🐔手撕雞腸粉😋😋😋😋手撕雞有得揀辣度🔥🔥🔥我呢個係小麻辣 有小辣同小麻辣揀😋😋😛😛我個人鐘意小麻辣多d 個味有小小似口水雞果種味32蚊 份量好大 一個人食可以當飯食😍本身有麻醬係底 如果唔要記著要order 果時 講定👍🏽👍🏽腸粉份量都好多 比較幼身 多層 沾醬一流👍🏽👍🏽👍🏽👍🏽

喺唔同社交評台都會見到嘅人氣小食-手撕雞腸粉終於擺到落小妹口喇😂😂。話說呢間華輝小食近排話未搵到新舖唔做住，所以喺三月會結業。咁小妹我就執埋個尾彩，試下手撕雞腸粉啦🤤🤤✨手撕雞腸粉對於小食黎講確實有啲貴🧐要成$32✨但係等候嘅時間比想像中短，等咗15分鐘左右就有得攞。✨小妹我就加咗底，用$10買多啲手撕雞。✨味道黎講，小妹我覺得無乜驚喜，手撕雞同腸粉味係分開。而腸粉仲鹹咗少少添，下次食可以叫佢少醬🤗🤗✨除咗腸粉，我地亦都嗌咗$20魚蛋燒賣。魚蛋反而更出色，食到少少陳皮味，而且個汁都好入味🤤🤤

哩間係大圍開左2,3年既食店,一開始時我已經知道佢既手撕雞飯好好食, 好彩果陣未出名, 仲未洗排隊~不過過左一排,佢就出曬名, 由朝到晚都大排長龍! 老實講我比較鐘意佢既手撕雞飯多過腸粉,因為價錢上只係差十蚊左右, 但係就會飽肚好多, 所以我比較推薦佢既手撕雞飯, 近期聽聞佢三月會汁粒, 所以未試過既朋友快D去試啦~!

為何深夜總是特別餓？🐷大圍入夜後 一出地鐵站 已經好多小食等住你😝呢間賣手撕雞既小食店好易揾 因為門口一定會有班人等緊手撕雞用秘製醬汁嚟醃 😍除左有麻油之外 仲有小小麻醬味上面有白芝麻 令到手撕雞多左個口感 而且帶到香味出嚟由於淨係想食雞 所以叫左半隻雞 份量好多😎下次先食手撕雞腸粉手撕雞可以自己揀辣度 有原味 BB辣椒 小辣… 最辣係地嶽辣👹如果怕辣又想吃辣既 可以揀BB辣 今次男朋友揀左小辣 都真係幾辣我諗食BB辣 雞肉既味道會更加出👍🏻

呢檔大圍名物 - 手撕雞腸粉，不敵昂貴嘅租金，做埋呢個月尾…就會講聲再見用麻辣手撕雞當小食掃街佢哋可以話係始祖，而將腸粉/撈麵擺埋一齊…原來係咁夾！麻辣level會好食食雞煲咁有7級選擇，小弟一向唔好辣，揀咗BB辣感受下！而手撕雞夠新鮮，冇雪藏味，肉質好嫩滑，雞皮夠香，落埋麻醬夠晒惹味好食！老闆娘話最近已經物色緊新嘅鋪位，相信好快會回歸，到時會再同大圍嘅街坊居民…仲有各位假期紅日入大圍踩單車嘅朋友見面。

手撕雞腸粉 $32喺小店結業前終於食到呢到最出名既手撕雞腸粉！相信基本上黎得呢到既都係食呢個架啦😬本身都唔抱好大期望 聽唔少朋友講其實唔係特別好食 果然無期望就無失望 反而對滑溜既腸少表示驚喜🤩麻醬再多啲濃啲就仲正啦🤤小辣食落有明顯辣度 但覺得辣味同麻醬唔太夾 可能原味仲好食！.呢個份量黎講 價錢唔平 排左都有十分鐘 不過趁結業之前食返次都值得既🤓

今日放工屋企冇煮飯我就去左樓下間華輝小食買野食我就食左佢推介果個手撕雞飯 加杯紅茶就42蚊 價錢都算平 返到屋企一打開都幾大盒 仲有菜D手撕雞都好足味 但稍為喊左小小整體黎講我覺得都OK 性價比合理 但聽講好似就黎執粒

睇到有消息話大圍名物手撕雞🐥做到3月唔做，呢間鋪頭最出名嘅係手撕雞腸粉，而且佢係石磨芝麻醬，特別滑身，撈埋老闆秘製嘅辣味 係幾正。不過其實手撕雞配撈麵都好好食，有時都會買半隻返屋企做餸添，佢嘅雞肉比較嫩滑，真心好好食。而這間舖近地鐵，平日開到好夜 以前放工收夜都會食，佢有成八款辣到咁多，bb 辣 小辣 中辣 地獄辣我都試過最啱食嘅係中辣，地獄辣雖說就冇想像之中咁辣，而且好過癮，但係平時食晏或者晚餐食嘅話建議都係揀返中或小，唔會蓋過咗啲醬汁嘅味道。好消息係問左老闆話搵緊舖，遲吓都仲有機會食

作為一個大圍人，冇可能未聽過華輝手撕雞呢個大名，但就係因為同住既地方距離太近，好少機會專登買黎食，今日早左放學，經過見冇乜人龍，所以就買左盒番屋企食，叫左bb辣度，辣味真係唔太明顯，中意食辣既不坊直接叫中辣或大辣，有咁高既人氣確實有佢既原因，雞同腸粉都好滑，非常值得去排隊食下！

聽講手撕雞腸粉就嚟要暫別街坊，所以梗係要再幫襯下😤 其實平時我唔係特別鐘意食腸粉，但係自從食過一次之後就周不時會想食，就係有依種無言既魅力。.每次經過都會見到好多人排隊，由之前係叫號碼到依家有機仔，究竟係邊個諗到可以用手撕雞配搭腸粉😍 .記得記得點都要嗌辣！通常我都會嗌少辣😚 同麻醬撈埋一齊簡直係perfect match 而且雞絲都真係啖啖肉好足料仲好嫩 腸粉都真係唔會散開😍 食下食下就食完一盤🙈.好可惜係月尾要暫別😢 大家快啲把握機會去食😚 期待佢再回歸😤