華輝小食 (已搬遷) 新店位置

哩間老字號喺網上有好多人大推，有日7點幾經過已經冇曬…人手得一位，所以出餐真係好慢，等咗有半個鐘雞肉都算滑，造工唔錯，加上甜醬、芝麻醬、食唔停口黐飯不過不失，正常口味竹蔗茅根有埋料喺樽入面😂

晚上經過大圍，第一次買手撕雞外賣，準備叫嘢食時，他的態度我已經不是很友善。手撕雞撈麵外賣，小辣配燒賣。回家打開時，很多辣椒絕對不是小辣，而且盒內沒有燒賣，一盒$54的手撕雞印尼撈麵，絕對不會再幫襯。再說說那個女人的態度非常惡劣！！點餐過程非常不愉快。如非必要，我絕對不會再光顧！！還好我的數學好，心裏已經計好$54，可是她故意計多我的錢，還說我沒有說清楚，面色和語氣非常不討好。最後取餐的過程，我看一看他的臉口，心想，你不想做生意就不要開門了。

第一次堂食，入門掃晒針咭，之後問個店員堂食係咪落單先，佢就大聲呼喝：「我以家做緊野唔得閒！拍左code，掃左咭同量體溫先！」心諗你真係好專心做野bor，有客入左黎掃晒針咭都唔知？？？個時仲要冇人排隊。好喇到食完喇，行到門口又係同一個店員大聲呼喝：「阿先生！食完要自己清喎啲垃圾！」我：「下？要自己清架？」阿姐：「係呀！」然後佢指住牆上面你唔講我都睇唔到既細隻字話：「你睇下個到寫住架」以前只會買外賣，第一次堂食就感受到呢間野既待客之道，以後有得揀都唔會再幫襯。

相信大家都唔陌生，放寬有晚市堂食之後，依然係勁多人排隊食，就知道佢係幾咁有魅力啦🫣🌊喜歡就記得Share/Bookmark🔖#小胖遊大圍🐠 —————————————————🔹手撕雞腸粉 $38 (另加芫荽 $10) 手撕雞啖啖肉，肉質唔會太鞋口🐔份量都算多！點了BB辣🌶唔會太辣，食落又會有個種麻辣嘅香😚個人認為有辣真係正好多，惹味啲，就算唔食辣都會覺得過癮😛腸粉夠滑，配埋豉油同麻醬，重口味嘅你一定鍾意食🥢芫荽控要試！🍀加咗芫荽之後，成件事更加香，多咗一分小清新，所以芫茜又叫香菜😂，但加$10就貴咗啲囉🥲(試下返屋企自己加😂） 除咗腸粉，仲可以配白飯🍚或者印尼撈麵，但係手撕雞本身夠濃味，而印尼撈麵都偏鹹，就唔建議太呢個組合🤣—————————————————🧜🏻口水度：🌕🌕🌕🌕🌘🤑性價比：🌕🌕🌕🌕🌑🧚🏻打卡值：🌕🌕🌑🌑🌑🥰舒適度：🌕🌕🌘🌑🌑🤤回頭率：🌕🌕🌕🌕🌖.♟Overall♟間唔中就會心思思想食，晚餐加餸之選/直接啪一盒雞飯$38都唔算貴，仲係無骨🦴啖啖肉😋好辣嘅你仲可以挑戰18級地獄辣🌶，唔食得辣可以揀原味你預咗要排隊同等🦥

📍 📍 華輝小食 (大圍)大圍積福街積壽里4D號地舖個個都稱佢係大圍名物，咁黎到大圍就買買盒手撕雞。👉 手撕雞1/4隻💰45😋😋😋.8/5外賣盒嘅份量，有一大堆手撕雞肉，底下就有雞腳住，辣度可以自己揀，我揀左地獄辣個frd揀左中辣，地獄辣食落都唔得辣🤣🤣整體嚟講味道ok，但未至於特別驚喜回頭:maybe食物唔差但又唔會專登入大圍食，經過可以食下#kermit食在大圍

呢間小食店長期多人每次排最少都要等15分鐘。大家要有心理準備。今次嚟朝聖嘅係手撕雞腸粉$35。麻醬調味唔錯，腸粉好滑，自己一個可以食晒成盒。另外叫咗佢嘅沙薑雞腳，不過煮得唔係好淋身，唔係好推介。咁到底值唔值得專登嚟買？我覺得經過開都可以食下佢嘅手撕雞腸粉。

入開大圍，順便買盒手撕雞返屋企加餸。雖然出名嘅手撕雞腸粉，但考慮到搭車之後腸粉凍晒，會無咁好食就淨係買手撕雞。👉🏻例牌，小辣 $45 //🌶辣度分七級，唔食得辣可以揀原味，嚐辣嘅人可以挑戰地獄辣。一個外賣盒嘅份量，面頭有一堆手撕雞肉，底下就有雞腳墊一墊。嗌咗小辣都有少少後勁，就咁食或者撈飯食都ok🍚。當日5點半左右去買，都見有十幾個人排。店員唔多，加上手撕雞應該係（無親眼睇住）落單後再整，所以無論等畀錢定等拎外賣都要等多等。時間許可嘅話，都可以試吓呢個大圍名物。-

⭐️⭐️⭐️⭐️📍華輝小食 (大圍)~ 手撕雞腸粉 ($35) + 燒賣 (+$10)🍴為食妹今日為咗食搭咗一個半鐘車嚟到大圍，當然要試吓名物之一嘅手撕雞腸粉啦🤩一打開盒見到勁大盒，腸粉同雞份量差唔多一半一半超足料🤤，手撕雞都算幾滑同入味，唔會好鹹，就算係雞胸位都唔會柴口好食喎👍🏻，腸粉落咗超多麻醬、豉油同少少辣椒油啱哂為食妹口味😆，腸粉滑溜彈牙又唔會一夾就散，仲要幾掛汁，超級正😋😋，兩個人食唔使10分鐘清哂啱啱好朋友仔太肚餓仲加咗燒賣😂，大大粒都算彈牙，就咁食食到淡淡嘅魚味唔會好油，沾埋麻醬同豉油就更加滋味😚😚—————————⭐️⭐️⭐️⭐️💲

星期日我同朋友在中午三四點左右(下午茶時間)，踩完兩三個鐘單車，就去大圍港鐵站附近，試食傳說中的大圍名物：手撕雞腸粉。由於我不能食辣，所以選了原味，一份盛惠38蚊～ 可能因為政府派了消費券，老闆加咗3蚊價！(之前食評話35蚊一份)據openrice 同其他食評講，手撕雞腸粉點好食，但我果碟腸粉只有少少麻醬同死咸的豉油，個醬汁好難食！仲衰過普通豬腸粉！反而雞絲唔錯，幾好食！不過如果要38蚊的話，我不如去大家樂食全份公司三文治，加杯飲品，都唔使40蚊！我不會再試呢間小食店囉！

如果要食就預返多啲時間等 佢地係慢慢咁出俾你出餐同落餐都係同一個人 所以佢會有段時間去左出餐唔落單 預計排隊時間20分鐘 等都係20分鐘咁上下 多人就半個鐘以上 食物味道就幾好食既 我唔係好食得辣就會叫bb or少辣

叫豬扒包番到屋企，見到淨係得包， 冇豬扒。paid $28 😭 really bad... and no phone number for contact... 叫暖嘅無花果茶 最後畀咗凍嘅我

今日帶大家黎大圍掃街！街坊朋友半年前推薦嘅老字號——華輝小食，小編終於捨得去食了，食左兩淡後第一個反應係，果然係大圍名物！🌟甫度步就見店外有頗多人等外賣，加上製作食物需時，我地等左大概15分鐘先take到away，以為終於走得，點知收銀姨姨係手忙腳亂下比錯飯送我地，原本我地個盒又比另一位客人拎走左，無奈地又要等佢重新煮過，服務質素方面小失望。💁🏻‍♀️手撕雞飯(中辣) $45一打開飯盒就見到鋪滿白芝麻嘅金黃色手撕雞，撲鼻而來嘅麻油同辣油令人垂涎三尺，食指大動。對食開譚仔三哥中辣嘅小編而言，華輝嘅中辣真係難以駕馭，食左1/4已經流曬鼻水，但又辣得好過癮。如果三個嘅中辣係辣到痺，華輝嘅中辣簡直係辣到跳舞。幸好飯嘅份量夠多，同有甜嘅罐裝飲品坐鎮，辣味好快退。另外大部分手撕雞肉質鮮嫩，辣味唔會蓋過雞味，且份量多。整體而言，有挑戰性得黎又幾惹味，中意食辣嘅朋友可以試下！💁🏻‍♀️香辣雞翼尖(中辣) $25冷冰冰嘅雞翼尖，配上辣到噴火嘅辣椒油，冰火二重奏，幾刺激。雖然冰感已減輕了辣味帶來嘅麻痹感，但食左幾隻就感受到熊熊烈火直逼喉嚨，所以要不斷地食下停下再食。雞翼尖頗大隻，肉質飽滿。相較於熱嘅雞翼尖，

相信一講起大圍，大家第一時間都係諗起乳鴿同雞粥😂，今日就同大家介紹一個大圍名物-手撕雞撈麵。🌟手撕雞撈麵手撕雞係肉連皮，份量足，雞肉好嫩滑，完全唔覺得粗糙。今次就叫左小辣，辣得好惹味🌶️。麵底大約一個半營多撈麵，加上麻醬同鼓油撈埋，真係一流。可惜缺點就係鼓油蓋哂麻醬既味道，味道濃到有啲膩。另外，手撕雞腸粉都係唔錯既選擇，大家黎到大圍可以一試👍，餐廳附近有單車店，大家都可以食完同三五知已踩下單車🚴🏻。

今次去大圍做野，因為比較少過黎呢邊，當然要揀啲名物試下，呢間華輝小食係大圍都算出名，最出名係手撕雞腸粉。夜晚6點幾去到，已經要排隊，有一條人龍，不過好彩出野食都算快，整體唔算等得太耐。🔎手撕雞(例牌)由於屋企距離大圍比較遠，如果叫手撕雞腸粉返到屋企會凍曬唔好食。所以我就揀左手撕雞only~手撕雞叫左少少辣，但辣度都比我想像中勁🥵🥵，不過係可以接受到，唔會話完全食唔到既辣。雞肉都算滑，份量唔會話太少。

華輝小食星期六約咗幾個老友去大圍踩單車，起程之前，梗係要醫飽個肚先啦。 我地見華輝小食近近地，就幫襯下啦。係大圍住既朋友應該都知道呢間小食店主打係麻辣手撕雞，配搭撈麵，飯或者腸粉。由於同行大部分係唔食辣既女仔，咁我地就叫咗一個手撕雞撈麵同腸粉。餐廳衞生情況一般，店員唔會主動去抹枱，而食完既食物同餐具都係靠客人自動自覺拎出去扔。落單冇耐就有得食！ 估唔到呢間小店都幾足料，手撕雞同撈麵既份量係一比一。撈麵質地偏硬，如果唔鐘意太硬既朋友可能要係落單既時段講清楚。調味就正常營多撈既味，不過不失。而腸粉方面，份量都好足夠，腸粉口感滑溜，唔會太厚身，可惜一夾就散開，有少少扣分。食腸粉當然唔少得甜醬麻醬，麻醬香味尤其突出，應該仲落咗少少麻油，加埋芝麻，好香好好食。最後梗係要講主角手撕雞，雞肉都好嫩滑，而且有啲連皮既雞肉，食落有少少油脂，香味更濃郁。但調味方面有少少重手，BB辣都有少少刺激，而且食到最後雞肉會溝埋腸粉既鼓油同麻醬，所以都好膩，建議雞肉同主食可以分開放。