華輝小食 (已搬遷) 新店位置

腸粉夾手撕雞估唔到咁好食！夾得非常好利申，我本身唔食花生醬既，但我覺得呢個好花生醬好得，因為佢同手撕雞個辣醬好夾！好香，所以連我呢個唔好花生醬既人都覺得好好食！推薦，腸粉亦好滑！手撕雞例牌都幾好食！好香麻油不過今次食偏鹹，下次可叫佢小鹹~洛神花茶就正正常常，28蚊都算大樽既！

以前嚟大圍一定會食華輝，果時未搬鋪無得堂食，但我同朋友都會買外賣之後搵地方食，以前食物好有水準。搬左新鋪雖然有位可以坐低食，但枱櫈完全無人清潔好污糟，老實講，入到去見到就想走，但既然一場嚟到諗住照食啦。點知落單個女侍應好似心情唔靚咁....叫完坐低食，食物又大不如前，啲腸粉無以前咁滑，醬汁落太多，食到底係油浸，同以前完全係兩回事。食完仲要記得自己拾返檯，我地無留意就俾個女侍應叫住(語氣非常唔友善)叫我地食完拾返張檯先走。可能佢地人手有限啦，但食物差左咁多，環境又唔好，無服務之餘仲要受氣，真係食得好唔開心。唔知咩原因，以前明明做得好好地，會唔會係轉左手？定真係純粹質素下降？只希望可以改善下變返以前咁啦，好嘅餐廳已經越嚟越少好懷念。。。

用左咁耐OpenRice 第一次覺得要寫食評 「表揚」依間名店買左手撕雞粉 同粢飯 ，個粢飯冷冰冰 ，咪問有冇熱少少？阿姐態度極惡劣答：個個都凍架啦 係咁食架啦 ！我再問 有冇豉油？阿姐態度仲差 ： 個飯有味架 洗咩要豉油呀！再想拎隻碟仔 有時驚跌到落枱 ，阿姐答：手拎咪食到囉 無碟架！做左3x年人未食過冰凍粢飯 想要熱少少 原來係錯 要受氣 。我一向鍾意加少少豉油 會好味少少 原來要受氣 都係唔比你 最後 ，我咬左一啖 ，又凍又難食 ，扔落地即走人 當跌錢 我見到好多街坊黎買 想問大圍街坊係咪鍾意受氣 ？

說到大圍名物，應該💡想到華輝小食的手撕雞腸粉吧！這家店已經在大圍屹立多個年頭，因為這個手撕雞腸粉而成為🔥人氣店雖然是一個沙田人，不過這些年來從來沒吃過這個名物😅，這次就來試一下啦！麻醬手撕雞腸粉 $35既然來到當然要食手撕雞腸粉咯～ 點了個原味，但如果你喜歡💕吃辣的話就可以按照個人喜好揀選辣度🌶，由BB辣到地獄辣，不過記得按能力挑戰啊～點餐後店家會即時製作美食，所以記緊耐心等待😌 雖然店家設堂食，不過無論客人堂食或外賣，一律使用外賣🥡盒盛載，感覺不太環保♻️來到戲玉🌟，份量不少整個外賣盒，雞肉跟腸粉各佔一半👐🏻，雞肉肉質結實有調味，腸粉未算滑溜，吃不到有沒有米香味🤷🏻‍♀️，因為特調麻醬跟豉油味實在太濃太鹹了！🤮  壓根兒🙅🏻‍♀️吃不到麻醬的香味，加上雞肉有醃製過也是鹹的，好像吃一樽鹽🧂似的怎麼大家都把這個推介成名物呢？🤔 在的而言這個配不上這個稱號呀～ 還害我即時去買飲品喝來沖淡殘留口腔的鹹味😩這家本位與火車站🚉不足三分鐘的路程，本是一間普通的港式小食店，就是因為這個㊙️手撕雞腸粉而打出名堂而且店家提供的小食款式超多，不吃這款或者份量不夠可以再下單，絕對會看到眼花撩亂😵‍💫剛才說過這店一律

聽網上啲人話手撕雞腸粉好好食好正🤔🤔，去曬朝聖我哋就叫咗BB辣🙆🏿🌶唔知係我哋問題定點，食完覺得個味好複雜😨🤔個醬好鹹不過麻醬幾濃 手撕雞同腸粉都okay嘅😝但夾埋一齊食怪怪地🤔🤔而兩個人食一盒都有啲滯👁可能期望太高啦😣

眾所周知大圍呢度嘅手撕雞腸粉好出名，今次我揀咗手撕雞腸粉加雞、走芝麻、bb 辣，超級邪惡之選，腸粉好滑，手撕雞好入味，如果唔加雞，我覺得唔夠食，所以每次嚟呢度叫外賣都會叫加雞，我係由舊鋪幫襯到新鋪嘅忠實fans，有時夜晚突然間都會掛住呢度嘅手撕雞🐔由於我唔食芫荽，如果有鍾意食芫荽嘅朋友，可以嚟呢度試吓呢度6點後冇得堂食，只做外賣，營業時間至凌晨兩至三點，絕對係好啱我哋呢班食宵夜人士享用。營業時間及有關外賣詳情，麻煩自行聯絡餐廳，多謝收看！

講起大圍美食🍴第一個☝🏻想起一定係手撕雞🐓腸粉，今次去開就一次過試埋啦🙋🏻‍♀️👉 手撕雞🐓腸粉($35)同行的哥哥唔食得辣🌶所以點左BB辣🤣，唔知係咪為左節省洗碗💦時間，堂食都照用發泡膠盒🥡有d唔環保♻️🤔腸粉🥢滑lulu夾埋邪惡到爆😈麻醬，唔怪得知咁多人山長水遠🦶🏻來食啦🤤不過d手撕雞就略微🤏🏻遜色左，肉質偏嚡熠熠🤫，同滑的腸粉唔夾之餘仲突出左佢的嚡🙃

大圍真係好多好嘢食，但當晚太夜又唔想食太飽，搵咗陣決定咗試吓好出名嘅手撕雞腸粉！叫咗一個中辣手撕雞腸粉，真係唔錯，估唔到原來腸粉隻醬同手撕雞嘅辣醬真係幾夾，腸粉嘅麻醬甜醬味中和左手撕雞嘅辣味，令到成件事都好夾，而且佢雞肉嘅份量都好多，啱晒我呢啲鍾意蛋白質嘅人！😛但朋友覺得太辣😂依排潮流興食芫荽，所以都叫咗一個加芫荽嘅(+$10) 加咗芫荽，就更加中和到隻辣，就好似平時食雞煲上面嘅芫荽咁，都係爽脆既，而且都係新鮮嘅，唔會有怪味，不過相比之下，我自己鍾意食原味多啲！不過兩個人兩份當正餐就有啲重口味😂食到後段覺得好油多啲人share食應該會好好多😂

準備踩單車就係隔離食完就算、見到門口有啲飲食雜誌嘅推薦，感覺上應該唔錯全部用一次性飯盒、餐具其實真係好唔環保🙃點左一份撈麵雞絲加大 BB辣$45雞絲撈麵唔夠味同、麻麻哋一般般，但係唔知道點解有雜誌推薦、可能我先入為主喇，實際味道無期望咁好食好失望最後要自己執飯盒掉出去門口、如果要計算味道 服務 $45都係幾貴😅😅

呢間大圍名物由中學bookmark到宜家大學都讀咗一半（佢由舊鋪搬埋新鋪），終於食到，果然無令人失望呀p新店有得堂食，大概三檯，嗰日突然落大雨，老闆仲好熱情友善咁叫我地坐低食埋先走～(^з^)-☆；手撕雞腸粉 $35份量極大，腸粉夠滑，雞肉調味啱啱好，整體食落有啲似雞絲粉皮，好惹味。腸粉索曬啲石磨芝麻醬、辣汁同埋豉油，蒜/麻油味非常香，不過bb辣就無咩味，而且食到底有啲太鹹，儘快食完最好。• 有七個辣度可以選擇！• 撈麵係營多撈麵，不過好鹹，都係腸粉好食啲• 大圍站行3分鐘就到，超方便！

/ 為何深夜總是餓🥺？一到夜晚，又係食野既時候，同男朋友揸開車喺大圍，一於就睇下大圍有咩好食，最後我地見好多人分享呢間華輝小食既「手撕雞腸粉」，所以我地就每人買左一盒上車食🤣作為宵夜黎講，真係幾邪惡，味道都唔錯😋(可能本身好鐘意食手撕雞同埋腸粉，所以覺得配埋一齊都幾正)

有選擇嘅話千祈就唔好試，以前大街嘅時候啲嘢好味好多，搬咗之後每況越下，食物質素服務態度降到垃圾級別。啲手撕雞差好遠，腸粉冇咁滑。大圍已經開咗好多有質素嘅食肆，有好多選擇。

踩完單車肚仔餓🚴🏻‍♀️，食返個late dinner先~咁啱踩到大圍，試吓之前都聽人講過嘅大圍名物「華輝小食」手撕雞腸粉🥢，即使夜晚9點幾都有唔少人外賣！雖然小食店店面比較簡陋同污糟，又無人執檯清潔，仍然期待特色小食。不過結論係唔太啱我胃口🙈，自有欣賞嘅人支持。————————————————👅手撕雞腸粉（$35）🔸作為食辣廢JJ，我食左一啖BB辣都係辣到飛起，以下為J先生食後感👦🏻：辣油都幾香嘅，雞肉同腸粉都係正常水準，不過底下嘅腸粉浸住豉油同麻醬好鹹🔸另外加咗$10有6粒燒賣，較為一般👅手工粢飯（$15）🔸寫明係每日限量，但接近夜晚10點都仲有一大盤😂，拎上手size比之前食過嘅圓碌碌啲，係一手掌握嘅大細，每啖都食到肉鬆，中間包住菜圃同淋咗嘅油炸鬼，整體係預料之內嘅正常味道————————————————🚩總結：點到即止，試過就得———————————————— 🌟注意：門外有垃圾桶，用餐後要自己清理呀————————————————📍 華輝小食地址：大圍積福街積壽里4D號地舖.🗺地區：#bem大圍📥分類：#bem港式💰人均消費：#bem_50蚊或以下

大圍的華輝小食的手撕雞腸粉出晒名次次行過都排晒長龍作為香港芫茜黨黨員 緊係要試吓🌯🍖🍱🧆🍳菜式🌮🍙🥗🍕🍔（5🌕滿分）1. 芫荽手撕雞 $50 🌕🌕🌕🌕🌗芫荽鋪滿整份手撕雞！師傅落芫茜一d都冇手鬆！💪🏻芫茜新鮮 勁濃荽味！ 冇苦味！👅雞肉結實 彈牙！撈埋麻油、芝麻、花生 超級惹味😋平時有食三哥三小辣既朋友可以叫小辣更加惹味！惟一係挑食寶寶唔鍾意食雞皮🙈要自己挑🙈🤫

服務態度極差，我只係多口問多句，就大大聲串番我，好似欠左佢咁！咩態度？如果唔想做就關門大吉啦，對個個客都黑口黑面咁！呢2年d服務質素越嚟越差！食物方面: 黐飯係凍既又細份，兩啖就食完，重要無咩餡。。。可能放左全日個芯有dd酸味。手撕雞一個字形容: 咸！ ！ ！ d腸粉又唔係新鮮，一舊舊痴埋哂，好似放左幾日咁。環境方面: 唔太衛生，收完錢就掂d食物比客。望住個呀姐掂完個口罩直接掂落d雞到😨😰呢下真係以後都唔洗幫襯。。。