萍萍上海館

營業中

休息中

呢間小店想試好耐，每次經過都好多人，冇乜位！今晚差唔多八點先去到，幸運地即刻可以安排入座！一坐底 waitress 已經同我講，小籠包已經售罄🥲心想她怎知我想食小籠包😭😭那就隨便點了一碗四川擔擔麵配煙鴨絲春卷，估唔到都有驚喜春卷是即炸的，好香脆，煙熏味香濃，煙鴨肉質嫰滑，入邊仲有蘿蔔絲同椰菜絲，非常好味！四川擔擔麵，麵條爽滑彈牙，配料甚多，有傳統花生碎丶肉碎、榨菜絲、蔥花，香味四溢，略嫌花生味唔夠濃，但還是值得推薦見佢個餐牌，仲有好多款小食，下次會再來，希望能夠食到我最愛嘅小籠包另外想讚吓幾位服務員姐姐，全部都好有禮貌，態度好親切，語氣令人聽落好舒服，亦係會令我回頭幫襯嘅原因👍🏻👍🏻👍🏻

好過食茶餐廳下午茶系長沙灣真系無乜特別野食，食來食去下午茶都系茶餐廳，新華蛋撻都吾想食，行來行去，居然見到一間上海鋪，真系好耐無食啦！三點左右去到，得一兩個客，但外賣都好似幾多人叫。吾想食雲吞或者粗炒，就叫左兩個特色小吃，等左大概5分鐘就有豆沙窩餅（$38）4分- 打開仲熱辣辣，表面炸得金黃無過火，皮雖然有厚有薄，豆沙涵無渣同都好多，幾有豆香但甜度剛剛好，皮都吾算油。雷沙湯丸（$30）4分- 可能放系個膠盒，感覺好似好細粒，豆蓉粉比好多，湯丸皮薄無黐牙，芝麻好香

此店在openRice好評如潮，平，靚正，彷似就是為此店度身訂做的形容詞，身為上海菜控嘅揾食肥華，在6月4日滿心歡喜，滿懷希望今日會食到一餐有水準的上海美食，一入此店已感到不妙，因此店連一般上海館奉客的香片茶也没有，雖然望望菜牌此店嘅午餐及下午茶餐，真係做到街坊抵食價，但可惜除咗個小籠包和鮮肉鍋貼有一般上海食店水準外，其他今日我所點的菜色都唔合格，個四川担担麵個麵底口感似食梗韓國即食麵，酸辣湯麵個麵底雖然係正常嘅上海麵條，但個酸辣湯竟然有濃烈嘅蕃茄酸味，而非正常傳統酸辣湯味道，揾食肥華從未食過咁怪鷄味的上海酸辣麵，至於個客回鍋肉客飯亦没有濃油赤醬的回鍋肉，祇是一碟色香味都欠奉的椰菜辣椒炒豬肉片，而小雲吞和香酥豬扒是外賣給大仔仔的晚餐，肥華冇食過故不敢妄下評語，呢一頓上海食品餐最好味就係個杯隨回鍋肉客飯跟餐嘅豆䊢，起碼好味過威記粥品個杯豆䊢，經此一餐以後肥華再想食上海菜都唔會考慮此店😖👎😖👎😖👎

留意到長沙灣開咗呢間萍萍上海館，作為滬菜lover, 小妹即刻要黎試試，食咗下午茶。抵食程度非常高，不過味道尚可改善一下。首先 睇下招牌上湯小籠包4隻35蚊，個樣真係唔係好得，蒸過龍，個皮都變晒樣。發脹晒不太吸引，但食落個味係啱既，同正宗上海小籠包一樣味，而且都幾多汁，佢個餡都算新鮮既，係個皮的質感較厚。唔難食，但唔會特別推下午茶時段，分別叫咗上海排骨菜飯同酥炸雞扒飯，上海排骨菜飯中的菜比例較少，得面頭兩三條，撥開底下白飯為主但係份量算多，而且下午餐時段只係42蚊包老火湯同飲品，呢個價錢真係好抵！上海排骨即係炸豬扒，同酥炸雞扒比，後者係比較好味，肉質較鬆化，而佢既上海排骨同另一間深水埗福榮街上海萬家村比，我覺得呢度稍為好食少少，冇咁油，調味適中。兩款飯食落都比較乾，建議個湯唔好咁快飲晒，配住個飯一齊食比較好。另外叫咗招牌口水雞湯麵($40)呢個就冇老火湯 送嘞，見到面頭有芝麻醬都心知不妙，so far都好少見有口水雞有咁大量既芝麻醬食落唔辣，但雞肉肥膏多，肉質較韌較實，有陣時啲冰鮮雞整得好都可以同新鮮雞幾可亂真，佢呢個冇，感覺冇咁新鮮，如果呢個口水雞係有招牌兩個字，咁我有 啲擔憂⋯⋯湯

長沙灣小區真係愈黎愈多美食出現～呢期興黎呢區影花，影完過黎醫肚～萍萍上海館開藥唔耐，不過已經好多街坊幫襯假日等候時間約20分鐘左右～就算假期14:00依然係下午茶時間，非常抵食！香露醉雞湯麵 $40+ $9轉酸辣湯麵非常friendly 嘅配搭，$50有找醉雞係酒味濃帶咸果種，剛好我較喜歡呢派酸辣湯略嫌唔夠辣，但上海幼麵富彈性無糊掉，不錯！套餐包豆漿，凍檸茶就加$3蔥油拌海蜇$50 份量都幾多，睇唔出佢無咩色水又幾濃味wo招牌上湯小籠包 $35/4隻 呢個價錢同某某上海菜館無得比，勝在價錢平、肉餡唔散有湯汁～豆沙鍋餅 $38 口感較似班戟，唔係唔好食，但完全唔同傳統豆沙鍋餅口感紅油抄手$32 共5隻，係好食嘅蠔油調味菜肉雲吞，但少了紅油感～

今日放工係長沙灣搵食，經過見到呢間上海小館好吸引就決定入去試下餐牌有齊所有上海菜式價錢亦經濟實惠令我有選擇困難症回鍋肉菜飯回鍋肉好有鍋氣酸酸甜甜好惹味再加上清甜既菜飯健康得黎味道豐富上海菜肉雲吞 拼 四川擔擔麵擔擔麵湯底香濃，花生味好重係我喜歡既正宗味道麵條爽口彈牙，掛湯食得好爽快加上皮薄餡靚既雲吞好滿足招牌上湯小籠包小籠包即叫即蒸，好新鮮熱辣辣一咬開就爆出大量肉汁肉味好鮮甜非常高質炸銀絲卷銀絲卷炸得外脆內軟再點上煉奶味道好夾好好味

鍾意食上海餐嘅我最近樓下竟然開咗間上海小店，梗係立即幫襯下啦！食上海嘢唔使講，小籠包係必須嘅🤤呢度嘅招牌上湯小籠包相對比較大隻，四隻都係30幾蚊好抵食，下午來吃仲有午市套餐優惠，配四川擔擔麵夾埋都係50幾蚊，仲有豆漿送，真係抵食到癲🤩呢套小籠包都幾多汁，唔使點醋都好入味，飽滿嘅肉餡香甜嘅高湯肉汁，以呢個價位嚟講可以話係超水準👍擔擔面有少少辣，配花生醬湯底好夾，仲可以中和花生醬嘅甜膩，提升爽口度👏面嘅質地比一般白色嘅上海麵煙韌，個人認為好食啲！另外仲一口氣試咗上海生煎包、鮮肉鍋貼、北京水餃同埋香酥豆沙鍋餅，全部都係我最鍾意嘅特色上海點心😍最鍾意食呢度嘅鮮肉鍋貼，有少少厚度嘅皮煎得香脆，一口咬下還會爆出肉汁來！好吃😋另外這裏的熱豆漿也值得一讚，豆香十足，隔一會還會在表面形成腐竹，證實用料十足👍

老婆大人已經很久沒有吃她心愛的上海菜，之前看到食評，話這裏的食物價錢便宜，味道又好，今天便帶她來到這裏。招牌上海小籠包四隻$35，是即點即蒸的，需時約十分鐘，內裏的湯汁非常豐富，而且非常熱騰騰，小心燙口，加點浙醋和薑絲，非常美味。老婆大人覺得味道非常之好，連續追加了兩次。雪菜肉絲湯麵$55，雪菜不會過鹹，味道清甜加上肉絲味道更佳。蔥油拌海蜇$$50，海蜇爽口彈牙，蔥油香氣四溢。下午茶：排骨湯麵套$36，包熱飲：鴛鴦。排骨湯麵，排骨外脆內軟，肉質不會過硬，味道是正宗的，已經很久沒有吃過這麼美味的排骨了。幼麵的口感彈牙，一口排骨，一口幼麵，非常樂在其中。香酥豆沙鍋餅$38，外脆內軟，窩餅的皮稍厚了一點，如果豆沙再多一點，味道更佳。

呢排都無咩出去食野，今日出去長沙灣睇完醫生係附近是但食，見到呢間上海菜小店幾抵食咁😋lunch set 價錢好吸引 ，幾十蚊一個餐，包野飲。.🍴 北京水餃 配擔擔面 $585隻大大粒水餃配勁多麻醬既擔擔麵😋😋，湯底夠晒濃，麵條唔會淋👍🏼真心高質，+$3有凍飲。.🍴 福花炒回鍋肉客飯 $48 客飯種類繁多，叫左呢個好耐無食既 福花炒回鍋肉，除左唔太夠辣之外，個回鍋肉炒得幾惹味，夠晒薄身又入味。.🍴 小籠包 4件 $35見到台台都叫小籠包，搞到我又好想食，小籠包唔係個種超薄皮既，係好上海式個種，皮唔算簿，但爆晒肉汁。.🍴 香酥雞排 $25叫左個炸雞排配擔擔麵食，香脆可口，炸得酥脆好好食。.🍴脆皮素鵝 $50次次食上海野都必點，佢爆晒料好有誠意，睇佢啲冬菇係爆晒出黎🙈煎到皮脆岩岩好。.估唔到一間寂寂無名既小店都幾有質素，價錢仲要咁平，難怪咁多街坊排著隊幫襯👍🏼

好耐冇食上海菜，掛住d上海小食，見呢間萍萍上海館，價錢相宜，小店黎講款式種類都幾多。炸銀絲卷 $25口痕想食香口嘢，叫咗碟炸銀絲卷。睇佢金黃色嘅外表就已經流哂口水。外皮炸到十分鬆脆，包住入面軟綿嘅麵包芯，點埋香甜嘅煉奶食簡直係大滿足。招牌上湯小籠包 (4隻 $35)黎得上海餐館點會唔叫小籠包，呢度嘅小籠包，皮雖然唔係好薄，但湯汁同肉餡就做得唔錯。椒麻牛𦟌 $58重點喺個椒麻醬度，令到牛𦟌入口麻辣惹味，齒頰留香。黑醋魚柳 $65各款小菜跟餐有飯同飲品。揀咗呢款黑醋魚柳，黑醋汁香味濃郁但酸度唔會太強烈，同魚柳好夾又健康。飲品當然係叫豆漿，甜度剛剛好。酒釀桂花湯丸 $28食飽叫埋上海菜嘅特色甜品酒釀湯丸。糖水好香桂花同酒釀味，湯丸煙靭，仲包住滿滿嘅芝麻餡。。。萍萍上海館 (長沙灣)長沙灣青山道338號順利商業大廈地下A號舖。。

支持小店萍萍上海館地址：長沙灣青山道338號順利商業大廈地下A號舖餐廳充滿上海風味，裝修簡單，餐牌上有非常多的上海餐選擇，價錢比較大眾化，我們叫了兩個午市套餐。上海擔擔麵配紅油抄手 （豆漿）$58四川擔擔面不過不失，控油抄手辣味香濃。加入紅油，非常開胃。酸辣湯麵配上湯小籠包（豆漿）$58酸辣湯麵的味道剛剛好，好開胃，裏面有很多肉絲木耳及豆腐乾。小籠包外皮厚薄適中，裏面富有清甜的濃湯，及鮮肉。雞絲粉皮$48有很濃郁的花生醬花雕醉雞$58端上枱時，已經聞到好勁嘅花雕酒味，花雕酒味非常濃郁，仲要係雞髀，令我們食得很開胃。

✨長沙灣街坊小店🍜抵食上海菜😋✨————————————————————超抵食既街坊小店🥰外表唔係好起眼 但食物平靚正 好多街坊幫襯 午市去都坐滿亂咁嗌食到勁飽 都只係百幾蚊🤣————————————————————🥢午市套餐 $58🔸招牌上海小籠包 x4🔸四川擔擔麵🔸熱豆漿.呢個套餐可以自選一款小食 + 麵 + 飲品價錢真係好抵食😚小籠bell 熱辣辣 咬落有湯汁擔擔麵開頭以為會好辣 其實冇乜辣度 湯底幾濃郁有花生香麵幾掛汁 超大碗😂豆漿我覺得熱好飲過凍 豆香味重啲.🥖炸銀絲卷 $25 (8/10)平時嗌開炸饅頭😌第一次食銀絲卷炸得表面黃金好香脆 咬入去係麵包既口感 比較厚實重點係煉奶！炸野點煉奶冇得輸.🍺花雕醉雞 $58 (7/10)雞肉幾嫰滑 肉質岩岩好 花雕酒味超香濃！不過有啲太咸配湯麵食會好啲.🥠香酥豆沙鍋餅 $38（7/10）童年回憶 細個成日食🥰炸得幾酥香 滿滿既紅豆餡不過食多幾件會覺得膩🤣————————————————————📍 萍萍上海館 (長沙灣)長沙灣青山道338號順利商業大廈地下A號舖.🔺#littlefatwest長沙灣 🔺#littlefatwest中式

今日去左間食上海野既小館，就係青山道既萍萍上海館，鋪頭無好靚既裝，但就有好多食客。😂食上海野我一定要食小籠包、生煎包、鍋貼同豬扒。朋友又叫左啲佢鐘意既野食。小籠包啲人講小籠包要皮薄，用筷子夾起個掟唔會穿，呢度啲小籠包得呀。一咬開記住要啜哂入面濃濃嘅肉汁精華，味道好鮮甜。鮮肉鍋貼鍋貼好大隻又滿滿既饀，煎得脆之餘，呢個都係爆汁架。香酥豬扒 味道夠，豬扒好腍，出面就炸得好鬆脆。生煎包，細細隻。五香牛展，牛展用酸菜襯托，好特別又好食。朋友再叫左下午茶餐，炸銀絲卷、酸辣湯配豆漿。炸銀絲卷，有啲似炸饅頭，外皮炸至金黃色超脆，點埋鍊奶，勁正。 酸辣湯好足料，酸辣度適中。

見到Openrice介紹話好食，隔左幾日終於一試叫左午餐 上海粗炒＋＄12蚊轉酸辣湯 外賣＄60由於我冇乜食過上海野既關係，我唔太清楚上海野既味道上海粗炒食落去感覺係“粉”既味道質感唔會淋bet bet 還Ok入面有啲肉絲菜絲有味既但粗炒可能係粉所以入唔到味較淡一定要落埋佢跟比你既辣椒醬油咸咸辣辣咁至於酸辣湯唔似平時飲開個啲感覺佢有辣油同已落醋係入面我就比較鍾意平時飲開個啲都係個句，自己試過先知有冇人地講得咁好食我就覺得一般，下次可試其他菜式未至於一定要食，＄60蚊可以有更多選擇不過未食過既可以一試，始終口味既野人人不同

👩🏻試試呢間上海餐館，估唔到係筲箕灣阿翁廚房嘅姊妹店。同樣係食物質素高兼好抵食😋。🥢煙鴨絲春卷 配酸辣湯 熱豆漿 $38春卷香脆可口。除咗有煙鴨絲仲有清甜嘅紅蘿蔔、椰菜絲。餡料有好重煙燻香氣，比起一般上海三絲春卷更惹味。酸辣湯醋味重，辣度低，非常易入口。用料充足而且口感豐富。🥢招牌上湯小籠包 $35/4雖然唔算皮薄，但大隻多汁，而且湯汁鮮甜唔過鹹。豬肉餡鮮味又唔羶。🥢上海菜肉雲吞 $35/5雲吞皮薄重蛋香，餡料清甜鮮味。除咗豬肉、白菜，仲有爽脆嘅木耳絲。湯頭清澈帶麻油香，亦有唔少紹菜。