萬發海鮮火鍋菜館

營業中

休息中

今次一行六人去左呢間萬發海鮮火鍋菜館, 好多人等位, 我地等左30分鐘, 佢有2層, 每層都有好多枱, 我地被安排坐樓上, 但企响度等侍應執枱都等左5分鐘, 人來人往, 好迫... 諗好食乜喇, 同行友人舉手舉足10分鐘, 個個侍應行過都叫我地等等, 落單都要等10分鐘, 真係有D 忟... 明顯就係人手不足啦!竟然落左單, 唔洗10分鐘就有野食喇! 沙鍋芥蘭 - 芥蘭很嫩, 沒有青澀味, 有少少辣, 好惹味!炒土豆絲 - 不錯, 酸may may, 少辣, 作為開胃小菜, ok !椒鹽尤魚 - 夠脆, 尤魚肉夠厚鬆軟, 有新鮮尤魚既香味!蜆肉炒蛋 - 煎得過乾, 淡而無味, 完全沒有蜆味, 蛋加埋冇味既蜆, 好似一舊好靱既蛋, 好難食薯仔牛肉粒 - 薯仔有用糖水浸過再走油, 甜甜地相當惹味, 但牛肉用鬆肉粉乸到冇晒肉味, 質地就好似茶餐廳既沙o爹牛既質地咁, 一d 都唔好食....如果要排半個鐘, 同食普通小菜冇分別, 我唔會再排第2次喇!

Really good taste, the potatoes taste fresh!! Although the beef is the major food, the potatoes are better than anythings. Crispy outside and soft and sweet inside.The Korean Vegetable is good taste, but need to eat when it's hot, otherwise too oily.

2個人點了4款菜胡椒生蝦煲(色是OK, 買相OK,食落無鑊氣)漁村蜆肉干煎蛋, (干同硬, 係兩件事)燒雞(一般)果皮蒸泥孟(請看相片, 這些泥孟只可椒鹽, 善意如說, 客要食蒸, 不如說沒有 / 可蒸泥孟)

有一段時間無嚟,因為實在太多人,難得星期五晚九點幾有位,唔駛等便走咗入去,坐低睇完一大輪餐牌,都係食返我地食開的的兩個菜;海鮮什菜煲--比以前進步咗,有驚喜,加多了珊瑚蚌和貴花蚌,仲要係先炒過再放湯,菜依然鮮甜,味道不咸,不過比以前少了斑塊.萬發石頭鍋--味道依舊,很入味,非常熱,不過比以前少了餸料.不過兩個人埋單$155,多菜少肉香口飯,也算合理.

勝瓜雲耳:炒的,都OK多汁,但燶左D腰果蝦仁蝦都OK大隻,得過幾隻,但好似吾係好新鮮,冇食到,最尾都有2,3隻冇食到.腰果同西芹冇咩特別田雞苦瓜苦瓜OK,我食左成4舊,話田雞一般,如果吾係D汁係冇咩味.上湯菜心:叫左兩碟,一般喇,不過不失,咁多樣餸呢樣算最清牛柳粒薯仔:冇食到牛肉,不過應該吾差,清曬.D薯仔好好味,我食左好多,最尾個D比我清曬清蒸多寶魚:冇食到,廢事敏感沙薑雞一隻:吾算好大隻,不過都OK有味,吾洗薑蔥多得乳豬拼叉燒:乳豬吾多掂-,-吾覺好味.D皮係OK脆GE...叉燒冇食到因為話又咸又吾新鮮就廢事食皮蛋豆腐魚湯菇酸 湯又係冇飲,豆腐OK~~嗌左4碗飯,3碗米粉,2罐COKE,2/3枝啤酒不過佢要收茶錢埋單$1070到,都算OK

以前試過幾次來食晚飯, 感覺小菜幾好.今晚結婚20週年紀念日, 同老婆仔女來食豪d.1) 一份龍蝦伊麵 (338 元, 另外加底 加30元 ) 食得龍蝦就預咗唔會平,好食就得啦. 點知碟龍蝦伊麵來到,見唔到一舊完整的龍蝦肉, 全部頭頭腳腳, 您睇吓張照片, 就是這麼了, 而且您話有沒有加底, 太離譜, 味道70分. 本來想叫主管來質問, 但都無叫.因就算佢認錯, 更換過另一碟來比我, 以我一向作風, 我會唔敢食,因唔知會唔會加料; 2)同時點了一份 大連鮑魚4只, 紅燒斑頭腩, 半只雞 (360元)其中一只鮑魚有缺陷, 預咗, 我唔mind; 但是, 連紅燒斑頭腩都冇味,就真差了!3)再叫一客生炒排骨估唔到,同以前唔同, 今次全部都是骨, 無肉. 總結: 在萬發食小菜是絕對ok, 我唔計教招呼; 但千其唔好叫海鮮, 比人斬一頸血, 乜都返晒離.

5月8日, 8:30PM 訂了二圍枱慶祝母親節. 己不是第一次光顧這菜館. 上次已有一段不愉快經歷. 奈何親人己訂了, 便有心理準備下再試試吧. 入座時間9點正, 我們分二枱而座, 火速地點了十多道菜. 單上也顯示了入單時間為9:05PM. 大家說著笑著. 看看鐘己是9:30PM. 但一道菜也沒有到來. 看看身後同一時間落單的另一枱. 己上了三,四道. 我們便客氣地向樓面阿姐叫她跟進一下. 那個阿姐回應了. 口是回應了. 當然沒有跟進什麼. 再者9:45PM.再三催促"阿姐". 阿姐還是愛理不愛理的. 一路行一路回應說著"跟緊跟緊". 到了10點正. 我們便有點勞氣地說"請經理上來跟一跟吧" 那經理看一看單, 才說"叫廚房起比你地". 隨後每隔八分鐘才上一道菜. 心想食個白飯.吃飽便算. 離譜的是. 阿姐笑著回答: 沒有飯播, 賣晒!. 那個"阿姐"不肖的表情, 我還記得. 好像幸災樂鍋似的. 再追問幾時會有. 阿姐答: 唔知播! 豈有此理, 不付責任的答案. 完全沒有為顧客設想. 輕挑的態度還說著. 出黎食飯最緊要開心. 將心比己. 呆等了個多個鐘, 要求一碗白飯,一間菜館也做不到.

以前都係幫襯開九江街o個街,對佢地出品有一定信心!!適逢mother day,決定同呀婆黎lee間試下,反正佢係呀婆屋企留下,唔會比呀婆再有籍口話遠唔去冇訂位,要排後補,我地去左行千色一陣就打黎話有位6點9入去已經90%滿曬,厲害~叫左個龍蝦豬肚餐(半席):先黎乳豬,個頭得半個,好恐佈....肚膏太多,肉太少...幸好皮脆,微暖的~再來欖菜肉碎少四季豆(另點的)...因為有炸過先炒,好惹味,但沒有met走條根.....成日咬到有'揸'斑塊好肉地,脂肪好厚,條魚應該有10斤重,但咸左d龍蝦伊麵本來係上湯,改左芝士 ^^ 唔使加錢麵底略乾,芝士味香濃,雖然係半份,但都好多~龍蝦有肉有殼,唔厄秤石頭鍋飯---太乾了,麻麻地....壓軸出場既胡椒豬肚雞侍應姐姐成鍋拎出黎,即席剪開豬肚拎隻雞出黎....湯水有雞油的香味,再加黑胡椒,豬肚洗得好乾淨....其他的不過不失,不多談,P.S 環境&衛生跟九江街分店分別很大, 但同時鑊俘略遜一籌, 海鮮新鮮, 小炒不太好, 但豬肚湯令我好回味

今日係外父牛一外母訂咗七點食石頭飯一行六人浩浩蕩蕩去.當到達時真係比門口幢魚缸嚇襯真係包羅萬有,但我既目光好快比電爐燒緊既乳豬吸引過去.店內裝修平實枱與枱有足夠空間坐位唔算迫夾,一坐底一人點一個餸:化皮乳豬~皮脆肉嫩連骨都食埋.蒜蓉炒白菜仔~不過不失,味道一般.椒鹽九肚魚~外脆內軟,十分冶味.薯仔牛柳粒~牛柳粒味濃鬆軟唔韌,薯仔煎過不會太糊口.兩者在中西餐都是絕配.雜菇粉絲蟹煲~肉蟹斤兩十足,粉絲吸收晒蟹既鮮味.但太咸,難以入口失敗之作.萬發石頭飯~份量爆棚,配料豐富飯粒夠乾身但唔夠飯味.豉汁炒蜆~豉汁太濃蓋過晒蜆味亦略為咸了點.海皇豆腐羹~原全無味,好似將啲料白烚完回鑊打茨咁.埋單時數一數六個人食七餸一湯都真係幾誇......順帶一提全場兩層廿幾三十張枱得六七個伙計,叫餸出菜同招呼唔使講都係差啲要有心理準備.仲有個洗手間唔只細仲唔多乾淨,如果忍到就返屋企喇!

噚晚約左幾個朋友黎呢度食飯團拜, 呢兩個月已食咗呢間三次, 雖然位置隔涉左少少, 太子站行去15分鐘左右, 但貪佢訂左位唔洗等, 座位空間尚算舒適, 啲野食又幾好味! 之前兩次都係打邊爐, 今次就淨係食小菜:椒鹽瀨尿蝦 – 叫咗三隻斬件椒鹽, 啲肉好肥美香口! Yummy Yummy!蒸鮑魚 - $48隻, 都幾大隻, 都算鮮甜, 但有少少韌……胡椒豬肚雞 – 係佢地招牌菜之一, 第一次食呢個菜, 個豬肚裏面包住隻雞, 幾得意, 上嘅時候會用個爐即時煲住黎食, 湯同豬肚都好好味, 不過胡椒味多啲就更正!半隻乳豬 – 肥廋適中, 啲皮脆卜卜!仲有叫其他幾個小菜, 埋單 ~250 一位, 最後飽到食唔哂, 要打包走。

開左幾個月!!都係時候幫襯下佢啦!!!豬骨煲:::有3~4件豬骨,蘿蔔, 粟米,料其實間間都差唔多!!但我就覺得過多幾條街的骨x皇湯底甜!!聖子王 ::好大隻好厚肉, 又甜, 好好好食4寶丸::其他3樣都係麻麻地!!!係得蝦丸有d印象係幾好味!!本地牛:::好重牛味, 幾好食,肉質都ok ,幾滑, 好過d厚厚脂肪果!!又無牛味!!水餃::爽口!!!!肉味香濃,不過好易散哂!!!!生菜::一般

本是一間很好的菜館, 但經過今次, 以後都唔去.本來很好食的小炒皇, 今次實在不知所謂, 唔香, 無味, 無料.鼓汁蒸鱔: 不新鮮薯仔牛柳粒: 唯一保持水準, 好味鼓油皇海虾:好好味, 一般有十隻, 今次只有7隻.石頭飯, 可以唔食

臨時決定黎呢度睇波 打邊爐, 好正呢度夠大又唔係旺區至有位咋~~黎食飯既都係一大斑人 / 一家大細多, 我地得2個人立即有枱 . 因為要睇波, 要食耐d, 所以2個人都打邊爐 (人少真係好唔抵…) 湯底 – 細豬骨, 有3-4件大大的筒骨, 大量蘿蔔, 粟米等等, 正正常常, 唔算特別好食/差聖子王 – 好大隻好厚肉, 又甜, 好好好食. 游水中蝦 – 隻隻生猛, 不過我對蝦唔係特別鐘意, 所以覺得同平時d白灼蝦冇乜分別.手切牛 – 雖然個樣唔太靚, 食落又幾好食喎. 牛味夠重, 肉質都ok ,一d 都唔難咬, 可惜份量細左d…新鮮4寶丸 – 牛丸 麻麻地; 蝦丸 都幾彈牙; 鯪魚球, 有陳皮味, 好香; 墨丸, 彈牙好味道魚肚 - 一碟有好多件, 幾抵食, 淥到淋一淋, 索哂d 湯, 好食過棉花雞 食多過 菜, 加幾枝啤酒, 已經好飽, 埋單$500, 坐左成3個鐘, 又食靚牛又食海鮮, 都算物有所值

剛開張 最有特色係透視廚房燒乳豬仔街坊生意既話都吳算平 不過味道都ok 招呼都ok海鮮食材吳咪好得 叫過中蝦ok...瀨尿蝦好似減左肥咁無乜肉 ... 燒鵝就好肥砵酒焗桶蠔炸豆腐好味炒菜就好油係呢區算好食啦少番d油會好好多

間餐廳地下個層滿灑客, 以為要等好耐,但係樓上仲有好多位,入到間房就知死,因為個個客入到去都要出番黎,有一枱客真係好嘈,嘈到走剩我地一枱,真係好嘈,D男人個嘴無停過,頭都痛,我肯定下層全場都不及佢地一枱,D野食都OK,但係偏淡,