萬發海鮮火鍋菜館

營業中

休息中

來到年尾，又係要食多餐冬至飯既季節，而食冬至飯，當然首選一定係中菜，吃了2餐外賣的盆菜，今日想喝下中湯，食下小炒。記得以前很喜歡到深水埗、長沙灣一帶惠顧這間萬發小菜館，全因它的抵食夾大件，但是近來也漸漸把它違忘了。和同事談天，他們熱烈地討論那一間小菜館好味，又再勾起了我對萬發的回憶，不說不知，原來他們在大角咀也有分店，所以今次就決定來到大角咀，回味她的美饟。餐廳位於大角咀詩歌舞街，亮賢居附近，距離地鐵站不算近，大約是深水埗和太子地鐵站的中間吧，而在餐廳門外，也有少量泊車位，幸運的話，便可以霸到，平日時間還算好，假日便比較難了，一位難求。餐廳門外設置了一個大魚缸，各式新鮮海鮮，在此暢游。以平日來說，餐廳都真係幾好生意，我大約7：00來到餐廳吧，已經5成爆滿，大約7：30已經全院滿座，無他既，有時候出街食，仲平過自己煮，而且包煮包洗，乾手淨腳，也怪不得香港多了這麼多無飯主婦。看看餐牌，選擇夠多，價錢都幾平，同我幾年前食既時候差不多，小菜選擇夠多，基本上諗得到既，呢度都食得到。半隻雞＄98，一隻雞＄190，小菜大約＄80－＄100，算是反通脹了。因為冬天既緣故，餐廳有煲仔飯，同埋臘味既選擇，

老公中意食中菜，尤其是夠穫氣的小炒，所以今天就去左萬發海鮮火鍋菜館，菜館位於詩歌舞街，聽朋友說這裡的小菜很好吃，又有火鍋食，今晚就和老公拍住拖去試一下！薯仔牛柳粒：朋友說這味菜式是必食的，所以第一味就點了，牛柳入味又吾會硬，薯仔炸過加上蜜糖一起炒，外脆內軟，味道甜美，而且好夠穫氣，真的食不停口😋椒鹽鮮魷：鮮魷外面層的脆漿不會太厚，食落非常鬆脆，鮮魷肉是厚身但不會靱，很香口！👍芝士海蝦伊麵：我的至愛，海蝦鮮甜又彈牙，濃濃的芝士汁和伊麵混在一起，芝士香甜，麵的軟硬度又剛剛好，真是回味無窮！😍

同左家人到大角咀個邊間萬發食小菜，地點位置非常闊落！又夠哂光猛之後叫左個自由選配！！簡左個極品燒雞配海中蝦~燒雞雖只得半隻，但係都好大隻非常夠食，燒到表皮卜卜脆，而肉質仲係好樕的雞件好多位置都係啖啖肉都絕對無鞋口同乾身既情況出現。 豉油王海中蝦先將蝦炸脆然後再落豉油王炒到乾身！蝦既肉質非常彈牙爽口，鮮味十足非常新鮮 另外叫咗一份金沙九肚魚， 九肚魚表層放上一層蛋黃醬！蛋黃醬味道非常惹味爽口香脆， 令到平平無奇的九肚魚增添不少風味， 內層嘅九肚魚肉質非常嫩滑。 而且份量非常多非常飽肚 菠蘿石頭鍋飯，餡料非常足料！勁多蝦仁表面既肉鬆既配搭食落更有層次而且個鍋飯唔會油膩！又夠哂味道！超正

其實我一直鍾情呢間中式菜館, 小炒好夠穫氣~------------------------------ 前菜係極林既花生 講起"萬發", 呢碟一定係佢地既招牌菜, 九成既人黎到係必食!而且一試難忘!【薯仔牛柳粒】HK$98 牛柳粒好林, 肉汁鮮甜~ 但個人覺得重點在於薯仔粒上, "外脆內軟"就岩哂形容呢個薯仔粒, 表面有層薄薄地甜甜地既蜜糖燒汁平均咁包住, 就算慢慢食, 擺左一陣子, 薯仔皮依然keep到少少脆~【芝士海蝦伊麵】HK$168 超邪惡既芝士伊麵, 好多芝士汁, 芝士汁比較杰, 伊麵麵質林度剛剛好, 芝士份量足夠撈埋成碟麵一齊食, 啖啖都食到芝士香, 而每隻海蝦都幾大隻, 帶點爽口~【豉油皇鵝腸】HK$78 鵝腸食落口感好爽脆, 唔好比色水呃左, 其實味道冇想像中咁鹹~【椒鹽鮮魷】HK$98 即炸鮮魷, 炸完表面都唔算油膩, 亦唔會太乾, keep到本身少少水份, 魷魚爽口, 炸皮做到好薄好薄, 食落香脆爽口, 正!

數數上次約食飯已經是剛好一年前的事。因為吃完想吹吹水，不想被趕走，就選擇到萬發。大角咀雖然是比較少人流的地方，但是萬發到了七時多，已經將近爆滿，和街道的冷靜形成對比。我們三個女生，點了五道菜。*萬發菠蘿石頭飯($68)今天凍了很多，真的要點一個熱辣辣的石頭飯。石頭飯很夠熱，就算放了好一會，熱力都還未散。配料有肉鬆、菠蘿、蝦仁和雞肉；飯粒很乾身，粒粒分明；唯配料太少。*薯仔牛柳粒($98)這道菜基本上餐牌有的話是我的必點菜。牛柳粒肉質很淋；薯仔粒很香脆；不過少了點甜甜的蜜汁。*豉椒炒蜆($78)炒蜆其實都預了沒有太多蜆肉食，但是這個令人有點失望。味道帶點辣，不會太咸；不過蜆肉很少，大部份都是殼。*西檸雞(半隻)($88)雞肉沾了炸粉炸，再有點檸汁；甜甜的，雞肉尚算嫩滑；不過個人不太喜愛沾炸粉炸的雞。*蒜蓉炒豆苗($88)這是豆苗當造的時候。味道不會太咸，但是個人認為豆苗不夠幼嫩。

美味羊腩煲和薑葱灼魚皮美味羊腩煲和薑葱灼魚皮＠萬發海鮮飯店 住在深水埗想必聽過萬發這個名字，位於九江街那邊的萬發是很地道的大排檔 ，天冷在街頭吃飯非常有風味，客似雲來～每大時大節，想去食飯的話更是難，必須要預早訂位或者是早點去排隊才有得食！ 不講不知原來大角咀，近詩歌舞街的亮賢居那邊也開了分店， 雖然沒有了街頭風味，但多了一份乞舒適感，非常好坐，伙計也很好服務，早幾日就和家人去那兒做冬 價錢和大排檔那邊不相伯仲，可散點又或者點餐，雖然不萛好便宜，但碟碟份量驚人，人多去其實好抵食 小菜幾十蚊起有交易，魚類雞類什麼都有～ 薑葱灼魚皮 ＄５５ 不是容易食得到的小食，有都不是便宜，而這樣＄５５就一大盤，勝價比十足！ 我喜歡魚皮軟嫩帶爽的口感，魚皮膠質很多，作為冰涼的涼拌，非常開胃 辣椒豉油稍為不夠辣，但魚皮確實非常鮮味 連薑葱一起食更具風味，怕腥的這樣食絕對沒有腥味 鮮羊腩煲＄３２８，冬天吃羊腩煲暖笠笠！羊腩都帶有皮的，肥肥廋均等，羊腩肉很軟嫩，骨與肉輕輕黏著，輕輕一咬，即嚐到香氣十足的羊腩肉！ 配料有炸枝竹，冬菇及香薑蒜頭等，羊腩煲食起來暖身又驅寒 生菜是送的，羊湯汁

炒小菜好多時都會去萬發，不嬲都去開石硤尾果邊，都唔知原本大角咀都有間分店，收工過去10分鐘都唔洗，所以今日就過左去食飯，當同朋友當做冬。坐低都差唔多10點幾，雖然未至於要等位咁誇張，但都唔少人仲食緊野。因為唔太想打邊爐，所以都係叫番小菜食。首先叫左個「超值三寶」$398 (其實仲有好幾款套餐配搭，我地揀左C)三寶包括燒鵝(例牌)、例湯(煲)、椒鹽蝦(例牌)其實套餐都幾抵食~湯，一煲大大話話都裝到7至8碗出黎，而且熱辣辣，又唔會有味精或者鹹另上嘅湯渣我地都有食，覺得唔錯~燒鵝(例牌)本身好怕啲燒鵝又肥又韌，呢度嘅燒鵝真係唔錯，首先例牌份量都ok，肉又唔老！送飯一流椒鹽蝦(例牌)本來想食開邊蒸蝦，但套餐配搭果度就揀唔啱，最終要左椒鹽蝦。椒鹽蝦size適中，唔係細細粒冇肉食果種，蝦唔算話好爽，但絕對冇霉。因為我地有4個人，咁叫一個餐都唔夠啦，所以另外再加左兩個小菜~首先當然唔少得呢度嘅招牌：薯仔牛柳粒 $98呢個真係冇得輸，每次黎都會嗌！牛柳粒固然係煮得入味，完全唔老唔韌，加左少少黑椒更惹味但最重要都係連個薯仔都煮得好入味，連埋蜜糖炒到外脆內軟，呢個真係唔點唔得。生啫白菜仔 $68白菜仔可能

要數深水埗小炒王冇理由唔提 萬發萬法有三間， 其中咁大角咀呢間地方裝修最乾淨。馳名拿手小菜仲有好多款添餐廳裝修 企理，都算好乾淨。價錢適中叫咗四個餸開支大啤500蚊有找最好味就係呢個薯仔牛肉粒薯仔煎到外剛內軟， 配上牛肉粒味道， 淡淡燒汁味牛肉粒同樣係外乾內軟， 香脆可口， 用來送啤酒就一 流啦。沙拉骨分量都幾大碟， 沙拉醬配合得恰當好處， 甜甜地又唔太酸， 夠曬醒胃嚟個荷葉炒飯， 荷葉炒飯落足料， 有 鲜蝦冬菇乾瑤柱， 配上荷葉香味， 荷葉飯心乾爽， 淡淡荷葉味咁香。總括而言呢一餐都係400 算係 物有所值

所謂「冬至大過年」，冬至就一定要一家人一齊食餐飯先得既！因為唔想屋企老人家煮飯咁辛苦，所以就一早訂左位食萬發，舒舒服服就食個晚飯！雖然有訂座，但實在太多人，所以都要等5分鐘左右。冬至真係超多人，全場爆滿，好熱鬧呀！萬發嘅薯仔牛柳粒，我相信已經所有為食嘅食家都一定試過薯仔炸過後以黑椒同蜜糖去炒，外脆內鬆軟，口感超滿足😍牛仔粒好腍，入口一咬即斷開，黑椒味增添了香味，口感比薯仔更鬆軟😋加碗白飯，冇得輸！雪裡紅亦即係醃雪菜，用黎炒芥蘭可以幫菜式加添咸味同甜味。芥蘭炒得好軟身，有別於出面食芥蘭都比較爽身的感覺。因為石頭鍋入面加入大量蝦米丶冬菇丶臘味，所以味道更加豐富。軟身的芥蘭更吸收蝦米同臘味的味道，味道更濃更惹味！大大碟的椒鹽菜式係食小菜不可缺少的一部份，今晚我就選擇左配以脆豆腐。豆腐炸得表面夠乾身，但入面的豆腐依然好嫩滑好多汁，而且超級熱辣辣，勁新鮮。椒鹽味唔算好重，唔會好咸。鍾意食得較重口味的朋友可以沾上「GIP」汁食，都唔錯。本身好少食柚皮，但係侍應叔叔推介話蝦子扒柚皮幾特別，所以就試下。蝦子味道聞落好香，食落口時味道唔算太濃，唔需要怕食落口時會有種蝦子腥味。而柚子皮的味道唔算好濃，主要

大角咀一直都被外界譽為「食街」， 說實，這裏的食店真的越開越多，而位於詩歌舞街一帶，除了有芋丸糖水吃外，還有一間非常抵食的海鮮火鍋菜館。這間萬發海鮮火鍋菜館除了海鮮出名外，燒味類同樣出色，很多時爸媽都會專程在這裏外賣燒肉及乳豬回家給我們做餸。這天本來約了好朋友到旺角吃飯，但因為工作太累的關係，臨時改變地點，最後決定與好友到這家菜館開餐。 來到菜館已經730pm了，大概是因為「做冬」的原因，所以食客較平日的多，幸好很快就能安排入座。 這裏的小菜選擇非常多，價錢合理，而且全都是大大碟的，真材實料，絶不欺場。百花魚肚粟米羮 - 這個湯羮份量超多，大概足夠4人享用，粟米羮湯質濃稀適中，入口時非常鮮味，而且魚肚份量挺多，入口帶點煙韌，而加了蛋花在湯羮內，令整個粟米羮的質感變得更細滑。乳豬 - 相信是菜館內必點的燒味吧，乳豬皮燒得酥脆，表面還有點爆花，入口時會發出噼嚦啪嘞的鬆化聲音，而皮下有一層薄薄的點肥膏，令味道變得更甘香，乳豬肉則非常軟腍，帶有鹹香，絶對是佐飯的最佳選擇。椒鹽九肚魚 - 九肚魚以椒鹽炮製，外脆內軟，九肚魚口感細滑，帶點入口即溶的感覺，就連魚骨都可以直接吞進肚子裏，而椒鹽惹味得

相約在這家店晚飯，一整日都比人問今晚去邊食丫？食乜？我聽個名所以都話好似係打邊爐。點知呢到出名嘅除左打邊爐之外係小菜。原來今晚係食小菜喎，剛好出走了幾天，吃回一口中國菜，舒服番哂。一嚟到發現d小菜好大碟，仲有一個好得意嘅現象，就係隔離兩三枱都自備左飯盒，証明呢到嘅小菜一定好夠份量。好多人都叫左呢個蜜糖薯仔牛柳粒--呢到整得超好，係我食過以嚟最好食嘅。薯仔切成小粒，外面有層糖衣包住，入面香軟，超好味。牛柳粒帶黑椒汁，口感煙un。大蝦芝士伊麵--本身好想食龍蝦伊麵，但銀包唔準。。。食呢個都一樣姐。芝士汁好多，奶白色，食落淡淡芝士香。拒個伊麵又唔會煮得太淋，剛好。大蝦都幾大隻，咬落去蝦肉好爽口，肉好多。個蝦頭都一早除去，唔使用手拆殼，原隻放入口都唔怕篤親個咀。黃金鮮魷--黃金鋪滿整碟魷魚之上，每一舊都有蛋黃。蛋黃味濃，香。如果有個白飯撈下就更正。豬油渣炒菜心--邪惡的典範，豬油渣好肥，但係超正，加落去炒菜心，d油嘅香完全蓋喺菜心之上，再加埋菜心的甜，完美組合。夜晚除左散叫之外，仲有套餐，200蚊起就有兩個小菜。如果食得靚小小，有埋埋個龍蝦都係700蚊左右，大大碟，夠唒3個人食，味道又好，岩唒

萬發我由細食到大, 每次黎都係大滿足地離開, 今次都唔例外!個日天氣好凍,所以叫左D食左暖身既食物酒煮雞子雞雜$98雞酒鍋 天氣凍好保暖 滋保好多疆,雞子有好濃既酒香內有雞雜 雞腎 雞潤食完之後非常保曖,正冰鎮豬腳仔$78加埋D酸醋汗食,非常開胃,成碟KO無難度金沙九肚魚 $88金肚魚係我的大愛,每次都要食九肚魚炒到金黃色,陣陣蛋黃香 ,外脆內嫩滑薯仔牛柳粒 $98主角黎喇,呢個每次必食,都係我黎呢度既目的 一如以往水準,薯仔外脆內軟,非常次咁好食,推介必食之選

朋友住係亮賢居，探完佢之後一齊去左留下果間萬發海鮮食飯，之前去過深水埗分店食，其火喉夠鑊氣足，價錢親民，尤其黑椒薯仔牛柳粒既味道仲係令人回味緊！估唔到平時都禁多人，果然有名氣！叫了半隻萬發炸雞，半隻都好大碟，啖啖肉，外皮脆卜卜，雞肉質夠鮮嫩，香口美味之後當然要食鎮店之寶- 黑椒薯仔牛柳粒，牛柳粒雖然好好食，口感夠淋又亦夠入味，但對比薯仔，牛粒係會變成配角！薯仔係脆卜卜甜甜地好似有層蜜糖搽係面，而咬開係軟熟，外脆內軟既感覺，真係令人食唔停口！之後再黎就當然要食下海鮮，叫左2隻瀨尿蝦（約$260 1隻），唔好以為一隻$260好貴，黎到時我地都嘩左聲，未見過禁大隻瀨尿蝦，長度同我手臂差唔多，食落啖啖肉，好似食緊龍蝦禁😂 椒鹽味雖不太能滲入到蝦肉，但脫蝦殼後沾上椒鹽食非常香口美味！不過禁岩呢2隻無膏，如果有既話就真係仲正！

有fd 之前食過呢間強烈推介, 所以臨近christmas 我地一班友就來呢度gathering, 食餐pre christmas 慶祝下砵酒桶蠔 $195呢個蠔就係fd 子推介, 用傳統石鍋上，上枱時仲出緊煙，好香好夠鑊氣👍一鍋有8隻蠔，隻隻都有手掌咁大又肥美😍外層煎到有少少香脆，食落又好嫩滑，好有蠔的鮮味，勁正❤豉椒炒花蛤 $108份量多到似個小山丘，花蛤都幾大隻，啖啖肉😋豉椒汁鹹淡適中，就咁食唔撈飯都唔會覺得好鹹👍呢道薯仔牛柳粒係我刨過其他人食評, 發現係大家必叫既招牌菜 不愧係皇牌, 薯仔煎得略帶脆皮, 帶點蜜糖香甜, 內軟.. 淨係食薯仔都停唔到口 牛柳粒炒得剛好, 肉質仍然好嫩但好惹味, 下飯送酒都超一流 最後既九肚魚遜色啦 唔知係咪廚師失手, 成份太油膩.... 份量唔少, 但最後食唔哂整體野食大部分都好有水準, 而且小菜選擇又多. 價錢好多都只係around $100 就有大大碟, 性價比好高 同一班fd 約出來share 下小菜吹下水, 係唔錯既選擇

一向都鐘情食中菜小炒，鐘意佢可以大家一齊開心share, 今日去到大角咀試呢間深水埗都有分店既萬發，我地係深水埗行過去都係10分鐘左右，勁近。7點鐘去到都差不多爆場，果然厲害，好彩有一早book位。入到去就點野食，佢地有火鍋，小菜，海鮮，好多選擇，我地兩個人都唔打邊爐，叫小菜就算，前後點左3個菜再叫多個汽水，理單都係$340,大家都食到勁飽。上網見大家都會點燒雞，我地都點左半隻$98,半隻都好大碟，啖啖肉，外皮走過油，食起來脆脆地，有少少雞油係旁邊，好好食，肉質不錯夠滑口。XO醬爆雙蚌$138，用西芹作配菜，西芹炒得剛好，唔會太硬身，雙蚌好爽口彈牙，食得出有XO醬爆得香口。瑤柱琵琶豆腐$68，分量好多，夾理成十幾舊豆腐，外皮炸過，非常香口，內裏係豆腐蓉，如果再加多少少料入面，口感會再豐富。