萬豚屋

營業中

休息中

去到好多人排隊等位，裝修有好多唔同造型嘅豬仔🐖都幾得意。本身對呢間餐廳都有d期望架。食物質素只係算中規中矩。胡椒湯花甲算係最好味，麵嘅湯底好明顯有味精，食完非常口渴😵而個雞翼真係好難食，入面只食到雪味。。不過食物質素都唔係重點，服務態度先係！一坐低，個冷氣好大風直吹住個頭🌬好唔舒服。我地都明餐廳咁多枱客，無可能淨係理我地覺得凍，所以我地就問下可唔可以較細少少先。第一個職員聽到，無答我地行左去。眼見店入面有3個職員，我地再問另一個職員，又係無答加黑面行左去🙄唔得其實你可以講唔得！而唔係唔應人！又唔跟進！如是者，問到第4次都係無人理🙄🙄🙄。。我果日坐果個位後面係無枱架，但d職員派餐去其他枱，係不斷整到我張櫈🙄最過份係佢幫隔離枱埋單嘅時候，張賬單係咁整我個頭🙄我已經出手撥開，都好似睇唔到咁繼續整😡😡😡如果果日燥底d一定忍唔住爆佢！對一間普通餐廳嘅服務我唔會有太多要求，但呢間餐廳嘅職員係連一般正常嘅服務都無😡😡😡#劣食 #万豚屋 #我係咪死左所以睇唔到我個頭又聽唔到我講野啊？

在尖沙咀遊客區算是中上的級數。但說實在無論賣相，味道，心機都只是中下😑😑烏冬材質還算彈牙，雜菌牛肉湯底亦算充滿濃厚味道。但單純只是將松露香味霸道地充斥了整個湯底，未見配合牛肉及其他菇類🍄的香味🙄🙄煎蛋饀料未有切碎，味道跟蛋🥚融合欠缺。炸豬扒及炸芝士蟹蓋，都沒有突出表現。燒鰻魚的質地較靭，味道還可。總體食物質素尚可，但價錢不低，性價比差。更奇怪是每個食物都加菜苗，而且雜亂無章，極度影響賣相。這大概就是在尖沙咀遊客區搵食的悲歌，有心小店不敵租金，食店每隔短期就換，大概只餘一些影相呃like 的食店，又或者需要漫長排隊的店生存😔

既然黎得豚肉為賣點既餐廳，點可以唔叫招牌豚肉烏冬！我哋最終叫左魚介豚肉烏冬同黑蒜油牛肉烏冬，再預先叫左推介既芝士蛋糕，可惜最終食完野之後侍應同我哋都唔記得左預先落單既蛋糕，但離開後我哋發現收錢時已經包括個芝士蛋糕。主食未上枱時，我哋細心欣賞牆上各式各樣不同豬既2D同3D造型，有「草裙豬」、「悟空豬」、「心心豬」等等，突然成為左有趣既打卡位。兩碗烏冬都以石鍋上枱，上枱時仍然係滾住，絕對係熱辣辣，一開始先試烏冬既湯底，味道濃郁，唔會太咸，但就油腻左少少；肉質及味道方面，的確豚肉比牛肉略勝😋；另外叫左豚肉玉子燒，絕對值得一試！

中學時期已經食過一次，到宜家四五年後再食依舊好味。今次嗌左上級牛肉稻庭烏冬同埋黑椒花甲，牛肉薄切好好食，足料有成十幾塊牛肉片，可以鋪得滿啲烏冬，稻庭烏冬唔洗講，軟硬適中，落湯食即刻入哂味，黎既時候仲係暖笠笠，隔左一陣再食都唔會硬哂咁，仲係暖嫁！嗌左魚介湯，配牛肉唔會好油膩岩岩好。不過成碗烏冬略嫌少左啲配料，淨係有一粒扁左既全熟蛋同埋少少菜就了事，感覺可以多番一兩粒菇襯托。但整體兩位主角都好好味，無大扣分～黑椒花甲雖然係一個小食，但都有好多隻！唔會令人覺得嗌左係蝕錢，花甲隻隻都好好肉地，浸住花甲既湯味都無隨便畀你，勁好飲。不過要注意，唔食得辣或者淨係可以食少少辣既朋友，嗌小辣既烏冬都有機會辣得濟食唔到，所以想食辣可能係呢間就要考慮下先喇～最後價錢方面，兩個人既晚餐加小食二百幾蚊，中等唔係話平但都未算太貴，想食好少少但又唔想好貴都可以考慮，但其實佢啲小食同正餐差唔多價錢，所以真係要諗清楚喇🤣🤣總結而言，咁多年黎水平都無點變，抵讚☺️

係Open rice 禁到呢間石鍋烏冬專門店，而且選擇幾多，外表都幾吸引，所以就專程過尖沙咀試一試佢。首先，嗌左個「胡麻冷菠菜」菠菜撒上大量木魚絲，表面淋上胡麻醬，味道好夾，撈均後都幾好食，菠菜烚得剛好，帶點爽口，不過整體又唔算好特別，係預想得到既味道。之後嗌左兩個烏冬，第一個係「活花甲手打烏冬配魚介豚骨湯」成鍋野都幾足料，花甲好多，亦都有鮮味。至於湯底方面，真係食唔出有魚介味，淡到係好似只係飲緊一個有咸味既湯一樣，豚骨味道都一樣唔係好食得出，所以湯底好淡，失色！而烏冬方面，唔知係咪煮太耐定係用廉價烏冬，質感欠彈牙，好林。之後就係「厚切豚肉配香菌濃湯」豚肉有三大塊，好厚，煮得夠淋，無加其他醬汁去煮，所以味道較清淡，都幾好味。至於湯底方面，菌味唔夠出同濃，撈開d黑松露後，先覺得好食，建議可以加強個菌味。最後就係單點小食「芝士吉列豬扒」呢個好失望，因為佢聲稱用自家制既爆麵包糠，但出到黎表面個層好淋，一d都唔吉列，唔香口，芝士係係皮與肉之間，只有薄薄一層，食唔出芝士味禁濟，肉質好孩，無肉汁，整體好差！總括黎講，質素同價錢不成正比，唔會再幫襯。

第三次黎食，食物質素依然係咁好，無令人失望過，都係食上等牛肉手打烏冬，黑蒜油湯底，烏冬依然係咁彈牙，湯底好濃，配埋夠哂熱既石窩食，真係特別好味，加上價錢唔貴，係尖沙咀食到高質既烏冬都唔洗100蚊！

聽聞佢烏冬好食，今日又想簡單小小在赫德道的巷內，唔知D間野都唔會行過D邊😅一送到黎即聞到好香菇味，石鍋由上枱直到就食完都仲好熱開頭食係幾好味既但越食越覺有小小咸會想試下佢其他湯底跟冬烏個雞扒算大塊，可惜唔滑囉！忌廉好滯呀，我地2個人食左一件就無食喇！如果係薯餅我可能會食晒個人喜好啦個玉子燒好足料架，但我唔鐘意，都係最原始既玉子燒最好食薑味唔夠，超小薑味，好普通既飯..仲有可以熱小小會比較好Lunch唔知有無set呢如果有Lunch Set都可以再試下烏冬既其他就一般般喇

對上一次嚟食嘢應該係半年多前，果時天氣唔熱。咁耐冇嚟，點知一嚟就有極不愉快經歷。一坐低，已經覺得有D焗，諗住可能lunch time 時段冷氣剛剛開大未涼啫。選擇繼續坐係我嘅錯失，更錯嘅係我同其他同事都叫左石煱烏冬。。。。。。嘢食未嚟，已經發覺越坐越熱，依然期望個冷氣會慢慢涼係我嘅妄想。石煱烏冬嚟左，我即刻熱到標汗。忍唔住要拎起佢個餐牌潑涼，但D風潑出嚟都係暖風，好得人驚。我以為係我自己問題，但我開始見到其他食客都出緊汗了。好辛苦先食晒個烏冬，因為根本熱到冇晒胃口，仲有杯熱奶茶，真係飲唔到，要放棄。等埋單嘅時間其實唔耐，但因為太熱，猶如渡日如年。好不容易離開間餐廳，當時室外氣溫攝氏32度，但我覺得仲涼過間餐廳。。。。。。

冷冷雨下了整個星期， 天氣也沒有熱氣迫人，走在尖沙咀街頭上，突然想起熱騰騰石鍋烏冬，便走到萬豚屋來。萬豚屋吸引我，全因它的獨特。 奶白色湯底豬骨餚製，香菌濃湯的香味，它獨有調配的味道，與及石頭鍋的設計，保持湯底的熱力，看到表面既氣泡，一個一個地由底冒出，令湯裡的雞蛋逐步演變成溫泉蛋。最後，主角稻庭烏冬彈牙，美味佳餚，各樣的使我愛得不能自拔。吉列豬扒也是我喜愛的美食，炸漿脆，豬扒鬆軟。總結：暖笠笠烏冬，獨特既湯底，令我百試不厭！😋

好耐之前食過一次，對個菌湯念念不忘，真係好香好好食，今日再黎encore!呢間餐廳一直都好多人，我地6點鐘到，入面已經有人食緊，好彩我地都有位！遲多一步都已經full曬喇！入到去要留意下牆壁，好多豬豬的手繪係度架！叫左兩個烏冬同玉子，兩個烏冬都揀左菌湯！因為真係好好味！厚切豚肉手打烏冬個湯滾滾下，好滿足！上面有黑松露醬，我將佢撈埋落湯度，成個湯個菇味更加濃，蛋就熟左，同埋翡翠苗入左湯的味更好食！豚肉係厚切，烏冬都多，唔會因為浸得太耐而淋曬，所以都好好食！醬油豬軟骨手打烏冬湯比上面果個更濃，因為加左醬油，會咸少少，略嫌遮左d菇味，但勝在豬軟骨淋，烏冬都入曬個湯味，所以都幾好食！木魚豚肉玉子燒睇個賣相就知好厚的玉子，材料非常豐富，蛋入面好多粟米同豚肉，而玉子層好厚，加埋個醬其實好飽，食食下會滯！

事隔多年去食萬豚屋，想當年都要下晝5點幾去排隊，而家6點幾去到唔駛排，yeah~Daily catch海鮮到稻庭烏冬 香辣湯底 $100麵同湯分開的，應該係因為個湯底已裝有太多海鮮，唔夠位裝麵湯底好惹味，我鍾意食辣又重口味，覺得好好飲，叫左中辣。 海鮮份量都多，有兩隻蝦，兩隻花蛤，兩隻帶子，都算大隻。仲有隻半熟蛋😍吉列芝士豬扒手打烏冬 魚介湯 $88湯底比較清，咁岩果日想食啲清清地既野就岩晒，加埋啲豆苗味成個湯好清甜。 吉列芝士豬扒好啲肉好林好易咬，個皮炸的好酥脆，入面有一層芝士點綴下好有層次仲感覺冇咁熱氣。吉列忌廉蟹餅 $36每次食日本餐都好鍾意食，但今次有啲失望，其中一件入面好空虛，咬開後入面幾乎空心，只有少少忌廉蟹肉係入面 另一件就好正常稻庭烏冬同手打烏冬既分別係稻庭烏冬比較彈牙，有咬口，手打烏冬比較林。兩者粗幼度都差唔多。清潔度就一般，坐底時張凳有粒花生。...

突發地好想食烏冬，仲要係石鍋個隻，於是就喺OpenRice度搵，終於搵到呢間係尖沙咀，又方便又唔差嘅，就搵埋隻豬仔一齊去試，我同豬仔都揀咗魚介豬骨湯底，我就揀咗配芝士吉列豬扒，豬仔就揀咗配牛肉，烏冬呢就可以揀手打烏冬或者稻庭烏冬，我見手打烏冬有個推介嘅logo，就揀咗手打烏冬，碗麵嚟到呢係滾嘅，入邊仲有隻蛋，加埋d不知名既草（？），撈埋一齊已經好好味，手打烏冬口感好好，韌度剛好，芝士豬扒總共有四舊，我就選擇將芝士豬扒浸一浸啲熱湯，等啲芝士溶返少少先食，同個烏冬好夾，好好味，lee餐我同豬仔都冇乜對話，淨係掛住低頭食食食同埋餐廳好嘈，對lee餐都幾滿意，唯一唔好處就係座位有d逼同嘈，有機會一定會再encore

患咗大食症嘅小秘書，無幾耐之前先食咗個漢堡包🍔，未夠七點已經肚餓又要去食嘢😝 好啦，襯未夠鐘上堂，就去「萬豚屋」食個烏冬暖吓個胃先。「萬豚屋」故名思義食豚肉為主嘅餐廳，不過小秘書就鍾意食牛肉多啲，今晚我就揀咗個「菌湯牛肉手打烏冬」，石窩烏冬滾住滾住咁上枱，嫩紅色嘅牛肉配襯菌湯味道好配搭😋 另外餐廳就送咗個小食「豬腸」比我（會員）🤣 豬嘟嘟嘅豬腸放喺kimchi上，甜甜酸酸咁，幾特別！不過唔知幾時開始，餐廳只免費提供勁難飲嘅怪味水，熱茶欠奉🍵 要扣分！新裝修之餘，呢餐有免費小食，仲有88折添！幾好wow!!

約左班同事一齊黎萬豚屋食lunch搭的士既途中，大家都諗定食咩好😂好在有個細心既同事一早打去book位如果唔係去到有排等，落車見門口已經有人排緊隊我叫左個豬軟骨烏冬，簡左香菌濃湯🤤上台時個烏冬仲熱騰騰，咁凍既天氣食真係一流，食完個身暖粒粒第一次試香菌濃湯，個湯真係好濃香菌味！仲要有約舊大香菌係入面😋豬軟骨好林好入味，食完碗野飲埋湯已經好飽但我地仲叫左碟忌廉蟹餅😂😂😂大大件，6個人一人半舊，好creamy!!!!食完已經飽到唔識旭～大滿足

想食呢間好耐，見冇人排九秒九衝入去。餐廳唔大，啲位有啲窄，不過想食烏冬就試試。佢有稻庭同手打烏冬，因為想食粗野就揀手打烏冬，另外湯底有分魚介同埋香菌，我地兩個試哂。一個要上級牛，一個要芝士吉列豬扒，另外要多份餃子。餃子比想像好食，味道好。上級牛配香菌湯底，所謂香菌，有啲黑松露醬，仲有啲菇整出嚟嘅湯底。鐘意菇嘅你一定like，不過上級牛冇特別。芝士吉列豬扒配魚介湯，普通嘢，不過豬扒令我失望，冇乜特別，最慘係冷氣大，啲豬扒又係九秒九變涼，唉.....