萬麗咖啡室

營業中

休息中

朋友生日，當時要食buffet幫佢慶祝，咁啱係某旅行網有買一送一優惠，每人平日除開都唔使300元，由12:00食到2:30,當然要試下。未夠鐘已經好多人排隊入場，入到去唔好以為平日無咩人，錯啦，9成幾滿座! 我地嗱嗱聲去攞嘢食，海鮮有蟹腳，青口，海蝦，螺呢啲正常嘢，蟹腳就咸左啲，但又對得住呢個價錢。熟食以東南亞美食為主，都幾香口惹味，最值得試嘅係佢碗即煮嘅面，有叻沙，仲有唔少海鮮做配菜，非常唔錯。甜品就不過不失啦，雪糕加窩夫好食，整體唔錯，係一個唔錯嘅選擇!

見到有呢個《南洋小島自助餐》做緊優惠買一送一，所以就一齊食個自助午餐慶祝壽星女生日同埋聚一聚～自助午餐由12點開始食～如果想準時到可以早啲去排隊登記因為未到12點已經見到一條長長嘅龍啦顧名思義呢個南洋小島自助餐，有好多星馬泰嘅風味，而且選擇好多😍好彩朋友遲咗少少到先可以有時間幫啲嘢食影吓相打吓卡～平時鍾意食鹹點多啲 但係呢度嘅甜品好出色好好味必試嘅有：鹹點～》龍蝦喇沙甜品～〉泰式奶茶布甸同榴槤Gelato~四個人食咗$1292，而呢個費用都包埋10%嘅服務費🥰呢個價錢係五星級酒店食到咁好食嘅自助餐真係太抵啦！！

趁做節約埋家人一起食大餐。有人近排去過食自助晚餐話唔錯，今次就去食自助午餐。中午12點開始，早咗10分鐘到達已經排長龍等入去，大概5分鐘前放行入去坐，唔洗排排企，只係攞食物要等12點後，服務唔錯，地方也清潔。冷盆都算多有5款，蟹腳、龍蝦鉗、螺、青口、蝦，如果加添有蠔更妙極。日式冷盆有三文魚、鮑片（或者係螺片）、墨魚、Tuna魚，壽司等。除咗蟹腳例牌鹹D之外，青口、螺、蝦都幾爽，三文魚都唔錯，墨魚就比較靭及難咬開。另一特式係龍蝦喇沙米粉或麵，湯底唔太鹹唔太酸辣，略為改善喺龍蝦肉比較淡（可能係白水煮過），但有蝦膏，配喇沙湯唔錯。沙律🥗必定有。熱葷菜都有少不了的牛扒，印度咖喱汁配蝦片唔錯。又有龍躉但稍為落多D鹽鹹咗少少，炸魚柳，燒肉都幾好味。salami及巴拿馬火腿就一般，芝士少選擇。甜點款式都多款，有peach tart，芝士蛋糕、cookies、焦糖布甸等，當然有Gelato雪糕，仲有時興的榴連味雪糕，朱古力雪糕就好味又有格仔餅，朱古力fountain、糖果等，應該細路仔一定好開心。生果必有西瓜🍉菠蘿🍍蜜瓜🍈哈蜜瓜🍈。自助咖啡機，檸檬茶🍋任飲，奇怪的是汽水、橙汁之類沒有自助任飲機，只提供

上次食完已經念念不忘今次網上平台又做優惠$300有找叫左四個朋友一齊去佢地都一致好評呀特別係龍蝦喇沙湯麵我就最欣賞甜品薑味既雪糕好有驚喜其實都係keep到水準樣樣都好好食賣相又靚呢間真係性格比好高一定會再幫襯

海鲜算多，refill都快！熱食比較小，甜品都不太多，送一杯橙汁或汽水，尚有歺飲，外出有咖啡檸水自斟都ok，大致都算合格，職員算有禮貌！只是一样要彈，所有食物名牌都是英文，為何無中文！扣分，希望酒店於食物牌加上中文就最好

暑假係食得最多自助餐既節目之一,收碟好快,服務很好。食物質素非常好,貴精之餘午餐亦算好超值,刺身：三文魚。油甘（其他酒店既lunch比較少有）吞拿魚,8爪魚仲有一款唔知乜魚凍海鮮：龍蝦,長腳蟹,蝦,青口,螺熟食：完全唔駛爭既蝦蝦喇沙,海南鷄,燒牛燒豬燒鷄等等甜品：非常出色,Gelato ，所有甜品都係無失準。飲品：每人一杯凍飲。但亦有一個自助任飲咖啡熱茶corner以買一送一價錢／某信用卡6折加上地點計。完全係我自助餐中的第一位。最後亦非常多謝餐廳為來港旅遊的朋友安排了生日驚喜

系官網買左餐券，今晚嚟食自助晚餐，入座率差不多全滿。依家主題系南洋風味，主食方面，叻沙龍蝦湯油麵湯底椰蝦味濃，燒魔鬼魚幾滑，串燒羊肉吾太蘇，麥皮蝦都幾大隻，燒牛肉生熟度啱啱好，肉骨茶吾夠味，粟米肉粒羹加左芫茜效果幾好，辣椒蟹同茄汁蝦啲肉梅梅地，蒸龍蝦、凍海鮮就正正常常。甜點方面，斑蘭旦糕、巴斯克芝士旦糕、芒果忌廉旦糕、窩夫、杏脯撻都幾好食，曲奇餅吾系太新鮮系淋嘅，雪糕試左薑味真係有啲薑粒仔幾特別，芒果椰子就有芒果味冇椰子味。待應、給食物的廚師都殷勤有禮，收碟也很快手，整體用餐感覺良好。

七月中 見網上平台做買二送一promotion，就嚟食吓，為兩位小朋友 放暑假揭開 序幕 🥳🥳🥳。早十分鐘去到，已經見reception 有人龍排隊，我哋2大一細被安排餐廳交入位置，唔多近 食物吧檯， 冷氣超級無敵凍，記得帶外套， 我哋全程凍到起曬雞皮😑😑😑。 食物以自助餐來說，算多樣化，最令我印象深刻係 榴槤雪糕， 又香又好味又滑， 服務生亦好有禮貌， 一般 自助餐有嘅食物，佢都一定有， 咖啡茶(冇汽水)自己出去 bar枱調教， 龍蝦湯喇沙，可以走粉麵，淨係要湯+龍蝦😍😍😍 ，好有驚喜 ，有機會會再來。

最近見好多酒店都喺餐飲上各出奇招出優惠，而呢間位於灣仔會展隔離嘅萬麗咖啡室亦不例外，喺openrice訂買一送一優惠，但可惜我問朋友時遲了一步，朋友話有興趣時，優惠已經售罄🥺。但慶幸小弟有匯豐信用卡呢期做六折優惠，所以都照殺，星期六同朋友去完動漫展，夜晚就過嚟食自助餐。今次自助餐以南洋小島為主題，除咗大部分酒店自助餐會提供嘅海鮮，壽司刺身，cold cut，芝士，燒牛肉之外，大部分沙律，甜品同熱食都以東南亞菜為主，開始前行咗一圈，食物賣相相當吸引👍👍。先講凍食，除咗普通自選沙律菜同配料，特色嘅有木瓜蝦沙律，椰子雞沙律，青芒果沙律等（冇影😅），特色沙律酸酸甜甜，一個好開胃嘅前菜。不過有個現象，見啲人夾木瓜蝦沙律，淨係夾蝦唔夾木瓜😅，最後得返啲木瓜係度。。。係啲蝦矜貴還是啲木瓜有問題？食落就唔覺有問題喇🤔其餘嘅芝士🧀，凍海鮮，壽司🍣同cold cut都係大同小異，至少冇變壞就可以。煙三文魚幾好食👍👍魚生丼飯正，少有係酒店出現~！！論到熱食，燒牛肉啲基本嘢就唔多講喇！要講嘅就唔少得蒸龍蝦🦞🦞啦！食得推薦，唔點豉油都超鮮甜，肉質彈牙，必食之選~！！👍👍羊沙嗲串燒，~！！不過佢另一個特色菜參巴燒

[ 萬麗咖啡室 ]灣仔會展5星級酒店 香港萬麗海景酒店 由即日起至2024年8月31日推出「南洋小島自助餐」主題自助餐，食盡泰國🇹🇭、越南🇻🇳、馬來西亞🇲🇾、新加坡🇸🇬等東南亞菜式及甜品！晚餐時段任飲任食3小時，於官網預訂更有75折優惠😍！✿ 南洋小島自助晚餐 用餐時間：6:30pm-9:30pm星期一至四 (75折後連加一)成人 $686.8/位、小童 $414.8/位 星期五至日及公眾假期 (75折後連加一)成人 $720.8/位、小童 $423.3/位前菜、沙律🥗有幾款東南亞風味沙律，例如印尼傳統加多加多沙津 、馬來西亞蔬果沙律、青芒果沙律、星洲粉絲沙律等。另外有西式沙律、風乾火腿等冷盤。時令冰鎮海鮮🦀🐚🦐食自助餐緊係唔少得冰鎮海鮮。款式有鱈蟹腳、麵包蟹、翡翠螺、海蝦等。鱈蟹腳夠鮮味唔會太鹹，海蝦肉質爽彈鮮甜😋。刺身、壽司🍣刺身有三文魚、吞拿魚、油甘魚、帶子等，全部即點即切🔪，厚身鮮甜👍。壽司款式都幾多選擇，有火炙和牛壽司、火炙三文魚壽司、卷物等。而且有雜錦魚生丼，刺身表面更有三文魚籽，非常足料。熟食必食「新鮮蒸加拿大龍蝦🇨🇦🦞」！龍蝦新鮮蒸製，每隻都超大隻超厚肉，肉質彈牙鮮甜仲

網上平台 快閃買一送一優惠，南洋小島主題，星期六價錢，每個人$509。鍾意食蒸龍蝦嘅朋友有口福啦，而且隻燒乳豬仔好好味😋涷盤食物一般，當晚蟹腳好咸，三文魚和帶子刺身味道略淡，涷盤方面不算十分出色。熱葷食物方面就比較好，尤其是有源源不絕提供的蒸龍蝦，因為出龍蝦快，不用排隊等，呢點不錯。仲有星州炒蟹，龍蝦喇沙，肉骨茶…….味道不錯😋餐廳廚房職員反而比前線服務職員更好服務態度和熱情，十分有禮，十分值得讚賞👍🏻。接待處的職員不親切而且口吻還有點嚴厲，這點是較為失望。

任食新鮮龍蝦· 低至$457位.ᐟ‪.ᐟ‪.ᐟ‪香港萬麗海景酒店 ·萬麗咖啡室Cafe Renaissance推出「南洋小島自助餐」為主題集齊泰國、越南、馬來西亞、星加坡等東南亞美食！以香濃誘人滋味·刺激你味蕾主打推介·必食之選༯即蒸新鮮加拿大龍蝦·無限任食·真係新鮮蒸製·鮮甜又彈牙·食多幾隻已經絕對回本.ᐟ‪.ᐟ‪.ᐟ‪༯香港少見蕉葉參巴燒魔鬼魚·真係唔係周圍都食到༯原隻香茅脆皮乳豬· 皮脆肉嫩·怎能抗拒得了！༯新加坡辣椒蟹·醬汁超惹味·配上炸饅頭蘸醬·邪惡但我愛༯肉骨茶·足料香濃·風味十足！而主題美食仲有龍蝦喇沙、肉骨茶、胡椒蝦、新加坡辣椒蟹、烤羊肉串燒配沙嗲醬等！冷盤海鮮：長腳蟹、麵包蟹、海蝦、青口、翡翠螺每樣都新鮮·質素有水準刺身及壽司：刺身有三文魚、吞拿魚、油甘魚、八爪魚佢地卷物同壽司都好高質·和牛壽司大推！熟食：燒牛排、燒豬肋骨、各式各樣咖喱沙嗲串燒、燒豬頸肉等超推龍蝦茶碗蒸蛋·超足料有質素·吃兩碗表示支持！⇶最有特式位·大廚特調幾款充滿東南亞風味嘅辣醬·比大家挑戰辣度！甜品｜必需留肚系列甜點先推XTC雪糕· 超愛泰奶、榴槤、青薑口味連朱古力味都好好好好好食.ᐟ‪.ᐟ‪.ᐟ

去過灣仔的 🇭🇰香港萬麗海景酒店 𝐑𝐞𝐧𝐚𝐢𝐬𝐬𝐚𝐧𝐜𝐞 𝐇𝐨𝐧𝐠 𝐊𝐨𝐧𝐠(⁎⁍̴̛ᴗ⁍̴̛⁎)吃下午茶好多次，最近第一次去吃自助餐。原來 🍽️ 萬麗咖啡室𝐂𝐚𝐟𝐞 𝐑𝐞𝐧𝐚𝐢𝐬𝐬𝐚𝐧𝐜𝐞，最近以南洋小島為主題，大量東南亞菜等緊你😆。晚市自助餐低至$𝟒𝟓𝟕/位，快啲去試啦💕～☆ 南洋小島自助餐🥢🌟即日至𝟖月𝟑𝟏日⏰ 午市𝟏𝟐:𝟎𝟎-𝟏𝟒:𝟑𝟎•晚上𝟎𝟔:𝟑𝟎-𝟎𝟗:𝟑𝟎南洋小島自助餐，主打泰國、越南、馬來西亞香新加坡🌟，除了有基本的牛扒和海鮮，更有當地的招牌美食哦～☆ 主題美食:  龍蝦喇沙、肉骨茶、胡椒蝦、新加坡辣椒蟹、蕉葉參巴燒魔鬼魚、香茅脆皮乳豬等等。當中我最愛有原隻龍蝦的微辣惹味喇沙🍜，香港少見的魔鬼魚🐟也值得一試～☆ 冷盤海鮮: 長腳蟹🦀、麵包蟹、海蝦、青口等等，質素新鮮。☆ 刺身及壽司: 刺身有三文魚、吞拿魚、油甘魚、八爪魚🐙，記得要試和牛壽司呀🍣～☆ 熟食: 無限量可持續發展新鮮蒸加拿大龍蝦🦞、燒牛排🥩、燒豬腩、叉燒、各種咖喱🍛、沙嗲串燒、燉湯等等。☆ 甜品: 甜品款式都好豐富，有多款𝐗𝐓𝐂雪糕🍦、果仁蛋糕、奶凍、芒果慕絲🥭、椰汁大菜糕、斑蘭蛋糕💚，提拉米蘇☕️等等。雪糕之中，最特

萬麗咖啡室做連串東南亞菜，每道菜都加入泰國、越南、馬來西亞同新加坡等元素，每一啖都帶您去唔同嘅南洋小島🌴，啱曬我哋啦。重點係有超多海鮮任食，包括：即蒸龍蝦，係即蒸㗎，任食啊😱😱😱；重有麵包蟹，蟹腳，蝦，龍蝦喇沙，胡椒蟹，唔係太多地方有得食嘅魔鬼魚。另外重有小朋友至愛嘅糖果station，大人小朋友都咁開心🥰🥰🥰南洋菜系：🍴 肉骨茶🍴 胡椒蝦🍴 新加坡辣椒蟹🍴 蕉葉參巴燒魔鬼魚🍴 烤羊肉串燒配沙嗲醬🍴 香茅脆皮乳豬🍴 泰式菠蘿炒飯🍴 菲律賓腰果蛋糕🍴 馬來西亞西米布甸🍴 斑斕椰糖蛋糕🍴 彩虹千層糕

踏入暑假，酒店buffet優惠一浪接一浪，最近就發掘到香港萬麗海景酒店萬麗咖啡室Cafe Renaissance，由即日起至8月31 日推出最新主題「南洋小島自助餐」，於官網預訂有75折優惠價。餐廳環境寬敞，自助晚餐成人75折後連加一每位$686.8，晚上6:30pm – 9:30pm供應，可以不追不趕地食足3小時。香港人吃buffet 最在意就是要吃到回本，全晚冰鎮海鮮源源不絕地供應，refill 速度亦夠快。海鮮款式包括麵包蟹、龍蝦鉗、蟹腳、凍蝦和翡翠螺。熱辣辣的新鮮蒸加拿大龍蝦亦是酒店buffet少見，同樣可以無限量任吃，最原始簡單的做法原汁原味，反而更能突顯出食材本身的鮮味，不會蒸得過了火候。新主題buffet擷取南洋香料馥郁香濃的色彩元素，以東南亞地道特色佳餚迎接盛夏的熱浪。龍蝦喇沙即叫即煮，搭配豆卜、芽菜、雞蛋等配料，濃稠湯底滲出陣陣椰香和微微辣勁，黃麵質地爽彈帶咬口，掛湯力更強。蕉葉參巴燒魔鬼魚亦是坊間罕有的菜式，將塗滿香料的原條魔鬼魚鰭以蕉葉包裹，並慢烤至金黃入味，魚肉嫩滑帶嚼勁。胡椒蝦將辛香氣息逼入蝦肉中，肉質保持鮮嫩爽彈。新加坡辣椒蟹混合參巴醬及番茄汁，快炒至入味，