葡匯咪走雞葡國餐廳 (已結業)

細個跟住父母去澳門玩，一定會去小飛象，木偶餐廳食葡國菜，印象最深刻嘅餸菜有乳豬，馬介休。其他菜式就同一般西餐差唔多。而家年紀大咗，都久唔久會諗起童年嘅快樂時光。可惜嘅係爸爸已經唔响身邊，而近年澳門嘅葡國餐廳質素每況愈下，反而香港嘅葡國菜仲做得幾好。今日難得嚟尖沙咀 Staycation，知道有間唔錯嘅葡國餐廳，一於試吓先！葡匯咪走雞個名怪怪地，但又幾 Funny，店裡店內都有主廚個樣，佢個嘜頭應該幾出名（我估）。店內空間大，而且寧靜，感覺好 relax。價格方面走中高檔次，今次人均消費$320。八爪魚沙律八爪魚非常鮮嫰，第一次食咁嫰嘅八爪魚，而且份量都幾多 炸馬介休球記憶中嘅味道…… 馬介休同薯蓉混合再炸，外層酥脆，內裡creamy 。好想食多幾個 。葡式烤乳豬（半隻）之前响澳門食過烤乳豬，感覺好差。今日再挑戰，話晒都係招牌菜，應該有返咁上下嘅！果然！皮脆肉嫰超 Juicy，豬肉味超濃。可惜啲醃料唔多入味，以致內鹹中間冇味。乳豬下面有炒飯，有三色椒、 橄欖，味道甜甜地 大人細路都鍾意。MC's Mocktail 無酒精嘅鮮雜果賓治，一家人飲梗係叫一揸 (Jar) 啦！水果好多，有汽橙汁

某位女侍應態度極為惡劣，好似我欠佢錢咁。當我叫緊餸嘅時候，佢態度極差，好堅持要拎返本Menu。個原因竟然係佢間餐廳唔夠Menu用，但係唔夠Menu關我咩事？而家個問題係我仲叫緊餸，佢極不禮貌地吹我叫餸，仲話要係我後邊等我睇完然為止，然後拎返本Menu。明顯比說話我聽，估唔到我黎食飯都要受你餐廳氣！係呢個地段呢個級數嘅餐廳竟然服務質素咁差，我好懷疑老闆嘅管理質素，你啲食物再好食都冇用，當你試過一次感受過一定唔會再黎。

疫情下一街平食，但我較看重食物質素和環境，這間的午餐平靚正，簡直滿分呀！美麗華商場有不一樣的食店，如蒲田、牛角放題、鼎泰豐、Pizza Express，如今進駐葡國餐，可就不同老饗口味。真的咪走雞呀！

讚1.香港少有既葡萄牙餐廳，燒沙甸魚揀得好肥美，燒得皮脆肉多汁，醃得入味，魚肚甘香，啲骨都化晒；乳豬皮脆，油香，火喉好；馬刀貝超肥，好多汁，簡單不過的確做得好；西多士好味道！啖啖都係玉桂香2.酒款多，好多葡萄牙酒、杏仁酒咁，白Port酒都易入口，第一次飲綠酒3.服務熱情，老闆好傾彈1.環境逼狹，個人偏好舊店海邊既環境多好多，家下可能商場樓底太低，所以感覺好狹窄呢2.烤雞脾皮脆身，但香味淡左啲，只係食到好淡既辣味

好耐無約朋友出去食飯，又見上年去過呢度食，怕無去一排間餐廳會消失咗，好在間餐廳仲係度兼且星期六都有抵食午市套餐，正！今次點咗燴牛尾同葡豬，牛尾配葡式豬仔包超正，個包微熱，搽埋餐廳自家牛油，好食😋個葡豬同預期一樣，皮脆肉汁夠，符合預期。個餐份量好足，仲包埋餐飲，唔錯。服務方面就因為人手小客人多而顯得有啲忙亂，不過都算盡力服務客人...雖然聽到隣桌好似有漏單情況😅整體嚟講，係一個飽足嘅午餐

香港少有的葡國菜。很喜歡這間餐廳，第二次嚟食鴛鴦雞全隻。份量大份又抵食而家仲有八折， 又坐得舒服，靜靜地，約會聖地。雖然人流不多但希望餐廳仍可以做得住因為我會再來的😋加油！

今日朋友生日，一早訂了枱，準時去到不需要等便可入餐廳，服務員好似初哥一樣，好似乜都唔識咁，好奇怪。首先打算試下葡萄牙啤酒，點知餐廳無入貨，無得試，只好飲white sangria, 但只是得個甜字，沒有什麼白酒味，好失望，跟住order一支白酒，極難飲，再失望，但價錢都唔平！食物方面，普普通通，其實都不太像葡萄牙菜。其實最想試就係米豬，訂位時已經訂了一隻，但上菜的時候已經聞到有嗅豬味，真係好失望，不會再有下次。

之前裝修有一段時間冇開。而家捲土重來一定要試一試佢嘅午餐Order 兩個lunch set前菜可選牛尾湯。但我地揀咗沙律。蔬菜新鮮黑醋汁好好味好開胃。1) 盲曹魚配意粉盲曹魚好大件。好新鮮。冇魚腥味。啲肉質亦都好彈牙👍🏻絕對有驚喜❤️可惜蒜蓉意粉有D乾。2）紅酒會牛尾意粉紅酒汁入味。份量亦都好多。我哋叫咗個意粉。但係個人覺得配飯會夾好多。以上兩款都係必食超之選。超級推介。Lunch 唔洗加一。價錢好優惠。

之前都有經過，每次都冇乜人幫襯，今次見佢裝修過，地方大咗又光猛咗，連menu都轉埋，仲見有幾枱客，所以放心咁去試一次，以下係客觀嘅描述....食葡國餐一定唔可以唔食葡國雞㗎喇所以我哋揀左招牌葡國雞跟白飯，另外一個係香煎盲曹魚，一個跟沙律，一個跟羅宋湯。沙律算新鮮，羅宋湯料多但味道偏甜（講味道好飲嘅羅宋湯我會推介又一城皇后飯店)主角出場🎉🎉...葡國鷄飯，一上枱未食已經有D疑惑，傳統嘅葡國雞飯做法係煮好D鷄及調汁後將葡國腸切片加芝士粉舖在雞上面然後放入焗爐嗰度焗到小小焦才揣出來上檯的。但這個葡鷄肯定一早煲定一大鑊，到有人落order就在煲取上來用，完全唔使再加工😖，鷄塊係唔少嘅，可惜冇乜味，個葡汁就完全冇椰汁香味，好失敗，亦好失望，招牌菜會做成咁樣😭呢個餐係蒜香牛油煎盲曹，端上來時賣相唔錯，仲好香蒜味，伴菜暖暖的，魚塊亦煎得脆脆香口，食入口先知出事，盲曹魚塊十分十分乾，質感好似半乾咸魚咁，相信魚塊在冰庫都放了一段時間，連水份都抽乾晒，可以話D材料真係太低劣，又係失敗之作😠總括嚟講....如果餐廳連午餐都做得咁冇誠意，晚餐你都唔好諗住去幫襯，幫襯一次已經嫌多。在酒店商場內真係好少有機會食到

今晚本來想去食K11附近的新泰，7：20去到但超多人等位😵，最後想睇下附近有乜野好食☺️，度度都超多人😓，行到去Mira Place 2見到呢間葡國野Mike's Kitchen, 覺得ok喎😆，餐廳果位姐姐仲好好人，話要等15分鐘左右，叫我地行一陣有位打俾我地🙏果然15分鐘有位，拿拿聲睇食乜😆。。叫左2人份葡式小食拼盆(98蚊)😋有炸馬介休，吾太咸👍酥炸四季豆，炸魷魚同葡式香腸，全部香口野😆送酒就好啱，但我吾飲酒，反而飲左幾杯水🤣🤣葡式肥仔炒飯(98蚊)😳一黎到點解成個西炒飯甘款😫? 好彩味道係ok的，而且炒得幾乾身🤣但賣相麻麻地Mike's Chicken招牌燒春雞(198蚊), 用芝士香草烤全隻燒春雞👍，呢個好好食，隻雞燒得勁滑，皮香脆❤️，好好食😋😋鋪面的芝士麵包糠好香脆❤️❤️馬介休炒椰菜，成日覺得食飯一定要有菜先健康🤣椰菜上面既馬介休絲好咸呀太飽所以沒叫甜品😭，埋單555蚊，餐廳座位吾迫，似乎都幾多熟客😆。餐廳氣氛幾好，侍應都好有禮貌❤️，下次可以再去，再試下其他燒雞，米走雞呀!🤣🤣

餐廳內裡環境採開放式Cafe設計，地方夠闊落，給人悠閒的感覺，又多長枱，親朋好友聚會啱哂😀老闆兼總廚Michael Franco是香港土生土長的葡國人，擁有幾代相傳的葡國食譜。吃出葡國人家常便飯的味道。頭盤-啤梨番石榴沙律夠清新、香甜又開胃主菜-葡式烤乳豬有其獨門秘方，要焗大約1小時15分鐘，為免等候太久，訂座時預訂定就不用需要等候，皮脆肉腍，不會太鹹，配埋［肥佬炒飯］，亦是Michael的家傳做法，落左提子乾和果粒，頗為香甜好味甜品酥皮香蕉卷，米高自家製椰子芝士蛋糕，白酒燉啤梨都好清甜啱哂健康人士口味😊自製砵酒雪糕夠香滑奶香夏天食一流

限聚令增加至八人,終於可以見多幾個朋友仔啦~~ 520當日一行七人去左試葡國菜,叫左九個餸同甜品。🍱特色拼盤不過不失，對炸野興趣不太大，最愛食裡面嘅蝦！🐙八爪魚沙律🥙好fresh!非常推介!!!酸酸地有少少唔知西柚定青檸味，好清新。🍐啤梨番石榴沙律🥗酸酸甜甜甘, 因為自己本身唔中意太酸野所以食左兩片菜就冇食了… 🍗烤焗雞腿🍖醃得好入味, 絕對適合用皮脆肉嫩黎形容! 想食多隻都唔夠分..😆🍶白酒煮刀貝硯🦪D硯肉好滑, 唔會鞋SAP SAP.就算平時最韌果個位都唔會韌!Very good!!!🍛砵酒炆牛尾🐮呢個餸係甘多個餸裡面嘅最愛之一(比較貪心🤣), 極力推介!! 個個都話好味!! D牛尾炆得好淋而且非常入味,甘筍加椰菜同西芹做配菜,個汁酸酸甜甜好似濃縮嘅羅宋湯甘,餸飯一流!食到停唔到口…😋🐖燒乳豬配肥仔炒飯🍚乳豬皮好薄好脆,同外面食嘅完全唔同口感,雖然平時食嘅都係脆皮,但冇甘薄同埋D肉冇甘滑. 因為怕肥同埋頭先用牛尾汁撈飯食左半碗飯嘅關係,冇食到肥仔炒飯,怕食唔落其他.🥃砵酒焗雞🐓 呢個餸可能因為比較遲上已經食飽左少少嘅關係, 冇太認真研究佢個味道,淨係記得d汁係香濃好味同d鷄好滑..

很久之前在澳門海灣餐廳食過非洲雞之後便對此菜 念念不忘上去OPENRICE看到食評都覺得唔錯就去左黎間餐廳見到MENU後最想食既係非洲雞及乳豬肥仔飯不過今日得一個人所以只能2取其1最後選了非洲雞既LUNCH SET是日餐湯是牛尾湯- 真係好耐無食過一個甘香濃既牛尾湯，湯帶著蔬菜既甜味，牛尾煮到化開，肉及蔬菜都成為了一體，啖啖都鮮甜。如果能大碗一點更好等了20分鐘左右非洲雞亦來到，單看外表都覺得太干太小醬，同埋同我食開有花生既非洲雞係完全唔同今次我食到既只係辣味而己幸好有大大份既蔬菜，而就是這些蔬菜都好食過隻雞，亦是靠這些帶小小甜味既菜我才把飯一起食曬我估係我食唔到辣吧 同堆唔知真正既非洲雞都係甘辣架呢下次我會再來挑戰乳豬飯的

The only thing i like better than talking about food is eating如果香港要搵正宗既葡國餐廳 我會推介葡匯咪走雞葡國餐廳環境好舒服 同埋個裝修都好休閒 店員服務都好好 有推介我地要食咩signature food我地點又左葡式燒乳豬, 傳統烤沙甸魚, 小食併盤推介:傳統烤沙甸魚: 雖然多骨, 但係條魚煎得好好, 完全無魚既腥臭味唯一可惜既係葡式燒乳豬 個皮應該烤得太耐 好硬葡匯咪走雞葡國餐廳 Mike's Chicken Comida de Portugal Restaurant@mikeschickenhkLocation: TSTPrice (5 is max): 3.5/5Yummy (5 is max): 3/5

行Mira Mall見到呢間餐廳環境幾大又冇咩人食，加上係葡國菜幾特別，除左係澳門會食平時都好少機會食得到。上網見食評話要食呢個傳統烤沙甸魚，個人覺得烤得好脆而且唔腥。不過朋友覺得太多骨，如果唔慣食魚既人都唔建議叫呢碟菜，因為都好多細骨。我地3個人，烤乳豬要左四分一隻（要預訂先有嫁)，都夠曬食。乳豬皮脆肉嫩，少許脂肪加上厚厚既嫩肉🐷配埋個葡式茄汁炒飯，配上臘腸令到個飯有油脂香，不過個人覺得配提子乾落去炒有點兒怪。馬介休炒椰菜反而我只係食到蒜香味，偏油但唔會太油膩。上網再搜尋下咩叫馬介休，其實係鱈魚經鹽醃製而成，唔少葡萄牙菜與澳門葡式美食會落既主要材料。最後呢個白汁煙肉蘑菇意粉就一般，但芝士味都好濃好Creamy