蒲東小館 (彌敦道) (已結業)

因為有yahoo既團購coupon ，所以就去左試食呢間新野。整體感覺都唔錯，上野食快味道正常，重點係佢一d都唔貴，就算冇coupon都抵食。前菜我地叫左燻蛋，味道ok唔會太咸去到就當然必叫小龍包，d小龍包超多湯搞到個包太重一夾起個底就穿左，可能係我技術問題不過味道真係唔錯夠鮮味再來係蔥油拌麵，味道一般冇特別冇驚喜，真係純粹飽肚。最後不得不提就係佢特別推介既咸雞，叫餸個陣其實個哥哥仔已經講明係凍食，但我地都想試下（反正有coupon 打左個75折）比大家睇下個樣先食落口好乾食，肉好鞋，可一不可再總括呢講，我覺得都唔錯既，但就真係唔好叫個咸雞啦，而且價錢實惠，可以安哥既

首先說聲抱歉，吃到一半時才回復理智發現未影相。每次吃上海菜都必點雞絲粉皮，這家的雞絲粉皮沒有令我失望，醬汁沾上粉皮入口香淳幼滑。平常吃小籠包都好大方請竹籠吃一半湯汁，這次卻一整隻放進口裡，很滿足！招牌炒飯味道不會太重。

係油麻地睇完戲想食返餐滬菜有質素而又係附近既應該就係蒲東小館上次閒日既晚餐時間嚟用膳都相當多人 等位都等咗大半個鐘 所以今次專登早少少六點幾嚟拎位可能未到食飯時間就超多吉位 完全唔洗等侍應安排我地坐卡位，一坐底就奉上一壺玄米茶茶味清香，配上精緻餐具，未進餐但感覺已經唔錯我同兩位友人都有好多菜式想食於是就毫不留情地瘋狂點菜-------涼菜---雞絲粉皮-------其實呢道涼菜好難整得難食呢間既芝麻醬香味足夠但本人略嫌粉皮同青瓜絲＆雞絲比例失調最後就只係係到食麻醬粉皮------涼菜---蔥油紅蜇頭------食唔到蔥油既味道但勝在本人喜歡食爽脆既口感而且海蜇頭不帶腥味所以即使調味偏淡也欣然接受------小菜---五香燻魚------係其他菜館食呢道菜通常都係都係凍因為做法有些少費時，好少即叫即整但呢度既燻魚呈上時竟然係熱既!!表面炸得相當鬆脆唔會食到有好厚既粉漿外皮，入面既魚肉亦唔會老配埋酸甜醋汁相當開胃我同友人都一致推薦呢味誠意之作------小菜---黑醋話梅骨------D肉食落真係有話梅香味滲出嚟，唔係得個名調味配合得宜，酸酸甜甜而且肉質好鬆軟對比起糖醋排骨既經典味道本人更

今日同女朋友去咗油麻地買嘢，行過見到有間新開嘅上海嘢，咁啱做緊下午茶，於是就同女朋友一齊試試。入到去見到裝修都幾靚，坐低咗，侍應就攞左壼玄米茶嚟，都幾好飲。再睇下餐牌，都有好多唔同嘅選擇，價錢都唔算貴，另包餐飲，同可以再加錢叫多份小食。我同女朋友就點咗個豬扒担担麵，同獅子頭窩麵，另再加錢叫咗個小籠包。先嚟係豬扒担担麵，豬扒同麵分開上，兩者份量都絕對唔係下午茶size，豬扒一大塊，炸得幾香口！碗麵女朋友都話可以少啲，至於湯底我哋叫咗小辣，花生醬味較濃，鍾意濃味嘅人一定要試。麵屬幼身，軟度適中唔太林，正！之後到獅子頭窩麵，用瓦煲上，保證熱辣辣。上湯底配上麵及獅子頭，感覺較担担麵清一啲。不過要讚一讚獅子頭，平時係其他地方食開，一啲我覺得太瘦，一啲就肥膏多過肉，今次依個個比例啱啱好，送麵一流。到上小籠包，加小小錢就有四個，抵！小籠包皮薄，夾起嘅時候真係要小心啲，唔好哂咗入面啲湯汁。而我最鍾意都係成粒一口食！覺得咁樣食先係最暢快嘅！仲有要提一提餐飲，我揀左秘製嘅酸梅湯，可以話有驚喜，特別係第一啖飲嘅時候，真係嚇咗一嚇，唔知點解杯嘢咁重口味，同平日去打邊爐飲嘅酸梅湯比起嚟，可以話係兩倍甚至三倍特濃

誠意推薦，晚上用膳，地點好方便，門口多個車站，因為一般上海菜比較精巧，蒲東小館份量令我驚喜，每碟份量足夠四人享用，用心制作，味道很好，推薦，蟹粉豆腐，咸肉炒飯，清河蝦仁，上海篤鮮

個人好鍾意食上海菜，所以上網找到這間蒲東小館，星期六幫襯，要等位，但好快有位，不過伙計叫冧巴叫得好細聲，過了幾張我先留意到原來一早有位。我們兩個人叫了5小碟冷盤，雞絲粉皮十分出，我不嬲不大喜歡麻醬都覺好味其他幾碟涼菜都ok、不過不失，最正是個排骨炒粗，好多汁，但唔係水汪汪，也不太甜和油淋淋，其實食得上海菜預了味濃及油膩，但這間真正恰到好處但另一個鮮肉小龍包就好普通，㸃小龍包的薑絲醋也不正宗和不好味，下次不會再叫，留quota食其他好過，還有砂窩醃篤鮮，好好飲，D咸肉出晒味，筍鮮甜，但嗰啲好像豆乾的物體就太多。總括而言，我們都好滿意，但食完成晚都好口乾，唔知係味精定咸肉嘅關係？值得一提，就是這裡的姐姐伙計非常友善，又滿臉笑容，就連後生仔伙計都好，未必是招呼周到，但確實好nice又笑容滿面，讓人在好開心的環境下更能大快朵頤

作為上海菜既狂熱粉絲，耐唔耐就要食返餐上海菜黎到油麻地九龍行試下蒲東小館。可能仲早啦，叫左個四人餐，好快就開始上菜啦！四人餐有湯、涼菜兩個、小菜兩個、粉麵飯一個、小籠包or生煎包四件同埋水晶桂花糕四件「手拍青瓜」最早到！用蒜頭、醋同少少麻油撈青瓜，有少少凍，幾清新既前菜。「特色鳳尾魚」其實唔知咩黎同埋會點整，但係見到係廚師推介就叫左。又幾好食喎佢係炸既，成條都可以食，雖然賣相一般，但炸得唔算太油，香脆，面頭有甜甜地既醬同埋芝麻，香口惹味，唔錯！重點係條魚既肉都幾厚身，唔係淨食骨，可以一試「乾煸四季豆」我無食到，見到有肉碎同埋都幾油下，朋友話無特別，未係最好食既。「川味水煮牛肉」好大份呀！入面有好多牛肉、豆芽、粉絲、香芹。份量多到食唔曬面頭有大量辣椒同辣油，但唔食得太辣既我都接受到！牛肉大塊鮮嫩、豆芽爽脆、粉絲幼身圓既，有口感、少少彈牙。至於味道，唔係我地食過最好食既水煮牛肉，因為佢係得個辣味，無麻同香，所以差咁啲～「糖醋魚塊」睇上去一碟好似好少咁，但其實食落都有成十件魚塊，仲要件件都幾大塊添！有青椒、紅椒、洋蔥同罐頭菠蘿做配料。魚塊係炸既，但食落唔脆、炸皮少少淋左，唔知係咪啲醬汁浸耐左

星期五晚辛苦工作一週打算慰勞下自己又心血來潮想食下上海野就定左佢店舖明顯人手不足，一大班人企係外邊無職員安排派飛，見到有人湧入去就成班湧好艱辛地攞左飛，有外地人？定內地人？ 唔知啦，廢事話歧視一野衝左入去自己霸左張枱，同職員講，個職員見到係外地人望左一眼愛理不理，咁其他人見到咁都得咯，就一炮過湧入去囉，差！好彩最後大家都入到座，咁大家都就嘩算其實野食係好食既食物份量足料，2人食4餸真係飽到上心口左 普通小籠包 $38 上 奶油津白 $68下 川味回鍋肉 $78右 蒲東小館炒飯 $88小籠包不過不失，肉太肥，湯汁多，勝在抵食津白就個芡同濃湯寶有得揮回鍋肉係半肥瘦炒到出晒油，肥而不膩，味道濃郁配埋粒粒分明而又不重味既炒飯度相常合拍總結而言，味道不俗，但服務大有改善空間

心血來潮想食上海野！朋有仔話想試吓呢一間上海菜，所以我哋今日又去試食新野啦！七點鐘去到唔駛等位，喺旺角少有！🧐🧐🧐上海炒年糕唔好睇佢個樣黑蚊蚊咁，食落去味道都唔錯，鍾意食年糕，就算凍左都唔硬緊！而且味道唔算話好咸，有冬菇調調鮮味，唔錯！雞絲粉皮味道好似差咁D！得花生醬味😂😂😂花雕醉雞雞件大小剛好，肉質亂畫走味唔會太重，可以一試！😊😊😊招牌蟹粉小籠包小籠包新鮮正出嚟，熱就夠熱，但係蟹粉嘅份量唔算話好多，所以鍾意食蟹粉小籠包嘅人就唔好抱太大期望啦😂😂😂水煮牛肉可能期望大失望就越大！😭😭😭第一次食個水煮牛肉係唔夠香唔夠辣，得個樣夠紅，真係失望！😞上海生煎包味道比較普通，仲以為係小籠包個種😝😝😝最後叫咗個豆沙餡餅味道甜甜地，外皮香脆！鍾意食香口野嘅我都食咗好幾舊！總括而言其實呢間餐廳嘅嘢食味道比較冇咁重，應該係冇乜味精！堅道餐廳嘅食客大多都係年紀比較大嘅或者係一家四口！年青一輩嘅可能未必啱😂😂😂

午餐時點了醬油鴨面，味道一般，但「驚喜地」鴨內獲贈頭髮一條!服務員將兩杯凍檸茶淋到朋友身上，最後換回兩杯半茶半水的飲品，原來檸茶賣晒，下次應該叫凍檸茶走茶。飲品創意十足，可惜太難飲!

以前去搵律師，就去九龍行，不經不覺，最近九龍行變成美食天堂，開咗好多間新餐廳，決定要逐間試吓佢，今日就食蒲東小館，好掛住上次去上海時嘅味道～雞絲粉皮，醬料豐富，滿滿嘅花生麻醬味，粉皮爽口彈牙～係我最鍾意嘅新派多汁小籠包，皮薄、爆汁～😋韭黃鱔糊，鑊氣夠，淡淡嘅韮黃味滲哂入鱔度，夠哂香濃～😋上海粗炒，同樣鑊氣夠，材料豐富，～哦... 混咗一個川菜... 炒薯絲...又估佢唔到，醒胃出眾喎～🤭😆相比之下，個酸辣湯就比下去喇～

之前見好多人團購呢間現金券，想試下，又可以用抵的價錢請下屋企人食飯，所以我也團購左，今晚去食。可能由於平日晚上，不算多人，入去就即按排個卡位比我地。好似是新開不久的，所以環境好新。我團購左四張現金卷，預四人食，當然要用盡佢啦。每人就選了一個自己喜歡的主菜。我即用計數機計，發覺仍有剩，於是我就點多了三個小食加一個甜品，一齊開心share食。小食有：酸辣湯（一小碗）味道相當好，不太辣，多少少酸，不錯😊小籠包味道ok, 好多汁，一咬已滴哂落身😝牛肉生煎飽重牛肉味，如果可以再煎香啲、脆啲，硬新啲，可能更好。主菜：獅子頭湯麵賣相一流，味道都一流。獅子頭好鬆軟，麵質好ok, 而且好入味，個湯底好濃，非常好👍排骨擔擔麵賣相都好靚。湯底夠辣，夠濃，麵也一樣，質地非常ok. 但炸排骨有少少干身。雞排擔擔麵和排骨擔擔麵差不多，而雞排比較鬆軟。排骨炒麵色味都ok，呢啲排骨比炸果啲軟.麵質很好。而我地當然滿意食物的質素，但最滿意就係食物的份量。每一份我地叫的主菜，都份量十足，真的比我地平時通常去的食肆多一截。我地食左四分三開始已經好飽，還未吃小食。四個主菜加三個小食對於我地四人實在太多，如果再去，應該兩個主菜

Always loved Shanghainese and noticed this place had no sad faces on openrice, we had to pay a visit!4 adults and 1 child, we ordered many small plates…My fav had to be the eggs, the yokes were perfect and the flavour of the whites were great too.We also ordered soupy dumplings, pspicy dumplings, Sichuan chicken, soy & fungus (in sweet vinegar), deep fried buns (with condensed milk), green onion pancakes, pan fried pork buns, green beans, and red bean pancakes. Everything was great. Service wa

全無信用的垃圾餐廳，自稱星級餐廳...........全無商業道德，不知所謂幾個星期前打電話訂了位，註明12人需要大枱我們還遷就了必定18:00到才有大枱，呢間垃圾蒲東小館承諾當食生菜，影衰曬香港飲食業當日我們準時到了餐廳，結果沒有大枱，只是給了前後兩張小卡位我即跟餐廳帶大陸口音的女仕應說：當時承諾18:00來一定有大枱給我們的為何現在反口，女仕應態度非常惡劣，「未留左兩個卡位囉」之後當你無到，彩都唔彩，走左當晚天氣只得9度，我們一家人有老人家，有2歲小朋友，突然不知怎算結果一定唔會繼續幫襯呢間全無商業道德的餐廳，兩張細卡位跟本就坐不到從未試過在香港訂枱食飯咁過份現在已經將過程拍攝上Youtube讓大家知道有這些全無商業道德的餐廳什麼自稱星級餐廳？連基本服務已經超級唔掂就真！去唔去幫襯呢種餐廳大家心中有數

同我個為食家姐同佢家人來到這家上海食店，本想食個飽兼減下壓，點知卻食到一肚氣。同服務員點了六個食物，3個不合格，3個尚可接受。先講花雕醉雞，似乎比較生，再來個小籠包，皮厚肉汁少，至於蒲東小館炒飯，以為係主打食物，應該質數高，但係送上時卻不是熱騰騰，材料更只得蝦同青豆，似乎強差人意。幸好，津白肉絲炒年糕味道適中，年糕夠軟熟。甜品中點了豆沙窩餅，不太甜，唔覺"漏"。到最後一款食物，酸辣湯，味道尚可，但容易胃痛既我，都係接受不來。