蒲東小館 (彌敦道) (已結業)

究竟上海菜在香港有多受歡迎呢？位於油麻地彌敦道的蒲東小館是新開張的上海菜餐廳，價錢合理，更不收加一。我和寶寶在星期六晩上九時來到也要等位噢，真的超好生意呀！牆身的裝修也很可愛呢～首先來了一壺蕎麥茶 ($3/位)，有香濃的茶味，味道甘甜，有助消滯。聽説還能美容養顏，健胃排毒，幫助減輕體重。所以我也瘋狂地喝。。。酸辣湯 ($60) 例牌份量有很多噢，四人 share 也可以。材料充足，味道不算太辣，不吃辣的也可以試試，酸酸辣辣的非常開胃。為了寶寶著想，四川擔擔麵 ($48) 刻意叫了小辣，辣度便適中了，但可惜花生醬味不算特岀。麵條卻有驚喜，沒有煮得過腍，反而帶點硬度，煙煙韌韌的很有咬口。熱勝騰的蟹粉豆腐煲 ($108) 非常香和惹味。不但有香濃的蟹味，還有很多蟹肉在裡，加上嫩滑的豆腐，拌白飯吃簡直一流呀！每次也到上海店也必吃的炸銀絲卷 ($26) 當然沒有失望，外面炸得香脆，內裡軟鬆的銀絲卷沾上煉奶真的讓人吃到不能自拔呀！還不用加一，真的很正！

咁多中菜之中我最喜歡就係食上海嘢，有辣有唔辣，要清淡又可以清淡，又濃味又可以濃味。今晚行彌敦道發現呢間上海餐廳排晒隊，好望下 menu 價錢都幾合理，我又等埋一份哈。蒲東小館炒飯 ($68) 炒飯都幾豐富，有蝦肉同雞肉，份量不少。我哋二人每人都食咗起碼二至三碗。粒粒飯都炒得分明，煙韌有咬口，掋食又好食。鮮肉窩貼 ($32) 我都未見過咁脹卜卜嘅窩貼！個底煎得好香脆，一咬落去仲爆湯汁，餡肉大大粒，仲好鮮嫩 juicy，點埋薑絲醋汁酸酸地非常好食。最好係原來唔收加一呀！真係夠良心。諗下依加啲聚會嚟依到賣單起碼係加一費度慳返幾百蚊。

這間位於油麻地地鐵站，行出來不用1分鐘就到的＂蒲東小館＂地點非常方便就腳，而且是新開的上海菜，門口看見餐牌價錢亦算親民一於試試味道如何🤔川味口水雞 $68口水雞汁料味道比較辣，雞件比較淡口，肉質不嚡有彈性雞絲粉皮 $52粉皮很滑溜，加上他們麻醬自己再加了些豆瓣醬撈在一起吃很惹味蟹粉河蝦仁 $168大閘蟹現在是時令當然不能錯過，蟹粉比想像中淡口，河蝦仁是半透明的，但食落口也算彈牙淮揚香糟黃魚片$98香糟黃魚片微微酸很醒胃，黃魚片滑溜不腥，還有爽脆的黑木耳一嫰一脆，美味無窮鮮肉小籠包 $36小籠包湯汁足，咬開少少就流湯汁出來，皮薄餡肉多，比一般小籠包大隻😆上海素菜包 $32素菜包外皮非常鬆軟，一咬開蔬菜還是碧綠色🤩好多時在外吃的素菜包蔬菜都是瘀青色，這個真的很新鮮加上少許的冬菇粒令素菜包更加提鮮👍🏻高力豆沙 $36明顯係手工製作有大有小，豆沙餡很細滑而且不太甜

以前我就在油麻地上學，經過五六年的轉變，這裏都已經煥然一新。多了很多店舖，餐廳，甚至新建了一些商業大廈。以前上學的午餐沒有太多選擇，只有鄰近的連鎖快餐店或連鎖茶餐廳。難得今日又再經過油麻地，我見不少餐廳都臨立在這裏。款式很多，日本菜，泰國菜，韓國菜，火鍋店⋯⋯包羅萬有。但今天我卻想吃粵菜，想吃一些傳統的粵式小食，所以我就朝着中菜進發。就在油麻地A出口轉角，步行只需1分鐘，就到達九龍行的地下，馬上看到一間上海菜餐廳， 蒲東小館。它是新開的餐廳，但裏面人客已經有很多。看見餐廳內部燈光光猛，佈局精緻，寫着新派上海菜，就想試下是否出色，所以決定在這裏用膳。一進去，餐廳裝潢並不是極具中國特色的風格，而是比較fusion，中西合璧。天花的吊燈很有時尚和現代感，而它的餐具就用了中國特色的藍白色為主調，感覺像青花瓷的圖案。茶杯，碗碟，匙羹是一套的，感覺很優雅和高貴。打開餐牌，食物款式非常之多，價錢亦不貴。食上海菜一定要由小食看起。必點的一定是上海鮮肉小籠包和紅油抄手，這兩個上海小食都是我的最愛。主食我們叫了三樣，第一款是蔥油拌麵，另一個就是川味水煮牛肉，再來就是招牌菜—蟹粉豆腐煲。紅油炒手＄38我想說

媽媽最愛吃上海菜，剛巧路過油麻地，有新餐廳開張，決定去這餐廳晚餐。蟹粉小籠包在上海曾食過美味的蟹粉籠包，想不到這兒的質素與上海一樣，蟹粉味十足，咬開還有肉汁溢出。炸銀絲卷銀絲卷很細滑，外層炸得香脆，沾上煉奶味道一流。砂鍋餛飩雞湯非常足料，湯很有雞味，原來是用半隻雞餚製，雲吞大大粒，菜肉餡料足。四川擔擔麵少少辣，有花生香味，麵質爽滑，掛湯一流。蒲東鱔糊麵媽媽最愛黃鱔，咸咸地非常有鮮味。凍豆漿豆味濃郁，很好喝。

被門口的圓拱形落地玻璃窗吸引住，再看看價錢不貴，就一家人入來食上海菜。裏面的裝修高格調，但價錢很親民，有多個套餐可選。四人套餐有一個湯、兩個涼菜、三個小菜、一個炒粉麵飯、小籠包或生煎包和桂花糕才$488！套餐的湯選了有特色的醃篤鮮。湯料很充足，有很多鹹豬肉「醃」。花雕醉雞很有酒香和入味，醉雞雞肉頗嫩滑。近來天氣寒冷，食韭黃鱔糊夠滋養。鱔魚份量充足，滑而不腥。腰果宮保雞丁帶點辣，真是吃得過癮。雞丁很軟嫩，配上彩椒腰果，非常好食！棠菜苗炒百葉絲，棠菜苗很新鮮翠綠。瑤柱蛋白炒飯簡單好食，飯粒飽滿有口感！生煎包肉餡充實，底下煎得香脆不油膩。水晶桂花糕是 QQ 糯糯的口感，頗特別。另外點的蟹粉小籠包，皮薄餡靚，也不錯。

最近經過見到LEE間新開GE餐廳食上海菜，內裡格局好精緻，就黎食個晚餐試下新野！個碗都好靚！坐低店員就奉上一壺喬麥茶，好喝之餘又十分健康有營養前菜嗌左涼拌茄子，色澤漂亮！茄子十分鮮甜，將醬汁稍稍拌均再食好惹味！開胃之選！另外叫了五小碟，可以自選拼五款前菜，非常抵食。我去揀左糖醋小排、鎮江餚肉、雞絲粉皮、上海薰蛋同手拍青瓜，賣相同樣相當別緻，而且份量都不少！上海薰蛋係帶半凝固狀的金黃蛋汁，味道十分濃郁，入口仲有淡淡的煙熏香氣！生煎包都好正宗，係芝麻脆底生煎，食落十分香口腰果宮保雞丁辣辣地配瑤柱蛋白炒飯一流！辣椒的香氣、軟嫩的雞丁加上香脆的腰果，我食左兩大碗飯！超惹味！甜品係上海名點 水晶桂花糕，唔同平時岀面食好晶瑩剔透GE桂花糕，呢到係好似湯圓咁鋪上清甜的桂花汁煙煙韌韌，味道十分討喜！成餐飯店員們都好熱情勤快，又主動加茶收碟，服務好貼心，好滿意的一餐上海菜！

同朋友係附近行街見到依家新開既中菜館幾靚，而且價錢唔貴，於是決定入去試試餐廳有卡位，長枱&圓枱，裝飾得幾靚，環境乾淨闊落，我地都好中意。茶芥$3 個茶超好飲好香茶味，有淡淡米香，我飲咗好多杯四川擔擔麵 $48唔食得辣既可以叫走辣，小辣都得，麵條軟硬度適中，有小小咬口湯底香濃又唔會太‘傑’蟹粉豆腐煲 $108 份量好多，豆腐好滑，而且蟹粉份量都幾多又濃郁，不過又唔會咸，調味啱啱好，上枱時邊邊仲有起泡，夠曬熱辣辣蒜容抄芥蘭 $52芥蘭好靚夠嫩重點係唔會好油蟹粉小籠包 $75相比蟹粉豆腐煲，依個既蟹粉味唔濃，除咗包上有一小舊蟹膏外，小籠包內冇咩特別，皮都唔算薄，不過贏在夠熱姜茶湯圓 $30 秋風起食依個冇得輸，個姜茶好夠辣，係高質素既姜茶湯圓有個完美既句號

上次經過油麻地，見到呢間上海菜係新開既，環境企理又明亮，價錢唔貴，就叫左屋企人一齊黎食叫左一個4人套餐，套餐內容好豐富，連茶位只係$500！花雕醉雞個雞無乜脂肪，酒香四溢，份量其實都唔小涼拌茄子小籠包 4個呢個真係必試，皮薄多汁，薄到阿媽一開始唔小心大力一夾就穿左😂😂川味水煮牛肉另一必叫推薦，勁大盤，有牛肉、粉絲同大豆芽，份量比想像中厚切牛肉大多煮得適中，唔算嫩亦唔會韌，僅有一兩塊有筋位咬唔到，但整體質量唔錯。預設辣度大約中辣，男朋友食唔到但媽媽卻吃得十分過癮，下次想叫大辣韭黃鱔糊我唔太食饍，淺嘗一口，韭黃味濃，鱔亦帶點爽勁，完全無骨棠菜苗炒百葉絲菜本身係用菜苗，顏色嫩綠，但有點略鹹，配上白飯就最好，但呢個餐本身跟左個炒飯就無另叫白飯了。蒲東小館炒飯炒飯配料豐富，雞肉、蝦肉同蘿蔔，飯粒粒分明同時帶適當濕潤，味道比較似揚州炒飯。醃篤鮮呢款上海名湯第一次試，加入左鹹豬肉同鮮豬肉煲成，味道鹹鮮。水晶桂花糕唔係平日食開個種桂花糕，呢款口感軟糯，似酒釀丸子個種。豆漿 跟餐價$8不會太甜，豆味濃，又夠大杯，抵！服務方面，上菜、收碟等等都好有效率，亦幾有禮貌，不錯未必係我食過最好食既上海菜，但水準中

和媽媽去吃飯，選中菜準沒錯。逛著逛著，看見這間「蒲東小館」，新開張，夠光猛，價錢相宜，今晚就選這一間吧！ 餐廳位於油麻地地鐵站口，十分方便，加上光線充足，在街上頗為搶眼。 特色脆皮鹹雞 ($78) 侍應向我們推介這款脆皮鹹雞，「脆皮？是炸的嗎？」媽媽和我都不喜歡上火的食物，「不是，像鹹焗雞那種。」聽完馬上黑人問號，就叫一碟來試試。 原來這是冷盤，吃一塊雞皮，終於明白了！這種脆皮有點像海蜇，是爽口的脆，不錯喎，完全不覺得肥膩，吃雞皮不再是罪！ 干煸四季豆 ($58) 很怕吃豆，怕聽到那些「唧唧」聲，但四季豆例外，絕對是我的「飛佛」，這個四季豆也做得好吃，豆本身清甜，加上惹味的肉碎，有水準。 蟹粉豆腐煲 ($108) 全晚最喜歡是這個蟹粉豆腐煲，蟹粉的分量很多，味道鮮香，配清淡滑溜的豆腐，簡直是最佳拍檔，必吃推介！ 牛肉生煎包 ($36)沒有期待中的爆汁，牛肉也比想像的結實，反而麵包皮做得出色，咬下去軟綿綿，外皮煎得十分鬆化。 鮮肉小籠包 ($36)小籠包有湯汁，皮的厚度適中，能吃出豬肉鮮味，是不錯的選擇。 擂沙湯圓 ($32) 高力豆沙 ($36) 點了兩款甜品，兩者中

路過彌敦道，有位阿姐在九龍行派傳單，介紹一間新開業的上海菜館，由於這間菜館的店面裝修很美觀， 就被吸引入內光顧。店內裝飾也很清雅舒適。菜式有很多選擇，涼菜、小菜、麵食、點心、甜品……應有盡有。因為今天想吃小菜，便下單吃一個五小碟、兩款小菜和一客生煎包。五小碟可在八款涼菜中選五款，我們選擇了糖醋小排、脆皮素鵝、雞絲粉皮、鎮江餚肉和四喜烤麩。此店涼菜做得不錯。糖醋小排甜酸得宜，雞絲粉皮拌麻醬很香滑， 脆皮素鵝做得似小春卷般，很香脆。四喜烤麩和鎮江餚肉味道都很好。松鼠魚是這裏的招牌菜，魚炸得很香脆，加上拌有菠蘿、蕃茄、青紅椒、菘子……等的甜甜酸酸醬汁，非常開胃。這個小菜賣相非常漂亮，青綠的小棠菜加上中央的 一個大肉丸，就像花朵一樣。小棠菜胆灼得剛好，沾上大肉丸的肉汁，倍覺鮮味。一客生煎包有三大個，只是$32， 也算超值。整體來說，這菜館的涼菜和小菜都做得不錯，而且食物擺設也很漂亮，下次有機會會再來試試這裏的點心和甜品。

臨近聖誕節，就梗係多節目㗎啦。是日同朋友行街，行到攰，咁岩經過位於油麻地彌敦道嘅「蒲東小館」，見佢新開，就打算入嚟試吓啦。黎到食上海菜，就梗係要飲返杯豆漿啦。豆漿可以揀凍同埋熱，依家天氣涼涼地，當然係飲返杯熱豆漿啦。呢度嘅熱豆漿，甜度適中，溫度剛剛好，入口唔會太熱，唔使攤好耐就可以入到口，值得一讚。餐牌除咗有以上嘅食物之外，仲有一味標榜零脂肪嘅特色脆皮鹹雞，仲講明係江浙自家後園飼養走地雞。雖然以＄78來講，呢個份量比較少，但係入口鹹鹹地，冇咩肥肉，味道算唔錯。酸辣湯有分一碗同埋例牌，鍾意飲呢個湯嘅我哋，叫咗一個例牌黎share。例牌嘅份量都算好多，有成五至六碗咁多，算係物超所值。酸辣湯入口酸酸地，配料都好足，如果可以整得再辣少少，咁就更加好啦。鮮肉小籠包一份有四件，入面嘅湯汁唔單止夠多而且好鮮甜，皮薄得黎亦都唔會咁易穿。鍋貼煎得香脆亦都唔會太燶，入口帶點煙韌，餡料仲有少少肉汁，咬一啖，餃子汁就會流出嚟，唔錯。高力豆沙算係我全餐飯入面最期待嘅甜品。高力豆沙係由炸蛋白同埋豆沙整成嘅，炸蛋白整得非常鬆軟，大個得黎亦都幾實淨，中間嘅豆沙亦都唔會太甜，配埋面頭嘅糖霜，入口非常好味。呢度嘅食物同服

食物質素是可以的小籠包 鍋貼 都不錯茶有點米香但招呼我們的店員竟然完全無法理解廣東話，只能以普通話溝通朋友發現其他員工都能說廣東話 希望店主留意啦樓上海底撈都講廣東話啦店主要留意如何聘請員工啦