蒲田日本料理 (已結業)

情人節同朋友去左呢間食晚飯。叫左一客燒三文魚頭，雞肉軟骨腸，日式炒飯，三文魚手卷，甜蝦刺身。味道一般，埋單每位計$80，以食品質素同環境黎講算唔錯。不過食肆可能人手唔夠，侍應成日都好忙，所以即使落單上菜好高效率，客人周不時會出現對空氣落order的攪笑情況。侍應在另一張枱邊執拾餐桌，一面叫『落單o既?好，你講丫........』

12:45前埋單半價!!D野都係$18-$24,叫o左個宮崎牛肉拉麵$18, 支裝汽水+$3,真係好平wor, 味道一定唔正宗ga啦,不過我覺得真係唔差呀~食得過wor~

同快餐無乜分別，味道仲差過大家樂果D日式定食，拉麵食不知其味，咖喱豬扒飯無味不特止，塊豬扒仲硬過鬼添！食一次便夠！

琴晚同朋友o係銅鑼灣睇完中巴大戰，見成條街都係人，就落o左灣仔搵o野食，見呢間鋪頭價錢都幾抵，就入o左去試o下。呢間鋪頭d定食都唔算貴，40零蚊至60幾蚊度，包主菜、前菜、漬物同麵豉湯咁。另外又有d套餐，包主菜、湯麵或飯同兩件壽司，48蚊。我就揀o左個汁燒牛肉，d牛肉燒得幾唔錯，有肉味又唔會太乾身，不過個湯麵就好唔掂，麵唔夠彈牙，湯底又好似水咁淡，另外壽司又好唔得，飯就散修修，三文魚又唔夠新鮮，有d影響胃口喎！不過講真，幾十蚊食日本o野要求當然唔可以咁高，而家起碼份量夠，食物質素都算合格，糧尾想食下日木菜呢間算係個唔錯既選擇。

去過兩次都係同一時間同一情況，睇完戲之後去食晚飯，但兩次的服務態度就完全不同，第一次可能有老板娘o係到卦！所以服務都幾好，而且o的o野食又錯！但係第二次就冇人理你，o的待應坐o係一邊“打牙較”！離晒鋪！！叫o左兩人定食，又想食壽司喎，咪叫o左一客三文魚壽司先囉，點知o黎六件，問佢原來先知冇搞錯，真係一客六件，你叫我點食其他壽司ar！

唔係就會好似我咁超級失望架啦!等唔切星期日,所以今晚襯放學後拿林去試埋個雞軟骨同天婦羅,點知..........先黎個雞軟骨,$18/2串,睇落幾好樣,食落都好有咬口,一過好似好肥仔喎,一咬落去好似成口油咁,好鬼漏!跟住等呀等,等到隔離位有客坐低,o佢地D麵都黎到,我個天婦羅至到,等我仲俾其中幾個侍應眼超超,以為我一個雞軟骨就霸住個位唔肯走! 唔知廚房今日係咪心情唔靚,落手重左,個雜錦天婦羅個樣已經唔似天婦羅似酥炸架啦,仲要油淋淋,食落口感又唔掂,係就係好似好多料,3隻蝦,冬菇,竽頭,青椒,茄子,不過唔好食的話,你俾再多咪又係o徒~~~ 卒之食左一半就收口,個喉嚨仲漏到而家,所以連想再order多個清酒煮蜆o既打算都無啦!!!

最近迷上左日式料理,所以今日放左學見肚餓就行左入去幫襯,先order左個三文魚刺身$28/5件,嘩,件件都成cm咁厚,又肥美,食完都已經飽左5成; 之後一個銀雪魚定食$5X,件銀雪魚都幾大塊,燒得又脆口,食埋件魚已經好飽,所以碗白飯都無乜點郁過,但個麵豉湯咸左D,海蜤前菜又un左D咁囉!失察呀! order完食物之後先至發現餐牌上面o既什錦天婦羅同燒雞軟骨,等我下星期放學再試過先!