蒲田日本料理 (已結業)

13:10落單1340先上菜，叫咗銀鱈魚定食。仲要湯同前菜都勁追單（最後小食無上過）。d嬸嬸見你食完收嘢就勁快趕你走，原來收加一超o嘴😕一定無下次，貼錢買難受!

The grilled fish is really good, sushi also very good. Fair price, clean, and goid servicewould go back just for grilled fish. I thought the eel was very juicy and tasty, get the fish bones too. Very underrated and very lowkey. Definitely a hidden gem

臨別之際同事們又farewell食下野，今次event完左係灣仔附近， 一唔頂住熱浪亂咁行搵野食，見到呢間有位又坐得舒服就入黎試下， 心諗唔食野都飲下野算。睇過餐牌覺得價錢中位，尚可接受，都算幾吸引！﹣牛肉鍋：本來大家都唔算肚餓，諗住叫個鍋十下十下食下熱野就得，點知！個鍋好大！＄2xx蚊呢個鍋突然變得好抵！牛肉望落都幾靚，雖然唔夠嫩，但都好開心幾多片下。鍋入面有好多材料：豆腐啦冬菇啦 芋絲啦 金菇啦翠肉瓜啦，好多唔同既菜係底，仲有D粉絲添，我地5個人每人都可以食好多。﹣刺身拼盤（唔記得叫咩名，好似係’竹‘）：都幾新鮮，但份量唔多大家都就住就住食，好彩仲有叫其它野～﹣鰻魚壽司：一份2件，我地叫左2份，鰻魚幾長身， 燒得入味；但上碟時唔熱，可能驚再翻燒會乾左？同埋有一條不幸斷左，美觀上無咁好睇（雖然唔影響食欲xD)﹣燒牛脷：唔錯，大大塊都有汁，即燒的所以好後期先上。﹣燒魷魚筒：份量多，我地keep住食都食唔晒；魷魚彈牙，有咬口，但係我食左咁多野後覺得咬到好攰... 最後交俾男士們解決佢...估唔到亂入有驚喜！然且服務態度好，坐位闊落，唔會好逼好多人，我地幾個嘈到拆天都唔怕影響（太多）其它人

公司有位高層另謀左高就，成team人一齊farewell 佢就黎左呢間十分有人情味嘅小舖食日本料理老闆娘話食日本野都有先次序，要先食生嘅！好！開始第一道: 好鮮甜生蠔新鮮，有海水味，配香檳一流好味指數: 第二道: 三文魚腩、池魚、劍魚刺生三文魚肥美，池魚爽甜，劍魚彈牙我個人最鐘意三文魚腩，魚油香又滑，真係好正嫁好味指數: 食完厚切池魚，就黎薄切池魚。薄切比厚切更爽更好食，配埋佢地個獨家醬汁就仲正，酸酸地，更加突出到魚嘅鮮味。好味指數: 食完刺生，食北海道直送海膽呢份海膽嘅鮮味程度同係日本食個啲真係有得揮老闆會送上紫菜比你包黎食，但就咁食其實更好食，一個字！甜！好味指數: 食完生野，咁食咩好？食熟野😂大家見到下面個三件壽司係咪好想食為你推介，右一。左口魚壽司。真係世上最好食嘅壽司，爆正。我地仲每人追加左一份，堅正！好味指數: 鵝肝多士。爆汁流油知唔知咩叫入口即溶？唔知？咁你就要黎試下，多士脆，鵝肝軟，絕配。誠意推薦推薦度: 好味指數: 清酒蜆。如果你有食蜆情意結，可以叫一份燒牛舌鐘意食牛舌嘅你必食，勁爽又多汁又入味。唔識形容，鐘意食牛舌嘅你一定明好味指數: 炸三文魚加七味粉食一流，三文魚

這不起眼的日式料理小店，位於灣仔活道，門面不大。老闆是從十幾歲就到日本學藝的老香港人，近年身體不好很少在店了。今次是飯後跟隨友人過來品嚐各種刺身美酒。由於菜單是預先準備好的，友人請客所以價格無法提供，但驟看餐牌還是非常親民的價位。時令大響螺刺身高質素之選！即點即刺的是當天最欣賞的一款！響螺片鮮甜之餘極度爽口，可媲美象拔蚌刺身的爽甜程度。食材以外師傅的刀工甚為重要，新鮮刺切的時候需要用檸檬𣲙水快泡幾十秒，才能帶出更佳的口感。可見小店處理食材工序上做得很足。另外必須一讚醬料，不難食出用的wasabi是日本的生磨芥末。此芥末為新鮮生磨味道更香，但比起一般通用的，辣度非常輕，要下很多才有平常的辣味。而且保質期短價錢貴，這樣的小店竟然堅持選用👍🏻大大提升了刺身的美味指數！時令針魚刺身首次品嚐來自北海道的針魚，季節限定2-5月。肉質結實彈牙，油份不多的。這款是相對經濟的刺身之選。章紅魚刺身與油甘魚外觀相近的章紅魚價格更親民，看到刺身的魚肉呈現透白色，是質素好的章紅。只是刺身片真的很薄。汁燒喜之次魚有「深海紅寶石」之稱的喜之次魚，由於難以捕捉離水即死，十分矜貴。汁燒的煮法有點浪費掉了，而且味道過咸。

鬧市中嘅抵食午餐～蒲田。set~lunch $63~$85之間，當然仲有加一服務啦！今日揀咗牛肉火鍋，前菜有幾件魚生、麪鼔湯。主角牛肉煱（牛肉當然係普通嘅肥生，ok啦！豆腐、菜及芋絲）及白飯。同事則散叫咗天婦羅綠茶冷麪（綠茶味欠奉、麵質算是彈牙爽口）

呢間日本料理由我第一日係灣仔返工已經有，不過今次係三年黎第一次食。本身其實想食返佢隔離既魚鮮生，但係佢執左，所以就試左呢間。入到去個環境好黑，不過佢啲燈幾有日本feel，幾特別。加拿大海膽同三文魚腩刺身，海膽有少少沙，不過都幾鮮甜。而三文魚腩刺身都幾肥美，不錯。牛肉烏冬，湯底無乜味，烏冬煮得太腍，普通牛肉，無乜特別。雞泡魚乾又係無乜特別，唔係太好食。燒豬頸肉，無乜味同埋個豬頸肉唔太新鮮。天婦羅拉麵，都係好普通。天婦羅炸得多油左少少，拉麵湯底就普通豬骨湯，拉麵硬度煮得幾好。鰻魚卷，個汁都幾好既，不過又係唔算好好食。劍魚腩壽司、帆立貝壽、甜蝦壽司，呢三款都幾鮮甜既，但係又唔係好好味，可能因為雪得過凍。火炙三文魚壽司，呢個食落反而幾好食，好肥美，少少入口即溶咁既感覺。火炙左口魚邊壽司，呢個好味！入口即溶，好香甜。馬糞軍艦，比起加拿大海膽更香甜。

今午去灣仔摩利臣山泳池游泳完畢, 隨著去附近日本餐廳晚餐, 選了蒲田壽司拉麵專門店, 這是我們久不久會去的餐廳.餐廳內日式佈置, 環境及座位都及格.設有寿司吧, 供應很多不同魚生和寿司.侍應招呼 ok,  很快地安排座位及送來餐牌. 食品款式多, 價錢合理.我們大家叫了多款:刺身寿司, 拚盆  $298有三文魚, 吞拿魚,  北寄貝,  帶子, 甘蝦, 蟹籽, 由師傅組合的壽司拼盤, 有十款壽司和六個小卷, 使用日本米, 質素有講究.  我們最喜歡是三文魚籽軍艦, 大粒, 晶瑩通透的三文魚籽, 海膽軍艦的海膽完全覆蓋飯團.  壽司鮮甜肥美,  不錯.魚生寿司 飯$105.有海膽, 真的很鮮甜, 還有三文魚, 口感十分很新鮮！ 飯品質及格.什錦天婦羅 $85.有大蝦, 茄子, 番薯, 青椒, 冬菇等, 即叫即製, 食材新鮮, 炸得不太油, 熱辣辣上枱, 好香脆. 和食料理  $98  牛肉火窩.用鐵鍋仔盛着, 熱熱的上枱,  鍋內有牛肉片,  粉絲, 豆腐,  大蔥, 紅蘿蔔, 菜, 芋絲, 冬菇, 和雞蛋.  食材豐富, 份量 OK.湯底味道不錯,  帶些甜味.  牛肉品質OK, 好滿

Good selection of lunch set bento and rice dishes. The taste was okay although could be hotter. Reasonably fresh sushi.

第一次食應是很久之前，當時仍覺得好滿意。但是第二次食卻有點令人失望，最恐怖的是我點的魚生飯。當天是平日的晚上，去到餐廳門前，與以往一樣，又是看到一遍的黑蚊蚊，店內只有一成滿。正好想吃日本野，所以就走入去餐廳內。因為沒有甚麼客人的開係，我們被安排到了一張大卡座，相當寬敞，不過因為檯比較高，坐得不是太舒服。雜錦魚生飯 HKD 95.00我對食物常有少少選擇困難，所以有時候，有一些雜錦的，我就會揀。令次都是一樣。不過，這個魚生飯的魚生好不新鮮…特別是劍魚腩…一咬落去出水…即刻吐回出來…其他的魚生比較有好一點，但是仍然不新鮮。而飯好硬，好死實的感覺。這個魚生飯是個負分。另一個是肥膏點的。燒銀鱈魚拉麵 HKD 85.00第二次食這裡的燒銀鱈魚，這個是真的不錯。拉麵只是超普通的港式拉麵。味道很好，而且燒得剛剛好是外皮小小脆，而入面的肉是滑雪雪的。

第一次去浦田食日本野. 裡面燈光昏暗.但間鋪比想像中大, 一班人七八個都可以坐埋一齊.十個人分開兩張枱坐.大部份同事都叫左雜錦魚生飯. 而我就食左個熱食. 雞扒定食.介紹下個雞扒定食$65.先黎三文魚刺身. 切得十分厚. 十分肥美. 但一食落口. 無咩魚的鮮味, 只有冰凍的感覺...跟住個湯. d昆布好大塊, 重有d un度, 絕對要咬幾下先能吞. 不是平日一般食開的口感.小食. 平日我一定唔會食帶子邊同呢d腌制過的蘿蔔, 因為好驚蘿蔔會酸. 但出奇唔酸, 只係得個色. 食落去同普通蘿蔔無分別. 而個帶子邊更加係咁多樣野最好味, 超鮮味. 主菜雞扒到,  切得細細條. 食落好方便. 但越食越覺得唔對路. d雞生生地>< 天啊... 我家下唔係食雞刺身... 所以最厚肉個幾塊唔敢食. 雖然同事話叫人整番熟, 但再等就會遲到. 唔知係咪因為有d生, 所以都有少少un.同事們的雜錦生飯$75. 裝飾得好靚. 有蝦, 帶子, 三文魚, 吞拿魚等等. 材料豐富, 但問番同事的意見時, 同樣係魚生鮮味不夠, 只係好夠凍. 

內有寿司 BAR, 三大曲形卡座, 及約二十張散座位, 以灣仔日本餐廳, 地方算不錯, 坐位, 灯光, 舒適, 食品新鮮和價錢很老实, 值得一試 !我們今天時間不多, 所以簡單叫了一個套餐和一個便當.三色刺身: 有三文魚, 吞拿魚, 尤魚, 很新鮮, 肉厚, 像日本大阪黑門市場品種面豉湯: 內有很多塊海帶, 豆腐, 只是味道畧鹹!牛扒汁燒味道佳, 我們叫的是 6 成熟, 但厨師煎得老了些, 像7成熟. 肉身不錯. 可口!配菜蕃茄很鮮甜. 青瓜也爽口. 配一碗白飯, 全餐的擺切不錯, 飽加抵食 !!.刺身, 寿司便當有蟹子沙律, 三文鱼寿司, 加州卷 日式蒸蛋. 拉麵, 茶/啡 售價 $158唔錯!刺身: 有三文魚, 吞拿魚, 八爪魚, 鮮甜蝦, 很新鮮, 肉厚和奭口. Good!蟹子沙律 有很多蟹子, 鮮菜, 只是要問侍應補多些沙律汁,.加州卷: 有牛油果, 蛋, 很好, 紫菜很脆,三文鱼寿司, 做法可好.日式蒸蛋 : 內有蝦肉, 雞肉, 白果, 魚片, 冬菇, 很香很滑, 少有做得那麼好. 推介 !!拉麵: 拉麵品質不軟不硬, 好吃, 只是份量少些. 內有竹筍, 魚片, 栗米, 海帶

由店外望入去黑漆漆所以從來冇幫襯過,今日有同事提議就即管試下,一點繁忙時間但好快有位,壽司拉麵飯類套餐都有,我叫左個雜錦壽司飯,樣樣有D都幾新鮮,三文魚夠肥美,當然唔可以同日本餐廳比較,但幾十蚊有個咁豐富既午餐都算抵食!

我們家肥膏很愛打機，亦正因為如此，我倆常於灣仔區找吃的。而「蒲田」就真的是第一次食。之前，肥膏有試過，他推介我吃雪魚。其實說真的，由店外看入店內，餐廳是暗黑色的，感覺陰陰沉沉。要是我一個人食，我是不會到這麼暗沉的餐廳。入到店內，貫切始終，陰暗！不過當天平日下午茶時間，人不多，地方寬敞。午餐定價不貴，算是抵食的一間港式日本店！肥膏要求點的，香煎雪魚定食。每個定食都會有三片三文魚刺身。刺身新鮮，夠凍，不錯。雪魚很好吃，煎得剛剛好！而且調味十分出色，鹽甜鹽甜的！肥膏果然沒有推介錯。另叫了吉列豬排定食。同樣附上三片三文魚刺身。質量都是一樣！不錯。但說回豬排，就真的有點失望。豬扒本身很瘦，又切得很薄。炸得又太乾，是個令人失望的吉列豬扒。不過整體上都OK，是間不錯的餐廳。就不要點吉列豬扒好了！

活道附近既日本餐廳，呢間唔算最好，但唔算最差。當然如果論價錢，呢度遠遠唔及其他日本高級食府，所以都唔好求啲咩超凡質素。香港人會go for set dinner or lunch,因為會平啲，而且又款款野食都有啲，唔洗煩諗食咩。所以佢地個便當A,B都做得唔錯，我鐘意佢地個吉列生蠔同明太子雞翼。另外我Like個烏冬多過個拉麵，烏冬好滑同彈牙，湯頭亦夠甜。當日都叫左唔少野食，講其中幾樣先。不得不提的一定係佢個清酒煮蜆。奶白色的湯中有少許的辣椒，這種辣可以更帶出蜆的觧味。個湯應該百份百係既甜，因為食唔出有白砂糖的味道。唔好以為蜆或海鮮類好容易煮，就咁掉落水煮熟就得，其實都好考功夫。因為海鮮有陣海水味，處理得唔好會變腥。呢個清酒剛剛發揮左去味的作用，仲添加左一陣酒香呢！蜆肉細嫩、隻隻都有肉唔會得空殼。大家要黎試試呢味菜呀！日式炒雜菜好幾乎間間日本菜都會有，其實都係用柴魚片放面就話係。但蒲田果碟咸到冇朋友…我連續幾次黎都係咁，希望改善下。所謂的壽喜燒，根本一啲都唔正宗。首先呢個壽喜燒似香港人鐘意食既火鍋多啲，啲牛肉完全唔似有煎過亦食唔出有煎的感覺。個湯好甜，但甜得黎好假好人工。我寧願佢稍稍咸返少