蒲頭島 (已結業)

以前都黎過蒲頭島堂食Hotspot, 當時已經感覺唔錯, 除左火鍋料外, 出面亦有熟食同甜品任取.因疫症關係, 近來已減少出外用餐次數, 而有次行經街道無意中留意到呢到有火鍋外賣套餐, 之後有日想同家人Hotpot去左呢到買外賣.其實火鍋套餐外賣我都係第1次試, 但原來果種方便, 真係令人好開心, 唔洗好似平時係街市咩都買小小就已經曬左好多時間.今次叫左個2人餐, $200鬆D就有交易, 但份量好足, 我同家人Total 3人食都食唔哂.叫左人蔘鬚雞肉湯, 本身以為個湯底會偏苦甘, 但原來又唔係wo, 都幾特別, Daddy仲加左D酒落湯底提鮮tim.套餐肉類方面有美國牛板腱, 西班牙豚肉片及雞件; 其他配菜有丸, 有油豆腐(口感似豆卜), 有菇, 有魚皮, 有菜, 有粟米(好甜), 有烏冬(係有咬口QQ既)等, 仲包埋2罐汽水tim.美國牛板腱: 超級驚喜, 無諗過呢個價錢可以食到呢種油脂分佈好平均又無渣既牛!!西班牙豚肉片: 第2驚喜, 因為豚肉煮完唔會”Hi”/硬不得止, 仲好爽口有口感!!其他配料我就不特別講了, 因為都係大路火鍋料, overall d野係新鮮, 乾淨!!食後

在舊墟這一個小區內，其實要食放題，選擇可以有好多，但如果講價格比較相宜，性價比比較高，其實這一間連鎖店，也是一個不錯的選擇，試過打邊爐、燒烤，放題，價格也是$300內有找。

上網見到好多人都話抵食既邊爐restaurant，今日凍凍地就試一試！不過都係不過不失吧。依間餐廳主打有得打邊爐又有得燒烤，不過我地就只係去打個邊爐，每人$158到（set b) 其實佢有好多個set，根據肉既選擇去choose同有唔同價錢💕餐牌好複雜，我地就選擇左set b (有肥牛又有牛肩肉同seafood）！湯底就選左唔太熱氣既香菜皮湯，超濃湯喔👍🏻👭好智能既一樣野係，佢地係電子點餐既，有少少唔慣haha 青菜啊響鈴啊飲品啊（連啤酒🍻）都係係public area自己搞掂！個人覺得係特別但普普通通吧！無話邊一樣食物真係特別好味喇💙❤️但亦都唔難食既😄😄

見某雜誌推介大埔分店有優惠，$164任食火鍋×鐵板燒，好吸引喔，今日就去望望啦!點知……出事了!六點半去到，坐了一檯客，店員安排我同朋友坐係一個好似鳥籠嘅卡位，好闊落。落單要用手機掃二維碼，我們本來打算要個任食豚肉火鍋＋鐵板燒(每位另加$20)，點知一睇d選擇，即刻叫店員取消鐵板燒，因為真係無嘢值得拿去燒，海鮮只有蝦同蜆，真係唔知燒咩好。🙄除非另外叫一個海鮮餐。蔬菜肉類選擇都唔多，因為我同朋友都唔吃牛，所以只叫了豚肉同雞肉，豚肉真心唔掂，鞋到我完全吞唔落，無豚肉味，失望😔!雞肉係雪藏肥🐔，其他丸同餃子都係非常一般貨式，反而餛飩幾好吃，脆肉皖魚骨腩都好好吃。總結，想用便宜價錢任食，對食物質素無要求，可以一試。😁😁

食物本來ok， 但係個電燒爐太慢， 一隻龍蝦仔要燒九個字， 啲肉燒到變肉乾， 嘥曬啲嘢！！！本來， 又可以食火鍋又可以燒烤， 係賞心樂事。 啲食材嘅外觀都幾好， 但係電力負荷唔到就唔好搞咁多嘢。 我早幾日去到繁忙時間都係小貓三幾隻， 就知道奶咗嘢。

唔係其他評論寫得咁差。麻辣湯底太咸可改善，飲品選擇多，食物都有質素，上菜快，份量足，呢個價錢已經好過好多火鍋放題，職員態度很好，環境寬敞，今次冇試鐵板燒，下次會試。

食方便冇上open rice睇睇就入左去食，結果就出事啦。本來168價錢是Ok, 見佢又肯送hoegaarden比我哋咁好，但食物質素則有點出事...我哋簡嘅香辣鍋，味道普通。好彩冇叫個鴛鴦鍋，要加多$40勁唔抵。肉類望落個樣唔算話好新鮮，肉味一般。最最最伏係佢呢個鐵板燒，要每人+$20，後尾先知啲人多數黎燒海鮮套餐（我地笨咗），但最重要係佢個鐵版燒極都唔熱，變左好似慢煮牛咁....（圖中的肉燒左勁耐都有血水！）朋友貪得意拎左個燕窩甜品，唔好食...而且甜品冇咩選擇，連雪糕機都壞埋...冇下次！

因為唔想次次幫襯牛咩、牛咩既關係，今次試左呢間「火鍋+鐵板」。本身喺OpenRice 睇到既menu套餐，同餐廳的有所出入。我諗呢間餐廳既Menu都經常轉？當晚一行7人，食左E餐， 再加每位$20 鐵板。海鮮份量每人一份，聽落似少，但對雀仔胃既我都算好夠。因為除左無得再添既海鮮，仲有其他肉類同丸類。因為係大枱既關係，只可以用gas爐。燒起海鮮黎比較慢熟。有d曬時間但龍蝦，貝類都好新鮮，特別係貝類食落都好鮮甜。肉類就無咩特別，未至於難食。唔算好好，但唔係差。———————無奈既位：本身都打算會叫海鮮，但menu係無美國牛肉 同海鮮既配搭？ 咁唔係標明美國牛肉既，又係咩牛？鐵板竟然係計人頭收費。。。？但我成枱都只有個好細同好弱既gas爐。。。燒都燒唔切。

二人用餐九點入座有優惠早已有看食評，所以懷著試一下係咪真係咁伏咁既心情去試同區既稻八同牛陣都試過想試下新野所以就黎一入去店員都有黎招呼，順利入座，沒特別點了第一輪食物，湯底及食物都幾快黎到㨂左瑤柱薏米冬瓜湯，呢個要一讚，真係好足料同好味黎既食物都冇其他人講到咁差，幾好肥牛，豬腩片，一口牛，烏冬質素都OK自助熟食區既五款炸物都還好，唔算太差用微信點餐，點幾轉野都算黎得快飲品區數量同款式我覺得比起稻八黎講不相伯仲好，要講下彈既野九點入座，但係蝦，蜆同豬紅已經賣哂熟食區既擺設用具同附近既餐桌好凌亂醬料區，熟食區，好似已經被放棄左，即係話唔打算招呼比九點後既入座既人咁員工唔夠，執吉碟速度好慢，冇得同稻八比較廁所有屎漬，衛生情況一般，但未到惡劣

禮拜日一家人食飯，八點三左右黎到，全場最多得四台人，但時候兩個樓面，入到黎同佢講五位，兩位都扮聽唔到，我再問多兩次先好似如夢初醒，求其指一個位叫我去坐，最伏係食物！本身就係想試佢個龍蝦鮑魚套餐，落完單先告知無曬海鮮！咁點解唔係落單前同客人講？！揀左燒野食同打邊爐半放題，鐵板燒超級難食！！和牛？硬到完全咬唔到，鵝肝？好似食午餐肉，蟹腳？難食過蟹柳。所有食物質素都好似廚餘。兩個樓面係度講笑，嬉鬧，明明見到你揮手都扮睇唔到，超大煙燒完之後上鐵板好污糟!!!!!!!!!!!!!食材差！服務差！永遠唔會再試！強烈建議唔好黎！如果想用二百幾蚊食劣食可以試。

好食，服務好！服務人品態度好，野食海鮮新鮮。仲有任品任飲，又有甜品，正！推介象拔蚌好新鮮呀！最重要係服務好好，員工好nice,對小朋友好好！最後要點名讚收銀姐姐👍👍

為左慶祝父親，所以就去左試下新野。因為佢可以一次過食韓燒同火煱。但應該唔會有下次。咁一入去個環境其實好差，地下好滑，差D仆親。冷氣機係咁滴水，一餐飯，我中左十幾次左右。同埋地下好多灘水。佢有5個餐可以揀，咁我地就揀左火煱+鐵板+網燒。佢準備左好多海鮮比我地，每人半隻龍蝦﹑虎蝦﹑扇貝﹑鮑魚等等。但佢既海鮮唔係咁新鮮…但食牛肉或者豬肉去燒既話，我覺得係好挽既，大家都挽得好開心，但如果就食物既水平，我覺得係唔抵既，但如果同朋友去聚同挽就係開心既。

之前網上見到有優惠，三位女士或以上有半價優惠。所以就約埋朋友一齊去食。舖頭好大，但同時你一入去就會覺得好大油煙味，可能佢哋嘅抽風系統唔係太夠勁。呢度嘅賣點係可以比你一邊打邊爐，一邊鐵板燒，嚟個雙重享受。一就座，就會先送你一人一盤海鮮先。其實都係扇貝，蟹柳同埋魚。如果食完覺得滿意就可以比錢再encore。但我地食完之後，覺得十分普通，無乜鮮味，所以就無再嗌了。呢度落單係電子化，以自己電話去掃描佢嘅QR code去落單。食物種類好少，比平時一般嘅打邊爐舖為少。而呢度亦提供咗整大阪燒嘅材料比每一枱，去大長廚藝。同埋食肆入面亦有啲自助吧，有手拍青瓜，腸仔同飲品等比人自己拎。總括而言，好普通，如果唔係有折，應該都唔會試。

試食左164蚊個餐 6個人食 有雞有牛有羊有海鮮食物質素都唔錯 湯底都好食野食都有好多唔同選擇 墨魚丸/蝦滑/鬼馬油炸鬼/香草魚 值得一試落左單 唔係好耐 就有野食 效率都好快 服務質素都好滿意

小肥牛的更新版 今日返舊屋攞嘢發現小肥牛變咗蒲頭島(原來同公司 )門口的服務員友善咁講解 入座後繞了一 圈 覺得自取小食區算有啲誠意味道唔錯 海鮮拼盤好大份 火鍋配料都好多款 同自助式蔬菜柜,可放心食 唔係伏