蒲頭島 (已結業)

叫了C2套餐，有海鮮拼盆，很新鮮，很豐富，有龍蝦，有鮑魚，又有肉燒，例如豬肉牛肉魚肉，肉質也很嫩滑，又有海鮮食，又有得打邊爐，非常滿意！打邊爐配料選擇多，另外也有不同的小食、飲品和雪糕。推薦一試！

10點左右入座, 冷氣大到似雪房,自助菜類得返生菜,娃娃菜,金菇,豆腐, 以為可以喺menu order 其他菜類,點知係無既.成個menu 得勁少野可以選擇.任食肉類都好差, 牛無牛味, 仲差過大家樂食一哥火鍋, 真係好耐無食過一間咁差既餐廳勸各位唔好浪費錢去試

同未來外母食飯,想近近地又想平平地,揾到呢間有海鮮又有網燒同火窩放題,有龍蝦鮑魚(隻鮑魚仲識郁)🤤一大盤海鮮拼盤好夠睇頭,龍蝦加埋蒜茸葱花燒好野味,火窩湯底有啲新意,冇其他店咁死板,值得一提係甜品係冰糖雪燕,埋單每位三百蚊唔駛,相比附近其他店平 開頭睇食評唔係咁好 但食落又唔覺咁差 上網睇人講話西班牙海鮮湯係辣既想試下 點知原來係類似肉醬咁既味 但又幾好味 問係咪改左湯底佢地話個湯不嬲都唔係辣既唔知點解會俾人咁寫 仲話因爲開檔時太多客接唔切係咁俾人投訴攪到依家生意差左 希望佢地可以保持依家水準下次再食過

配料多樣 肉類高質 尤其是牛仔粒 而且d海鮮幾新鮮 好有海水味 甜品方面，這裡的沙津水果種類很多,特別新鮮，還有這裡的雪糕很好吃，雪糕配料也很豐富這的火煱燒烤調味料種類很多,起碼有十五種以上的選擇，值得一試

星期日晩八點半，同友人一行四大三小搵地方食飯。朋友話上次經過見到好多人排哂隊，就提議食呢間～去到門口立眼以為好多人，因爲近門口位坐滿哂，但原來入面好大仲有好多吉枱。坐底後，待應遞上餐牌，拼命地介紹鐵板同打邊爐雙拼餐，我地每問一個問題，佢回應既最後都係話雙拼餐，實在令人摸不著頭腦🙄同埋成間餐廳冷氣大到好似去左雪地咁最後我地揀左$248每位既牛肉邊爐餐，其他配料食物，湯底都要嘟QR code落單，湯底揀左冬瓜盅，實物同相完完全全不符。飲品，醬汁，小食要去外邊自己拎。但原來蔬菜類都要，仲要放既位置係一頭一尾。麵類都係自己拎，可能我地食尾輪，已經無哂烏冬同韓國公仔麵，後尾問左待應，烏冬有加。湯底幅圖本身係成個冬瓜盅既樣，實物係就咁兩大片冬瓜。食物種類選擇唔夠多，$248每位既牛肉餐呢講，佢既牛係完全唔值呢個價錢👎👎👎睇落牛肉好靚，但食落無牛味總括而言，呢間餐廳既服務係稱之為無服務，好難先叫到個侍應問野。大家都覺得去隔離稻香食任食邊爐好過佢多多聲👎👎👎👎👎👎👎👎👎👎👎超級劣評

1. 7pm左右, 仍然可以walkin有位。食完離開大約8:50pm，仍然不full，入座率8成左右。2. 入座時會出一個QR code，用手機scan完之後，入到一個落order的網頁，成餐所需的湯底、肉類、丸類、海鮮都是要這樣落單。有相片，有註明份量，出貨量準確。同意是環保的做法。不過叫第3次脆肉鯇時，遲遲未到，找侍應查詢才獲悉無晒。原來無貨不會通知，這點不太好。3. 牛肩胛，第1碟好好食，但追加的1碟竟然un到食唔到。4.蔬菜櫃只是一個有玻璃門的櫃，不似雪櫃，感覺不到有冷氣去保存新鮮度。款式10多款，每款必須1碟碟的方式取。不過其中1碟豆腐味道怪怪，不敢吃。5. 飲品是一般本地罐裝汽水、韓國罐裝飲品、盒裝道地、jolly shandy。啤酒要自費，逐杯計或者全枱人頭計upgrade任飲。6. 自助熟食區，無特別參觀，不評論。環境初頭以為係廚房或者工作間，入口擺了一車車待清潔的餐具。7. 軟雪糕，自助由部機到拉出來。沒有品牌名也沒有說明味道，只知有白色及黑色2款。食落根本無味，只係凍。又唔覺得有甜味。8. 加湯，請自己去湯底櫃取一壺壺的湯自己加。個湯淺色到好似的加凍水一樣(用普通

因為係facebook見有介紹，咁岩想去打邊爐所以就試下！咁我就食最平$138，因為得兩個人就唔食鐵板燒喇！咁佢係會送1份美國牛肉併盤，一送到嚟見到都好唔開胃，好似啲人食唔哂比我地食咁🤮同埋仲要唔好食，一粒粒個啲係咬唔開！而個湯底揀左芝士蕃茄蓉海鮮點知嚟到見咁多油已經有不詳預兆，個湯底原來係辣嫁，揀湯底個到佢又無講到係辣既🤭咁$138只係包熟食飲品同某啲配料，咁落單要掃QR Code先落到單同埋$138係唔包落單所以揀之前要問清楚，去拎啲熟食見到真係少得可憐，我食左炸雞粒、燒賣同串燒！炸雞因爲放得耐林林地，燒賣同串燒都Ok！冷盤就有酸辣青瓜、冷麵同手打丸，我就係食左酸辣青瓜同手打魚丸，兩樣都可以接受！個雪櫃上面有韓國公仔麵比你，個豆卜好似紙皮盒咁浸左咁耐都唔入味好難食，我同男朋友就係食菜、秋葵同南瓜！同2人位好逼真係唔好坐，真係唔會再嚟食，垃圾！總數兩個人食左$303.6（138+138+10%）

1. 電話訂咗講明食鐵板燒，到餐廳諗住求其比冇鐵板燒嘅枱我地，反映完係門口呆企等15分鐘先可以入座，安排好差2. 唔同Plan定得太複雜，睇完都係一頭霧水，連侍應都要出返counter問人3. 食物質素差，仲差過一般平價酒樓火鍋，啲牛肉又散又碎4. 飲品選擇少，小食又唔refill，連雪糕機都話壞埋5. 食大阪燒個侍應竟然話冇醬同木魚碎，齋食個餅底dry到爆，仲要係唔好味既6. 枱上面嗰幾樽調味粉受晒潮，jam到一舊舊7. 個地下超油超易PK總括： 伏！後面稻香個任食邊爐贏佢10條街

朋友見到三個女士去有優惠，所以就去試下，一邊燒一邊打邊爐，望落好正，滿心期待，叫左個番茄湯底，但點知完全無番茄味，除左個娃娃菜叫做浸到有少少味之外，個生根又有陣味，食到有d想嘔。地方尚算乾淨，但好逼，枱與枱之間好窄。不推介，一定無下次，寧願留肚去食糖水。

其實真係好少寫食評，呢間真係差到極點。見新開諗住去試下啦，留兩個電話長期唔聽電話，咁留電話比你book枱有乜用，要wtsapp佢先得仲要超級遲覆，本身又唔係開得早。咁終於book到星期四啦，食左個邊爐個網燒，好興奮見到啲海鮮，個網爐又要壞左比個Gas網爐燒到超級慢。個邊爐啲湯底完全冇味，啲野食選擇又少，就算係任食都也太少啦。好啦要加湯，係勁淡既湯勁似水既湯，醬汁好多都好似溝左水添。入面做啲人好似乜都唔識咁，價錢完全同個質數唔成正比，我真心覺得唔好味，唔推薦去食，住大埔友都唔推薦去食呢間～

Openrice評論咁兩極，決定親口試試，於是放工就打電話加whatapps book位，發現原來真係冇人聽同冇人覆架咁就唯有去walk-in，大概等15-20分鐘，都ok la從門口望入去都幾墟陷⋯心諗應該都唔錯掛，點知入到去就好似聽到直升機係耳邊開緊（伏伏伏伏伏⋯）環境差，質素低，服務冇我同媽媽坐係雪櫃旁邊，係好方便去雪櫃攞菜⋯山根⋯ 魷魚等//但最低果層擺盤爛蛋係度～到底係咪俾客攞架？呢度用QR code 落單⋯款式已經唔多，仲要有d售罄質素真係麻麻地👇🏻牛拼盤魷魚ok好似有少少阿華田味嘅雪糕🍦⋯好似咋我唔肯定，因為佢冇標示住咩雪糕順帶一提，唔好用果度d杯，有d唔知咩雜質係入面好污糟呢度對我黎講真係不可一不可再，早知去稻八食算喇

上次一開張fb瘋傳我地去到門口見到排晒長龍但望入去見到人地d海鮮好似好正今日經過即刻要試下我地揀左258果個D龍蝦鮑魚蝦都好大隻火鍋就揀左蕃茄鍋配菜可以雪櫃拎有其他肉類丸類餃類係掃code電話落單有個牛肩肉好食但最好食係牛柳粒我地燒黎食嗌左幾次好有日本味道質素吾差不過不失呢個價錢有呢個質素都好ok加28蚊可以飲beer食到海鮮258真係好抵有下次👍🏻

今日友人相約踩單車🚲到大埔還車，順便食埋晚餐竟然發現一間有火鍋、網燒鐵板燒自助餐滿足晒我個胃好快就先上龍蝦拼盤，有龍蝦、蜆、青口、蝦、八爪魚......網燒爐唔大煙，放好海鮮到鐵網慢慢燒燒鮑魚個時，隻鮑魚仲識郁新鮮又可以打邊爐，Order 個 野菌雜菇清湯底先火鍋料牛脷托、炸魚片頭、自家製鮮蝦雲吞拼水餃，配合二人份量，可以食多d款式還有熟食供應，坐底肚餓即刻食小食先自助斟雪糕🍦有七喜、雪碧我揀，我都係鐘意飲可樂蝦滑配岀前一丁，蝦滑好彈牙一餐晚餐有兩款食法

第一次來蒲頭島，兩個人叫左B餐，我只能說食隔離稻八好過 (雖然我唔知叫其他餐係咪會好d)。首先QR code order function暫停左 (食到後半段先resume返，不過個code係scan唔到的)，咁用order紙啦，雲吞水餃等等等等落左兩三次都冇影，最尾要問個職員佢先話冇，蝦滑果d又話要自己出去自助食物區拎。 嘩！果個所謂的自助食物區何其"宏偉"，好似d餐廳廚房咁，見到都反胃，唔好話蝦滑沽清冇人refill，總共都係得幾種食物可以拎 。另外抽風極差！大部分職員唔係態度差就懵盛盛！中晒伏！！

新開張想試下新嘢，價錢唔算貴，終於昨晚book枱試試，結果好失望。 食物麻麻，款式不多，好多都無，又唔出聲，海鮮不夠新鮮， 又坐得唔舒服，整體不合格，應該唔會再幫襯。