蒲頭島 (已結業)

去左太和行街買乾糧雜貨，之後去舊墟直街，知道這裡變了火鍋食街，入左這間蒲頭島。這裡主打有火鍋放題，再加網燒或鐵板燒選擇，我們喜愛吃龍蝦，選了C2套餐，包火鍋配料，及一盤龍蝦海鮮拼盤。有龍蝦、青口、大蝦、蚌同鮑魚，將幾款海鮮網燒，應該可更原汁原味，欣賞龍蝦竟然一人一隻，好大隻，加上芝士粉，海苔粉和椒鹽，非常彈牙好味。再用手機嘟QR CODE 落火鍋配料訂單，點了牛豬雞羊肉，和特色丸類同自家製餃子，最特別有油炸鬼同鮮菇釀蝦膠。點了牛脷，切得好薄，建議網燒加孜然粉，好好食。還有任點的中蝦，都係燒會香口啲。再到自助區攞飲品同特色小吃食，先取燜牛腩蘿蔔，還有春卷，薯角。火鍋料的響鈴和魚皮也是任取。近門口左邊還有一大雪櫃任取蔬菜和菌類。之後另一輪火鍋料,再點幾碟牛肉作火鍋絕配。飲品種類多。最尾自己唧的軟雪糕，食埋甜品非常滿足。

同舊同學聚舊，他最近升職，梗要去大埔搵佢食番餐好嘅。去咗蒲頭島打邊邊。我地點咗個D餐，兩小時任食，價錢大約$328一個人，頂級安格斯肥牛任食邊爐。侍應先俾咗一碟二人份量嘅頂級安格斯肥牛。真正嘅半肥瘦雪花肥牛，入口即溶，牛味濃郁。湯底我點咗瑤柱冬瓜薏米湯底。呢個湯底幾有特色，湯底裡有一大圈嘅冬瓜，打完邊爐食超正。薏米，瑤柱都好多，成個湯底都係。部份免費火鍋配料用App點。其他牛肉類普通啦。花雕醉雞幾嫩滑入味。脆肉脘爽脆。田雞腿麻麻地。墨魚仔新鮮爽口。蜆仔幾鮮甜。其他配料我地去火鍋配料區自取。粟米超級甜，讚。冬菇幾大隻。秀珍菇，生菜，油麥菜，娃娃菜新鮮爽嫩。我比較Prefer食C餐，有海鮮燒感覺豐富d，不過C餐賣晒。安格斯牛幾Impressive幾高質。冬瓜湯底抵讚，打完邊爐，我地成圈冬瓜最後食晒。星期日門口勁多客，黎食一定要訂位。

如果幫親呢間蒲頭島, 一個字形容 “伏”,  由訂位到食完走都係非常不愉快經歷:1)  訂位電話長期飛去留言信箱, 但留言信箱又話爆滿, 叫人遲D再打去, 咁我唯有 Whatsapp 佢另一個電話訂,咁佢都好快, 幾小時後回覆叫我填資料,仲有一句寫明….”我們的服務承諾，如填好以上資料後，本公司將在當天內確認貴客之訂位（ 約數小時內）”, 咁我就即刻填, 但係到第二日晚上仍然冇回覆我, 係咪確認 (其間我經常見到佢係上線中), 咁我就問佢係咪確認呢個 Booking 啦, 點知佢只係一句 “OK啦”,既然咁簡單, 點解唔早 D答我呢?2) 到我地 4 個 6:00去到, 企喺收銀個男人先至同我講, 女士半價只可以係 3 位或以上女士先可以享有, 我地2 位女士 + 2 位男士都要比正價, 咁算啦, 就當我中文理解能力差, 誤會係全台3 位或以上, 咁我就改佢既C2 套餐啦, 但發覺價錢係 $228, 而且要7:30 離座 (原本 26/3 報紙賣話 C2套餐係 $218 - 8:30 離座),  咁我再問佢食到幾點, 有個扎馬尾冇帶眼鏡既中年女人 (貌似 openrice食評家占士邦0

黑洞一路都係蒲頭島忠實粉絲一知道大埔開新分店 就梗係要去支持下由沙田踩單車去到大埔 做完運動食好西啱啱好蒲頭島打邊爐一向抵食 新鋪仲有得食鐵板燒黑洞揀咗任食沖繩水飼a級豚肉片套餐果然肉質紋理都好靚湯底芫茜皮蛋湯 健康之選任食配料有各款水餃 雲吞 丸手打丸真係幾彈牙打邊爐又點少得食芝士腸 仲要係金妹牌添另外有蝦 蜆類牛魔王可以試吓牛柳粒自助區仲有即炸魚皮 夠晒脆口食咁多肉都要食番d菜飲品區有各款汽水同紙包飲品食飽仲可以食番杯軟雪糕作結添

今日全版報紙賣行廣告，身為大埔友，梗係即刻去試吓啦！廣告單張話有火鍋放題、鐵板燒、網燒，咁咪可以一次過玩晒三樣？！ 我地兩個人去攞位，sorry呀細枱得返火鍋枱，其他係大枱，但已full晒。 嗰吓個心已經沉一沉，咁唯有食打邊邊囉，鬼叫我地得兩條友咩！ 所以要鐵板燒或網燒，最好多啲人嚟，同埋記得訂位呀！入去坐八卦望吓個場，又真係幾大，一眼就見到掛喺牆上有個用洒樽砌成嘅圓型燈飾，又幾搶眼啵。最後我地揀左C1套餐，海鮮火鍋$228一位。用QR code 點菜落單已經唔係咩新事，呢間都係用呢種模式，講真的確係好方便，係抵讚嘅。打邊爐梗係最重要個湯底啦，麻辣呀、豬骨湯呀、芫茜皮蛋呀、沙嗲湯呀都成日叫，今次見到呢個【瑤柱薏米冬瓜湯底】，咁唔洗諗就叫呢個啦⋯⋯佢地上菜極速快！非常好！煲湯就嚟左喇，一圈圓碌碌冬瓜就滾呀滾，睇就好過癮喇。海鮮一大盤，提一提先，隻龍蝦唔算大，一人有一隻，不過肉質唔太彈牙。 其他海鮮就幾新鮮嘅。其他火鍋料有丸、自家包嘅餃子、菜(出面自取的)，大路嘢。 最特別係花雕田雞腿，好巨型呀。 其實呢度都幾煙霧瀰漫，每枱網燒、火鍋、鐵板燒嘅煙加埋加埋，啲煙燻到眼都睜唔開，唔係講笑，朋友

囡囡想自助餐、爸爸想火鍋、我想網燒/鐵板燒，可以一次過滿足3個願望嗎？可以的，這晚來到開業不久的蒲頭島，2小時任食任飲，有幾種套餐選擇，任君選擇，難怪等位客人多到塞滿門口呢！我們一行4人，選C2套餐，既有火鍋又有網燒，掃QR code後便開始點火鍋湯底及配料，有辣有不辣，選個瑤柱薏米冬瓜湯底，清清甜甜蠻不錯的。手機掃QR code 即點肉類、丸類餃類、海鮮等配料，而蔬菜類、豬皮等則可自行在凍櫃取，質素不錯啊！自助餐區食物不算太多，有幾款小食、什果沙律、酸辣青瓜、軟雪糕、果汁及多款紙包罐裝飲品。C2套餐是龍蝦海鮮拼盤，有龍蝦、鮑魚、大蝦、青口、沙白、北寄白、八爪魚，相當豐富。網燒溫度較平均，且網燒爐中有水份，感覺沒有那麼熱氣，也可保存著海鮮應有的水份。網燒時，還可以按個人喜好加入調味粉呢~不過，我就覺得吃食材原本的鮮甜就最好味了，當 然食材要有質素啦！ 幾款海款都不錯，龍蝦及海蝦相當爽甜，鮑魚軟腍帶點嚼口，貝殼類也鮮甜嫩滑。正值星期天，餐廳客人多，又或許是新開業，入座安排未見靈活處理，建議大家先預約，不用等太久。

好失望也憤怒電話Book枱永遠打唔通又話留言信箱已滿睇報紙同宣傳單張話可以食到晚上8點30分話可以whatsapp Book枱好啦電話打唔通0甘Whatsapp啦晚上10點幾whatsapp零晨12點幾先覆我仲話如果想Book枱就填佢隻Form啦歡迎貴客訂位，請填寫以下訂位表。訂座姓名：訂座日期：星期幾：訂座時間：幾多位：留座電話：*套餐名稱：*若預訂《套餐2》或《套餐C1》或《套餐C2》，請列眀訂座套餐名稱我們的服務承諾，如填好以上資料後，本公司將在當天內確認貴客之訂位（ 約數小時內）。多謝支持。大埔舊墟直街4-20號美新大厦B1地下《蒲頭島》電話：2666 7528Whatsapp: 913975280甘我第二朝6點幾先收到啦就填Form啦因為要番工到下午5點都未收到（又話幾個鐘頭會覆我既）0甘我坐車去啦（因話報紙同宣傳話第一時段坐到8點幾嘛）點知去到個大埔分店門口個女人話收唔到我張booking我話你爆左就覆我爆左啦仲咩要我填Form呢又話唔係佢覆又話叫我食到7點半大佬呀我6點20分去到你叫我7點半交枱?仲想收我全費?係咪要報商品說明條例呀

又來到大埔食東西，最喜歡門口可以偷偷泊車。剛好蒲頭島門口有位，泊下就可以一直食一直看車。最近附近都在裝修，如果要找都比較困難！我們來到的時候是7點鐘，店裡面已經人多到不行，我去到枱前報到，看到有一位小姐沒有訂位，經理跟她說要等到9點半才有可能有位置，好險，我有訂位。他有5個套餐可以選擇，因為我不清楚，所以訂位的時候選擇了套餐D，來到看，原來套餐C2超級吸引，有蝦又有龍蝦，還有我最愛的大茹，可惜已經爆滿，不可以換。在門口看到原來現在做優惠，3位以上可以有半價套餐，我只有2位，沒得選。坐下有員工解釋火鍋部份款式在外面，近門口的位置自己拿，隔壁有甜品跟飲料拿，其他都可以用微信掃一下QR Code，在手機裡面點菜跟點湯底。今次給男朋友選擇，他選了這個人參白玉鍋，有好多人參，紅棗，清清的，不會太濃。先點了一份脆鯇魚片，牛肉粒，脆鯇魚片非常新鮮，牛肉粒肉汁濃郁。好快來到主菜，頂級美國安格斯Prime，名不虛傳，果然超級好食，肥瘦均勻，煮一下就可以食，還有雪花牛柳粒，一半肥肉一半瘦肉，咬下去超級嫩，好好食。不只主菜牛肉，還有其他的牛肉，還有牛舌，超級爽口，其他有生菜，水餃，雲吞，蟹柳之類，基本的款項

星期五我想食好啲聽朋友介紹 就帶家人去到大埔蒲頭島食火鍋放題 去到本店 人客比較多 很有人氣 不過職員們工作都很有效率 很快就安排我們入座 了 入坐後環境都很舒適 這間店點餐都是用手機掃描系統的非常方便 食材都好新鮮 我比較推薦 牛肩肉 雪花牛柳粒 牛肩肉的口感很好 牛柳粒的牛味也很重 牛筋丸同墨魚丸 爽口彈牙 呢度啲海鮮種類都好多 有蝦 青口 蜆仔 帆立貝 墨魚 都好鮮甜 呢間店有一樣嘢一定要讚 就係打邊爐嘅湯底 我哋見到個冬瓜紅棗薏米湯 湯底好清甜 令所有食材都上一個檔次 我都直接整咗碗湯來飲 我地點左個套餐D 個頂級美國安格斯 味道相當有質素 口感都好好 飲品我就覺得藍莓汁最好飲 淡淡的藍莓香 仲有少少果肉喺入面 很開胃 當然汽水都係應有盡有 食飽咗 呢間店自助雪糕機 口感香滑 做最後甜品 食物有質素 服務員態度友好

屋企又冇飯開唯有齊齊落街食，去左附近其中一條食街開餐，原來冇來一排食街又變左多了其他食肆進駐變得更熱閙更多美食品嚐，就擇左呢間食肆係門口已見人氣鼎盛呢度嘅吸引之處係可以一次過食到兩種特色美食，除左主打有任食火鍋放題外，仲可以網燒同鐵板燒兩擇一，咁當然價錢會有差別視乎大家想食邊種，我地就點左呢個C2套餐，基本上已經食得到其他火鍋配料之餘，仲有一個龍蝦海鮮網燒拼盤賣相十足有齊多款時令海鮮，再點埋火鍋湯底就開始食得，首先放左幾款時令海鮮燒住先同時，可以係自助區攞飲品同特色小吃食火鍋湯底亦凖備好可以放埋配料等一陣就有食，兩邊同時進行中，當然先品嚐係香噴噴嘅燒海鮮，每款時令海鮮雖然肉質會各有不同，但食落都一樣咁爽彈鮮甜又其龍蝦、蚌同鮑魚，入口啖啖肉口感十足，輪到火鍋有幾十款配料任食包保食得滿足，梗係要食番幾碟牛肉先再食埋特色丸類同自家製餃子，唔覺唔覺瘋狂一輪已經食到肚子飽飽，最後食番杯香滑軟雪糕一餐美味火鍋連海鮮網燒咁就食完。

肥佬興之所致嚟大埔探朋友，於是我同媽咪就周圍搵下野食之前係佐敦食過蒲頭島覺得唔錯，見到呢度個裝修幾好又無乜人，所以就入去試下。入到去先見到，真係比起等到發瘟嘅佐敦，大好多啊! 由於其實都無食一排，我都唔知而家佢地已經與時並進到用電子落單，不過，我試過之後，發現我地成家啲apps都唔係幾用到..... 好彩侍應好好咁走過嚟話幫我地落單。除咗電子落單嘅野食之外，其實佢地都有好多可以即食嘅野，種類都好多，特別係一啲finger food 然後終於上到我地嘅主菜海鮮盤啦!!! 我地見到嗰時真係覺得好大隻好靚~  龍蝦啲肉質好新鮮!!! 蜆肉好大份好彈牙~ 少有見到呢啲魷魚仔，因為真係好容易入口，又少係出面啲火鍋店食到自助嘅有牛柏葉拎，我鍾意佢切得幼，份量又唔係算多牛肉係任點架~ 所以我家肥佬食得好開心 ~ 其實我仲見到其他客係度同時間做鐵板燒，但我自己就廢事彈到成身都係就無咁做~  

早幾日屋企無飯開，就同細佬一齊出街搵食，之前放工行過見到有一間新開既火鍋店都好似唔錯，於是就諗住去試一試。 我地七點左右到，間舖都幾大間，好多位，咁可能我地早到既關係，都仲有好多位剩，睇睇menu都有唔同既食法，適合貪新鮮既我。可以有火鍋、火鍋及網燒同埋火鍋及鐵板燒。睇到見到有個set 包埋個限大埔店先有既海鮮大阪燒，自己又未試過整大阪燒，所以就一於試下。 叫左餐之後就周圍睇下，自助食品區都幾闊落，醬料區既調味品選擇都多，有D炸物既熟食區，有雪榚機，飲品櫃就有三個。另外，菜同埋D 簡單火鍋料都係自助任拎，例如有腸仔等。 佢點餐就係用qr code 點餐既，點餐都方便，火鍋個邊我地就叫左個清小小既湯底，瑤柱薏米冬瓜湯，跟手再點埋D火鍋配料，有蒲頭島牛拼盆、花彫肥牛、清酒豚肉、脆鯇魚片同埋鬼馬蝦膠，仲有D 丸類同埋雞。 至於個set 就仲有跟其他食品既，有白鱔串、大蟹柳、豚肋骨、黑松露帶子、芝士大冬菇。因為個鐵板需要時間預熱，所以我地食就食火鍋先，牛拼盆幾好，有齊牛肩胛肉、一口牛、肥牛同埋牛脷片。 火鍋食到差唔多，個鐵板都熱了，咁就開始燒野，我拎埋牛拼盆入面既一口牛同埋肥牛黎燒。 個蟹柳燒

平時好少過海，今日同老婆去完大埔踩單車，我地兩個都超餓，好想食d 任食既類似自助餐既晚飯！係Openrice 見到呢間係新開，任食之餘仲可以一邊打邊爐一邊鐵板燒！好正！即刻決定食呢間！我地6點就去到，可能太早，餐廳無乜人。本身驚驚地會唔會好伏，點解無人。但最後係超級驚喜佢地有幾個餐比你揀，每個價錢都唔同，大約$100-$3xx, 我地揀左個中間，每人$248 又有打邊爐又有鐵板燒拼盤，任飲任食！餐廳都幾大，張枱好大張坐得好舒服。樓底夠高，唔會覺得入面好焗好油煙。坐坐下都越黎越多人入黎。打邊爐湯底我地揀左麻辣豬骨湯，夠麻又夠辣，食得辣先好叫！火鍋配料係自己出去自助既，另外有個QR code 比你上網任叫，好cyber!!! 配料選擇唔算好多，但你會覺得夠晒食，因為仲有個鐵板燒。同埋竟然有田雞！！我同老婆都好鍾意食田雞！叫左幾轉，好滑好正鐵板燒個拼盤勁多，有大扇貝，芝士大啡菇，大判燒等等，有兩條蟹柳條真係好好好好食，燒完後個皮煙煙韌韌咁！扇貝上面佢放左勁大舊松露醬！好香口好好食！！其實佢地個醬料Bar 好多款醬，竟然有埋松露醬！！痴線的，2百幾蚊佢搞到咁豪，唔知佢點賺。我見隔離枱食另一個餐