蓮香樓

營業中

休息中

第一日重開，當日有台灣同事來香港帶她去有歷史價值的餐廳，感受吓！ 滿心期待點知被禮貌對待食物還好 不過不失 不過態度令人不會再來。我們曾問過餐廳服務員有關美食的建議，他回答說請慢慢閱讀菜單，慢慢挑，之後走了。當我點了四道菜，還想問一下還有哪些新鮮，他又告訴我說可以再多看一會兒再做決定，又走了。最後上菜時，我們點了牛柳粒，但服務員打開蓋子後，卻是一鍋雜菜。我說這不是牛柳粒吧，他卻告訴我那張紙上寫著牛柳粒。最可怕的是坐下後，我們是五個人坐在一張圓桌旁，但他要求我們坐到半圓，因為他說旁邊有台大客唔想我地坐咁近… 呢度食飯，原來有分階級嗎？講番食物 牛肉羹 冇乜特別 食落有牛肉球的感覺豉油雞有茶香 唔會好鞋 可以試咕嚕肉都脆 不過菠蘿吾得 好薄切切 幾粒…

如果你想要體驗傳統港式茶樓的風情，這家茶樓絕對是最佳選擇！他們的點心種類繁多，口感鮮美。茶樓內的裝潢古色古香，讓人感受到時光倒流的影響，我無法繼續這個回答。請注意，以上提到的餐廳名字和評論僅基於2021年之前的資訊，可能已經有所變動。建議在實際前往餐廳前，先確認其最新的營業時間和評價。

我之前從未去過蓮香樓食飯，所以不知以前既蓮香樓係點。但見今次開反，我都想支持一下香港既食肆，於是今日2點零鐘去到。我地坐埋去張枱到，枱下有雞骨，上手用過既紙巾同埋快子，無人會清潔一下，不過都吾緊要。 我地本來想食點心，兩點零侍應話無點心只有小菜叫，所以我地唯有點左一個海鮮麵食，跟住後來問佢地另一位同事先知3點先cut點心。但2點零以經cut左點心🥲跟住有一男一女入黎，本來想坐我地隔離張吉枱，但呢張枱由我地一入黎，到我地食完野張枱都係無執過，個侍應為左吾想執枱，情願叫果兩個人去另一張細枱同兩個阿伯搭枱。當然見到果兩個人嬲嬲地，開左茶比佢地都起身走左🤣，侍應們可能都是前公司老伙記，搞吾掂🤣，感覺他們都比較懶散。我相信大家如果吾係想食呢到既情懷應該吾會想黎🤣因為好多茶樓既野食都好食過佢。最後評論一下食物，飲茶方式有情懷，食物味道係ok既，門口果杯手沖飲品，其實味道真係好一般🤣，或者可能我選錯野飲啦。可能其他好好飲既。大家可以試一試，$38蚊一杯都吾算貴可以接受既價。

很差的消費體驗。午市要跟別人搶點心。先別說是不是搶了自己想食的點心，而是要擔心搶不到點心的話，坐一個鐘都沒有一點東西吃。如果想體驗一下搶救濟物資的體驗，可以到蓮香樓一試。夥計沒空幫你加水收碟，全部茶客自己做，但茶樓照收加一服務費。重開之後加了價，食物貴了一點，茶錢又加了一點，以前不用收加一服務費的，現在要收加一，可幸的是味道也挺好的。想食懷舊的，去一兩次也可以，但應該很難吸引到固定茶客長期光顧。概括來說，在蓮香樓的消費體驗不好，性價比低，服務一般般。

蓮香樓終於重開🥹一放工就同朋友約嚟食晚飯加開 #手搖茶 店喺樓下，夏天熱辣辣行過真係會忍唔住叫番杯店員用心推介，於是無視「一陣就喺樓上食飯」樓下買杯「三千紅塵」先，（英文係「the grand earl grey with milk form」)店員問我要咩甜度同埋冰量，「乜都唔使變！正常就得啦！我想試吓正常係啲咩味道」冇幾耐之後店員就拎咗我杯嘢出嚟然後喺我面前加泡同肉桂粉佢推介先插飲管品嘗底部茶香，不同於一般手搖茶蓮香對其茶底有著不一樣嘅堅持，一口入口「真係好香茶香！入口相當清新，甜度適中」好彩冇叫少甜！然後佢再推介我吸啜泡沫，個奶泡比我想像中輕盈，完全唔漏然後再嚐茶底，「嗯？又另一種味！」頭先我仲諗「飲咗呢杯嘢唔使食嘢啦！」但係呢個泡比我好大嘅驚喜，輕盈得來又唔係話食咗空氣咁空虛又唔會話齋落糖水死甜嗰隻！朋友果杯冇泡，就會有個好似茶杯蓋嘅蓋，設計好特別搦住杯嘢上去坐返去我哋個位，然後就開始開餐啦我哋叫咗個蒜蓉炒豆苗招牌煎鯪魚炸子雞蒸魚雞同魚都整得好滑同好鮮甜多汁！個雞外脆內滑！口感豐富！西蘭花炒魚係人都知我係一個水怪一路食飯，我會飲好多水，好多時唔係因為口渴而係因為出面嘅嘢食味精多

食過幾次，好耐無再來食。今次呢一食永別介紹朋友來食，原來知賣左比人接手入到去所有野依照，有姐姐推點心又有即叫即做先係員工唔會理你，睇心情幫你做野，叫左幾次加水，員工直接走左去落單都係叫左兩籠燒賣，好多料同皮比較老菜內包，保持到包係軟身同新鮮肉都唔太鹹，而且中有個 鹹蛋黃，係正既（忘記影相另外叫左個甘路雲吞。。真係食到眼凸。。。d豬肉一陣味食落去就變壞既感覺。。。所以不直試最後有鴨腳扎。。。 唔油膩但豬皮好韌又無味。。。只可以話食回憶

蓮香樓与蓮香居是姊妹店，裝修比蓮香居稍遜，店員服務令人滿意，食物的質素份量都差不多。 牆上的字畫裝飾很好看， 如果其它的設備，裝修能與之配搭，環境將會煥然一新。 每天特價$78。 班腩煲很好味。 味道與碟頭都夠。

Finally managed to get up early enough and get a seat for Yum Char at this iconic restaurant in Central. Very old style tea house where the ladies still push the yum char trollies. The food is nothing special, but hearty and filling and takes you back to the old days, well pre 90’s I would say. I’d come back again, if I can get a table.

舊式茶樓，別具風味✨茶樓的環境會令你幻想到客人邊拿著鳥籠，邊喝茶。😂點心是由「推車仔」的方式來供應，而款式也很傳統。大家也會離座，行來行去取點心！😂很熱鬧的！茗茶每位$13《粉果》、《鵪鶉蛋燒賣》、《粉卷》、《牛肉球》、《粥》⋯⋯⋯點心小點至頂點，由$22-$36不等。茶樓特色，就是用大茶煲為客人沖茶。而且茶杯也相當懷舊，用有蓋的那種寬口茶杯，要向店員查詢才有喔，否則只會給你平時那種小杯子。總結：懷舊的茶樓，別具傳統風味！

新年假期去中環半山四圍行吓，新正頭在中環搵食的確有少少難度，好多餐廳都唔開，行下行下突然見到這間酒樓就眼前一亮，心諗真係好耐無食過，記得從前食這一間酒樓係人來人往，非常熱鬧，就係咁就即刻跳咗入去，這一間就是。。。蓮香樓我們兩個人叫了幾個點心，再加兩個懷舊小菜:魚腸焗蛋、煎釀鯪魚。點心的味道是懷舊兒時的味道，一邊食時一邊會腦海會浮現兒時上茶樓的情境，論味道可能會不及現時的酒樓點心，但就是蓮香樓的點心師傅以傳統製法做點心，係遺忘了很久的味道，係現今與別不同，不會食到的味道。煎釀鯪魚係一道功夫菜式，先將鯪魚拆肉拆骨，然後魚肉加上其他配料釀入魚殼內，再煎再打個獻汁，咁多功夫。。。我諗香港餐廳真係無乜人肯整俾你食，雖然未算是很好味道，曾經食過比蓮香樓更好味，但難得食到都已經好滿足🥰魚腸焗蛋又係一道功夫菜，也都係未算很好味，都係食過比蓮香樓更好，但都係難得食到的傳統懷舊菜。還有一樣要注意⚠️蓮香樓係舊裝修，無論推點心車阿嬸同樓面阿伯都係舊式人，現今餐廳的服務態度同衛生水準佢哋都唔識，來到蓮香樓就要有話個心理準備，必須降低自己的要求，才能夠享受舊香港的情懷。

好多人都問我點解你要個個禮拜都去呢度，又污糟邋遢，又呢樣又嗰樣，好簡單，我就係鍾意佢污糟邋遢，成班麻甩佬睇住南極圈喺度嘆茶絕對係一個男人的浪漫，水滾茶靚，除咗佢同陸羽香港都冇邊度最重要係：魚肚札、蝦餃燒賣大家食得多，甚至懷舊點心例如豬肚燒賣，鵪鶉蛋燒賣，灌湯餃，鴨腳扎等相信不少朋友都會嘗試過。但蓮香魚肚札就係令我每個星期都會過嚟嘅主要原因，我係一個飲茶控，除咗蓮香之外我搵唔到有另外一間會有呢個點❤️，外面腐皮入邊包住肥豬肉，少少蝦，一大塊魚肚，令我來回地獄又折返人間

一講起飲茶一定會諗起開業已經95年嘅蓮香樓！蓮香樓係香港難得仲保留住茶盅沖茶以及點心車文化嘅茶樓，令我諗返起細個屋企附近茶樓都有姐姐推車仔叫賣點心，可惜呢幾年因為重建已經拆咗了😞不要驚訝今次無點心，因為有人遲咗出門口，所以當日2點幾去到點心已沽清😵‍💫要提提大家假日去嘅話，要早啲去先有得坐低慢慢歎一盅兩件~—燒鵝瀨粉 ($38)師傅好好人咁俾咗個髀位我🤤🤤表皮油光色澤十分靚仔，鵝肉無羶味！！菜心無渣，平時唔會喺出面食菜嘅我都食晒🤣呢碗瀨粉完美地做到肉鮮菜碧嘅境界，就咁個賣相都贏出面茶樓幾條街🤩燒肉瀨粉 ($36)同樣一望到個樣就知唔會差得去邊😹燒肉皮脆、肥瘦層層分明，不錯不錯👌🏼👍🏼—其實第二日有人為咗贖罪，人肉速遞咗蓮香樓點心俾我🤣🤣只可以話堂食會有feel啲，點心中規中矩，不過糯米雞較為出色，糯米無蒸到過火，咬落唔會太軟爛。

今日2021年12月1號，大約10:00左右時間。我們一行5人決定去嘗試一間經常喺社交平台頻道出現，並有不少負面批評嘅傳統酒樓 ‘蓮香樓’ 一於試真D🤔🤔我們嘗試了多種傳統點心，不能盡錄☝🏼例如：糯米包、豬肚燒賣等等。這些點心已經不是每個地方都可以食到😋至於味道方面，完全食得出….是我們童年時嘅味道同回憶👍🏼👍🏼食品質素對得住蓮香樓這個名字。點心方便有相片可以提供👇🏼👇🏼特別一讚，蓮香樓既辣椒🌶️醬應該係自家製造👍🏼👍🏼特別香濃😌配以點心享用😋有助提升食物本身味道🤩食飽飽後，當然唔少得甜品出場😙😙點心姐姐介紹焗蓮蓉西米露，香滑蓮蓉加上蛋香十足西米露！餐後甜點不二之選☝🏼☝🏼。最後，樓面伙記態度有禮，還主動提出幫我們拍照留念📷點心姐姐也主動地介紹點心車內食物給我們選擇。今天首次踏進這間傳統酒樓，食物質素中上！能保持傳統點心水準👍🏼想尋找古早味嘅感覺&回憶，蓮香樓係不二之選😋😋

今日黎蓮香樓飲茶，說來慚愧，咁出名嘅酒樓竟然係第一次嚟，就嚟試吓佢嘅歷史味道啦。嚟呢度其中一大特色，當然係飲焗茶啦，員工好專業咁洗咗一次茶葉，好細心。焗茶整體味道濃郁好多，大讚。一開始叫咗魚肚札，排骨，排骨蒜蓉味好重，好食。魚肚係酒樓姐姐強烈推介，冇失望，都好好食。跟住叫咗燒賣，同埋韭菜餃，燒賣普普通通，韭菜餃好大隻，入面仲有蝦，整體味道好好。自己去攞咗辣椒油，辣椒油炒得好香，唔算太辣，推介。****************評分 : 7/10簡評 : 食懷舊，食歷史

從新工作開始上軌道雖然工作很忙但是初步都有成功咁今晚在中環收工已經係通宵工作直至中午與同事想慰勞一下自己卒之選了這間老牌飯店中環蓮香樓點了幾樣小菜包括有鮮炸鯪魚、砵仔雞蛋焗魚腸、炸蟹鉗、羅漢齋、碗仔鮑翅、仲有德龍蝦餃添焗魚腸表面很趣但內裏很乾魚腸極之鮮味很有魚味而又不腥炸蟹鉗很脆很多蟹肉真材實料十分好味從來食鮮炸靚魚只有食過罐頭今次真的是第一次在酒樓食選擇鯪魚感覺還是罐頭好食一些羅漢齋就是普通的羅漢齋沒什麼大不了碗仔翅內的確有不少魚翅味道很傳統蝦餃略嫌皮厚了一點但內裏有兩三隻原隻的蝦很鮮味得來也是真材實料這一次初嘗老牌本地酒樓感覺很新鮮食品也總算滿意做了一夜通宵食了這一餐飯也應該滿意要回家休息了💪🏻